Motorola Phone X ရဲ့ သတင်းအစအနများ

Google ကနေ ပိုင်ဆိုင်ထားတဲ့ ဖုန်းထုတ်လုပ်သူဖြစ်တဲ့ Motorola ဟာ အခု ထွက်ရှိလာတဲ့ သတင်းပေါက်ကြားမှုတွေ မှန်ကန်ခဲ့မယ်ဆိုရင် Smartphone သရဖူကို အရယူတော့မယ့်ပုံ တွေ့ရပါတယ်။

အခုနှစ် November မှာ ထွက်ရှိလာမဲ့ X Phone လို့အမည်ရတဲ့ ဖုန်းဟာ အရည်အသွေးပိုင်းမှာ အလွန်အမင်းကြီးကို ကောင်းမွန်နေတာ တွေ့ရပါတယ်။

PhoneArena ဆိုက်မှာ ဖော်ပြထားချက်အရ X Phone မှာ 2GHz Snapdragon 800 processor ပါဝင်မယ်လို့ ဆိုပါတယ်။ ဒါဟာ လက်ရှိ Smart Phone တွေအားလုံးထပ် ပိုမြန်ပြီး (4K video တွေကို ပြသနိုင်မဲ့ Processor ဖြစ်ပါတယ်။)

4000mAh battery ဆိုတာဟာလည်း လက်ရှိ Smart Phone Battery တွေရဲ့ ၂ဆနီးပါးလောက် ဖြစ်နေပါတယ်။ နောက်ပြီး Sapphire Glass screen ကိုလည်း ထည့်သွင်းထားမယ် ဆိုပါတယ်။ ဒါဟာ လက်ရှိ အမာကြောဆုံး အသုံးအများဆုံး Gorilla Glass ထက် ၃ဆ ပို မာကြောမှာ ဖြစ်ပါတယ်။

Motorola အမြင့်ပိုင်း ဖုန်းတွေ အတိုင်း ရေစိမ်ခံပြီး carbon fibre နဲ့ ပြုလုပ်ထားတဲ့ ကြောပြင်ပါဝင်မှာဖြစ်ပါတယ်။ ဒီအချက်အလက်တွေဟာ ယုံရခက်လောက်အောင်ကို အကောင်းလွန်နေသလို ဖြစ်နေတယ် မဟုတ်ပါလား။

ဒါ့အပြင် တခြားသတင်းတွေအရ customisible device မိမိကိုယ်တိုင် ပြင်ဆင်လို့ရတဲ့ Smartphone တစ်လုံးလည်း ဖြစ်မယ်လို့ ဆိုပါတယ်။ ကားတစ်စီးကို မ၀ယ်ခင် မိမိစိတ်ကြိုက် အစိတ်အပိုင်းတွေကို ပြင်ဆင်ပြောင်းလဲ တပ်ဆင်နိုင်မဲ့ ပုံစံမျိုးပါ။ Motorola ရဲ့ အကြံပေး Guy Kawasaki ကလည်း သူ့ရဲ့ G+ Page မှာ အဆိုပါ သတင်းကို သေချာစေလောက်တဲ့ စကားတွေ ပြောခဲ့ပါတယ်။ Customisible Porsche ကားတစ်စီးလို သင့်ရဲ့ ဖုန်းကို စိတ်ကြိုက်တပ်ဆင်ရရင် မကောင်းဘူးလားလို့ မေးခွန်းထုတ်ခဲ့ပါတယ်။

အခု သတင်းရဲ့ အသေးစိတ် အချက်အလက်တွေကိုတော့ ဆက်လက် စောင့်မျှော်နိုင်ပါတယ်။

Stuff Myanmar
Via: PhoneArena

ကမ္ဘာ့ အဆိပ်အပြင်းဆုံး သစ်ပင် (Manchineel)

ကမ္ဘာ့အဆိပ်အပြင်းဆုံး သစ်ပင်လို့ အသတ်ခံထားရတဲ့ အပင်ကတော့ Manchineel အမည်ရ သစ်ပင်ပဲ ဖြစ်ပါတယ်။

၁၅ မီတာအထိ ရှည်နိုင်တဲ့ အပင်မျိုး ဖြစ်ပြီး အမေရိကန်နိုင်ငံ အရှေ့ တောင်ပိုင်း ဖလော်ရီဒါပြည်နယ်မှာ အတွေ့များပါတယ်။ ပင်လယ် ကမ်းခြေတွေမှာ ပေါက်တတ်ပြီး ရေတိုက်စားခြင်းကို အဓိက ကာကွယ်ပေး တဲ့ အပင်များ လည်း ဖြစ်ပါတယ်။ အဆိပ်ကလည်း တော်တော်ပြင်းပါတယ်။

သူ့မှာ ပေါက်တဲ့ အသီးဟာ ပန်းသီး ပုံသဏ္ဍန်နဲ့ နီးစပ်ပြီး Manchineel Apple လို့လည်း လူသိများပါတယ်။ ယင်းပန်းသီး တစ်လုံးဟာ လူ အယောက် ၂၀ ကို သေစေနိုင်ပါတယ်။ မိုးရွာနေတဲ့အချိန် ယင်း အပင်အောက် သွားမခိုဖို့ တားမြစ်ထားပါတယ်။ မိုးရွာချိန်သွာခိုမိရင် ခန္ဓာကိုယ် အရေအပြားမှာ မီးလောင်ဒဏ်ရာလို အရေကြည်ဖု များ ပေါက် မှာ ဖြစ်ပါတယ်။

အပင်ကနေ နို့ရည် အရောင် အဆင်းရှိတဲ့ အရည်များ ကျဆင်းလို့ ဖြစ်ပါတယ်။ ပင်စည်ကိုလည်း သွားမကိုင်ဖို့ တားထားပါတယ်။ ပင်စည်ကို ကိုင်မိရင် လက်မှာလည်း အရည်ကြည်ဖု ထပါတယ်။

အပင်ကို မီးရှို့  ရင် ယင်းအပင်က အငွေ့ တစ်မျိုးထွက်ပြီး ယင်းအငွေ့က မျက်စိကန်းစေပါတယ်။ ရှုရှိုက်မိရင်လည်း မူးမေ့ပြီး အချိန်မှီ ဆေး မပေးနိုင်ရင် သေပါတယ်။ ဒါကြောင့် လူတိုင်းကြောက်တဲ့ သစ်ပင်
လည်း ဖြစ်ပါတယ်။ ယင်း Manchineel (မန်ချင်းနီးလ်) သစ်ပင်များ ပေါက်ရောက်ရာ တောများသို့ မသွားရောက်ရန်လည်း တားမြစ် ထားပါတယ်။

မြေဆီလွှာအား ရေတိုက်စားခြင်းကို အဓိကကာကွယ်ပေးတဲ့ လုပ်ငန်း တစ်ခုကြောင့်လည်း ယင်းအပင်များကို မရှင်းလင်းပါဘူး။ ရှင်းလင်းရန်လည်း ခက်ခဲ အန္တရာယ်ကြီးတဲ့ အပင်များ ဖြစ်ပါတယ်။ သဘာဝအတိုင်းပေါက်ရောက်တာ ဖြစ်တဲ့အတွက်လည်း မပျက်ဆီးစေဖို့ စောင့်ရှောက်ထားပါတယ်။

ဒါကြောင့် Manchineel (မန်ချင်းနီးလ်) သစ်ပင်နဲ့ ပန်းသီးကို ခေတ်သစ် ဧဒင် သစ်ပင် နဲ့ ပန်းသီးလို့ တင်စားခေါ်ဝေါ်ကြကြောင်း သိရပါတယ်။

Ref: wiki
ရိုးရာလေး ဗဟုသုတ

ငှက်ပျောသီး ဖြင့် ၀ိတ်ချခြင်း

ဒီ plan ဟာ ၀ိတ်ကျတာ မြန်ပေမယ့် (၁) ပတ် (၂) ပတ် ထက်ပိုပြီး စားနိုင်ဖို့ မလွယ်ပါဘူး။ အမြဲအလွန်အကျွံလုပ်ရင်လည်း ကျန်းမာရေးထိခိုက်နိုင်ပါတယ်။ ဒီတော့ ပုံမှန်လေးလည်း စားချင်တာစားမယ်။ ပုံမှန်လေးနဲ့ ဖြည်းဖြည်းချင်းကျမယ့် plan မျိုးကို တောင့်တ ခဲ့ပါတယ်။

၂၀၀၈ ခုနစ်က စပြီး ဂျပန်နိုင်ငံမှာ ခေတ်စားလာတဲ့ The Morning Banana Diet plan ဟာ စိတ်ဝင်စားလည်းကောင်း၊ကိုယ်တိုင် လက်တွေ့ လိုက်လုပ်ကြည့်တာမှာ လွယ်လည်းလွယ်ပြီး ကျန်းမာရေးနဲ့ လည်း ညီညွတ်လို့ အားလုံးကို ကဗျာ ဒီကနေပဲ ပြန်လည်ဝေမျှချင်ပါတယ်။


စိတ်ကြိုတင်ပြင်ဆင်ခြင်း

တကယ်တော့ ၀ိတ်ဆိုတာ ခဏလေးနဲ့ တက်လာတာမဟုတ်သလို ခဏလေးနဲ့ လည်း မကျနိုင်ပါဘူး။ ဒီသဘောတရားကို အရင် နှလုံးသွင်းထားဖို့ လိုပါတယ်။စိတ်ရှည်ရမယ်။ အချိန် ယူပြီး ပုံမှန် လုပ်သွားနိုင်ရမယ်။ diet plan rule ကို နားလည်သဘောပေါက်ပြီး တိတိကျကျ လိုက်နာဖို့ လိုအပ်ပါတယ်။

