လာရောက်လည်ပတ်သူအားလုံး ကိုယ်စိတ်နှစ်ဖြာ ကျန်းမာရွှင်လန်းကြပါစေ ...

မာရ်နတ်အကြောင်း

သိပ်တန်ဖိုးရှိတဲ့ ပို့စ်လေးပါ မာန်နတ်ဆိုတာ အခုမှ စုံစုံလင်လင် သိခွင့်ရတာအကျိုးများ၏။

၁-မာရ်ငါးပါးဆိုတာ မာရ်နတ်ငါးယောက်ကိုပြောတာလား ??
၂-ဘုရားမရှိတော့ပေမယ့် သိကြားမင်းတို့နတ်ပြည်ကို
ဘာလို့သွားမသိမ်းလဲ ??

၃-ဘိက္ခုနီသာသနာကိုကျတော့ ဘာလို့ မနှောက်ယှက်ခဲ့တာလဲ ??

၎-ဘုရားကို ပရိနိဗ္ဗာန်စံခိုင်းတာ မာရ်နတ်အကြီးမဟုတ်ဘူးလို့ဆိုတယ်၊
မာရ်နတ်သေးသေးလေးတဲ့မာရ်နတ်ကြီးကသာစံခိုင်းရင်ချက်ချင်းစံရမှာဆိုတာဟုတ်လား ??

၅-မာရ်နတ် ခိုင်းလို့ ပရိနိဗ္ဗာန်ပြုတာလား၊ ဝက်သားစားလို့လား ??

၆-မာရ်နတ်အခုဘယ်မှာလဲ ??

၇-မာရ်နတ်ကို နှောင့်ယှက်လို့မရအောင် ဘုရားကဘာလို့ တန်ခိုးနဲ့ မတားလဲ ??

၈-ရှင်ဥပဂုတ်ကမာရ်နတ်ကို ဆုံးမတယ်ဆိုတာ ဟုတ်လား ??

မာရ်ရဲ့အကြောင်းလေး အရင်ရှင်းရအောင် မာရ်ဆိုတာ မာရဆိုတဲ့ ပါဠိကနေလာတာ မာရဆိုတာ သေခြင်း၊ သေစေခြင်းလို့ အဓိပ္ပါယ်ရတယ်။
မာရ်ဆိုတာ သေတတ်တဲ့သဘော သေအောင်သတ်တတ်တဲ့သဘောကိုပြောတာ။

☆☆မာရ် (၅)ပါးကို အကျဉ်းလေး ပြောပြမယ်။
***************************************
(၁) ကိလေသမာရ်
(၂) ခန္ဓမာရ်
(၃) မစ္စုမာရ်
(၄) အဘိသခါင်္မာရ်
(၅) ဒေဝပုတ္တမာရ်

☆ ကိလေသမာရ် ဆိုတာ တစ်ထောင့်ငါးရာကိလေသာတွေကိုပြောတာ လောဘ၊ ဒေါသ၊ ဣဿာ၊ မစ္ဆရိယ အစရှိတဲ့ ကိလေသာတွေဟာ စိတ်ကို ပူလောင်စေတတ်တယ်၊ ညစ်နွမ်းစေတတ်တယ်၊ ပင်ပန်းဆင်းရဲအောင် နှိပ်စက်တတ်တယ်။
ဒီကိလေသာတွေ ရှိနေသရွေ့ကတော့ သံသရာမှာ တလည်လည်နဲ့ အမြဲသေနေဦးမှာပဲ။
ဒီလိုသေစေတတ်လို့ ကိလေသာကို မာရ်လို့ခေါ်တယ်။

☆ ခန္ဓမာရ် ဆိုတာ ဒီခန္ဓာ ၅ပါးကို ပြောတာပဲ။ ခန္ဓာရှိသရွေ့ သေနေဦးမှာပဲ။
ဘယ်ခန္ဓာဖြစ်ဖြစ် သေနေဦးမှာပဲ။
သေတတ်လို့ ခန္ဓာ ၅ပါးကို မာရ်လို့ခေါ်တယ်။

☆ မစ္စုမာရ် ဆိုတာ သေခြင်းတရားပါပဲ။ မရဏကိုပြောတာပေါ့။
သေတတ်တဲ့ မစ္စုကို မာရ်လို့ခေါ်တယ်။

☆ အဘိသခါင်္မာရ် ဆိုတာ ကိုယ်ပြုထားတဲ့ ကုသိုလ်ကံ၊ အကုသိုလ်ကံတွေကိုပြောတာ။

ကုသိုလ်ကံကြောင့် ကောင်းတဲ့ဘဝရောက်မယ်။ အကုသိုလ်ကံကြောင့် မကောင်းတဲ့ဘဝ ရောက်မယ်။ ဘယ်ဘဝရောက်ရောက် သေမှာပဲ။
သေစေတတ်လို့ အဘိသခါင်္ကို မာရ်လို့ ခေါ်တယ်။

☆ ဒေဝပုတ္တ မာရ်ဆိုတာ မာရ်နတ်ကို ပြောတာ။
မာရ်နတ်ဟာ သတ္တဝါတွေ သံသရာဝဋ်က လွတ်မှာကြောက်တယ်။
၃၁ဘုံ ဘယ်ကိုသွားသွား သူသဘောကျတယ်။
လွတ်ထွက်သွားမှာကြောက်လို့ လွတ်ကြောင်းလုပ်ရင် နှောင့်ယှက်တယ်။
မာရ်နတ် အနှောင့်အယှက် ခံရရင် သံသရာလွတ်ကြောင်း မလုပ်ဖြစ်တော့ဘူး။
၃၁ဘုံမှာပဲ ပျော်မွေ့တော့တယ်။ ဘယ်ဘုံဖြစ်ဖြစ် သေမှာပဲ။
ဒီလိုသေစေတတ်လို့ ဒေဝပုတ္တမာရ်နတ်ဟာလည်း မာရ်ပါပဲ။
ဒီတော့ မာရ်ငါးပါးဆိုတာကမာရ်နတ် ငါးပါးကိုပြောတာမဟုတ်ပါဘူး။
မာရ်နတ်ကလည်း ငါးယောက်မက ရှိနေနိုင်ပါတယ်။
ဘုရားနဲ့သံဃာတွေကို နှောင့်ယှက်တဲ့ မာရ်နတ်ကတော့ သူတစ်ယောက်တည်းပါပဲ။
၁ ရဲ့အဖြေ ပြီးပါပြီ။
မာရ်နတ်ဟာ နတ်ပြည် ၆ထပ်မှာ အထက်ဆုံး နတ်ဘုံမှာနေတယ်။
နတ်ပြည် ၆ထပ်ရဲ့ စည်းစိမ်နဲ့ သက်တမ်းလေး နည်းနည်းပြောပြမယ်။

☆စတုမဟာရာဇ်နတ်ပြည်ဆိုတာ မြင်းမိုရ်တောင်ရဲ့ အလယ်မှာရှိတယ်။
ဓတရဋ္ဌ၊ ဝိရုဠှက၊ ဝိရူပက္ခ၊ ကုဝေရဆိုတဲ့ နတ်မင်းကြီး လေးပါးက အုပ်ချုပ်တယ်။
စတုမဟာရာဇ်နတ်တွေဆိုတာ အလွန်တန်ခိုးကြီးတယ်။
သက်တမ်းက နှစ်ပေါင်း ၅၀၀ ရှိတယ်။
လူသက်နဲ့ဆို အနှစ် ၉သန်းရှိတယ်။

☆တာဝတိံသာ သူ့ထက်ပိုပြီးမြင့်တယ်။ မြင်းမိုရ်တောင်ထိပ်မှာ ရှိတယ်။
သိကြားမင်း ဦးမဃနဲ့တကွ ၃၃ယောက်သောနတ်မင်းကြီးတို့ အုပ်စိုးတယ်။
အခေါင်နတ်မင်းကတော့ ဦးမဃပဲ။ (မာဃမဟုတ် မဃသာအမှန်)
တခြားနတ်မင်းတွေလည်းရှိတယ်။ နတ်သားတစ်ယောက်တောင်မှ နတ်သမီးအခြွေအရံ
၅၀၀ ခြံရံပြီး ကာမဂုဏ်ချမ်းသာကို ခံစားတယ်။
သက်တမ်းက နှစ်၁၀၀၀ လူလိုတွက်ရင် ၃ကုဋေ၆သန်းရှိတယ်။

☆ယာမာကနေစပြီး ဘုံဗိမာန်တွေဟာ ကောင်းကင်ယံမှာတည်တယ်။
ယာမာနတ်တွေကို ဆင်းရဲခြင်းကင်းသောနတ်တွေလို့ခေါ်တယ်။
နတ်ချမ်းသာကိုချည့် သီးသန့်ခံစားတဲ့နတ်တွေ။
သက်တမ်းက နှစ် ၂၀၀၀ လူလိုတွက်ရင် ၁၄ကုဋေ၄သန်းရှိတယ်။
နတ်ဘုံတိုင်းမှာ ကိုယ့် နတ်မင်းကြီးနဲ့ကိုယ်ရှိတယ်။
ယာမာ နတ်ပြည်အတွက်တော့ သုယာမနတ်မင်းက အခေါင်နတ်မင်းကြီးပဲ။
☆တုသိတာနတ်ပြည်ဆိုတာ အလွန်နှစ်သက်ရွှင်လန်းတယ်။
ဘုရားလောင်းနဲ့ မယ်တော်ဟောင်းတွေဒီဘုံမှာ လာဖြစ်ကြတယ်။
အခေါင်နတ်မင်းကြီးက သန္တုဿိတနတ်မင်းပဲ။
သက်တမ်းက နှစ် ၄၀၀၀ လူလိုဆို ၅၇ကုဋေ၆သန်းရှိတယ်။

☆နိမ္မာနရတိနတ်ပြည်ဆိုတာ ကိုယ့်စည်းစိမ်ကိုယ်စိတ်ကြိုက် ဖန်တီးလို့ရတယ်။
အောက်ကနတ်ပြည်တွေက ကိုယ့်ကုသိုလ်ကံအလိုက် ဘုံဗိမာန် အစရှိသဖြင့် ရတယ်။
ဒီနတ်ပြည်ကတော့ စိတ်ကြိုက် ဖန်တီးပြီး ခံစားလို့ရတယ်။
လိုတာထက်ပိုပြီးခံစားလို့ရတယ်။
သက်တမ်းက နှစ် ၈၀၀၀ လူလိုဆို ၂၃၀ကုဋေ၄သန်းရှိတယ်။
ကျောင်းတကာမကြီး ဝိသာခါ သေတော့ ဒီဘုံကို ရောက်တယ်။

☆ပရနိမ္မိတဝဿဝတီနတ်ပြည်က နတ်ပြည် ၆ထပ်မှာ အမြင့်ဆုံးပဲ။
စည်းစိမ်ကလည်း ကိုယ်တိုင်တောင်ဖန်ဆင်းစရာမလိုဘူး။
ကျွန်အစေအပါးနတ်တွေက ဖန်ဆင်းပေးတယ်။
သူတို့က လိုတာထက်ပိုပြီး ခံစားချင်ရင်တောင် သူများဖန်ဆင်းပေးရတယ်။
သက်တမ်းက နှစ်ပေါင်း ၁၆၀၀၀ လူလို ၉၂၁သန်းအထိ ရှည်ကြာတယ်။
မာရ်နတ်က ဒီဘုံမှာနေတယ်။ အခေါင်နတ်မင်းကြီးတော့ မဟုတ်ဘူး။
မာရ်နတ်သားပဲ။ အခေါင်နတ်မင်းကြီးက ဝဿဝတီနတ်မင်းကြီး သပ်သပ်ရှိတယ်။
မာရ်နတ်ကို စင်ပြိုင်လို့တော့ သတ်မှတ်လို့ရတယ်။ သူ့တပည့်တွေက များတာကိုး။
ဗိုလ်ဆိုလည်း သူပုန်ဗိုလ်ပဲဆိုပါတော့။
မာရ်နတ်က ပုံထဲကလို ရုပ်ဆိုးဆိုးမဟုတ်ပါဘူး။
ကာမာဝစရနတ်ပြည် ၆ထပ်မှာ အချောအလှဆုံးနတ်တွေထဲက တစ်ပါးပါ။
အားကြီးတဲ့ ကုသိုလ်ကံတွေ ပြုခဲ့ဖူးသူပါ။
ဒီလောက်ဆို မာရ်နတ်က သိကြားမင်းကို ဘာလို့ သွားပြီး မတိုက်ခိုက် မသိမ်းပိုက်သလဲ
သိလောက်ပြီပေါ့နော်။

