လာရောက်လည်ပတ်သူအားလုံး ကိုယ်စိတ်နှစ်ဖြာ ကျန်းမာရွှင်လန်းကြပါစေ ...

ဥပုသ်သီလနဲ့ သနပ်ခါးလိမ်းသင့်ပါသလား

ဒါလေးကလဲ အထူးသဖြင့် အမျိုးသမီးများအတွက် သိထားသင့်လို့ ဖတ်ဖူးခဲ့တာလေးကို ပြန်တင်ပေးလိုက်ပါတယ်ဗျာ...

အမေး။ ။ အရှင်ဘုရား…တပည့်တော် ၀ါတွင်းဥပုသ်နေ့တွေမှာ ဥပုသ်စောင့်ပါတယ်ဘုရား၊ ဒါပေမဲ့ ရုံးသွားရတော့ သနပ်ခါးလိမ်းပါတယ်ဘုရား၊ (မိတ်ကပ်ပြင်၊နုတ်ခမ်းနီဆိုးခြင်းမဟုတ်ပါ) တရားစခန်းမှာတော့ တပည့်တော်မလိမ်းပါဘူးဘုရား။ ရုံးသွားပြီးအလုပ်လုပ်ရတာဖြစ်တော့ မျက်နှာပြောင်နဲ့သွားဖို့ မကောင်းဘူးထင်လို့ပါ၊သနပ်ခါးလိမ်းတဲ့အခါမှာတော့ လှပလိုတဲ့အတွက် လိမ်းခြယ်ခြင်းမဟုတ်ပါဘုရား။ လူမြင်တင့်တယ်ရုံ သနပ်ခါးလူးတယ်လို့ နှလုံးသွင်းပါတယ်ဘုရား၊ ဒီလိုပြုလုပ်တာဟာ သီလပျက်ပါသလားဘုရား။
တပည့်တော်တွေးမိတာတစ်ခုရှိသေးတယ်ဘုရား၊ တကယ်လို့ သနပ်ခါးလိမ်းတဲ့သီလတစ်ပါးကျိုးရင် ကျန်တဲ့ ၇ ပါး ရနိူင်ပါသေးတယ်လို့ တွေးမိပါတယ်။ အဲဒါဟုတ်ပါသလားဘုရား။

အဖြေ။ ။ဥပုသ်သီလယူပြီး သနပ်ခါးစတာတွေ လိမ်းကောင်းသလားဆိုတာနဲ့စပ်လို့ ၈-ပါးဥပုသ်သီလကို အရင် စစ်ကြည့်ရပါမယ်။ ဒီ ဥပုသ်သီလ မှာ ဌာနာပါတဲ့သိက္ခာပုဒ်နဲ့ ဌာနာမပါတဲ့သိက္ခာပုဒ်ဆိုပြီး သိက္ခာပုဒ် နှစ်မျိုးရှိပါတယ်။ ဒီရှစ်ပါးအနက် သုရာမေရယ သိက္ခာပုဒ်ဟာ ဌာနာပါပါတယ်။ နစ္စ ဂီတစတဲ့သိက္ခာပုဒ်မှာလဲ ဌာနာပါတယ်။ ကျန်တဲ့ ခြောက်ပါးမှာတော့ ဌာနာမပါပါဘူး။
ဌာနာဆိုတဲ့ပုဒ်ဟာ အကုသိုလ်ဖြစ်ခြင်းရဲ့အကြောင်းသာ ရှိပါသေးတယ်။ အကုသိုလ်မဖြစ်သေးပါဘူး။ဒါနဲ့စပ်လို့ ဌာနာမပါတဲ့သိက္ခာပုဒ် တွေမှာ ပါဏာတိပါတ သူတစ်ပါးအသက်မသတ်ခင်မှာလဲ ဒေါသဖြစ်တယ်၊ သတ်ဆဲအခါမှာလဲ ဒေါသအကုသိုလ်ဖြစ်တယ်၊ သတ်ပြီးတဲ့အခါမှာလဲ အကုသိုလ်ဖြစ်တယ်။ ဒါကြောင့် ပါဏာတိပါတစတဲ့ ဌာနာမပါတဲ့သိက္ခာပုဒ်ခြောက်ပါးဟာ မပြုခင်မှာလဲ အကုသိုလ်ဖြစ်တယ်၊ ပြုဆဲမှာလဲအကုသိုလ်ဖြစ်တယ်။ ပြုပြီးမှာလဲ အကုသိုလ်ဖြစ်တယ်။
ဌာနာဆိုတဲ့ပုဒ်ပါတဲ့ အရက်သောက်ခြင်ွးဟာ အကုသိုလ်ဖြစ်ချင်းရဲ့အကြောင်းပဲရှိပါသေးတယ်။ အရက် မသောက်မီကလဲ အကုသိုလ်မဖြစ်ပါဘူး၊ သောက်ဆဲမှာလဲ အကုသိုလ်မဖြစ်ဘူး၊သောက်ပြီးတဲ့အခါမှာသာ တကယ်အကုသိုလ်ဖြစ်တော့မှာပါ။
နစ္စ၊ ဂီတစတဲ့ ကခုန်၊တီးမှုတ်၊သနပ်ခါးလိမ်းတာတွေဟာလဲ မပြုမီက အကုသိုလ်မဖြစ်ပေါ်သေးပါ၊ ပြုဆဲမှာလဲ အကုသိုလ်မဖြစ်ပေါ်သေး ပါ။ ပြုပြီးတဲ့နောက်ပိုင်းမှာ အကုသိုလ်ဖြစ်ရတာပါ။ ဒီလို နောက်မှဖြစ်ပေါ်ရတဲ့အတွက် ဌာနာ သဒ္ဒါ ပါပါတယ်။
ဒါကြောင့် အရက်သောက်ခြင်း၊ သနပ်ခါးလိမ်းခြယ်ခြင်းစတာတွေ ပြုလုပ်ပြီးမှ သီလာယူတာဟာ မအပ်မဟုတ်၊ အပ်ပါတယ်။သို့သော် လည်း သီလခံယူပြီးတဲ့နောက် သနပ်ခါးလိမ်းဖို့ရာ မအပ်တော့တဲ့အတွက်ကြောင့် သီလယူပြီးတဲ့အခါ လိမ်းခြယ်ထားတဲ့သနပ်ခါးတွေကို ပယ်ဖျက်ရပါမယ်။
နောက်တစ်ခုက ရှစ်ပါးသီလကို တစ်ပါးစီဆိုပြီး ရှစ်ပါးစလုံးယူထားရင် တစ်ပါးပျက်က ကျန်ခုနှစ်ပါးရှိပါသေးတယ်။ ဒါပေမဲ့ ရှစ်ပါးစလုံးကို တစ်ပြိုင်တည်း ယူလိုက်မယ်ဆိုရင် တစ်ပါးပျက်က အားလုံးပျက်သွားပါကြောင်း ထပ်လောင်း ဖြေကြားပေးလိုက်ရပါတယ်။
 
Ref: venkawwida.com

No comments:

Related Posts Plugin for WordPress, Blogger...