(၁) ငှက်ပျောသီး ကို မနက်စာ အဖြစ် သုံးဆောင်ပါ။

ငှက်ပျောသီး ဟာ အစာခြေခြင်း၊ အစာဖျက်ခြင်း ဖြစ်စဉ်တွေကို ပိုမိုလွယ်ကူစေတဲ့ အပြင် သူ့မှာပါဝင်တဲ့ ကစီမျှင် ဓာတ်ဟာ ရင်ပြည့်တဲ့ စိတ်ကို ဖြစ်စေပါတယ်။ မနက်မိုးလင်း စားထားတဲ့ ငှက်ပျောသီး ဟာ တစ်နေ့တာလုံးမှာစားတဲ့ နေ့လည်စာ နဲ့ ညစာမှာစားတဲ့ ကိုယ်စားတဲ့ အစာ ထဲက carbohydrate စုပ်ယူမှုကိုလည်း တားဆီးပေးထားနိုင်ပါတယ်။ ကဲ ဒီ ပထမ rule ကတော့ မနက်စာ ငှက်ပျောသီး ကို ကိုယ်ရင်ပြည့်တဲ့ အထိ မနက်စာစာပေးဖို့ ပါပဲ။

(၂) တစ်နေ့တာလုံး သာမာန် အပူချိန်ရှိတဲ့ ရေ တစ်မျိုးတည်းကို သာ သောက်ပါ။

ရေ ဟာ လည်း ဗိုက်ဆာမှုကို လျော့ကျစေပြီး စားသမျှကို ခြေဖျက် နိုင်ဖို့ အကူအညီပေးပါတယ်။ ရေခဲရေ မဟုတ်ရပါဘူး၊ ပူခြစ်တောက်နေတဲ့ ရေ ပူလည်း မဟုတ်ရပါဘူး၊ ကိုယ့် အခန်း အပူအချိန်နဲ့ တစ်ထပ်တည်းကျတဲ့ ရိုးရိုးရေ ကိုသောက်ရမှာဖြစ်ပါတယ်။ တချို့ က မနက်စာကို ငှက်ပျောသီးကို နွားနို့ နဲ့ သောက်ပါတယ်။ ဒီဟာ ၀ိတ်ကို ပို တက်စေတဲ့ အသားတိုး အားဆေး ပါ။ ကဗျာတို့ က၀ိတ်ချနေတာဆိုတော့ ဒီဟာ နဲ့ ဆန့်ကျင်ဘက်ဖြစ်ပါတယ်။” Dairy products and alcohol are also not allowed on this diet. ” နို့ ထွက် ပစ္စည်းများ ၊ alcohol ပါဝင်သော အရည်များ လုံးဝ သောက်လို့ မရပါဘူး။ လဖက်ရည် ၊ ကော်ဖီ သောက်နေကျ ကို ဖြတ် ဖို့ မလွယ်ကူဘူးဆိုရင် လျှော့သောက်ပါ။ တတ်နိုင်ရင် ရေ ကလွဲပြီး တခြား ဘာမှ မသောက်ရင် ပို ၀ိတ်ကျ မြန်စေပါတယ်။

(၃) နေ့ လည်စာ နဲ့ ညစာ ပုံမှန်စားပါ။

ဒီ plan မှာ ကဗျာ အကြိုက်ဆုံးက တော့ နေ့လည် စာ ညစာ ကို ပုံမှန် ကြိုက်တာ စားခွင့်ပေးတာပါပဲ။ စိတ်ပင်ပန်း လူပင်ပန်း သိပ်မခံရတော့ဘူး ပေါ့။ ဒါပေမယ့် ပုံမှန် ဆိုတဲ့ နေရာမှာလည်း တန်ရင် ဆေး လွန်ရင်ဘေး ဆိုတာကို သတိချပ်လို့ အစားပမာဏကို ချင့်ချိန်ပြီး ကျန်းမာ ရေးနဲ့ ညီညွတ်တဲ့ အသား၊ငါး၊ အရွက်၊သီးနှံ မျှမျှတတ စားဖို့ တော့ ဂရုစိုက်စေချင်ပါတယ်။

(၄) ညစာ စားချိန် ၈ နာရီထက်နောက်မကျပါစေနဲ့။

ည ၈ နာရီကျော် ရင် ကိုယ်ထဲက အစာချေဖျက်မှု လုပ်ငန်းစဉ် အလုပ်မလုပ်တော့ ပါဘူး။ အဲဒီ အချိန်မှာ စားသမျှဟာ ၀ိတ်တက်စေနိုင်ပါတယ်။ ၈ နာရီမတိုင်ခင်မှာ ကိုယ့်ရဲ့ ညစာကို အချိန်မှန်စားဖို့ ဟာ အလွန်အရေးကြီးသော်လည်း လူတိုင်း သတိမမူ မေ့လျှော့တတ်တဲ့ အလေ့အထ ဖြစ်တတ်ပါတယ်။ ဒီအချက်ကို ပုံမှန်လေး လိုက်နာသွားမယ် အမြဲတမ်း လုပ်သွားနိုင်မယ်ဆိုရင်တော့ ပျိုမေတို့ ကိုယ်မှာ ၀ိတ် တက်ဖို့ အကြောင်း နောက် သိပ်မရှိတော့ပါဘူး။

(၅) ည ၁၂ နာရီ မကျော်ခင် အိပ်ပါ။

အိပ်ချိန် မမှန်ခြင်း၊ အိပ်ချိန်နောက်ကျခြင်း တို့ဟာ ၀ခြင်းကို ဖြစ်စေတဲ့ အဓိက အကြောင်းအရာတွေထဲမှာပါကြောင်း Scientists တွေက စမ်းသပ်တွေ့ရှိထားပြီးသားပါ။ ဒါပေမယ့်လည်း လူတိုင်းက ဒီအချက်ကို မေ့လျော့ ပေါ့ဆ ပြီး ဂရုမစိုက်တတ်ကြပါဘူး။ ည ၁၂ မတိုင်ခင် အိပ်ခြင်းဟာ ၀ိတ် ကျခြင်း ကို အများကြီး အထောက်အကူပြုစေပါတယ်။ ဒါကြောင့် ပျိုမေတို့ ၀ိတ်ကျဖို့ ည၁၂ နာရီမတိုင်ခင် တတ်နိုင်သလောက် ကြိုးစားပြီး အိပ် ပေးပါ။

ဘယ်အတိုင်းအတာထိ ဘယ်အချိန် ထိ ဒီ plan ရဲ့ rule တွေကို လိုက်နာရမလဲ လို့ မေးဖို့ ရှိပါတယ်။ တကယ်တော့ ဒီ plan ဟာ အမြဲတမ်းလုပ်သွားနိုင်လေလေ ၀ိတ်ကို ပုံမှန်ထိန်းသွားနိုင်လေ ဖြစ်တဲ့ plan မျိုးပါ။ တစ်ယောက်နဲ့ တစ်ယောက် အကျိုးသက်ရောက်မှု မတူသော်ငြားလည်း ဒီ diet plan ရဲ့ rule တွေဟာ ကျန်းမာရေးနဲ့ ညီညွှတ်ပြီး ၀ခြင်း ကို ကာကွယ်ပေးလို့ ဂျပန်နိုင်ငံ က ပျိုမေများ နေ့စဉ် လိုက်နာကျင့်သုံးနေတဲ့ plan ဖြစ်ပါတယ်။

စိတ်အားလည်း ထက်သန်တယ်။ စိတ်ကို လည်း ကြိုတင်ပြင်ဆင်မယ်။ Rule တွေ အားလုံးကို လည်း အတတ်နိုင်ဆုံး လိုက်နာမယ်။ ကိုယ့် ၀ိတ်ကို လည်း တစ်ပတ် တစ်ခါ တိုင်းပြီး စောင့်ကြည့်မယ် ဆိုရင် ပျိုမေတို့ ၀ိတ်ကျဖို့ သေချာပါတယ်။

credit to Shwe Beauty

ဗုဒ္ဓဘာသာဝင်တိုင်းသိသင့်သော သိမှတ်ဖွယ်ရာများ

ဘဒ္ဒကမ္ဘာတွင် ပွင့်တော်မူသော ဘုရားငါးဆူ

၁။ ကကုသန်မြတ်စွာဘုရား
၂။ ကောဏဂုံမြတ်စွာဘုရား
၃။ ကဿပမြတ်စွာဘုရား
၎။ ဂေါတမမြတ်စွာဘုရား
၅။ အရိမေတ္တေယျမြတ်စွာဘုရား (နောင်ပွင့်တော်မှုမည်)

သာသနာတော်သုံးရပ်

၁။ ပရိယတ္တိ သာသနာ = ပိဋကပ်စာပေသင်ကြားခြင်း
၂။ ပဋိပတ္တိ သာသနာ = တရားတော်နှင့်အညီကျင့်ခြင်း
၃။ ပဋိဝေဒ သာသနာ = ထိုးထွင်းသိမြင်ခြင်း

ရတနာသုံးပါး

၁။ ဘုရား
၂။ တရား
၃။ သံဃာ


ဂေါတမဗုဒ္ဓမြတ်စွာဘုရားနှင့် ပတ်သက်၍ သိသင့်သောအချက်များ

မြတ်စွာဘုရား၏ ဖခမည်းတော်အမည် = သုဒ္ဓေါဓန
မြတ်စွာဘုရား၏ မယ်တော်အမည် = မယ်တော်မာယာ
မြတ်စွာဘုရား၏ မွေးဖွားရာဇာတိ = ကပ္ပိလ၀တ်
မြတ်စွာဘုရား၏ ငယ်နာမည် = သိဒ္ဓတ္ဘမင်းသား
မြတ်စွာဘုရား၏ ကြင်ယာတော် = ယသော်ဓရာ
မြတ်စွာဘုရား၏ သားတော် = ရာဟုလာ
မြတ်စွာဘုရား၏ ဖွားဖက်တော်ခုနှစ်ယောက်= မောင်စံ၊ ခန္ဓိကမြင်း၊ ကာဠုဒါရီအမတ်၊
ရွှေအိုးကြီးလေးလုံး၊ ညီနော်အာနန္ဒာ၊ ယသော်ဓရာ၊ ဗောဓိညောင်ပင်