သူ့နေရာလောက်မှ စည်းစိမ်ချမ်းသာမရှိ။ သက်တမ်းမရှည်တဲ့နေရာကို သူကဘာလုပ်ဖို့လာသိမ်းမလဲ။ မာရ်နတ်က ဒီလောက်မအဘူးလေ။
၂ ရဲ့အဖြေပြီးပါပြီမာရ်နတ်ဆိုတာ သံသရာလွတ်ကြောင်းကလွဲရင် ဘာလုပ်လုပ် အမြဲအကောင်းမြင်တယ်။
သံသရာလွတ်ကြောင်း လုပ်လို့ကတော့ နည်းမျိုးစုံနဲ့တားတယ်။
သိဒ္ဓတ္ထမင်းသား တောထွက်ချိန်မှာလည်း တားခဲ့တယ်။
ဘုရားဖြစ်ကာနီးချိန်မှာလည်း လေကြီးမိုးကြီး ပြာပူမီးနဲ့ မှောင်ကြီးတစ်တန်
ဓားလှံမကြွင်း ပစ်ခတ်ခွင်းပြီး နှောင့်ယှက်တယ်။
ဘေးနားမှာရှိနေတဲ့ ဘုရားဖြစ်တာနဲ့ ကြိုဆိုမယ့်သူတွေ
ထွက်ပြေးကြတယ်။
သိကြားမင်းက ခရုသင်း၊ ဗြဟ္မာမင်းက ထီးဖြူ၊ ပဉ္စသိင်္ခနတ်မင်းက ဗေလုဝစောင်း။

ကိုယ့်ပစ္စည်း ဘယ်နားကျန်မှန်းတောင်မသိအောင် ထွက်ပြေးကြတယ်။
(တကယ်တော့ ဗေလုဝစောင်းက မာရ်နတ်ရဲ့အပိုင် ဘုရားလောင်း ၆နှစ်လုံးလုံး
အပြစ်လုပ်ရင်ထောက်ပြပြီး ပျော်ပျော်ပါးပါးတီးဖို့ ဂျိုင်းကြားညှပ်လာတာ။
၆နှစ်လုံး အပြစ်တစ်ချက်မှ မရှိတဲ့ ဘုရားလောင်းကို စိတ်ပျက်လက်ပျက်
စောင့်ကြည့်ရင်းက ထွက်ကျနေခဲ့တာ။ ဒါကိုသိကြားမင်းက ကောက်ပြီး ပဉ္စသိင်္ခနတ်မင်းကို
ပေးလိုက်တာ ###
^^^ဒီနေရာမှာက ကျမ်းညှိစရာတွေများတာရယ် ပို့စ်နဲ့လည်းသိပ်မဆိုင်လို့ဒီလောက်ပါပဲ)
သမီးတော် သုံးယောက်ရဲ့ အလှအပ၊ အတွေ့အထိ၊ အမွှေးနံ့သာ၊ အရက်သေစာ
မျိုးစုံနဲ့ နှောင့်ယှက်တယ်။
မရဘူး။
အရုဏ်တက်ချိန်မှာပဲ အရဟတ္တဖိုလ်အထွတ်တပ်တဲ့ အာသဝေါတရားတို့ အမြစ်မကျန်
ဖယ်ရှားပြီး သဗ္ဗညုတဉာဏ်ကို ရသွားတယ်။
ဒီတော့ သတ္တသတ္တာဟ ၄၉ရက်ရဲ့ အလွန် အဋ္ဌမသတ္တာဟ အဇပါလညောင်ပင်ကို
ဘုရားနောက်တဖန် ပြန်ရောက်ချိန်မှာ မာရ်နတ်က အချိုသပ်နဲ့ လာတောင်းပန်တယ်။

အရှင်ဘုရားအနေနဲ့ အရဟတ္တဖိုလ်လည်း တိုင်ပါပြီဘုရား။
အရှင်ဘုရား ပရိနိဗ္ဗာန်ပြုပါတော့လို့ လာတောင်းပန်တယ်။
ဘုရားက ပြန်ပြောတယ်။
ငါဘုရားမှာ ဘိက္ခု၊ ဘိက္ခုနီ၊ ဥပါသကာ၊ ဥပါသိကာ ပရိသတ်
လေးပါးတို့က တရားတွေကို
- ပိုင်ပိုင်နိုင်နိုင်မဆောင်ရွက်နိုင်ကြသေးဘူးဆိုလျှင်
- သူတပါးကို မဟောပြောနိုင်သေးဘူးဆိုလျှင်
- ဆန့်ကျင်ဘက်လာပြောလို့မှ မနှိမ်နင်းနိုင်သေးဘူးဆိုလျှင်
ဂုဏ်အရည်အချင်းမပြည့်သေးသရွေ့
ပရိနိဗ္ဗာန်မပြုသေးဘူးလို့ ငြင်းခဲ့တယ်။
မာရ်နတ်စိတ်ပျက်ပျက်နဲ့ ပြန်သွားတယ်။
ကြားကာလတွေမှာ ကြုံရင်ကြုံသလို နှောင့်ယှက်တယ်။
ဘုရားက မာရ်နတ်အပေါ်မှာရော ကျန်သတ္တဝါတွေအပေါ်မှာရော မေတ္တာထားတယ်။

အနှောင့်အယှက်တွေကို ဂရုမစိုက်ပဲ ဆက်လက် တရားပြတယ်။
သတ္တဝါတွေအပေါ်မှာ ကရုဏာထားပြီး တရားပြတယ်။
မာရ်နတ်နှောင့်ယှက်သမျှကို ဥပေက္ခာနဲ့ ခွင့်လွှတ်ပေးခဲ့တယ်။
(မာရ်နတ် မနှောင့်ယှက်နိုင်အောင် ချုပ်ထားတာပဲ ဖြစ်ဖြစ်
မလုပ်ရခြင်းအကြောင်း နောက်မှ ထင်ရှားပါလိမ့်မယ်)
ဘိက္ခုနီသာသနာအတွက် မိထွေးတော်ဂေါတမီတို့ ကြိုးစားနေချိန်မှာ
မာရ်နတ်မနှောင့်ယှက်ရတဲ့အကြောင်းကတော့ ဘိက္ခုနီသာသနာပေါ်မှ
ပရိသတ် ၄ပါးစုံမယ်။ ဒီပရိသတ်လေးပါးစုံပြီးမှ ဘုရားပရိနိဗ္ဗာန်ပြုမှာမို့
မနှောက်ယှက်ခဲ့တာပါ။

၃ ရဲ့ အဖြေပြီးပါပြီ
ပရိနိဗ္ဗာန်မပြုခင် ၃လ အလိုမှာ တစ်ခါလာတောင်းပန်တယ်။
အရှင်ဘုရား အဋ္ဌမသတ္တာဟမှာပြောခဲ့တဲ့
ငါဘုရားမှာ ဘိက္ခု၊ ဘိက္ခုနီ၊ ဥပါသကာ၊ ဥပါသိကာ ပရိသတ် လေးပါးတို့က
တရားတွေကို
- ပိုင်ပိုင်နိုင်နိုင်မဆောင်ရွက်နိုင်ကြသေးဘူးဆိုလျှင်
- သူတပါးကို မဟောပြောနိုင်သေးဘူးဆိုလျှင်
- ဆန့်ကျင်ဘက်လာပြောလို့မှ မနှိမ်နင်းနိုင်သေးဘူးဆိုလျှင်
ဂုဏ်အရည်အချင်းမပြည့်သေးသရွေ့
ပရိနိဗ္ဗာန်မပြုသေးဘူးဆိုတဲ့စကား မှတ်မိပါသလားဘုရား။
ယခုအခါတွင် အရှင်ဘုရား၌
ပရိသတ်လေးပါးမှာ ဘိက္ခုပရိသတ်သည် ဗုဒ္ဓတရားတော်ကို ပိုင်ပိုင်နိုင်နိုင်ဆောင်ရွက်မှတ်သား၍ သူတပါးတို့ကိုလည်း ဟောပြောနိုင်ပါပြီ။ ဆန့်ကျင်ဘက်ပြောလာသူတို့ကိုလည်း တရားသဖြင့်နှိမ်နင်းပြီး အကျိုးအကြောင်းနှင့်တကွ တရားကို ဟောပြနိုင်ပါပြီ
ပရိနိဗ္ဗာန်စံယူရန် အချိန်အခါ သင့်ပါပြီ။ ပရိနိဗ္ဗာန် စံတော်မူပါတော့ဘုရား။
ဘိက္ခုနီပရိသတ်သည် ဗုဒ္ဓတရားတော်ကို ပိုင်ပိုင်နိုင်နိုင်ဆောင်ရွက်မှတ်သား၍ သူတပါးတို့ကိုလည်း ဟောပြောနိုင်ပါပြီ။ ဆန့်ကျင်ဘက်ပြောလာသူတို့ကိုလည်း တရားသဖြင့်နှိမ်နင်းပြီး အကျိုးအကြောင်းနှင့်တကွ တရားကို ဟောပြနိုင်ပါပြီ
ပရိနိဗ္ဗာန်စံယူရန် အချိန်အခါ သင့်ပါပြီ။ ပရိနိဗ္ဗာန်
စံတော်မူပါတော့ဘုရား။ဥပါသကာပရိသတ်သည် ဗုဒ္ဓတရားတော်ကို ပိုင်ပိုင်နိုင်နိုင်ဆောင်ရွက်မှတ်သား၍ သူတပါးတို့ကိုလည်း ဟောပြောနိုင်ပါပြီ။ ဆန့်ကျင်ဘက်ပြောလာသူတို့ကိုလည်း တရားသဖြင့်နှိမ်နင်းပြီး အကျိုးအကြောင်းနှင့်တကွ တရားကို ဟောပြနိုင်ပါပြီ
ပရိနိဗ္ဗာန်စံယူရန် အချိန်အခါ သင့်ပါပြီ။

ပရိနိဗ္ဗာန် စံတော်မူပါတော့ဘုရား။
ဥပါသိကာပရိသတ်သည် ဗုဒ္ဓတရားတော်ကို ပိုင်ပိုင်နိုင်နိုင်ဆောင်ရွက်မှတ်သား၍ သူတပါးတို့ကိုလည်း
ဟောပြောနိုင်ပါပြီ။ ဆန့်ကျင်ဘက်ပြောလာသူတို့ကိုလည်း တရားသဖြင့်နှိမ်နင်းပြီး အကျိုးအကြောင်းနှင့်တကွ တရားကို
ဟောပြနိုင်ပါပြီပရိနိဗ္ဗာန်စံယူရန် အချိန်အခါ သင့်ပါပြီ။
ပရိနိဗ္ဗာန် စံတော်မူပါတော့ဘုရား။´´´
ဒီလိုမျိုး ပြည်စုံပုံပြပြီး ပရိနိဗ္ဗာန်စံဖို့ လျှောက်တယ်။
ဒီတော့ ဘုရားပရိနိဗ္ဗာန်စံဖို့ လာလျှောက်တာ ဒီမာရ်နတ်ပါပဲ။
ဘုရားပရိနိဗ္ဗာန်စံမယ့်ကိစ္စက ဘုရားရဲ့ကိစ္စသာဖြစ်ပါတယ်။
ဘယ်သူစံခိုင်းလို့မှလည်း မဟုတ်ပါဘူး။
ဒီအချိန်မှာ ဘုရားရဲ့သက်တော်ဟာ ၈၀အတွင်းကို
ချဉ်းနင်းဝင်ရောက်နေပြီ။၈၀ ပြည့်ဖို့ ၃လပဲ လိုတော့တယ်။ ဘုရားရှင်တိုင်းဟာ သက်တမ်းရဲ့ ၅ပုံ ၄ပုံမှာပဲ ပရိနိဗ္ဗာန်စံလေ့ရှိတယ်။
ဘုရားရှင်ရဲ့ ပစ္ဆိမသာဝကဖြစ်တဲ့ သုဘဒ္ဒပရဗိုဇ်ကလည်းနောက်သုံးလနေမှ ဉာဏ်ရင့်မယ်။တရားဟောလို့ရမယ်။လွန်ခဲ့တဲ့ ၇လတုန်းက
သေလောက်တဲ့ သွေးဝမ်းသွန်ရောဂါကို အာယုပါလကဖလသမာပတ်နဲ့
၁၀ လတာထိန်းတာကလည်း နောက်သုံးလဆို ပြည့်ပြီ။
ပရိနိဗ္ဗာန်စံယူလောက်အောင် ပြင်းထန်တဲ့ သွေးဝမ်းသွန်ရောဂါဟာလည်း ပြန်ပေါ်တော့မယ်။