သံဝေဇနိယ လေးဌာန

၁။ မြတ်စွာဘုရားဖွားမြင်သည့်အရပ် = လုံမ္ဗနီဥယာဉ်
၂။ ဘုရားအဖြစ်ရောက်တော်မူသောနေရာ = ဗုဒ္ဓဂါယာ
၃။ ဓမ္မစကြာတရားဦးဟောတော်မူသောနေရာ = မိဂဒါဝုန်တော
၎။ ပရိနိဗ္ဗာန်ပြုသောနေရာ = ကုသိနာရုံ

သတ္တဌာန ခုနှစ်ပါး

၁။ အောင်မြင်တော်မူသော ဗောဓိညောင်ပင်၏ အရှေ့မြောက်တစ်လံကွာ ရွှေပလ္လင်ဌာန
၂။ ဗောဓိပင်၏ မြောက်ဘက် ၁၀ လံကွာဌာန အနိမိသအရပ်
၃။ ဗောဓိပင်နှင့် အနိမိသအကြားနှစ်လံကွာဌာန ရတနာစင်္ကြံ
၎။ ဗောဓိပင်၏ အနောက်မြောက် ၁၅ လံကွာ ရတနာဃရရွှေအိမ်
၅။ ဗောဓိပင်၏ အရှေ့ ၃၂ လံကွာ အဇပါလ ဆိတ်ကျောင်းညောင်ပင်
၆။ ဗောဓိပင်၏ အရှေ့တောင် ၁၅ လံကွာ မုစလိန္ဒာအိုင်ဝယ် နဂါးပါးပြင်းအောက်ဌာန
၇။ ဗောဓိပင်၏ တောင်ဘက် ၁၁ လံကွာ လင်းလွန်းပင်အရပ်

ဘုရားဂုဏ်တော်ကိုးပါး

၁။ အရဟံ = ပူဇော်အထူးခံယူတော်မူထိုက်သောဂုဏ်။
၂။ သမ္မာသမ္ဗုဒ္ဓေါ = အလုံးစုံသောတရားအပေါင်းကိုသိမြင်တော်မူသောဂုဏ်။
၃။ ၀ိဇ္ဇာစရဏသမ္ပန္နော = ၀ိဇ္ဇာသုံးပါး၊ ၀ိဇ္ဇာရှစ်ပါး၊ စရဏတရား ၁၅ပါး တို့နှင့်
ပြည့်စုံတော်မူသောဂုဏ်။
၎။ သုဂတော = ကောင်းသောစကားကိုသာဆိုတော်မူသောဂုဏ်။
၅။ လောက၀ီဒူ = လောကသုံးပါးကိုသိတော်မူအပ်သောဂုဏ်။
၆။ အနုတ္တရော ပုရိသ ဓမ္မသာရထိ= မယဉ်ကျေးသော လူနတ်ဗြဟ္မာ သတ္တ၀ါတို့ကို ယဉ်ကျေးအောင် ဆုံးမသောဂုဏ်။
ရ။ သတ္ထာဒေ၀မနုဿာနံ = နတ်လူတို့၏ ဆရာဖြစ်သောမူသောဂုဏ်။
၈။ ဗုဒ္ဓေါ = သစ္စာလေးပါးကို သိတော်မူသောဂုဏ်။
၉။ ဘဂ၀ါ = ဘုန်းတော်ခြောက်ပါးနှင့် ပြည့်စုံတော်မူသောဂုဏ်။

တရားဂုဏ်တော် ခြောက်ပါး

၁။ သွာက္ခာတော = တရားတော်၏ အစအလယ်အဆုံးကောင်းသောဂုဏ်။
၂။ သန္ဒိဌိကော = ချီးမွမ်းအပ်သော မဂ်ပညာဖြင့် ကိလေသာကို
အောင်တတ်သောဂုဏ်။
၃။ အကာလိကော = အခါမလင့် ကောင်းကျိုးချမ်းသာပေးတတ်သောဂုဏ်။
၎။ ဧဟိပဿိကော = လာလှည့်ရှုလှည့်ဟူ၍ အစီရင်ကိုခံထိုက်သောဂုဏ်။
၅။ သြပနေယျိကော = စိတ်နှင့်မခွာဘဲဆောင်ခြင်းငှာထိုက်သောဂုဏ်။
၆။ ပစ္စတ္တံဝေဒိတဗ္ဗောဝိညူဟိ = ပညာရှိတို့စိတ်၌ သိအပ်ခံစားအပ်သောဂုဏ်။

သံဃာ့ဂုဏ်တော် ကိုးပါး

၁။ သုပ္ပဋိပန္နော = သိက္ခာကျင့်ဝတ်တို့ကို ကောင်းစွာကျင့်တော်မူသောဂုဏ်။
၂။ ဥဇုပ္ပဋိပန္နော = သိက္ခာကျင့်ဝတ်တို့ကို ဖြောင့်မတ်စွာကျင့်သောဂုဏ်။
၃။ ဥာယပ္ပဋိပန္နော = နိဗ္ဗာန်၏ အကျိုးငှာ ကျင့်တော်မူသောဂုဏ်။
၎။ သာမိစိပ္ပဋိပန္နော = အရိုအသေပြုထိုက်အောင် သိက္ခာတို့ကိုရိုသေထိုက်သောဂုဏ်။
၅။ အာဟုနေယျော = အဝေးမှဆောင်၍ သီလ၀န္တတို့အား လှူအပ်သော ပစ္စည်းကို
ခံယူတော်မူထိုက်သောဂုဏ်။
၆။ ပါဟုနေယျော = ချစ်ခင်နှစ်လိုအပ်သောဧည့်သည်တို့အဖို့ စီရင်ထားသော
မြတ်သောအလှူကိုခံတော်မူထိုက်သောဂုဏ်။
ရ။ ဒက္ခိနေယျော = တမလွန်လောကကို ယုံကြည်၍ပေးအပ်သော မြတ်သော
အလှူကိုခံတော်မူထိုက်သောဂုဏ်။
၈။ အဉ္ဇလီကရဏီယျော = ကောင်းမူကိုအလိုရှိသူတို့ လက်အုပ်ချီ၍ ရှိခိုးခြင်းငှာ
ထိုက်တော်မူသောဂုဏ်။
၉။ အနုတ္တရံပုညခေတ္တံ = ကောင်းမူတည်းဟူသော မျိုးစေ့တို့၏ စိုက်ပျိုးရာ
လယ်မြေကောင်းသဖွယ်ဖြစ်သောဂုဏ်။

အနှစ်သုံးပါး

၁။ ဒါန ၂။ သီလ ၃။ ဘာဝနာ

ပစ္စည်းလေးပါး

၁။ ဆွမ်း ၂။ ဆေး ၃။ သင်္ကန်း ၄။ ကျောင်း

ဆီမီးကပ်လှူခြင်းအကျိုးနှစ်ပါး

၁။ ပကတိမျက်စိကြည်လင်ခြင်း
၂။ ဥာဏ် (မျက်စိ)ကြည်လင်ခြင်း


ဆွမ်းအကျိုး ငါးပါး

၁။ အာယု = အသက်ရှည်ခြင်း
၂။ ၀ဏ္ဏ = အဆင်းလှခြင်း
၃။ သုခ = ချမ်းသာကြီးခြင်း
၎။ ဗလ = ခွန်အားကြီးခြင်း
၅။ ပရိဘာန = ဥာဏ်ပညာကြီးခြင်း

ပန်းလှူရသည့် အကျိုးသုံးပါး

၁။ ရုပ်ရည်လှပသည်။
၂။ ခန္ဒာကိုယ်သန့်ရှင်းစင်ကြယ်စေသည်။
၃။ ခံတွင်းအနံ မွှေးကြည်စေသည်။

သီလရှိသူ ရနိုင်သောအကျိုး ငါးပါး

၁။ စည်းစိပ်ဥစ္စာရရှိနိုင်သည်။
၂။ ဂုဏ်သတင်းကျော်ကြားနိုင်သည်။
၃။ တင့်တင့်တယ်တယ်နေနိုင်သည်။
၎။ မတွေမဝေဘဲသေရမည်။
၅။ သေပြီးနောက် ကောင်းသောဘ၀ရောက်နိုင်သည်။

တရားနာခြင်း၏ အကျိုး ငါးပါး

၁။ မကြားဖူးသော ထုံနည်းပုံစံ တရားကောင်းတို့ကို ကြားရခြင်း။
၂။ ကြားဖူးသော တရားကောင်းကို အဖန်တလဲလဲ မှတ်မိအောင်နာကြားရခြင်း။
၃။ ယုံမှားသံသယကို ဖျောက်နိုင်ခြင်း။
၎။ အယူဝါဒကို ဖြောင့်မတ်စွာ ယူနိုင်ခြင်း။
၅။ သဒ္ဓါယုံကြည်သောစိတ်တိုးပွားစေခြင်း။

မေတ္တာအကျိုး ၁၁ ပါး

၁။ ချမ်းသာစွာအိပ်ရသည်။
၂။ ချမ်းသာစွာနိုးရသည်။
၃။ မကောင်းသောအိမ်မက်မမြင်
၎။ လူနတ်ချစ်သနားသည်။
၅။ ဘေးလွတ်အောင်နတ်တို့စောင်မသည်။
၆။ မီးမလောင်နိုင်
၇။ ဓားလက်နက်မထိနိုင်
၈။ အဆိပ်နှင့်မသေနိုင်
၉။ မကောင်းသောစိတ်ပျောက်သည်။
၁၀။ မျက်နှာအဆင်းလှသည်။
၁၁။ မတွေဝေဘဲသေ၍ ဗြမ္မာပြည်သို့ရောက်သည်။

သည်းခံခြင်းအကျိုး ငါးမျိုး

၁။ လူအများချစ်ခြင်း။
၂။ ရန်ငြိမ်းခြင်း။
၃။ အပြစ်နည်းခြင်း။
၎။ မတွေမဝေသေရခြင်း။
၅။ သုဂတိဘ၀သို့လားရခြင်း။