ပြန်ပေါ်လာတဲ့ ရောဂါကို အာယုပါလကဖလသမာပတ်နဲ့ ပြန်ထိန်းချင်လည်းရတယ်။မထိန်းတော့ပဲ အနုပါဒိသေသ ပရိနိဗ္ဗာန်ဝင်စံလိုက်လည်းရတယ်။
အရင်က ဖလသမာပတ်သုံးပြီး ရောဂါကိုထိန်းတာဟာ ပစ္ဆိမသာဝကကို
တရားဟောဖို့ မမီမှာစိုးလို့။ အခုကပစ္ဆိမသာဝကကိုတရားဟောမီတဲ့အတွက် မထိန်းတော့ဘူး ပရိနိဗ္ဗာန်စံတော့မယ်။ဒီတော့ ဘုရားပရိနိဗ္ဗာန်စံတာ မာရ်နတ်ကြောင့်လည်း မဟုတ်ဘူး သူကရမဒ္ဒဝကြောင့်လည်းမဟုတ်ပါဘူး။
(သူကရမဒ္ဒဝကို ဝက်သားမဟုတ်ကြောင်း ကျမ်းများစွာတို့မှာ
ရှင်းလင်းထားတာတွေ့ရပါတယ်။ ပို့စ်နဲ့မဆိုင်လို့ မရေးတော့ပါဘူး)
မာရ်နတ်ကလည်း လာလာနှောင့်ယှက်နေတာ ဒီတစ်ယောက်တည်းပါ။
ပရိနိဗ္ဗာန်မစံခင် ၁၀လ အလို (အာယုသခါင်္ရမလွှတ်ခင် ၇လ အလို) ကတည်းကပရိနိဗ္ဗာန်စံစရာ ရောဂါဝေဒနာ သွေးဝမ်းသွန်မှု ဖြစ်နေပြီးဖြစ်ပါတယ်။အချိန်တန်ပြီမို့ ပရိနိဗ္ဗာန်စံကြောင်း သိလောက်ပါပြီ။

၎နဲ့ ၅ ရဲ့ အဖြေ ပြီးပါပြီ
[[သူကရမဒ္ဒဝဟာ သွေးဝမ်းသွန်စေခဲ့တာမဟုတ်ပဲ
သွေးဝမ်းသွန်လို့ လျော့သွားတဲ့အာဟာရ၊
ဆုတ်ယုတ်သွားတဲ့ခွန်အားတွေကို ပြန်လည်ဖြည့်တင်းပေးခဲ့တာပါ။
အကယ်၍သာ သူကရမဒ္ဒဝကို ကြိုတင်မှီဝဲထားခြင်းမရှိရင်
သွေးဝမ်းသွန်ပြီးချက်ချင်းတောင်ပရိနိဗ္ဗာန်စံသွားနိုင်ပါတယ်။
ခုတော့ သူကရမဒ္ဒဝရဲ့အာဟာရက
ကုသိနာရုံအထိခြေကျင်ကြွသသွားနိုင်ပါသေးတယ်။
သူကရမဒ္ဒဝကို သုံးဆောင်မိလို့ အာဟာရရှိပြီး နေနိုင်တာကို သူကရမဒ္ဒဝကြောင့်သွေးဝမ်းသွန်တယ်ထင်ရင်တော့ မှားပါလိမ့်မယ်။
ဒီသူကရမဒ္ဒဝဟာ ဘုရားမဖြစ်ခင် အာဟာရဖြည့်တင်းတဲ့ သုဇာတာရဲ့ဃနာနို့ဆွမ်းလိုပဲအကျိုးကျေးဇူးကြီးမားကြောင်းပြောခဲ့ပါတယ်။ ]]

ဒီတော့ အကြောင်းစုံညီနေပြီဖြစ်တဲ့နောက် ၃လကို ဘုရားပရိနိဗ္ဗာန်စံတော့မှာဖြစ်လို့မာရ်နတ်က ပရိနိဗ္ဗာန်ပြုဖို့ လာလျှောက်ချိန်မှာ ဘုရားက -မာရ်နတ်ရေ ငါဘုရားပရိနိဗ္ဗာန်ပြုမယ့်
ကိစ္စမှာ မင်းကြောင့်ကြစိုက်မနေနဲ့တော့
နောက် ၃လနေရင် ငါဘုရား ပရိနိဗ္ဗာန်ပြုတော့မယ်။
ဒီလိုပြောပြီး အာယုသခါင်္ရကိုလွှတ်လိုက်ပါတော့တယ်။
ဒီလို အာယုသခါင်္ရကို လွှတ်လိုက်တဲ့အခါမှာ ကြောက်စရာကောင်းကြက်သီးမွေးညှင်း
ထလောက်အောင် မြေငလျင်အကြီးအကျယ်လှုပ်တယ်။
မိုးတွေချုန်း လျှပ်စီးတွေ လက်တယ်။
မြတ်စွာဘုရားကိုယ်တော်တိုင်တော့ ပရိနိဗ္ဗာန်ပြုဖို့ နီးကပ်ပြီမို့
နှစ်သက် ဝမ်းမြောက်တဲ့ ပီတိနဲ့ ဥဒါန်းကျူးတော်မူပါသေးတယ်။

ဥဒါန်း --
လောကသုံးဘုံ အလုံးစုံကို အကုန်သိမြင် ဘုရားရှင်သည် အကျိုးတရား အစားစား၏ ဖြစ်ပွားရာလည်းဖြစ်ထသော အသစ်တဖန် ဘဝကိုစီမံတတ်သည်လည်း ဖြစ်ထသော ချိန်ခွင်ပမာဉာဏ်ပညာဖြင့် ကောင်းစွာပိုင်ပိုင် မချိန်နိုင်သော မဟဂ္ဂုတ်ကံကိုလည်းကောင်း မဂ်အရဟတ္တ ရတုံးကပင် လုံးဝမငဲ့ စွန့်လွှတ်တော်မူခဲ့ပြီ၊ သူရဲကောင်းကြီးသည် စစ်ဝတ်တန်ဆာကို ဖျက်ဆီးလိုက်သကဲ့သို့ ထို့အတူ မိမိသန္တာန်၌မွေ့လျော်တော်မူသော ဗုဒ္ဓမြတ်စွာသည် မိမိသန္တာန်၌ အဖန်ဖန်ဖြစ်သောကိလေသာကို ဖျက်ဆီးတော်မူပြီ။

#လင်္ကာ ။ ။ မုနိ ထွဋ်တင် ဘုရားရှင်သည် များဖြင်အချိုး အမျိုးမျိုးဟု ကောင်းဆိုးနှစ်ပြင် ပေးစွမ်းအင်ကို ချိန်ခွင်ပမာ ဉာဏ်ပညာဖြင့် ကောင်းစွာလှလှ ချိန်၍ရသည့် တုလမည်ငြား ကာမာဝစရကံ တရားကိုလည်းကောင်း ချိန်ခွင်ပမာ ဉာဏ်ပညာဖြင့် ကောင်စွာပိုင်ပိုင် မချိန်နိုင်မှု အကြောင်းပြု၍ အတုလမည်ငြား မဟဂ္ဂုတ်ကံတရားကိုလည်းကောင်း ။မဂ် အရဟတ္တ ရတုန်းကပင်
လုံးဝမငဲ့ စွန့်လွှတ်ခဲ့၍ တကယ့်စစ်ပွဲ နိုင်အောင်နွှဲသည့် သူရဲခေါင်အုပ် စစ်ဗိုလ်ချုပ်သည် ဖွဲ့တုပ် စစ်ဝတ် အားလုံးချွတ်သို့ ဝဋ်ကိလေသာ အဖြာဖြာကို ကောင်းစွာ ဖျက်ဆီး အားလုံးပြီးသည် .....
အေးကြီး အေးရပြီ တကား။
မြတ်စွာဘုရား ဥဒါန်းကျူးသလိုပဲ မာရ်နတ်ကလည်း ပျော်ပြီး
ထွက်သွားတယ်။ဒီ ၃လအတွင်းမှာ အရှင်သာရိပုတ္တရာနဲ့
အရှင်မောဂ္ဂလာန် အဂ္ဂသာဝကကြီး ၂ပါးရှေ့ဆင့်နောက်ဆင့် ပရိနိဗ္ဗာန်ပြုကြပါတယ်ည အရှင်မောဂ္ဂလာန်
ကိုယ်တော်မြတ်ကြီး ပရိနိဗ္ဗာန်မပြုခင် အခါတပါးက
တစ်ကိုယ်တည်း နေနေတုန်း မာရ်နတ်က ဝမ်းထဲကို ဝင်ရောက်နှောင့်ယှက်တယ်။

မထေရ်မြတ်ဝမ်းက မသာမယာဖြစ်လာလို့ အစာအာဟာရကြောင့်လားဆိုပြီး
လမ်းထလျှောက်တယ်။ တန်ခိုးတော်နဲ့လည်း ကြည့်တယ်။
ဒီတော့မှ မာရ်နတ်ဝင်နေတာသိပြီး မာရ်နတ်ကို ထွက်ခိုင်းတယ်။
မာရ်နတ်က ငါ့ကိုမြင်သွားပြီဆိုပြီး ဝမ်းထဲက ထွက်လာရတယ်။
တန်ခိုးပြင်းထန် အရှင်မောဂ္ဂလာန်ရဲ့စကားကို အာခံဖို့လည်း မဖြစ်နိုင်ဘူး။
အပြင်ထွက်ပြီးခပ်လှမ်းလှမ်းမှာ ကိုယ်ဖျောက်ရပ်နေတယ်။
အရှင်မောဂ္ဂလာန်က မင်းကို ငါမြင်ရသေးတယ်လို့ပြောပြီး
ဒီမယ်မာရ်နတ် ငါလည်း အရင်ကမာရ်နတ်ဖြစ်ခဲ့ဖူးတယ်။
ဒီတော့မာရ်နတ် စိတ်ဝင်စားသွားတယ်။
ငါ့ရဲ့နာမည်က အဲ့ဒီတုံးက ဒုဿီလို့ခေါ်တယ်။
အဲ့တုန်းက ငါ့နှမဟာ အခု မင်းအမေပဲ။
ဒီတော့မင်းနဲ့ငါဟာ တူအရီးတော်တယ်။

ဒီလိုပြောလိုက်တော့ မာရ်နတ် သူ့ဦးလေးမှန်းလည်းသိသွားရော
နှလုံးသားက နူးညံ့ပျော့ပြောင်းသွားတယ်။
ဒီအချိန်မှာမှ မထေရ်မြတ်က ငါမာရ်နတ်ဖြစ်ခဲ့တုန်းကလည်း
ဘုရားနဲ့ သံဃာတွေကိုစော်ကားခဲ့လို့ စုတိပြတ်ကြွေသေလွန်တဲ့အခါ
အဝိစိငရဲကို ကျဆင်းခံခဲ့ရတယ်။ မင်းလည်း ဘုရားနဲ့ သံဃာတွေကို
ဆက်ပြီးပြစ်မှားနှောင့်ယှက်နေဦးမယ်ဆိုရင် ငါ့တုန်းကလိုပဲ
အပယ်ကျလိမ့်မယ်လို့ ရှင်းပြလိုက်တယ်။
မာရ်နတ် အသိတရားဝင်သွားတယ်။
သူဒီအတိုင်းဆက်သွားရင် ငရဲကျမှာလည်းကြောက်လာတယ်။
သူမှားခဲ့သမျှကိုလည်း နောင်တရလာတယ်။
သတ္တဝါတွေ သံသရာဝဋ်က မလွတ်အောင်သူကြိုးစားခဲ့တာတွေကို
နောင်တရပြီး အရှင်မောဂ္ဂလာန်ရဲ့တရားတိုတိုလေးနဲ့ မဂ်ဉာဏ်ဖိုလ်ဉာဏ်
ရလောက်ပါရဲ့နဲ့ သာဝကဗောဓိဉာဏ်မယူတော့ပဲ။
သတ္တဝါတွေကိုပါ သံသရာဝဋ်က ခေါ်ထုတ်နိုင်တဲ့ သမ္မာသမ္ဗောဓိဆုကို ပန်ခဲ့တယ်။
ပြီးတော့သူနေတဲ့ ပရနိမ္မိတဝဿဝတီနတ်ပြည်ကို ပြန်သွားခဲ့ပါတယ်။
ပါရမီပေါင်းများစွာဖြည့်ကျင့်ပြီး လောကသတ္တဝါတွေကို ဘုရားတစ်ဆူအနေနဲ့
ချေချွတ်ပါလိမ့်ဦးမယ်။
လက်ရှိတော့ ဝဿဝတီနတ်ပြည်မှာပါ။
၆ ရဲ့ အဖြေပြီးပါပြီ။

ဘုရားကမာရ်နတ်ကို မနှောင့်ယှက်အောင်ချုပ်ထားတာပဲဖြစ်ဖြစ်
ဘာလို့တစ်ခုခု မလုပ်သလဲကို သိလောက်ပါပြီ။
သူ့ဦးလေးဟောင်းက ဆုံးမမှ ရမှာကြောင့်ကတစ်ကြောင်း
တန်ခိုးနဲ့ဆုံးမရင် မာစ်နတ်က မနိုင်မှန်းသိလည်း သူချကိုယ်ချကွာဆိုပြီး
ပြန်ချနေရင် အကျိုးယုတ်မှာ စိုးတာကြောင့်ကတစ်ကြောင်း
ဘုရားဆုပန်မယ့် ဆန္ဒဖြစ်ဦးမယ့် ဥပနိဿယကို မြင်တာက တစ်ကြောင့်
စတာတွေကြောင့် အစောပိုင်း နှောင့်ယှက်သမျှကို မေတ္တာ၊ ကရုဏာ၊ ဥပေက္ခာတွေနဲ့
သည်းခံခဲ့တာပါ။
၇ ရဲ့ အဖြေ ပြီးပါပြီ။

မာရ်နတ်ကိုအရှင်မောဂ္ဂလာန်ဆုံးမနိုင်ခဲ့တဲ့အတွက် အရှင်ဥပဂုတ်ဆုံးမတယ်ဆိုတာလုံးဝ မဖြစ်နိုင်တော့ပါဘူး။ နောက်တစ်ချက်က အရှင်ဥပဂုတ်ဆိုတာ
မဟာယာန အနွယ်ဝင် စိတ်ကူးယဉ်ဇာတ်လမ်းတစ်ပုဒ်ပါ။
၈ ရဲ့ အဖြေ ပြီးပါပြီတစ်ခါက စွန်းလွန်းဆရာတော်ကြီးကို ပရိနိဗ္ဗာန်ပြုဖို့ နတ်တစ်ပါးက လာလျှောက်ဖူးတယ်။

အရှင်ဘုရား အာယုသခါင်္ရလွှတ်ပါတော့ ဘုရားတဲ့
ဆရာတော်ကြီးက မလွှတ်ဘူးကွာဆိုပြီးငေါက်ထုတ်လိုက်တော့
သတ္တဝါတွေတော့ အကျွတ်တရားရကြလိမ့်ဦးမယ်ကွာဆိုပြီး
စိတ်ပျက်လက်ပျက် ပြန်သွားတယ်တဲ့။
ဆရာတော်ကြီးဘေးနားက တပည့်တွေက အဲ့ဒါမာရ်နတ်ဖြစ်လိမ့်မယ်လို့ပြောတော့
ဆရာတော်ကြီးက အဘိညာဉ်နဲ့ လိုက်ကြည့်ပြီးပြန်ပြောတယ်။
မာရ်နတ်မဟုတ်ဘူးကွ။ အောက်ကနတ်သေးနတ်မွှားလေးပါပဲ
မာရ်နတ်ကြီးက လိမ္မာနေပါပြီကွာ တဲ့

ကိုးကားသောကျမ်းစာအုပ်များ>>>>>

(၁) မဟာဂန္ဓာရုံဆရာတော်ရဲ့ နောက်ဆုံးဆယ်လမြတ်ဗုဒ္ဓ
(၂) မင်းကွန်းဆရာတော်ကြီးရဲ့မဟာဗုဒ္ဓဝင်
(၃) ကျီးသဲလေးထပ်ဆရာတော်ရဲ့ ဇိနတ္ထပကာသနီ
(၄) တည်တောဆရာတော်ရဲ့ ဗုဒ္ဓဝါဒဆိုင်ရာအမေးအဖြေများ
(၅) စွန်းလွန်းအမေးအဖြေများနဲ့
(၆) ဒေါက်တာမင်းတင်မွန် တက္ကသိုလ်အဘိဓမ္မာပေါင်းချုပ်

ရေးသားပူဇော်သူ >> အကုသလပုတ္တ
နှလုံးသား အာဟာရမှ ကူးယူးဖော်ပြပါသည်။

မြတ်စွာဘုရားနှင့် သံဃာတော်များ မိဘ  ဆရာ
ဤစာအားကျမ်းပြုစုသူအပေါင်းအများဖတ်ရှု့နိုင်စေရန် အဆင့်ဆင့် လက်ဆင့်ကမ်းသယ်ဆောင်ပေးသူများအားလုံးကိုစ
ျာန်ရဲ လက်ဆယ်ဖြာ ထိပ်မှာမိုး၍ရှစ်ခိုးကန်တော့ပါ၏

ဂျူးလူမျိုးများ ကလေးပျိုးထောင်နည်း

အစ္စရေး လူမျိုးလို့လည်း ခေါ်ကြပါတယ်။ ဂျူးလူမျိုးများဟာ ကမ္ဘာ့ရှေးအကျဆုံးသော လူမျိုးထဲမှာ ပါဝင်ပါတယ်။
သမိုင်းတစ်လျှောက်မှာလည်း အမျိုးမျိုးဖိနိပ်ခံရပြီး တိုင်းပြည်ပျောက်ဆုံးသွားတဲ့အထိ ဆုံးရူံးခဲ့ကြပါတယ်။

ဒါပေမဲ့ ဂျူးလူမျိုးကို ကမ္ဘာမှာ ဥာဏ်ပညာအကောင်းဆုံးလူမျိုးလို့ သတ်မှတ်ကြပါတယ်။ ၂၀၁၅ခုနှစ် ကမ္ဘာတခွင်မှာ ဂျူးလူမျိုး လူဦးရေ ၁၄.၂ သန်းရှိပါတယ်။ ကမ္ဘာ့လူဦးရေရဲ့ ၀.၂%ရှိတဲ့ ဂျူးလူမျိုးဟာ....

ဂျူးလူမျိုးများဟာ ၂၀ ရာစုအတွင်း နိူဘယ်ဆုရှင်များရဲ့ ငါးပုံတစ်ပုံ ၊
အမေရိကန်နိုင်ငံ သြဇာအရှိဆုံးသူများစာရင်းထဲက ၅၀% ၊
အမေရိကန် နာမည်အကြီးဆုံးသော ပါမောက္ခတွေထဲမှာ ၃၀% ၊
အမေရိကန် စာပေ၊ တေးဂီတ၊ ပြဇာတ်လောက မှာ ၆၀%၊
ကမ္ဘာ့အချမ်းသာဆုံး လုပ်ငန်းရှင်များ စာရင်းထဲမှာ ၅၀%၊
Forbes စာရင်းအရ ကမ္ဘာ့အချမ်းသာဆုံးသော ပုဂ္ဂိုလ် ၄၀ ထဲမှာ ဂျူးလူမျိုးက ၁၈ ဦး တို့ဟာ ဂျူးလူမျိုးဖြစ်ကြသလို၊ သမိုင်းမှာ အလွန်ကျော်ကြားကြတဲ့ အိုင်စတိုင်း၊ ကားလ်မတ်စ်၊ တာအိုဝင် စသည်တို့ဟာ ဂျူးလူမျိုးဖြစ်ကြပါတယ်။

သုတေသနအရ ဒီလိုအောင်မြင်ရတဲ့ အကြောင်းရင်းအားလုံးထဲမှာ ဂျူးလူမျိုးတို့ရဲ့ မိသားစုနီတိနဲ့ ကလေးပြုစုပျိုးထောင်တဲ့နည်းလမ်းများဟာ အဓိကကျတယ်လို့ဆိုပါတယ်။ သူတို့ဘာတွေကို တန်ဖိုးထားလို့ ကလေးများကို ဘယ်လိုသင်ကြားပျိုးထောင်ကြပါသလဲ။


၁။ ကိုယ့်ကိုယ်ကို ရပ်တည် အားကိုးစေခြင်း
ကောင်းမွန်တဲ့ ကလေးပညာရေးဟာ တိုးတက်မူ အားလုံး ၊ ကောင်းကျိုးအားလုံးရဲ့ အခြေခံဖြစ်တယ်လို့ ဂျူးတို့က ယုံကြည်ပါတယ်။ ကလေးတွေရဲ့ လွတ်လပ်တဲ့တွေးခေါ်မူနဲ့ ကိုယ့်ကိုကို ရပ်တည်နိုင်မှု၊ မိမိကိုယ်ကို အားကိုးတတ်မှုကို အလေးထား ပျိုးထောင်ပါတယ်။ ကလေးကို အချစ်လွန်ကဲတာမျိုး၊ ပိုးမွေးသလို မွေးတာမျိုးကို လုံးဝဆန့်ကျင်တယ်။ သူတို့စကားပုံတစ်ခုက ဒီလိုဆိုပါတယ်။ “ ၅ နှစ်ကလေးဟာ သင့်ရဲ့ အရှင်သခင်၊ ၁၀ နှစ်ကလေးဟာ သင့်ရဲ့ကျွန်၊ ၁၅ နှစ်ကလေးဟာ အဖေနဲ့တန်းတူဖြစ်သွားပြီ” တဲ့။ ဆိုလိုတာက ၅ နှစ်ကလေးဆိုရင် အတတ်နိုင်ဆုံး ချစ်မယ်။ ပျိုးထောင်မယ်။ ၁၀ ကျရင် သူနိုင်တဲ့ဝန်ကို ထမ်းခိုင်းမယ်။ မိဘများက သူနိုင်သမျှ အချိန်ရရင်ရသလို ခိုင်းရမယ်။ ၁၅ နှစ်ကျရင် ကိုယ်ပိုင်ဆုံးဖြတ်တတ်စေရမယ်။

၂ ။ စာအုပ်ချစ်တဲ့ဓလေ့
ကလေးများသိတတ်ခါစအရွယ်မှာပဲ ဂျူးမိသားစုများဟာ ပျားရည်တစ်စက် တို့ထားတဲ့ ကျမ်းစာအုပ်ကို ကလေးအားနမ်းရှုံ့စေပါတယ်။ ဆိုလိုရင်းကတော့ စာအုပ်ဟာ အလွန်ချိုမြိန်ကြောင်း၊ နှစ်သက်စရာ အလွန်ကောင်းကြောင်း သိစေတဲ့ သဘောပါ။ ဂျူးမိသားစုတိုင်းလိုလို စာအုပ်စင်ထားရှိပြီး စာအုပ်စင်များကို ခေါင်းအုံးဘက်မှာ ထားရပါတယ်။ စာအုပ်ဆိုတာ ချစ်ရုံတင်နဲ့ မပြီးဘဲ လေးစားရတဲ့သဘောပါရှိပါတယ်။ သူတို့ကိုသူတို့လည်း စာအုပ်ချစ်တဲ့လူမျိုးလို့ တင်စားကြတယ်။ သုတေသန စာတမ်းအရ အသက် ၁၄ နှစ်အထက် ဂျူးကလေးများဟာ တစ်လအနည်းဆုံး စာအုပ်တစ်အုပ်ဖတ်ပြီးတယ်လို့ဆိုပါတယ်။

၃။ ဥာဏ်ပညာကို အလေးထားတတ်အောင် ပျိုးထောင်ပေးခြင်း
ဂျူးမိသားစုထဲမှာ ကလေးများနည်းနည်းအသိရှိလာပြီဆိုရင် မိခင်ဖြစ်သူက ဒီလိုမေးမြန်းလေ့ရှိတယ်။ “တကယ်လို့ သားရဲ့အိမ်က မီးလောင်သွားတယ်၊ ပစ္စည်းတွေလည်း ဘာမှမကျန်အောင် အလုခံရတယ်။ သားဘာကိုယူပြီးထွက်ပြေးမလဲ” တဲ့ ၊ ကလေးက ရွှေတို့ ၊ ငွေတို့ ဖြေဆိုရင် မိခင်က ပြန်စဉ်းစားအုံး၊ အဲဒီပစ္စည်းဟာ အရောင်မရှိဘူး၊ အနံ့အရသာလည်း မရှိဘူးလို့ ပြန်ပြောလေ့ရှိပါတယ်။ သားက “ ဥာဏ်ပညာ” လို့ ဖြေဆိုနိုင်တဲ့ အထိ မိခင်က တစ်ဖြည်းဖြည်း လမ်းကြောင်းပေးပါတယ်။ ကျနော်တို့ ဆီက ပညာရွှေအိုး လူမခိုး နဲ့ ခပ်ဆင်ဆင်တူပါတယ်။ ဒါပေမဲ့ ကျနော်တို့က ကလေးတွေ သူဘာသာသူသိစေတာမျိုးမဟုတ်ပဲ မိဘနဲ့ဆရာများက တိုက်ရိုက်ပြောပြတာများနေပါတယ်။