အပယ်လေးပါး

၁။ ငရဲ ၂။ တိရိစ္ဆာန် ၃။ ပြိတ္တာ ၄။ အသူရကာယ်

ကပ်သုံးပါး

၁။ ဒုဗ္ဘိက္ခန္တရကပ် = ငတ်မွတ်ဘေးကြောင့် ပျက်စီးသောကပ်
၂။ သတ္တန္တရကပ် = လက်နက်ဘေးကြောင့် ပျက်စီးသောကပ်
၃။ ရောဂန္တရကပ် = ရောဂါဘေးကြောင့် ပျက်စီးသောကပ်

ရပ်ပြစ်ရှစ်ပါး

၁။ ငရဲ = ချမ်းသာမှုအလျဉ်းမရှိသောအရပ်
၂။ တိရစ္ဆာန် = နိဗ္ဗာန်နှင့်ဖီလာ မိုးကိုကျေပေးသောသတ္တ၀ါ
၃။ ပြိတ္တာ = ကိုယ်လက်အင်္ဂါ မမျှတသောသတ္တ၀ါ
၎။ အသညဇော = ခန္ဓာကိုယ်တစ်ပါးသာရှိ၍ အသက်နာမ်မရှိသော ဗြဟ္မာဘုံ
၅။ ပစ္စန္တရော = ရတနာသုံးပါး မသိ၊ မရှိသော တောချုံ အုံခြားအရပ်
၆။ မိစ္ဆာဒိဌိ = မှားသောအယူရှိသော လူမျိုးစု
၇။ ၀ိကလိနြ္ဒိယ = သစ္စာလေးပါးတရားကိုနာကြားရသော်
၈။ ဗုဒ္ဓသုညော တိဟေတုကော = အသိအလိမ္မာနှင့်ပြည့်စုံသော်လည်း ဘုရားပွင့်သော
ကာလနှင့်လွဲ၍ လူဖြစ်ရခြင်း။

ရန်သူမျိုး ငါးပါး

၁။ ရေ ၂။ မီး ၃။ မင်းဆိုး ၄။ သူခိုး ၅။ မချစ်မနှစ်သက်သောသူ

ဝိပတ္တိတရား လေးပါး

၁။ သီလ၀ိပတ္တိ = သီလပျက်ခြင်း
၂။ ဒိဌိဝိပတ္တိ = အယူပျက်ခြင်း
၃။ အာစာရ၀ိပတ္တိ = အကျင့်ပျက်ခြင်း
၎။ အာဇီ၀၀ိပတ္တိ = အသက်မွေးမှုပျက်ခြင်း

ဗျသနတရား ငါးပါး

၁။ ဥာတိဗျသန = ဆွေမျိုးဥာတိတို့ သေကျေပျက်စီးခြင်း
၂။ ဘောဂဗျသန = ရာထူးဂုဏ်သိမ် စည်းစိမ်ဥစ္စာလျောကျပျက်စီးခြင်း
၃။ ရောဂဗျသန = အနာရောဂါ နှိပ်စက်ပျက်စီးခြင်း
၎။ သီလဗျသန = အကျင့်သီလပျက်စီးခြင်း
၅။ ဒိဌိဗျသန = အယူဝါဒ လွဲမှားပျက်စီးခြင်း

ကိလေသာ သုံးပါး

၁။ လေဘ ၂။ ဒေါသ ၃။ မောဟ

ကာလ သုံးပါး

၁။ အတိတ် = လွန်လေပြီးသောကာလ
၂။ ပစ္စုပ္ပါန် = လက်ရှိကာလ
၃။ အနာဂတ် = နောင်ကာလ

အဂတိတရား လေးပါး

၁။ ဆန္ဒ ၂။ ဒေါသ ၃။ ဘယာ ၄။ မောဟ

မျက်မှောက်စည်းစိမ်ပျက်စီးကြောင်းတရား သုံးပါး

၁။ ဣတ္ထိဓုတ္တ = မိန်းမလိုက်စားခြင်း
၂။ သုရာဓုတ္တ = သေသောက်ကြူးခြင်း
၃။ အက္ခဓုတ္တ = လောင်းကစားခြင်း

သရဏဂုံပျက်ရသောအကြောင်း နှစ်ပါး

၁။ မိစ္ဆာဒိဌိအယူကိုပြောင်းယူခြင်း ၂။ သေဆုံးခြင်း

ကံသုံးပါး

၁။ ကာယကံ = ကိုယ်ဖြင့်ပြုခြင်း
၂။ ၀စီကံ = နှုတ်ဖြင့်ပြုခြင်း
၃။ မနောကံ = စိတ်ဖြင့်ပြုခြင်း

အာရုံ ခြောက်ပါး ကာမဂုဏ်တရားများ

၁။ ရှုပါရုံ = အဆင်းအာရုံ
၂။ သဒ္ဒါရုံ = အသံအာရုံ
၃။ ဂန္ဓာရုံ = အနံအာရုံ
၎။ ရသာရုံ = အရသာအာရုံ
၅။ ဖောဌဗ္ဗရုံ = အတွေ့အာရုံ
၆။ ဓမ္မာရုံ = တရားသဘောအာရုံ

ပိဋကတ် သုံးပုံ

၁။ သုတ္တန် ၂။ ၀ိနည်း ၃။ အဘိဓမ္မာ

စေတနာ သုံးတန်

၁။ ပုဗ္ဗ = ကြိုတင်စေတနာ
၂။ မုဉ္စ = ပြုဆဲစေတနာ
၃။ ပရ = ပြုပြီးစေတနာ


လောကပါလ တရားနှစ်ပါး ( လောကကို စောင့်ရှောက်သော တရား။ )

ဟိရီ = အပြစ်မကင်းသော အမှု၊ မကောင်းမှု ပြုလုပ်ရမည်ကို ရှက်ခြင်း၊
ဩတ္တပ္ပ = အပြစ်မကင်းသော အမှု၊ မကောင်းမှု ပြုလုပ်ရမည်ကို ကြောက်ခြင်း၊

လောက သုံးပါး

၁။ သတ္တလောက = လူသတ္တ၀ါများ၏ လောက
၂။ သင်္ခါရလောက = ဖြစ်ပျက်ပြုပြင်လောက
၃။ သြကာသလောက = ရှိရှိသမျှလူသတ္တ၀ါအားလုံးရှိသောလောက

ဗြဟ္မစိုရ်တရား လေးပါး

၁။ မေတ္တာတရား ၂။ ကရုဏာတရား ၃။ မုဒိတာတရား ၄။ ဥပက္ခာတရား

သမ္ပတ္တိတရား လေးပါး

၁။ ကာလသမ္ပတ္တိ = ခေတ်အခါကောင်းနှင့် ကြုံတွေ့ရခြင်း။
၂။ ဂတိသမ္ပတ = လူ့ဘ၀နတ်ဘ၀ကဲ့သို့ ကောင်းသောဂတိနှင့် ကြုံတွေ့ရခြင်း။
၃။ ဥပဓိသမ္ပတ = ခြေလက်အင်္ဂါညီညာပြည့်စုံခြင်း၊ ရုပ်ရည်ရူပကာတင့်တယ်ခြင်း။
၎။ ပယောဂသမ္ပတ = ကာယကံ၊ ၀စီကံ၊ မနောကံ ကံသုံးပါးဖြူစင်ကောင်းမွန်ခြင်း။

သမ္ပဒါတရား လေးပါး (မျက်မှောက်ကြီးပွားကြောင်းတရား လေးပါး)

၁။ ဥဌာနသမ္ပဒါ = ထကြွလုံ့လ၀ီရိယနှင့် ပြည့်စုံမှု
၂။ အာရက္ခသမ္ပဒါ = စောင့်ရှောက်ခြင်းနှင့် ပြည့်စုံမှု
၃။ ကလျာဏမိတ္တသမ္ပဒါ = မိတ်ဆွေကောင်းရှိမှု
၎။ သမဇီဝိတသမ္ပဒါ = မျှတစွာအသက်မွေးမှု

ခန္ဓာ ငါးပါး

၁။ ရူပက္ခန္ဓာ
၂။ ဝေဒနာက္ခန္ဓာ
၃။ သင်္ခါရက္ခန္ဓာ
၎။ သညာက္ခန္ဓာ
၅။ ၀ိညာဏက္ခန္ဓာ

သစ္စာ လေးပါး

၁။ ဒုက္ခသစ္စာ
၂။ သမုဒယသစ္စာ
၃။ နိရောဓသစ္စာ
၎။ မဂ္ဂသစ္စာ

စေတီ လေးမျိုး

၁။ ဓမ္မစေတီ
၂။ ဓါတုစေတီ
၃။ ဥဒ္ဓိဿစေတီ
၎။ ပရိဘောဂစေတီ

ဥပါယ်တံမျဉ် လေးမျိုး

၁။ ဘေဒဥပါယ် = သဘောထားအယူအဆကွဲလွဲအောင် သွေးတိုးသပ်လျှိုသည့်နည်းလမ်း။
၂။ ဒဏ္ခုဥပါယ် = ထောင်ချခြင်း၊ အချုပ်ချခြင်းစသော ဒဏ်ခတ်သည့်နည်းလမ်း။
၃။ သာမဥပါယ် = ရင်းနှီးအောင်ပေါင်းသင်းဆက်ဆံခြင်း၊ ကိုယ်ဘက်ပါအောင် ဖျောင်းဖျ ပြောဆို စည်းရုံးခြင်းနည်းလမ်း။
၎။ ဒါနဥပါယ် = ပေးကမ်းခြင်းနည်းလမ်း။

Myanmar News Updates

မိတ္ထီလာအရေးကိစ္စအပါအဝင် လတ်တလော ဆူပူမှုများနှင့် စပ်လျဉ်း၍ နိုင်ငံတော် သမ္မတကြီးမှ ပြည်သူလူထုထံသို့ ရှင်းလင်း ပြောကြားခြင်း