၎။ စာအုပ်အများကြီးကို ၀န်တင်ထားတဲ့ “လား” မဖြစ်ပါစေနဲ့
စာတအားဖတ်တော့ ဒီစကားပုံ ပေါ်ပေါက်လာတယ်လို့ ယူဆရပါတယ်။ ကလေးများကို ငယ်ငယ်ကတဲက စာဖတ်အောင် သွန်သင်ပေးကြတယ်။ ပြီးရင် စဉ်းစား တတ်အောင် ပျိုးထောင်ပေးကြပါတယ်။ သူတို့အယူအဆအရ ဖတ်မှတ်လေ့လာခြင်းဟာ အတုခိုးခြင်းတစ်မျိုးသာဖြစ်ပြီး စဉ်းစားတွေးခေါ်တတ်ခြင်း၊ ကိုယ်ပိုင်အမြင်ရှိခြင်းနဲ့ အသစ်ဖန်တီးတတ်ခြင်းသည်သာ အဓိကကျတယ်လို့ ယူဆပါတယ် ။ ဗဟုသုတ ကြွယ်ဝပြီး ဘာမှမလုပ်တတ်တဲ့သူကို စာအုပ်ကိုဝန်တင်ထားတဲ့ “ လား” လို့ စကားပုံနဲ့ ခိုင်းနှိုင်းထားပါတယ်။

၅။ တွေးခေါ်ခြင်းဆိုတာ သံသယနဲ့ အဖြေတို့ ပူးပေါင်းပြီးဖြစ်ပေါ်လာတာပါ။
ဒါလည်းသူတို့ရဲ့ နာမည်ကြီးစကားပုံပါ။ မိဘစကား၊ ဆရာစကားအပါအ၀င် ဘယ်သူပြောတာပဲဖြစ်ဖြစ် သံသယ အရင်ဝင်ခိုင်းပါတယ်။ သံသယ၀င်မှပဲ အဖြေမှန်ထွက်တဲ့သဘောပါ။ ကျနော်တို့ဆီက ပြောတဲ့အတိုင်း နာခံမှ လိမ္မာမယ်ဆိုတဲ့ အယူအဆနဲ့ ကွဲလွဲပါတယ်။

မိဘများ အထောက်အကူ ဖြစ်ဖို့ တင်ပြပေးလိုက်ပါတယ်။ နှစ်သက်နိုင်ကြပါစေ။

Ref: WeChat
;Sayar Aung Ko Latt

ကမ္ဘာကျေ်ာ အမေဇုန်မြစ်အကြောင်း သိကောင်းစရာ


အမေဇုန်မြစ်ဟာ တောင်အမေရိကတိုက်မှာ တည်ရှိပါတယ်။ ဘရာဇီးလ်နိုင်ငံမှ စတင်ပြီး နိုင်ငံပေါင်းများစွာကို ဖြတ်သန်းကာ အတ္တလန္တိတ်သမုဒ္ဒရာထဲသို့ စီးဝင်သွားပါတယ်။
ဂါရာနာ ၊ အီကွေဒေါ ၊ ဗင်နီဇွဲလား ၊ ဘိုလီးဗီးယား ၊ ဘရာဇီး ၊ ကိုလံဘီယာ နဲ့ ပီရူး နိုင်ငံတွေကို ဖြတ်သန်းစီးဆင်းပါတယ်။
၂၀၀၇ ခုနှစ် ဘရာဇီးသိပ္ပံပညာရှင်တွေရဲ့ တိုင်းတာမှုအရ အမေဇုန်ဟာ နိုင်းမြစ်ထက် ၆၅ မိုင် ပိုရှည်ကြောင်းသိခဲ့ရပြီး wiki မှာ ပြန်လည်ပြင်ဆင်ခဲ့ပါတယ်။ အများစုကတော့ နိုင်းမြစ်သာ အရှည်ဆုံးလို့ လက်ခံနေကြဆဲပါ။
အမေဇုန်မြစ် ဟာ Ucayali-Apurímac မြစ်များမှ မြစ်ဖျားခံလာတဲ့မြစ်ဖြစ်ပါတယ်။ စွတ်စိုတဲ့ရာသီတွေမှာ အမေဇုန်မြစ်ရဲ့ အကျယ်ဆုံးနေရာဟာ မိုင်ပေါင်း ၁၂၀ ခန့် ရှိနိုင်ပါတယ်။
အမေဇုန်မြစ်ကို ဖြတ်ပြီးဖောက်ထားတဲ့ တံတားမရှိပါဘူး။ အကြောင်းကတော့ အမေဇုန်မြစ်ပိုင်း အများစုဟာ လမ်းတွေ မြို့တွေနဲ့ မနီးစပ်ပဲ မိုးသစ်တောတွေထဲမှာပဲ ရှိနေလို့ဖြစ်ပါတယ်။
အမေဇုန်မြစ်ကြောင်း တစ်လျှောက် အကြီးဆုံးမြို့ဟာ ဘရာဇီးက Manaus မြို့ဖြစ်ပြီး လူဦးရေ ၁.၇သန်း ၀န်းကျင်ခန့်ရှိပါတယ်။
ကွဲပြားခြားနားတဲ့ မျိုးစိတ်ပေါင်း ၅၀၀၀ ကျော်ဟာ အမေဇုန်မြစ်ထဲမှာ ရှင်သန်နေပါတယ်။
ဆိတ်လို တိရစ္ဆာန်လေးတွေကို အကောင်လိုက်မြိုနိုင်တဲ့ ကမ္ဘာ့အကြီးဆုံးမြွေအမျိုးအစား အန်နာကွန်ဒါမြွေကြီးတွေဟာလည်း ဒီမြစ်ထဲမှာပဲ တွေ့ရလေ့ရှိပါတယ်။ ပန်းရောင်လင်းပိုင်တွေလည်း ဒီမြစ်ထဲမှာ တွေ့ရတတ်ပါတယ်။
ကမ္ဘာပေါ်က စုစုပေါင်း ရေချိုရဲ့ ၂၀% ကို အမေဇုန်မြစ်က ထောက်ပံ့ပေးထားတာပဲဖြစ်ပါတယ်။
ကမ္ဘာ့ရေထုထည်အများဆုံးမြစ်ဖြစ်ပြီး စက္ကန့်တိုင်းတွင် ရေကုဗမီတာ ၂သိန်းကျော်ကို ထုတ်လွှတ်ပေးပါတယ်။
ကမ္ဘာက အမေဇုန် ဟု သိထားသော်လည်း ဘရာဇီးတွင် Solimões လို့ လူသိများပါတယ်။

from thutazone

အမျိုးသားသုက်ပိုးတွင် ကလေးရနိုင်ခြင်းရှိ၊ မရှိ ငါးမိနစ်အတွင်းဖုန်းဖြင့်စမ်းသပ်နိုင်မည်

အိမ်ထောင်တစ်ခုတွင် အမျိုးသား၊ အမျိုးသမီးနှစ်ဦးတို့ သားသမီးရရှိနိုင်မည့် အခွင့်အလမ်းများကို စမ်းသပ်နိုင်မည့် တန်ဖိုးအနည်းဆုံး အခွင့်အရေးတစ်ခုဖြစ်သော စမတ်ဖုန်းဖြင့် စမ်းသပ်မှုကို အမျိုးသားတို့၏ သုက်ပိုးဖြင့် ငါးမ်ိနစ်အတွင်း အဖြေဖော်ထုတ်နိုင်မည်ဖြစ်ကြောင်း Science Translational Medicine ဂျာနယ် သတင်းတွင်ဖော်ပြထားသည်။

ဆေးရုံများသို့သွားပြီး အချိန်ကြာမြင်စွာ စောင့်ဆိုင်းရမည့်အစား အမျိုးသားများအနေဖြင့် မိမိတို့အိမ်မှာပင် အထူးပြုလုပ်ထားသည့် ငါးဒေါ်လာခန့်တန်သော ပလတ်စတစ်ခွက်ထဲသို့ သုက်ပိုးကိုထည့်ပြီး ဖုန်းဖြင့် ချိတ်ကာ ဆော့ဖ်ဝဲဖြင့် ချက်ချင်း အဖြေထုတ်ပေးနိုင်ကြောင်း ယင်းသတင်းကဆိုသည်။

အမျိုးသားများ၏ သုက်ပိုးသည် ကလေးရနိုင်ခြင်း ရှိ၊ မရှိဆိုခြင်းကို ပုဂ္ဂလိကဆေးခန်းများတွင် သွားရောက် စစ်ဆေးမည်ဆိုပါက ဒေါ်လာ ၂၅၀ ခန့်ကုန်ကျနိုင်ကြောင်း၊ ယခုအခါ 3D ပရင်တာနှင့် ထုတ်ထားသော စမ်းသပ် ပလတ်စတစ်ခွက်အပါအဝင် ဖုန်းဆော့ဖ်ဝဲနှင့် ငါးဒေါ်လာခန့်သာ ကုန်ကျပြီး ငါးမိနစ်အတွင်း မိမိ ကိုယ်တိုင် အဖြေသိနိုင်ကြောင်း ဂျာနယ်တွင်ရေးသားထားသည်။

ဆေးရုံဆေးခန်းများတွင် ကြီးမားသော စက်ကြီးများကို ရင်းနှီးမြှုပ်နှံထားရခြင်း၊ ကျွမ်းကျင်ဝန်ထမ်းများကို ထားရခြင်းတို့ကြောင့် စစ်ဆေးစရိတ်ကြီးမြင့်ခြင်း ပြဿနာကို Stigma ကုမ္ပဏီက Analyser ဟုအမည်ပေးထား သည့် စမ်းသပ်ပစ္စည်းလေးများဖြင့် အဖြေရှာပေးလိုက်ခြင်းဖြစ်သည်။

Analyser ဟုခေါ်သည့် ပလတ်စတစ်စမ်းသပ်ပစ္စည်းလေးထဲသို့ အမျိုးသား သုက်ရည်အနည်းငယ်ထည့်သွင်းပြီး ဖုန်းနှင့်ချိတ်ဆက်လိုက်လျှင် အထူးပြုလုပ်ထားသောဆော့ဖ်ဝဲက ဖုန်းမှတစ်ဆင့် သုက်ပိုးအရေအတွက်များကို ရေတွက်ကြည့်ပြီးနောက် အဖြေထုတ်ပေးမည်ဖြစ်သည့်အပြင်၊ သန်စွမ်းသော ပိုးများ၏ လှုပ်ရှားနေပုံများ ကိုလည်း ဗီဒီယိုဖြင့် ဖုန်းထဲတွင် ပြသပေးနေမည်ဖြစ်သည်။

အမျိုးသားများ ကလေးရနိုင်စွမ်းရှိ၊ မရှိ စစ်ဆေးသည့် ယင်းပစ္စည်းနှင့် ဆော့ဖ်ဝဲကို အမေရိကန် ပြည်ထောင်စု၊ ဘရစ်ဟမ်အမျိုးသမီးဆေးရုံကြီးမှ ဒေါက်တာ ဟာဒီ ရှာဖီအီနှင့်အဖွဲ့က တီထွင်ခဲ့ခြင်းဖြစ်ပြီး၊ စမ်းသပ်ချက် ရလဒ်များအရ ၉၈ ရာခိုင်နှုန်းအထိ တိကျမှန်ကန်စွာ အဖြေထုတ်ပေးနိုင်ခဲ့ကြောင်း ဂျာနယ်တွင်ရေးသားထား သည်။

အမျိုးသားများသည် ဆေးရုံသို့လာပြီး သုက်ပိုးများကိုစစ်ဆေးရာ၌ ရှက်ခြင်း၊ ကြောက်ခြင်း၊ စိတ်ပျက်ခြင်းများ ဖြစ်တတ်သည့်အတွက် အိမ်သုံးစမ်းသပ်ပစ္စည်းတစ်ခုအဖြစ် တီထွင်ခဲ့ရကြောင်း ဒေါက်တာ ဟာဒီက ပြောကြားသည်။

from: Maukkha.org

ချင်အင်ပါယာက တာရာကိုတာ စစ်သည်တော်များ

ဒီလိုအံမခန်းတဲ့ စစ်သည်တော်တွေဟာ တရုတ်နိုင်ငံ ရှီအန်းမြို့မှာရှိတဲ့ ပထမဆုံးတရုတ်အင်ပါယာရဲ့ ချင်ဧကရာဇ် Qin Shi Huang ရဲ့ ဂူသင်္ချိုင်းမှာရှိပါတယ်။










ချင်မင်းဆက်ရဲ့ အင်အားကြီးမားပုံကိုဖော်ပြတဲ့အနေနဲ့ Terracotta Army တွေကို ရွံ့တွေနဲ့စီမံဖန်တီးခဲ့တာပဲဖြစ်ပါတယ်။ စစ်သည်များ ၊ သူရဲကောင်းများ ၊ စစ်တပ်ဖွဲ့စည်းပုံ ၊ စစ်ယာဉ်များ အစရှိတာတွေကို ဖန်တီးထားခဲ့တာပါ။ ဒီလိုဖန်တီးရာမှာ အလုပ်သမားပေါင်း ၇သိန်းကျော်ကို သုံးခဲ့တယ်လို့ သိရပါတယ်။ ဧကရာဇ်သေဆုံးတဲ့အခါ အရုပ်တွေကိုပါ တစ်ပါတည်းမြုပ်နှံခဲ့တာဖြစ်ပါတယ်။ ၁၉၇၄ခုနှစ်ဝန်းကျင် ချင်ဧကရာဇ်ရဲ့ ဂူဗိမာန်အနီးမှာ ရေတွင်းတူးရာကနေ ဒီရုပ်တုတွေကို ပြန်လည်တူးဖော်နိုင်ခဲ့ခြင်းဖြစ်ပါတယ်။

ဘီစီ ၂၀၀ ၀န်းကျင် ချင်မင်းဆက်လက်ထက်က ၀တ်စားဆင်ယင်ပုံတွေကို ဒီရုပ်တုတွေမှာမြင်ရမှာဖြစ်ပါတယ်။ ၁၉၈၇ခုနှစ်မှာ UNESCO မှာ ကမ္ဘာယဉ်ကျေးမှု အမွေအနှစ်အဖြစ် သတ်မှတ်ခဲ့ပါတယ်။ လက်ရှိအချိန်မှာတော့ တူးဖော်ရရှိတဲ့နေရာမှာပဲ ပြတိုက်အဖြစ်ဖွင့်လှစ်ထားရှိပါတယ်။ ဒီနေရာကိုရောက်ရင် စစ်သားရုပ်တုပေါင်း ၈၀၀၀ကျော် ၊ မြင်းစစ်သည်ပေါင်း ၅၂၀ကျော် နဲ့ မြင်းရထားပေါင်း ၁၅၀ ကိုတွေ့ရမှာပဲဖြစ်ပါတယ်။

from သုတဇုန်

စာရွက်စာတမ်း အမျိုးအစားတွေအကြောင်း


စာရွက်စာတမ်းအမျိုးမျိုးကို ဖော်ပြတဲ့ ဝေါဟာရတွေ အများအပြား ရှိပါတယ်။ အဲဒီလို ဝေါဟာရအချို့ရဲ့ အဓိပ္ပာယ်နဲ့ သုံးပုံသုံးနည်းတွေကို ရှင်းလင်းဖော်ပြလိုက်ပါတယ်။

၁။ Bond - သဘောတူညီချက်ကို မလိုက်နာဘူးဆိုရင် ငွေပေးချေရမယ်ဆိုပြီး သဘောတူညီထားတာကို ဘွန်းထိုးထားတယ်လို့ ခေါ်ပါတယ်။ ကော်လို ကပ်တာ၊ ကန့်သတ်ချုပ်နှောင်ထားတာ၊ စုစည်းထားတာ၊ အင်အား၊ အရာဝတ္ထု စတာတွေကိုလည်း လို့ ခေါ်ပါတယ်။ verb ကြိယာ အနေနဲ့လည်း သုံးလို့ရပါတယ်။
၂။ Certificate - တစ်စုံတစ်ခု မှန်ကန်ကြောင်း ဒါမှမဟုတ် တစ်စုံတစ်ဦး အရည်အချင်း ပြည့်မီကြောင်း၊ ကြွေးမြီ ရှိကြောင်း၊ ပိုင်ဆိုင်ကြောင်း စသည်ဖြင့် ဖော်ပြတဲ့ စာရွက်စာတမ်းကို သက်သေခံလက်မှတ်လို့ ခေါ်ပါတယ်။ ကြိယာပုံစံကတော့ သက်သေခံလက်မှတ်ထုတ်ပေးသည် certify ဖြစ်ပါတယ်။
၃။ Charter - ပဋိညာဉ်^ငှားရမ်းခြင်း ဆိုတာကတော့ သတ်မှတ်ချက်တွေ၊ ခံစားခွင့်တွေ၊ အခွင့်အရေး တွေကို သတ်မှတ်ဖော်ပြပြီး စာနဲ့ ရေးသားချုပ်ဆိုထားတဲ့ နှစ်ဘက်သဘောတူ ကန်ထရိုက်စာချုပ် ဒါမှမဟုတ် စာချုပ်စာတမ်း၊ ဒါမှမဟုတ် ခွင့်ပြုချက် ဒါမှမဟုတ် အာမခံချက် ဒါမှမဟုတ် ရေယာဉ် လေယာဉ်ကို တစ်စင်းလုံးဖြစ်စေ၊ တစ်စိတ်တစ်ဒေသဖြစ်စေ ငှားရမ်းတဲ့ စာချုပ် ဖြစ်ပါတယ်။ ကြိယာအနေနဲ့ အဲဒီလို သဘောတူညီချက် ပြုလုပ်တယ်၊ ဒါမှမဟုတ် ငှားရမ်းဖို့ ကမ်းလှမ်းတယ်လို့ သုံးနိုင်ပါတယ်။
၎။ Compact - စာချုပ် ဖြစ်ပါတယ်။ ကျစ်လျစ်သိပ်သည်းသော ဆိုတဲ့ အဓိပ္ပာယ်လည်း ရှိပါတယ်။
၅။ Constitution - အခြေခံဥပဒေဖြစ်ပါတယ်။ နိုင်ငံအပါအ၀င် နိုင်ငံရေးအဖွဲ့အစည်း ဒါမှမဟုတ် လူမှုရေးအဖွဲ့အစည်း တစ်ခုရဲ့ စည်းမျဉ်းတွေ၊ နိုင်ငံသား ဒါမှမဟုတ် အဖွဲ့ဝင်တွေရဲ့ အခွင့်အရေးတွေကို ဖော်ပြထားတဲ့ စာချုပ်စာတမ်း တစ်မျိုးပါ။ နိုင်ငံ ဒါမှမဟုတ် အဖွဲ့အစည်းရဲ့ ဥပဒေတွေ မူတွေ လို့လည်း အဓိပ္ပာယ်ရပါတယ်။ ဓလေ့ထုံးတမ်းတွေ ဥပဒေတွေလို့လည်း အဓိပ္ပာယ်ကောက်နိုင်ပါတယ်။ ဖွဲ့စည်းပုံ တည်ထောင်ပုံလို့လည်း ဆိုလိုပါတယ်။
၆။ Contract - နှစ်ဘက်သဘောတူ ကန်ထရိုက်စာချုပ်ဖြစ်ပါတယ်။ လူတွေ၊ အဖွဲ့တွေ အကြား ဥပဒေအရ လိုက်နာစေနိုင်တဲ့ သဘောတူညီချက်ကို အသေးစိတ် ဖော်ပြတဲ့ စာရွက်စာတမ်းတစ်မျိုးဖြစ်ပါတယ်။ အဲဒီ လိုမျိုး သဘောတူညီချက်ကိုယ်တိုင်ကိုလည်း ဆိုလိုပါတယ်။ ကြိယာအနေနဲ့ သဘောတူစာချုပ်ချုပ်တယ်လို့ လည်း ဆိုလိုပါတယ်။ ပြစ်မှုဆိုင်ရာ ဝေါဟာရဆိုရင်တော့ တစ်စုံတစ်ဦးကို လုပ်ကြံသတ်ဖြတ်ဖို့ အစီအစဉ် ကို ဆိုလိုပါတယ်။
၇။ Convenant - ပဋိညာဉ် သဘောတူညီချက်ဖြစ်ပါတယ်။ စည်းနှောင်မှုရှိတဲ့ တရားဝင် သဘောတူညီချက် ကို မှတ်တမ်းတင်ထားတဲ့ စာချုပ်ပါ။ သဘောတူညီချက်ကိုယ်တိုင်လည်း ဖြစ်နိုင်ပါတယ်။ အဲဒီလို သဘောတူညီချက်မျိုးကို ချိုးဖောက်လို့ ကုစားတဲ့ လုပ်ရပ်ကိုလည်း ခေါ်ပါတယ်။ ကြိယာအနေနဲ့ အဲဒီလို သဘောတူညီချက်မျိုးပြုလုပ်တယ်လို့လည်း အဓိပ္ပာယ်ရတယ်။
၈။ Diploma - ဒီပလိုမာဖြစ်ပါတယ်။ ကျောင်း ဒါမှမဟုတ် တက္ကသိုလ်ကနေ သင်တန်းတစ်မျိုး တက်ရောက်အောင်မြင်တဲ့ မှတ်တမ်းတစ်မျိုးကို ဆိုပါတယ်။ အသုံးနည်းတဲ့ အခြားအဓိပ္ပာယ်တွေကတော့ ဂုဏ်ထူးဘွဲ့ထူး ဒါမှမဟုတ် အခွင့်အရေး တစ်ခုခု ပေးတဲ့ စာရယ်၊ တရားဝင် စာရွက်စာတမ်း ဆိုတာတွေဘဲ ဖစ်ပါတယ်။
၉။ Guarantee - အာမခံချက် ဖြစ်ပါတယ်။ ပိုင်ဆိုင်မှု ဒါမှမဟုတ် အသုံးပြုမှုဆိုင်ရာ စာနဲ့ရေးသား ထားတဲ့ ဒါမှမဟုတ် ထုတ်ဖော်ပြောဆိုတဲ့ သဘောတူညီချက် ဖြစ်ပါတယ်။ ထုတ်ကုန်တစ်ခုရဲ့ ကြာရှည်ခံမှု ဒါမှမဟုတ် အရည်အသွေးကို အာမခံတာလည်း ဖြစ်နိုင်ပါတယ်။ အဲဒီလို သဘောတူညီချက်မျိုး ပြုလုပ်ပေးတဲ့သူလည်း ဖြစ်နိုင်ပါတယ်။ ကြိယာအနေနဲ့ အဲဒီလို သဘောတူညီချက်မျိုး ပေးတယ်လို့ ဆိုလိုပါတယ်။
၁၀။ Guaranty - Guarantee နဲ့ အဓိပ္ပာယ်တူပါတယ်။ အခြားအဓိပ္ပာယ်အနေနဲ့ အကြွေးဆပ်ခြင်း၊ တာဝန်ကို ထမ်းဆောင်ခြင်း၊ ကတိက၀တ်အတိုင်း ပြုလုပ်ခြင်း (အောက်တွင် ကြည့်ပါ) တို့ ဖြစ်နိုင်ပါတယ်။ ကြိယာအနေနဲ့ အဲဒီလို သဘောတူညီချက်မျိုး ပေးတယ်လို့ ဆိုလိုပါတယ်။
၁၁။ License - လိုင်စင်ဖြစ်ပါတယ်။ လိုင်စင်ပေးကြောင်း သက်သေအထောက်အထား စာရွက်စာတမ်း ဒါမှမဟုတ် အခြားပစ္စည်းကို ဆိုပါတယ်။ လုပ်ငန်းတစ်ခု လုပ်ဆောင်ခွင့် ကိုလည်း ဆိုလိုတယ်၊ မူပိုင်ခွင့် ဒါမှမဟုတ် ကုန်ပစ္စည်း မှတ်ပုံတင် ပိုင်ဆိုင်သူက အခြားသူထံကို အခွင့်အရေးအားလုံး ဒါမှမဟုတ် အချို့အ၀က်ကို ပေးအပ်ခြင်းကိုလည်း ဆိုလိုတယ်။ ကြိယာအနေနဲ့ လိုင်စင်ထုတ်ပေးတယ်လို့ ဆိုလိုတယ်။ အနုပညာ ပုံစံတွေ စံချိန်စံနှုန်းတွေကနေ သွေဖည်တာကိုလည်း ဆိုတယ်။ အဲဒီထက် ပိုမိုကျယ်ပြန့်တဲ့ အဓိပ္ပာယ်အနေနဲ့ လုပ်ဆောင်ဖို့ လွတ်လပ်ခွင့် ဒါမှမဟုတ် ခွင့်ပြုချက်ကို ဆိုတယ်။ အတိအကျအားဖြင့် တာဝန်မဲ့ လုပ်တာ ဒါမှမဟုတ် စံချိန်စံနှုန်းတွေကို ဂရုမပြုဘဲ လုပ်ဆောင်တာကို ခွင့်ပြုတာ ဖြစ်တယ်။ (နောက်အဓိပ္ပာယ်နဲ့ဆိုရင် licentiousness လို့လည်း ခေါ်တယ်။)
၁၂။ Passport - နိုင်ငံကူးလက်မှတ် ဖြစ်ပါတယ်။ အချုပ်အချာအာဏာပိုင်နိုင်ငံများအတွင်းကို ၀င်ရောက်ဖို့ ဒါမှမဟုတ် နိုင်ငံများမှ ထွက်ခွာဖို့ ခွင့်ပြုချက်ပေးတဲ့ စာရွက်စာတမ်းဖြစ်ပါတယ်။ ကြိယာအနေနဲ့ နိုင်ငံတစ်နိုင်ငံကို ဖြတ်သန်းပြီး ပစ္စည်းတွေ ပို့တယ်၊ ယူဆောင်တယ်လို့ ဆိုပါတယ်။ နောက်အဓိပ္ပာယ်ကတော့ ယေဘုယျအားဖြင့် ခရီးသွားခွင့် ဒါမှမဟုတ် တင်စားပြီးတော့ ရည်မှန်းချက် တစ်ရပ် အောင်မြင်ဖို့ စွမ်းနိုင်စေတာ တစ်ခုခုကို ဆိုပါတယ်။
၁၃။ Pledge - ကတိခံဝန်ချက်ဖြစ်ပါတယ်။ တစ်စုံတစ်ခုကို လုပ်ပါ့မယ်လို့ ဒါမှမဟုတ် မလုပ်ပါဘူးလို့ ကတိခံဝန်ချက်ပေးတာဖြစ်ပါတယ်။ လုပ်ဆောင်ချက်တစ်ခုကို ဆောင်ရွက်ပေးဖို့ နှစ်ဘက်သဘောတူ ကန်ထရိုက်စာချုပ် ဒါမှမဟုတ် ကြွေးမြီအတွက် အာမခံချက် ဒါမှမဟုတ် အာမခံပစ္စည်းကိုလည်း ဆိုလိုပါတယ်။ ကြိယာအနေနဲ့ အဲဒီလို ကတိက၀တ် ဒါမှမဟုတ် ကန်ထရိုက်စာချုပ်ကို သဘောတူညီခြင်း ဖြစ်ပါတယ်။
၁၄။ Surety - အာမခံချက် ဖြစ်ပါတယ်။ Guarantee အာမခံချက်၊ Pledge ကတိခံဝန်ချက် ဒါမှမဟုတ် Certainty သေချာမှု၊ Confidence ယုံကြည်ရမှု ဆိုတဲ့ အဓိပ္ပာယ်ဖြစ်ပါတယ်။ ယုံကြည်စိတ်ချမှု ဒါမှမဟုတ် အာမခံချက်ရဲ့ အခြေခံလို့လည်း ဆိုပါတယ်။
၁၅။ Warrant- လုပ်ဆောင်ခွင့်ပြုခြင်း ဖြစ်ပါတယ်။ လုပ်ဆောင်ခွင့် ဒါမှမဟုတ် ဆောင်ရွက်ခွင့်ပြုတဲ့ စာရွက်စာတမ်းဖြစ်ပါတယ်။ ကြိယာအနေနဲ့ အာမခံခြင်း၊ ကြေညာပြောဆိုခြင်း ဒါမှမဟုတ် အာမခံချက်ပေးခြင်း ဖြစ်ပါတယ်။