နေပြည်တော် မတ် ၂၈

မိတ္ထီလာအရေးကိစ္စ အပါအဝင် လတ်တလော ဆူပူမှုများ ကူးစက်ပြန့်ပွားရန် ကြိုးပမ်းလာတဲ့ အခြေအနေများနဲ့စပ်လျဉ်းပြီး ကျွန်တော့်အနေနဲ့ ပြည်သူလူထု တရပ်လုံးကိုလိုအပ်တဲ့ ကိစ္စရပ်များအား ရှင်းလင်းပြောကြားသွားမှာ ဖြစ်ပါတယ်။ သာမန်ပုဂ္ဂလိက အငြင်းပွားမှု၊ သာမန်မှုခင်းတခုကို အကြောင်းပြုပြီး မိတ္ထီလာမှာ ဖြစ်ပွားခဲ့တဲ့ ပဋိပက္ခများ တည်ငြိမ်စ ပြုလာသည့် အခြေအနေမှာ ပြည်သူလူထုကြီးရဲ့ ရိုးသားမှုကို အခွင့်ကောင်းယူပြီး ရန်ကုန်မြို့ အပါအဝင် မြန်မာနိုင်ငံဒေသ အနှံ့အပြားတွင် ဆူပူမှုများ ကူးစက်ပျံ့နှံ့ရန် လှုံ့ဆော် လုပ်ဆောင်လာမှုများကို စိတ်မချမ်းမြေ့ ဖွယ် တွေ့မြင်နေရပါတယ်။ ဒါကြောင့် ဒီကိစ္စများနဲ့ပတ်သက်ပြီး ကျွန်တော်ရဲ့ သဘောထားနဲ့ အစိုးရရဲ့ ရပ်တည်ချက်များကို ရှင်းလင်းပြောကြား သွားမှာ ဖြစ်ပါတယ်။

ကျွန်တော့်အနေနဲ့ အင်အားသုံးပြီး ပြဿနာတွေကိုဖြေရှင်းတာကို မနှစ်မြို့ပါ။ ဒါပေမဲ့ ပြည်သူလူထုရဲ့ အသက်အိုးအိမ်စည်းစိမ် လုံခြုံမှုကို ထိပါးတဲ့လုပ်ရပ် မှန်သမျှကိုတော့ လုံးဝ လက်သင့်ခံမှာ မဟုတ်ဘဲ လိုအပ်လျှင် မြို့ပြအင်အားသုံးပြီး ထိထိရောက်ရောက် တားဆီးနှိမ်နင်းသွားရမှာ ဖြစ်ပါတယ်။ ဒီနေရာမှာ တရားဥပဒေစိုးမိုးရေးတွင် အဓိက တာဝန်ရှိနေတဲ့ မြန်မာနိုင်ငံရဲတပ်ဖွဲ့အနေနဲ့ ဥပဒေနဲ့အညီ ရဲဝံ့ပြတ်သား စွာ ဆောင်ရွက်ကြဖို့ ပြောကြားလိုပါတယ်။

ဒီမိုကရေစီရဲ့ ရေသောက်မြစ်လို့ဆိုရမယ့် တစ်ဦးတစ်ယောက်ချင်းစီရဲ့ လွတ်လပ်ခွင့်ဆိုတာ သူတပါးကို ထိခိုက်မှုမရှိပဲ လွပ်လပ်ခြင်းရဲ့ အရသာကို အားလုံးခံစားနိုင်ဖို့ ဖြစ်ပါတယ်။ ကျွန်တော်တို့နိုင်ငံရဲ့ ဖွဲ့စည်းပုံအခြေခံဥပဒေမှာလည်း မိမိယုံကြည်ရာကို လွတ်လပ်စွာ ကိုးကွယ်ပိုင်ခွင့်အား နိုင်ငံသားအခွင့်အရေး အနေနဲ့ အာမခံချက် အပြည့်အဝ ပေးထားပါတယ်။ ဒီနေရာမှာ မွန်မြတ်တဲ့ ကိုးကွယ်ယုံကြည်မှုကို ခုတုံးလုပ်ပြီး အလွဲသုံးတဲ့ အယူသီး အစွန်းရောက်လုပ်ရပ်တွေ၊ မတူညီတဲ့ ဘာသာတရားတွေအကြား အမုန်းတရားတိုးပွားအောင် လုပ်ဆောင်မှုတွေ၊ ကိုယ်ကျိုးစီးပွားနဲ့ယှဉ်တဲ့ နိုင်ငံရေး၊ စီးပွားရေးအမြတ်ထုတ် လုပ်ဆောင်လာမှုတွေကို ပပျောက်သွားအောင် ကျွန်တော်တို့ အစိုးရအနေနဲ့ ဖွဲ့စည်းပုံအခြေခံဥပဒေ၊ တည်ဆဲ ဥပဒေများနဲ့အညီ ထိထိရောက်ရောက် အရေးယူဆောင်ရွက်သွားမှာ ဖြစ်တယ်ဆိုတာ သတိပေးပြောကြား လိုပါတယ်။

ဒီလိုပဋိပက္ခတွေ၊ အခက်အခဲအကျပ်အတည်းတွေဟာ ဒီမိုကရေစီအသွင် ကူးပြောင်းရေးကာလမှာ မဖြစ်မနေကြုံတွေ့ရမယ့် စိန်ခေါ်မှုတွေ၊ ပြဿနာတွေထဲက တစ်ခုလို့ ရှုမြင်ရမှာ ဖြစ်ပြီး အားလုံးအတူ ပူးပေါင်းကျော်လွှား ဖြေရှင်းသွားရမှာ ဖြစ်ပါတယ်။ ဒီလိုဖြေရှင်းတဲ့ အခါမှာလည်း နိုင်ငံတည်ဆောက်ရေးမှာ နှစ်ပေါင်းခြောက်ဆယ်လုံးလုံး ကျွန်တော်တို့ နိုင်ငံကို နောက်ကျကျန်စေခဲ့တဲ့ မတူတဲ့အင်အားစုတွေအကြား ထိပ်တိုက်ရင်ဆိုင်ပြီး အချင်းချင်း ဖယ်ထုတ်ဖို့ ကြိုးစားခဲ့တဲ့ အနိုင်-အရှုံးသတ်မှတ်တဲ့ အလေ့အကျင့်ကို အတိတ်မှာ ချန်ထားခဲ့ပြီး မတူညီတဲ့ အားတွေကို စုစည်းပြီး အချင်းချင်း ညှိနှိုင်းပူးပေါင်းဆောင် ရွက်ခြင်းနဲ့ အားလုံးအတွက် အကောင်းဆုံး အဖြေကိုရှာတဲ့ ဒီမိုကရေစီအလေ့အကျင့်ကို ကျင့်သုံးခြင်း ကသာ ပေါ်ပေါက်လာတဲ့ အကျပ်အတည်းတွေ ကို ဖြေရှင်းနိုင်ပြီး ဒီမိုကရေစီအသွင်ကူးပြောင်းခြင်း ဖြစ်စဉ်ကို ပံ့ပိုးပေးနိုင်လိမ့်မယ်လို့ ယုံကြည်ထား ပါတယ်။

ယခုမိတ္ထီလာမှာ ဖြစ်ပျက်ခဲ့တဲ့ဖြစ်စဉ်ကို ဖြေရှင်းတဲ့နေရာမှာ ယခင်ကနဲ့မတူဘဲ အသိုက်အဝန်းတွေကြားမှာ နားလည်မှုတွေနဲ့ ယုံကြည်မှုတွေ ပြန်လည်တည်ဆောက်နိုင်ဖို့ အတွက် အရပ်ဘက် လူ့အဖွဲ့အစည်းတွေရဲ့ ပူးပေါင်းပါဝင်မှု၊ ဘာသာပေါင်းစုံက ခေါင်းဆောင်တွေရဲ့ ပူးပေါင်းဆောင်ရွက်မှု၊ နိုင်ငံတကာအဖွဲ့အစည်းတွေရဲ့ ပူးပေါင်းကူညီမှု၊ မီဒီယာများရဲ့ ပိုမိုတာဝန်သိသိ၊ တာဝန်ရှိရှိ သတင်းဖော်ပြမှု၊ ပြည်သူတွေရဲ့ အသက်အိုးအိမ် စည်းစိမ်လုံခြုံမှုနဲ့ ပြန်လည်ထူထောင်ရေး လုပ်ငန်းများအတွက် ဘုန်းတော်ကြီးများ အပါအဝင် လုံခြုံရေး အဖွဲ့အစည်းများနဲ့ တပ်မတော်တို့ရဲ့ မှန်ကန်တဲ့ အခန်းကဏ္ဍက ပါဝင်မှုတွေကို တွေ့ရှိရပါတယ်။ တချို့ဒေသတွေမှာ ငြိမ်းငြိမ်းချမ်းချမ်း နေထိုင်နေကြတဲ့ ပြည်သူလူထုတွေ အထိတ်တလန့် ဖြစ်အောင်၊ အကြမ်းဖက်မှုတွေဖြစ်အောင်၊ ကောလာဟလတွေနဲ့ သွေးထိုးလှုံ့ဆော် နေတာတွေ ရှိပေမယ့် ဒါတွေကတဆင့် အကြမ်းဖက်မှုတွေအဖြစ် ရောက်ရှိ မသွားရအောင် ဒေသဆိုင်ရာ အုပ်ချုပ်ရေးအာဏာပိုင်တွေ၊ အရပ်ဘက်လူ့အဖွဲ့အစည်းတွေ၊ ရပ်မိရပ်ဖတွေနဲ့ ဘာသာရေးခေါင်းဆောင်တွေ ပူးပေါင်းကော်မတီတွေ၊ ဘာသာရေး အဓိကရုဏ်း ကာကွယ်တားဆီးရေးအဖွဲ့တွေ ဖွဲ့စည်းပြီး ကာကွယ်ပေးနေ ကြတာတွေကိုလည်း အပြု သဘောဆောင်သော ဖြစ်ရပ်များအဖြစ် တွေ့မြင်နေရပါတယ်။