Via : Myanmar-Network

ဇီဝပရင်တာဖြင့် လူသားအရေပြားအတုထုတ်

စပိန်နိုင်ငံ၊ မက်ဒရစ်တက္ကသိုလ်မှ ပညာရှင်များသည် အရေပြားအစားထိုးရန် လိုအပ်သူများအတွက် ကွန်ပျူတာ ပရင်တာကို ဇီဝအရေပြားထုတ်နိုင်သည့် အသွင်ပြောင်းပြီး အရေပြားတုတစ်မျိုးကို ထုတ်လုပ်နိုင်ခဲ့ကြောင်း Biofabrication ဂျာနယ်တွင် ဖော်ပြထားသည်။

မက်ဒရစ်တက္ကသိုလ်မှ Carlos III ဟုအမည်ပေးထားသည့် အဖွဲ့တစ်ဖွဲ့သည် BioDan Group ကုမ္ပဏီ၏ အထောက်အပံ့ဖြင့် သုတေသနပြုလုပ်လျက်ရှိပြီးနောက် အရေပြားတုကို အောင်မြင်စွာ ထုတ်လုပ်နိုင်ခြင်းဖြစ် ကြောင်း ယင်းသတင်းကဆိုသည်။

3D ပရင်တာများဖြင့် အရာအားလုံးကို စကေးကိုက် ပုံဖော်ဆောင်ပြီး ထုတ်နိုင်သည့်ခေတ်တွင် ဇီဝပရင်တာ (Bioprinter) တစ်မျိုးကို လူသားတို့၏ အသွေးအသားများဖြင့် ပေါင်းစပ်ပြီး ပကတိအရေပြားအတိုင်း ထုတ်လုပ်နိုင်စေရန် ပညာရှင်များက ကြိုးပမ်းလုပ်ဆောင်ခဲ့ခြင်းဖြစ်သည်။

ဇီဝမင် (Bio-ink) ဟုခေါ်သည့် မင်တစ်မျိုးကို ပလာစမာ (plasma)၊ ပရိုတိန်း (proteins)၊ အရေပြားဆဲလ်နှင့် အခြား ဇီဝပစ္စည်းများဖြင့် ပေါင်းစပ်ပြီးမှ ကွန်ပျူတာ ထိန်းချုပ်မှုဖြင့် အရေပြားအတုကို ထုတ်လုပ်နိုင်ခဲ့ခြင်း ဖြစ်ကြောင်း ပညာရှင်များက ပြောကြားသည်။

လူသား၏ ပျက်စီးသွားသည် ဆဲလ်အရေအတွက် ပမာဏအလိုက် ကွန်ပျူတာက တွက်ချက်ပြီးမှ လိုအပ်ချက် အတိုင်း အရေပြားကိုတည်ဆောက်ရခြင်းဖြစ်ကြောင်း သုတေသီ ဖရန်စစ္စကို ကာနီဇိုကပြောကြားသည်။

Collagen ဟုခေါ်သည့် အရေပြားတုသည် ဆွဲဆန့်နိုင်သည့်အပြင် စုတ်ပြဲခြင်းလည်းမရှိ ခံနိုင်ရည်ရှိကာ မူလအရေပြားနှင့် ပေါင်းစပ်ရာတွင်လည်း ပိုပြီး မြန်ဆန်စေနိုင်ကြောင်း ယင်းကဆိုသည်။

အရေပြားအစားထိုးရန်အတွက် လုပ်ပြီးသား အရေပြားများကို ကြုံသလို အစားထိုး၍မရနိုင်ကြောင်း၊ အရေပြား အစားထိုးရန် လိုအပ်သည့်သူထံမှ ဆဲလ်ကို ဦးစွာထုတ်ရကြောင်း၊ ဆဲလ်များကို ဓာတ်ခွဲခန်းအတွင်း မွေးမြူ ထားပြီးမှ အတုကို ထုတ်နိုင်ကြောင်း၊ စုစုပေါင်း အစားထိုးနိုင်ရန်အတွက် ပြင်ဆင်ချိန် နှစ်ပတ်ခန့်အထိ ကြာမြင့်နိုင်ကြောင်း၊ ဇီဝပရင်တာဖြင့် ပြင်ဆင်ပြီးသော ပစ္စည်းများကို အတုထုတ်ချိန်ကိုပင် နှစ်ရက်ခန့် အချိန်ယူ ရမည် ဖြစ်ကြောင်း Carlos III အဖွဲ့ကပြောကြားသည်။

တိုရွန်တိုတက္ကသိုလ်မှ သုတေသီများကလည်းလူနာ၏ ကိုယ်ပိုင်ဆဲလ်များဖြင့် အရေပြားအတုထုတ်ခြင်းကို ဇီဝပရင်တာအားအသုံးပြုကာ စမ်းသပ်ခဲ့ဖူးကြောင်း New Atlas သတင်းတွင် ရေးသားထားသည်။

ကင်ဆာသမားများအတွက်

ကလေးစာပေတွေကို ရေးသားတဲ့ နာမည်ကျော် စာရေးဆရာမ Mrs Ann Cameron ကတော့ သူမရဲ့ အံသြစရာ အတွေ့ အကြုံကို ဝေမျှ ခဲ့ပါတယ်..

သူမ ဘ၀ မှာ ပထမဆုံးခါးသီးစွာ ကြုံတွေ့ ခဲ့ရတဲ့ ရောဂါ ကတော့ ဓာတု ကုထုံး နဲ့  ကုသမှူ ခံယူရင်း ၂၀၀၅ ခုနှစ်မှာ ကွယ်လွန်ခဲ့တဲ့ သူမ ခင်ပွန်းသည် ခံစားခဲ့ရတဲ့ ရက်စက်လှတဲ့ အဆုတ် ကင်ဆာ ပါပဲ..

သူမကိုယ်တိုင် အူမကြီး ကင်ဆာ တတိယ အဆင့်ကို ခံစားနေရတယ်လို့  သိလိုက်ရချိန်မှာ သူမဟာ သူမ ရဲ့ ခင်ပွန်းသည်လို ဓာတုကုထုံး နဲ့  ကုသမှူ ခံယူဖို့ ကို ငြင်းဆိုခဲ့ပါတယ်… ၂၀၁၂ ခုနှစ် ဇွန်လ မှာ ခွဲစိတ်ကုသမှု ခံယူခဲ့ပါတယ်… အဲ့ဒီနောက် တစ်ရက်ထက် တစ်ရက် သက်သာ သလို ခံစားခဲ့ရပေမဲ့ ၆ လ အကြာ စမ်းသပ်စစ်ဆေးမှူတွေ ပြုလုပ်ချိန်မှာတော့ ကင်ဆာဆဲလ် တွေဟာ သူမ ရဲ့ အဆုတ်အထိ ပြန့်နှံ့လာပြီး ကင်ဆာ စတုတ္ထ အဆင့်အထိ ရောက်နေကြောင်း သိလိုက်ရပါတယ်…

Ann ဟာ ဒီရောဂါဆိုး ကြီးကို တိုက်ထုတ်နိုင်မဲ့ နည်းမျိုးစုံ ကို လေ့လာရှာဖွေတဲ့အခါ အရေပြားရောဂါဆိုးကြီးကို ခံစားခဲ့ရတဲ့ Ralph Kalley ရဲ့  ဖြစ်စဉ်ကို သိလာခဲ့ပါတယ်.. Ralph Kalley ရဲ့  အပြော အရဆိုရင်တော့ သူဟာ ၂.၅ ကီလိုဂရမ် အလေးချိန်ရှိတဲ့ မုန်လာဥနီ ဖျော်ရည်ကို နေ့စဉ် တိုင်း တစ်နေကုန်သောက်သုံးရင်းနဲ့  သူ့ ရဲ့  အရေပြားကင်ဆာ ကို ကုသနိုင်ခဲ့တယ်လို့  ဆိုပါတယ်…

Annကတော့ အောက်ပါ နည်းများနဲ့ သူမရဲ့ ကျန်းမာရေးကို တိုးတက် စေခဲ့တယ် လို့ ဆိုပါတယ်..

• မုန်လာဥနီ ဖျော်ရည်ကို ၈ ပတ် ဆက်တိုက် သောက်ပြီးနောက် ကင်ဆာဆဲလ် တွေ ပြန့် နှံ့ ခြင်း မရှိတော့ပဲ အသားပိုတွေဟာလည်း ကျုံ့ လာတယ်ဆိုတာကို စမ်းသပ် တွေ့ ရှိခဲ့ရပါတယ်.

• ၄ လ ခန့်  ဆက်တိုက် သောက်ပြီးချိန်မှာ တော့ အဖုအကျိတ်လေးတွေ ဟာ ပုံမှန်အတိုင်းပြန်ဖြစ်သွားပြီး ကင်ဆာဆဲလ်တွေကိုလည်း ဆက်လက် ထိန်းချုပ် ကုသနိုင်ကြောင်းတွေ့ ရှိခဲ့ ပါတယ်..