ဒါ့အပြင် သွေးထိုးမှုတွေ လှုံ့ဆော်မှုတွေကြောင့် အခြားမြို့ကြီးများကို ပဋိပက္ခများ ကူးစက်မယ့် အန္တရာယ်ကိုလည်း အရပ်ဘက်လူ့အဖွဲ့အစည်းတွေ၊ ရပ်မိရပ်ဖတွေနဲ့ သက်ဆိုင်ရာ အစိုးရအဖွဲ့အစည်းတွေ၊ လုံခြုံရေး အဖွဲ့အစည်းတွေအားလုံး ဝိုင်းဝန်းကာကွယ် လုပ်ဆောင်နေကြတာကို လည်း တွေ့ရတဲ့ အတွက် ကျေးဇူးတင် ဝမ်းမြောက်မိ ပါတယ်။ မတူညီတဲ့ တိုင်းရင်းသားတွေ၊ လူမျိုးစုတွေနဲ့ မတူညီတဲ့ ကိုးကွယ် ယုံကြည်မှုတွေ အကြား အချင်းချင်း အပြန်အလှန်လေးစားမှု၊ နားလည်မှုရှိတဲ့၊ ယဉ်ကျေးတဲ့ လူ့အဖွဲ့အစည်းမှာ နေထိုင်တဲ့ နိုင်ငံတစ်နိုင်ငံအဖြစ် ကမ္ဘာပေါ်မှာ ဂုဏ်သိက္ခာရှိရှိ ရပ်တည် နိုင်ဖို့အတွက် ကြိုးပမ်းနေကြတယ်ဆိုတာကိုလည်း သက်သေထူရာ ရောက်ပါတယ်။

ကျွန်တော်တို့အစိုးရအနေနဲ့ အင်အားသုံးဖြေရှင်း ကိုင်တွယ်မှုတွေကို တတ်နိုင်သမျှ ထိန်းထိန်းသိမ်းသိမ်း ဆောင်ရွက်ခဲ့ရတဲ့ အကြောင်းရင်းကတော့ မိမိတို့ နိုင်ငံသားများရဲ့ အရှိန်ယူစ ဒီမိုကရေစီကျင့်စဉ်များ စမ်းသပ်ကျင့်သုံးမှုကို အဟန့်အတားဖြစ်ပြီး အချိန်မတိုင်မီ ပျက်စီးသွားနိုင်မယ့် အန္တရာယ်ကို ရှောင်ရှားလိုတဲ့အတွက်ကြောင့်ပဲ ဖြစ်ပါတယ်။ ယခုကာလတို အတွင်း မြေစမ်းခရမ်းပျိုးနေတဲ့ ပြုပြင်ပြောင်းလဲရေးများနဲ့ ဒီမိုကရေစီ ရှင်သန်ရေးများကို မဆုံးရှုံးစေလိုတဲ့အတွက်ပဲ ဖြစ်ပါတယ်။ ဒါပေမဲ့ ကျွန်တော်တို့ ပြည်သူ၊ ကျွန်တော်တို့ နိုင်ငံသားတဦးချင်းစီရဲ့ အသက် အိုးအိမ်စည်းစိမ်ကို ထိပါးလာရင်တော့ ကျွန်တော့်ကို အခြေခံဥပဒေက အပ်နှင်းထားတဲ့ နိုင်ငံတော်သမ္မတရဲ့ လုပ်ပိုင်ခွင့်တွေ၊ လုံခြုံရေး အဖွဲ့အစည်းတွေ၊ အုပ်ချုပ်ရေး အဖွဲ့အစည်းတွေရဲ့ အင်အားကို အသုံးပြုပြီး အကာအကွယ်ပေးသွားဖို့ ဆုံးဖြတ်ထားပြီး ဖြစ်ပါတယ်။ ပြည်သူလူထု တစ်ရပ်လုံး ကလည်း မေတ္တာကို အရင်းခံ၊ ကိုယ်ချင်းစာတရားကို လက်ကိုင်ထားပြီး အမြင်ကျယ်ကျယ်၊ သတိကြီးကြီးနဲ့ ဝိုင်းဝန်းကူညီ ပူးပေါင်း ဆောင်ရွက်ကြဖို့ ကျွန်တော် အလေးနက် တိုက်တွန်းမေတ္တာ ရပ်ခံပါတယ်။

မြန်မာနိုင်ငံလို တိုင်းရင်းသားပေါင်းစုံနဲ့ လူမျိုးပေါင်းစုံ၊ ဘာသာပေါင်းစုံနဲ့ ယဉ်ကျေးမှုပေါင်းစုံ စုစည်းတည်ဆောက်ထားတဲ့ နိုင်ငံတော် တစ်ရပ် အနေနဲ့ နိုင်ငံသားအားလုံးပါဝင်တဲ့ ဒီမိုကရေစီစနစ်ကသာလျှင် တည်ငြိမ်အေးချမ်းမှုကို အာမခံနိုင်တဲ့ ဒီမိုကရေစီစနစ် ဖြစ်လာမယ်ဆိုတာကို အားလုံးက အလေးအနက် ခံယူထားကြရမှာ ဖြစ်ပါတယ်။ မတူကွဲပြားမှုတွေ ရှိနေပေမယ့်လည်း အဆင်ပြေပြေ ယှဉ်တွဲနေထိုင်နိုင်ဖို့အတွက် ဒီမိုကရေစီ နည်းလမ်းကျကျ၊ ငြိမ်းငြိမ်းချမ်းချမ်း ကြိုးပမ်းကြရမှာဖြစ်ပါတယ်။ ကျွန်တော်တို့ တွေရဲ့ မတူကွဲပြားမှုတွေကို ဂုဏ်ယူကြရမှာဖြစ်သလို တစ်ပြိုင်နက် တည်းမှာပဲကွဲပြားတဲ့ အင်အားတွေကို စုစည်းပြီး ပေါင်းစည်းအားအဖြစ် အသုံးပြုနိုင်မယ်ဆိုရင် ကျွန်တော်တို့ လက်တွေ့ကြုံတွေ့နေရတဲ့ အခက်အခဲတွေ၊ အနာဂတ်မှာ ကြုံတွေ့ရမယ့် စိန်ခေါ်မှုတွေကို ကျော်လွှားသွားနိုင်မယ်လို့ ကျွန်တော့်အနေနဲ့ ရာနှုန်းပြည့် ယုံကြည်ပါတယ်။

ကျွန်တော့်အနေနဲ့ ပြည်သူလူထုအားလုံးကို ပြောကြားလိုတာကတော့ အခုချိန်မှာ ကျွန်တော်တို့ မြန်မာ့လူအဖွဲ့အစည်းကို ပွင့်လင်းလွတ်လပ်တဲ့ လူ့အဖွဲ့အစည်းဖြစ်အောင် ကြိုးစားနေတာဖြစ်တဲ့အတွက် အစိုးရကလည်း ဖြစ်စဉ်ဖြစ်ရပ် အမှန်တွေကိုအချိန်နဲ့ တစ်ပြေးညီ ပွင့်လင်းမြင်သာမှုရှိရှိ သတင်းပေးပြန်ကြားသွားမှာ ဖြစ်သလို ပြည်သူလူထု တစ်ရပ်လုံးအနေနဲ့လည်း ကောလာဟလတွေရဲ့ အန္တရာယ်ကို သတိကြီးကြီး၊ ဥာဏ်အမြော်အမြင် ရှိရှိနဲ့ ရင်ဆိုင်တုံ့ပြန်သွားကြရင် ကျွန်တော်တို့အားလုံး ဒီစိန်ခေါ်မှုတွေကို သမိုင်း အစဉ်အလာအရ သဟဇာတရှိရှိ နေထိုင်ခဲ့တဲ့ လူအဖွဲ့အစည်းတစ်ရပ်ရဲ့ ဂုဏ်သိက္ခာနဲ့အညီ အတူလက်တွဲ ကျော်လွှားသွားကြပါစို့လို့ တိုက်တွန်းရင်း နိဂုံးချုပ်ပါတယ်။

Ref: နိုင်ငံတော်သမ္မတရုံး

အချိန်တစ်နာ၇ီလောက် ပိုအိပ်ရင် ဘာတွေပြောင်းလဲနိုင်သလဲ

ကျွမ်းကျင်သူတွေကတော့ ဘဝ မှာ အချိန်တစ်နာရီ ပိုအိပ်ရုံဖြင့် ပြောင်း လဲနိုင်တာတွေဟာ အများကြီးပါလို့ ဖြေခဲ့ပါတယ်။ အချိန်တစ်နာရီပို၍ အိပ်စက်ရုံဖြင့် သင့်ရဲ့ကျန်းမာရေး၊ ကိုယ်အလေးချိန်၊ အိမ်ထောင်ရေးသာယာမှု တို့အပေါ် သက်ရောက်မှုရှိပါ တယ်။ တကယ်လို့သင့်ရဲ့အချိန်ဟာ (၇)နာရီနဲ့ (၈)နာရီအောက်ရောက်နေ ရင်တော့ အောက်မှာ ကွန်ပျူတာ စောစောပိတ်ပြီး စောစော အိပ်သင့်တဲ့ အကြောင်းပြချက် (၉)မျိုးကို ဖော်ပြလိုက် ပါတယ်။

(၁) လုံလောက်စွာ အိပ်စက်ခြင်းက ကျန်းမာရေးကို ပိုကောင်းစေတယ်

လုံလောက်စွာမအိပ်သူတွေမှာ သွေးတိုး၊ ဆီးချို၊ ကိုယ်အလေးချိန်တိုး ခြင်း နှလုံးရောဂါစတဲ့ ဆိုးဝါးတဲ့ ရောဂါတွေ ပိုဖြစ်လေ့ရှိတယ်လို့ ဆိုပါ တယ်။ လေ့လာမှုတစ်ခုအရ နေ့ဆိုင်း အလုပ်ဆင်းသူ ကျန်းကျန်းမာမာ အလုပ်သမားလူငယ် (၁ဝ)ဦးကို ည တိုင်းဆင်းခိုင်းပြီး ရက်အနည်းငယ်ကြာ သောအခါ ထိုသူတို့၏ သွေးတွင်း သကြားဓာတ်မှာ ဆီးချိုဖြစ်ခါနီး လူ တစ်ယောက်ရဲ့သကြားဓာတ်နီးပါးမြင့် တက်နေကြောင်းတွေ့ရပါတယ်။

(၂) လုံလောက်စွာအိပ်စက်ခြင်းက အိပ်ထောင်ရေးသုခပိုရနိုင်

National Sleep Founda tion မှ ပြောပြချက်အရ လူအားလုံးရဲ့ ၂၆%ဟာ အိပ်ရေးမဝဘဲ ပင်ပန်းနွမ်းနယ်နေမှုကြောင့် အိမ်ထောင်ရေး သုခ လုံလောက်စွာ မရကြောင်း တွေ့ရ တယ်။ အိပ်ချိန်လုံလောက်စွာ မရ သောသူများတွင် testosterone ဟုခေါ်သည့် လိင်နှင့်ပတ်သက်သော hormone ကျလာကြောင်းလည်း သိရပါတယ်။

(၃) အိပ်စက်ခြင်းဖြင့် နာကျင်မှုဝေ ဒနာများကို သက်သာစေနိုင်

တကယ်လို့များ သင့်မှာ လတ် တလော ဒါမှမဟုတ် ယခင်ရရှိခဲ့သော ဒဏ်ရာတစ်ခုခုကြောင့် နာကျင်မှု ဝေဒနာ ခံစားနေရတယ် ဆိုရင် အိပ် ပျော်အောင်သာ အိပ်လိုက်ပါ။ အိပ်စက်ခြင်းဖြင့် နာကျင်မှုဝေဒနာ ခံစားရမှု လျော့နည်းလာကြောင်းကို လေ့လာမှုတွင် အများကြီး လုပ်ပြီး သက်သေပြခဲ့ပါတယ်။ ဒါပေမယ့် ကံမကောင်းစွာဘဲ နာကျင်နေခြင်းက အိပ်စက်ခြင်းကို အနှောင့်အယှက်ပေး ပါတယ်။

(၄) လုံလောက်စွာအိပ်စက်ခြင်းက မတော်တဆထိခိုက်ဒဏ်ရာရမှုကိုလည်း လျော့ကျစေနိုင်

US Institute of Medicine မှ လေ့လာမှုတစ်ခုအရ ယာဉ်တိုက်မှု(၅)မှုဖြစ်တိုင်း (၁)မှုမှာ အိပ်ရေးမဝသည့် အတွက်ကြောင့် ဖြစ်ရသည်ဟုသိရပါတယ်။

(၅) အိပ်ရေးဝလျှင် တက်တက်ကြွကြွ ရှိစေပါတယ်။

အိပ်ရေးဝဝအိပ်တဲ့နေ့တိုင်း စိတ် ချမ်းသာဖွယ်ရာ တက်တက်ကြွကြွ ရှိလိမ့်မယ် လို့တော့ အာမခံနိုင်ပေမယ့် အိပ်ရေးမဝလျှင်တော့ စိတ်တိုလွယ်၊ ဒေါသထွက်လွယ်တယ် ဆိုတာ သတိ ထားမိမှာပါ။ သင့်ရဲ့ သူဌေးကို စိတ်မ ထိန်းနိုင်ဘဲ ပြန်ပြောမိတာ မျိုးတွေ၊ စိတ်ကို ထိန်းချုပ်ရခက်ခဲတာ မျိုးတွေဟာ အိပ်ရေးမဝတဲ့နေ့တွေမှာ ပိုဖြစ်တတ်ပါတယ်။

(၆) အိပ်ရေးဝဝအိပ်ခြင်းက ကိုယ်အ လေးချိန်ထိန်းနိုင်

အိပ်ရေးဝဝအိပ်လျှင် ကိုယ်အ လေးချိန် ထိန်းနိုင်ပါတယ်။ အပြန်အ လှန်အားဖြင့် ကောင်းကောင်းမအိပ်တဲ့ သူတွေမှာ ကိုယ်အလေးချိန် ပိုတိုးတတ် ပါတယ်။ ဘာကြောင့်လဲ။

(က) သင်ပင်ပန်းတဲ့နေ့တွေမှာ ပင်ပန်းတာကို ပြေပျောက်စေရန် အရသာရှိတဲ့ အစားအစာတွေကို ပိုစားဖြစ်ပါတယ်။
(ခ) Leptin ဆိုတဲ့ hormone က ကျွန်တော်တို့ရဲ့ အစာစားချင်စိတ်ကို တင်းတိမ်စေရန် ဆောင်ရွက်ပေးပါ တယ်။

တကယ်လို့အိပ်ရေးဝဝမအိပ် ထားတဲ့ သူတွေမှာတော့ Leptin ပမာဏကျသွားပါတယ်။ ဒါကြောင့် အိပ်ရေးမဝ ပင်ပန်းနေတဲ့လူတွေဟာ တင်းတိမ်တယ် မရှိဘဲ အဆက်မပြတ် အဆီများတဲ့ အစာတွေ၊ ကယ်လိုရီများတဲ့ အစာတွေ စားလေ့ရှိပါတယ်။

(၇) အတွေးအခေါ်များကို ပိုကြည် လင်စေ

အိပ်ရေးပျက်ခြင်းက သင့်ရဲ့ အတွေးအခေါ်၊ သင်ယူနိုင်စွမ်း၊ ဆုံးဖြတ်ချက်ရမှုတို့အပေါ်မှာ သက်ရောက်မှု ရှိပါတယ်။

(၈) မှတ်ဉာဏ်ပိုကောင်းစေနိုင်

သင်ခဏခဏမေ့တတ်နေပြီး လား၊ အဲဒါဆိုရင်တော့ ကိုယ့်ရဲ့အိပ် ရေးပျက်ခံတတ်တဲ့ အကျင့်ကို အရင် ဆုံး အပြစ်တင်လိုက်ပါ။ လေ့လာမှု တစ်ခုအရ အိပ်ပျော်နေစဉ်မှာ ကျွန်တော် တို့ ဦးနှောက်က နေ့ခင်းကဖြစ်ပျက်ခဲ့တဲ့ အဖြစ်အပျက်တွေကို စနစ်တကျသိုလှောင်ပေးပါတယ်၊၊ အိပ်ရေးပျက်သူတွေ မှာတော့ ဦးနှောက်က ကောင်းကောင်းသိုလှောင်ချိန် မရှိတဲ့အတွက် မှတ်ဥာဏ် ကို ကျစေနိုင်ပါတယ်။

(၉) ခုခံအားစနစ်ကိုအားပေးပါတယ်

လေ့လာမှုအသေးစားတစ်ခု တွင် လူ(၁၅ဝ)ဦးအား နှစ်ပတ်ကြာ သူတို့ရဲ့ အိပ်စက်မှုကို စောင့်ကြည့်ပြီး ထိုသူများအား အအေးမိခြင်းဖြစ်စေ သည့် Cold Virus နှင့် ထိတွေ့စေ သည့်အခါ တစ်ညလျှင် ည၇နာရီသာ အိပ်သောသူ များသည် ၈နာရီအိပ် သောသူများထက် အအေးမိခြင်း ဖြစ်နိုင်ချေ သုံးဆခန့် ပိုများကြောင်း တွေ့ရပါတယ်။ ဒီလေ့လာမှုက သေး ငယ်တဲ့အပြင် တရားဝင်ထုတ်လွှင့်ဖို့ ဆိုရင်တော့ လေ့လာမှုတွေ အများကြီး လုပ်ဖို့လိုပါသေးတယ်။

သဘာဝရဲ့အားအင် မှ ဖော်ပြပါသည်

သေနတ်ပစ်တတ်သော လင်းပိုင်များ

လင်းပိုင်တွေကို သေနတ်ပစ်တတ်အောင် သင်ပေးတာတွေ ကမ္ဘာမှာ တကယ် လုပ်ကြပါတယ်။ အထူးသဖြင့် ဆီုဗီယက်နဲ့ အမေရိကန်တို့မှာ ဖြစ်ပြီး လွန်ခဲ့တဲ့ ဆယ်စုနှစ်မကက ပြုလုပ်ခဲ့တာ ဖြစ်ပါတယ်။ 

ယခုတော့ အမေရိကန်မှာ မရှိတော့ပဲ ဆိုဗီယက်ပြိုကွဲနိုင်ငံအချို့မှာသာ ကျန်ရှိတယ်လို့ သိရပါတယ်။ အထူးသဖြင့် ယူကရိန်းနိုင်ငံမှာ ယနေ့တိုင် လင်းပိုင်များကို လက်နက် တပ်ဆင်ပေးပြီး လေ့ကျင့် သင်ကြားလျက် ရှိတယ်လို့ သိရပါတယ်။ ခေါင်းနဲ့ တောင်ပံမှာ တပ်ဆင်ပြီး လင်းပိုင်တို့ ကလည်း တကယ် ပစ်ခတ်နိုင်ပါတယ်။ တစ်ခါတစ်ရံ ပင်လယ်ငါးဖမ်း သင်္ဘောအချို့ဟာ သေနတ်တပ်ဆင်ထားတဲ့ လင်းပိုင်များကို ထူးဆန်း စွာ မြင်တွေ့ရကြောင်း သိရပါတယ်။ 