• ၈ လ ပြည့်တဲ့ အချိန်မှာတော့ နေ့စဉ် တစ်နေကုန် မုန်လာဥနီ ဖျော်ရည်ကို မပျက်မကွက် သောက်ခဲ့ တဲ့ ကျေးဇူးနဲ့  ကင်ဆာရောဂါ လုံးဝ ပျောက်ကင်းသွားကြောင်း စစ်ဆေး တွေ့ ရှိခဲ့ရပါတယ်…

အခုလို အံ့သြစရာ ရလာဒ် များ ကို ရစေခဲ့တာကတော့ မုန်လာဥနီ ဖျော်ရည်မှာ ပါဝင်တဲ့ Fatty Alcohol ၊ ကင်ဆာဖြစ်စေသော ဆဲလ်များကို သဘာဝအလျောက် သေစေတဲ့ ဓါတ်များ နဲ့  မုန်လာဥမှာ ပါဝင်တဲ့ Carotene တို့ က ကင်ဆာဆဲလ်များ ဖြစ်ပွားခြင်းကို ထိထိရောက်ရောက် ကာကွယ် ပေးခဲ့ခြင်း ကြောင့် ဖြစ်ပါတယ်။

သူမရဲ့ မုန်လာဥနီ ဖျော်ရည် ကုထုံး ကို ဆောင်ရွက်လို့ အပြီးမှာ အခုလို ထိရောက်တဲ့ ရလာဒ်ကောင်းများ ရခဲ့ပြီးတဲ့နောက် Ann Cameron ဟာ “မုန်လာဥနီ ဖြင့် ကင်ဆာရောဂါကို ကုသခြင်း” ဆိုတဲ့ စာအုပ် ကို ရေးသား ထုတ်ဝေခဲ့ပါတယ်။ စိတ်ဝင်စားသူတွေ အနေနဲ့  Amazon website မျာ ၀ယ်ယူနိုင်ပါတယ်။

မုန်လာဥနီ ဖျော်ရည်ပြုလုပ်ရန် လိုအပ်သော ပစ္စည်းများ (တစ်ခွက်စာ)
- မုန်လာဥနီ ၆ တောင့် (၂.၅ ကီလို ဂရမ် ခန့်)
- သံပုရာသီး တစ်ခြမ်း (အနံ့မွှေးကြိုင်စေရန်)
- ၁ လက်မ ခန့်  အရွယ် ဂျင်း တစ်တက်
- နနွင်းမှုန့်  လက်ဖက်ရည်ဇွန်း တစ်ဝက် သို့ မဟုတ် ၄ ပုံ ၁ ပုံ
- သစ်ဂျပိုးခေါက် အမှုန့်  လက်ဖက်ရည်ဇွန်း ၈ ပုံ ၁ ပုံ
- ရေဖန်ခွက် တစ်ဝက်

ပြင်ဆင်ပုံ

ပါဝင်သည့် ပစ္စည်းများအားလုံးကို (သစ်ဂျပိုးခေါက်မှုန့် မှ လွဲပြီး) သစ်သီးဖျော်စက်ထဲသို့ ထည့်ကြိတ်ပါ၊ ထို့ နောက် အဖတ်များကို သေချာစွာ စစ်ထုတ်ပြီး သစ်ဂျပိုးခေါက်မှုန့် ထည့်ပြီး သေချာစွာမွှေပါ။ ခပ်ကျဲကျဲ သောက်လိုပါက ရေထပ်ထည့် နိုင်ပါသည်။

Credit

ရန်ကုန်တီးဟောက်စ် ကမ္ဘာ့အကောင်းဆုံး လက်ဖက်ရည်ဆိုင် ၁၁ ဆိုင်စာရင်းထဲပါဝင်



ရန်ကုန်မြို့ ပန်းဆိုးတန်းလမ်းမှာ ဖွင့်လှစ်ထားတဲ့ ရန်ကုန်တီးဟောက်စ်ဟာ စီအဲန်အဲန် သတင်းဌာနက ဖော်ပြတဲ့ ကမ္ဘာ့အကောင်းဆုံး လက်ဖက်ရည်ဆိုင် ၁၁ ဆိုင်စာရင်းထဲမှာ ပါဝင်လာခဲ့ ပါတယ်။
ကမ္ဘာအနှံ့အပြားမှ အကောင်းဆုံး လက်ဖက်ရည်ဆိုင်တွေနဲ့အတူ ပူးတွဲဖော်ပြ ထားတဲ့ ဒီစာရင်းမှာ ရန်ကုန်တီးဟောက်စ်ကို တတိယနေရာမှာ ဖော်ပြထားခဲ့တာပါ။
လမ်းမတွေပေါ်မှာ ပြန့်ကျဲနေတဲ့ ရောင်စုံပလတ်စတစ်ခုံတွေနဲ့ လက်ဖက်ရည်ဆိုင်တွေဟာ အလွယ်တကူ မှတ်မိနိုင်စေတယ်လို့ ရည်ညွှန်းခဲ့ပြီး ရန်ကုန်တီးဟောက်စ်ကိုတော့ ပြည်တွင်း ဒေသခံတွေနဲ့ ကမ္ဘာလှည့် ခရီးသွားတွေအတွက် တွေ့ဆုံနိုင်ဖို့ အကောင်းဆုံးနေရာတခုလို့ ဖော်ပြခဲ့တာပါ။
ဆိုင်မှာ ရရှိနိုင်တဲ့ လက်ဖက်ရည်၊ ရေနွေးကြမ်းအပြင် နာမည်ကျော်အစားအစာ တခုအဖြစ် အုန်းနို့ခေါက်ဆွဲ ကိုလည်း ဖော်ပြထားခဲ့တာပါ။ အကောင်းဆုံးဆိုင် ၁၁ ဆိုင်စာရင်းမှာ ပထမဆုံးဖော်ပြတဲ့ ဆိုင်ကတော့ တာဂျစ်ကစ္စတန်နိုင်ငံမှ Rokhat Dushanbe လို့အမည်ရတဲ့ ဆိုင်ဖြစ်ပါတယ်။
မြို့ရဲ့ လှပတဲ့ မြင်ကွင်းတွေကို လှမ်းမြင်နိုင်တဲ့ လက်ဖက်ရည်သောက်ဖို့ အ ကောင်းဆုံးနေရာ တခုဖြစ်ပြီး နွားနို့များများနဲ့ ဖျော်ထားတဲ့ လက်ဖက်ရည်ရယ်၊  osh နဲ့ shashlik kebabs တို့လို ဒေသ အစားအစာ တွေနဲ့ တွဲဖက်သုံးဆောင်နိုင်တယ်လို့ ဖော်ပြ ထားတာပါ။
ဒုတိယမြောက် ဖော်ပြထားတဲ့ ဆိုင်ကတော့ အမေရိကန်နိုင်ငံ၊ မိန်းပြည်နယ်မှ တီး ဟောက်စ် ၂၇၈ ဖြစ်ပြီး ဆိုင်တွင်းမှာ ဇင်ဗုဒ္ဓဘာသာ အငွေ့အသက်တွေနဲ့ ကျောက်တုံးဥယျာဉ်တွေ၊ တရုတ်အနုပညာ အလှဆင် ဖန်တီးထားမှုတွေကို တွေ့ရမှာဖြစ်တယ်လို့ ဆိုပါတယ်။
ဆိုင်မှာ ရောင်းချတဲ့ လက်ဖက်ရည်ဟာ တရုတ်နဲ့ ထိုင်ဝမ်နိုင်ငံတွေက မိသားစုပိုင် လက်ဖက် စိုက်ခင်းတွေက ဖြစ်ပြီး ငြိမ်သက်တိတ်ဆိတ်တဲ့ ၀န်းကျင်ထဲကို ရောက်ရှိသွား စေနိုင်မယ် လို့ ဖော်ပြပါတယ်။
လေ့လာမြည်းစမ်းချင်တဲ့ သူတွေအတွက် ဆိုင်တွေရဲ့ လိပ်စာတွေကို ထင်ရှားတဲ့ အစားအသောက်တွေနဲ့ အတူ ဖော်ပြထားခဲ့တာပါ။

Source: DVB

တရုတ်နိုင်ငံတွင် အမှတ်ချေးငှားပြီး စာမေးပွဲအောင်နိုင်သည့်စနစ်တီထွင်

တရုတ်နိုင်ငံပညာရေးစနစ်တွင် မတော်တဆ စာမေးပွဲကျသွားခြင်းကို ကာကွယ်ပေးသည့် အနေဖြင့် ကျောင်း တစ်ကျောင်းတွင် အမှတ်ချေးငှားနိုင်သော “အဆင့်ဘဏ်” (Grade Bank) စနစ်ကို တီထွင်ထားကြောင်း The Guardian သတင်းတွင်ဖော်ပြထားသည်။

တရုတ်နိုင်ငံအရှေ့ပိုင်း အထက်တန်းကျောင်းတစ်ကျောင်းတွင် “အဆင့်ဘဏ်” စနစ်ကိုတီထွင်ပြီး မတော်တဆ စာမေးပွဲကျနေပါက အဆင့်ဘဏ်တွင် အပ်ထားသည့် အမှတ်ထဲမှ ကယ်မှတ်ကိုပြန်လည်တောင်းခံပြီး အအောင်ရစေရန် ဆောင်ရွက်နိုင်ကြောင်း ယင်းသတင်းကဆိုသည်။

ဘဏ်တွင် အမှတ်များကို အပ်ထားနိုင်ရန်အတွက် ကျောင်းသားများသည် လက်တွေ့ဓာတ်ခွဲခန်းအတွင်း စမ်းသပ်လုပ်ဆာင်ထားမှု ရလဒ်များ သို့မဟုတ် ပြည်သူ့အကျိုးဆောင်ရွက်မှုစသည့် လူမှုရေးဆိုင်ရာ လုပ်ငန်း များက ရရှိသော အမှတ်များကိုသာ သိမ်းဆည်းထားနိုင်မည်ဖြစ်သည်။

တရုတ်ပညာရေးစနစ်သည် နောက်ဆုံးအတန်းတင်စာမေးပွဲနှင့် အထက်တန်းအောင်ပြီးပါကလည်း ကောင်းခေါင်ဟုခေါ်သည့် တက္ကသိုလ်ဝင်တန်းစားမေးပွဲတစ်ခုတည်းကို အဓိကအလေးထား သင်ယူနေကြ ရသည့် ပညာရေးစနစ်ဖြစ်ပြီး နည်းပညာမျိုးစုံနှင့် စောင့်ကြည့်မှုများကြားတွင် စာမေးပွဲများကို ဖြေဆိုနေကြရ ခြင်းဖြစ်သည်။

တရုတ်စာမေးပွဲစနစ်တွင် နောက်ဆုံးအတန်းတင်စာမေးပွဲများ၌ ဝတ်ဆင်လာသည့် လက်ဝတ်ရတနာများ၊ မျက်မှန်များ၊ ဘော့ပင်၊ နာရီ၊ ပေတံနှင့် အတွင်းခံဘောင်းဘီအထိ စစ်ဆေးစောင့်ကြည့်နေကြရသည့် အနေအထားများကို ရင်ဆိုင်နေကြရသည်။

စာမေးပွဲ၏ ရည်ရွယ်ချက်မှာ ကျောင်းသားများကို ရမှတ်ဖြင့် ပိုင်းဖြတ်သည့်စနစ်ဖြစ်ပြီး အမှတ်များမှ တော်သည်ဆိုသော စနစ်ကို ကျင့်သုံးနေဆဲဖြစ်သောကြောင့် အမှတ်ဖြင့် ကျောင်းသားတစ်ဦးကို ပိုင်းဖြတ်နေရ သည့်အနေအထားတွင် အခက်အခဲများကို ရင်ဆိုင်နေကြရသည်။

တရုတ်နိုင်ငံ နန်ကျင်း အမှတ် ၁ အထက်တန်းကျောင်းတွင် “အဆင့်ဘဏ်” စနစ်ကို ရှေ့ပြေးအစီအစဉ်အနေ ဖြင့် စတင်စမ်းသပ်လျက်ရှိကာ အမှတ်များကို ချေးငှားပေးနိုင်ရန် စီစဉ်ပေးနေကြောင်း The Guardian သတင်း တွင်ရေးသားထားသည်။

ကျောင်းသားတစ်ဦးဖြစ်သူ ဂေါင်ရီဆိုသူသည် ရူပဗေဒဘာသာရပ်တွင် အမှတ် ၆၀ ရမှအောင်မည်ကို ၇ မှတ်လျှော့နည်းနေသောကြောင့် အဆင့်ဘဏ်က အမှတ်ကိုချေးငှားပြီး အောင်မြင်လာခဲ့ရသည်ဟု ယင်း သတင်းကဆိုသည်။

စာမေးပွဲတွင် တစ်မှတ်ဆိုသည်ကလည်း အရေးကြီးကြောင်း၊ တစ်မှတ်ကြောင့် စာမေးပွဲကျသွားလျှင် ကျောင်းသားများ အနေဖြင့် စိတ်ဓာတ်ပိုင်းပါ ပျက်စီးသွားနိုင်ကြောင်း၊ ထိုသို့မဖြစ်စေရန် “အမှတ်နီ” ဟုခေါ်နေ သည့် အသက်ကယ်မှတ်ကို ဘဏ်ကတစ်ဆင့် ပြန်ဖြည့်ပေးနိုင်ရန် စီစဉ်ပေးထားခြင်းဖြစ်ကြောင်း ရူပဗေဒဆရာ မေဟောင်းကပြောကြားသည်။


Related Posts Plugin for WordPress, Blogger...