ဒီအတွက် ယူကရိန်းမှလည်း ပြန်လည်ငြင်းဆိုထား ပါတယ်။ ရေငုပ်သင်္ဘော နဲ့ ရေပြင်သွား သင်္ဘောနဲ့ ကမ်းခြေက ရန်သူတွေကို တိုက်ခိုက်ဖို့အတွက် လင်းပိုင်များကို သေချာ လေ့ကျင့်သင်ကြားပေးခြင်း ဖြစ်ပါတယ်။ လင်းပိုင်ဟာ ဥာဏ်ရည်မြင့်တဲ့ တိရစ္ဆာန်များထဲမှာ ပါဝင်တဲ့အတွက် ဖြစ် ပါတယ်။ ယူကရိန်းတင်မကပဲ အခြားသော ဆိုဗီယက်နဲ့ ဥရောပ နိုင်ငံများ ကလည်း ရေသတ္တဝါများကို လက်နက်တပ်ဆင်ပေးသည့် စီမံကိန်း များ ပြုလုပ်နေကြဆဲ ဖြစ်ကြောင်း သိရပါတယ်။

TechSpaceJournal

အရမ်းအန္တရာယ် များနေပြီ ဖြစ်တဲ့အချိုမှုန့်ရဲ့ဆိုးကျိုးတွေ

အချိုမှုန့် ဆိုတာ ဘာလဲ

ရေရှည် မှန်မှန် စားသွားရင် ဒီလောက် အန္တရာယ် များပါတယ် ဆိုတဲ့ အချိုမှုန့်ဆိုတာ Monosodium glutamate (MSG) လို့ခေါ်တဲ့ ဒြပ်ပေါင်းတစ်ခု ဖြစ်ပါတယ်။ Glutamic Acid လို့ခေါ်တဲ့ Amino Acid တစ်မျိုး ပါဝင်ပြီး စားစရာထဲ ထည့်လိုက်ရင် Free Glumate တွေ အဖြစ်ကို ပြောင်းလဲသွားကာ အစားအသောက်တွေရဲ့ အရသာကို ဓာတုနည်းနဲ့ လျှာပေါ်မှာ ဆပွားတိုးပေးလိုက်တာ ဖြစ်ပါတယ်။
အချိုမှုန့်ဟာ ဟင်းခတ်ပစ္စည်းတစ်ခု ဟုတ်ပါသလား

ပုံမှန်သုံးသင့်တဲ့ ဟင်းခတ်အမွှေးအကြိုင်တစ်ခု လုံးဝမဟုတ်ပါ။ နည်းနည်းစားစား များများစားစား ရေရှည် စားရင် အန္တရာယ်ကတော့ ရှိတာပါပဲလို့ ပညာရှင်များက ပြောကြားပါတယ်။ Good Manufacturing Practice (GMP) လို့ခေါ်တဲ့ ကမ္ဘာ့အဆင့် ထုတ်လုပ်မှု စနစ်ကောင်း (GMP စနစ်) ရဲ့ အစားအသောက်တွေ ထုတ်လုပ်တဲ့ နေရာမှာ အချိုမှုန့် လုံးဝ မပါပါဘူး။

အချိုမှုန့်ကို ရေရှည်ပုံမှန် စားသုံးသွားရင် ဘာဆိုးကျိုးတွေ ရှိလာနိုင်မလဲ

(၁) ဆီးချို မဖြစ်အောင် ထိန်းသိမ်းပေးတဲ့ အင်ဆူလင်ဟော်မုန်း (Insulin) ရဲ့ လုပ်ငန်းဆောင်တာမှာ အနှောင့်အယှက်တစ်ရပ် ဖြစ်စေလို့ ဆီးချိုဖြစ်စေဖို့ ကောင်းကောင်း အထောက်အကူပြုပါတယ်။

(၂) အစာ အလွန်အကျွံ စားချင်စိတ်ကို တိုးပွားဖြစ်ပေါ်စေသလို အ၀လွန်ခြင်းကို တားဆီးပေးတဲ့ ဟော်မုန်းများကိုပါ ပိတ်ဆို့လို့ အ၀လွန်ခြင်းကို ဖိတ်ခေါ်ပါတယ်။ အ၀လွန်ခြင်း ရောက်လာရင် သွေးတိုး၊ ဆီးချို၊ နှလုံးသွေးကြောပိတ် စတဲ့ အဖော်အပေါင်းတွေ ပါလာပါလိမ့်မယ်။

(၃) ဦးနှောက်ဆဲလ်တွေကို မြန်မြန် ပျက်စီးယိုယွင်း စေပါတယ်။ မှတ်ဥာဏ်ကို အရွယ်မတိုင်ခင် ပျောက်ဆုံးစေပြီး မေ့တတ်တဲ့ ရောဂါတွေ ဖြစ်စေဖို့ အလားအလာ အရမ်း များစေပါတယ်။ အချိုမှုန့်ကို မွေးကင်းစကတည်းကနေ စပြီး စားတဲ့ ကလေးတွေမှာ ဥာဏ်ရည်ပိုင်း ယုတ်လျော့မှု ရှိတာကို တွေ့ရှိရပါတယ်။

(၄) ဂျာမနီနိုင်ငံမှာ အချိုမှုန့် သုံးစွဲမှုကို လုံးဝဖြတ်တောက်ရှောင်ကြဉ်ဖို့ အမျိုးသားအဆင့် ကြေငြာချက်တွေ ဥပဒေတွေ အလန့်တကြား ထုတ်ခဲ့ရဖူးပါတယ်။ ဂျာမန်ကျန်းမာရေး ပညာရှင်တွေ ဘာတွေ့ရလို့လဲ ဆိုတာ စာဖတ်သူတို့ သိပါသလား။ အချိုမှုန့် စားတဲ့ ကိုယ်ဝန်ဆောင်တွေ မွေးလာတဲ့ ကလေးတွေဟာ အင်ဆူလင်ဟော်မုန်း စွမ်းရည်ကျဆင်း၍ မတိုးတော့ခြင်း (Insulin-resistant) မွေးရာပါ ဖြစ်လာတာ တွေ့ရပါတယ်။ ဒါကြောင့် ဒီကလေးတွေဟာ ကြီးလာရင် ဆီးချိုဖြစ်ဖို့ သေချာသလောက် ဖြစ်ပါတယ်။ ဒီအချက်ဟာ ဖွံ့ဖြိုးဆဲနိုင်ငံတွေရဲ့ ဆီးချိုဖြစ်ပွားနှုန်း မြင့်မားနေတဲ့ အချက်တွေထဲက တစ်ခု အပါအ၀င် ဖြစ်ပါတယ်။

(၅) နောက်တစ်ချက်က ကိုယ်ဝန်ဆောင် မိခင်တွေ အချိုမှုန့်စားတဲ့ အကျင့်ကြောင့် မွေးလာတဲ့ ကလေးတွေရဲ့ medulla oblongata, thalamus, or hypothalamus ဆိုတဲ့ ဦးနှောက် အစိတ်အပိုင်းတွေမှာ ရှိတဲ့ အာရုံကြောဆဲလ်တွေကို ပျက်စီးစေပါတယ်။ ဒီနေရာတွေဟာ အစားအသောက် စားချင်စိတ်ကို အဓိက ထိန်းချုပ်တဲ့ ဦးနှောက်ဧရိယာတွေ ဖြစ်လို့ ဒီလို ကလေးတွေဟာ ကြီးလာရင် အစားအသောက် အလွန်အကျွံစားတဲ့ အကျင့်ရှိကာ အ၀လွန်ပြီး ရောဂါတွေ ထူစေတတ်တာ ကမ္ဘာတစ်ဝန်း လေ့လာတွေ့ရှိ ထားပါတယ်။

(ဒါဟာ အချို့မှုန့်ကပေးတဲ့ အမျိုးသား ကျန်းမာရေး/ လူမှုရေး ၀န်ထုပ်ဝန်ပိုး (National Health/Social Burden) ဖြစ်ပါတယ်။ ဒါ့အပြင် အချိုမှုန့် ၀ယ်ယူတင်သွင်းရတဲ့အတွက် နိုင်ငံနဲ့လူမျိုး အကျိုးရှိစေမယ့် တခြားအရာတွေ ၀ယ်ယူဖို့ နိုင်ငံခြားငွေ လျော့စေလို့ တိုင်းပြည်အတွက်လဲ နစ်နာပါတယ်)

(၆) မျိုးပွားစွမ်းရည် ကျဆင်းခြင်း၊ သားသမီးရနိုင်စွမ်း ကျဆင်းခြင်းတွေ ဖြစ်နိုင်ပါတယ်။ Chinese Restaurant Syndrome ခေါ် တရုတ်စားတော်ဆက်ရောဂါစု ဖြစ်စေနိုင်ပါတယ်။ ဒီရောဂါစုဟာ အချိုမှုန့် လွန်ကဲစွာ ပါတဲ့ အစားအသောက် စားပြီးပြီးချင်းမှာ မျက်နှာ၊ လည်ပင်း နဲ့ တစ်ကိုယ်လုံးမှာ အနီစက်တွေ ထွက်လာခြင်း၊ ခေါင်းအရမ်းထိုးကိုက်ခြင်း၊ ခေါင်းမူးခြင်း၊ မျက်နှာမှာ တင်းကြပ်နေတယ်လို့ ခံစားရတတ်ခြင်း၊ မေးလှုပ် ပါးစပ်ဖွင့်ရတာ လေးခြင်း၊ ဗိုက်အောင့်ခြင်း၊ ခါးနာခြင်း စတာတွေ ခံစားရတတ်တဲ့ အချိုမှုန့်နဲ့ ဓာတ်မတည့်တဲ့ ရောဂါ ဖြစ်ပါတယ်။

(၇) ပန်ကရိယခေါ် မုန့်ချိုအိတ်ရောင်ရောဂါ အပါအ၀င် ကိုယ်တွင်းကလီစာ တစ်ခုခု ရောင်ယမ်းတဲ့ ရောဂါ ရှိနေသူတွေ၊ သက်ကြီးရွယ်အိုတွေ၊ စာသင်ကြားနေတဲ့ ကျောင်းသားကျောင်းသူတွေ အထူးရှောင်ကြဉ် သင့်ပါတယ်။

(၈) လူအများစုက ဆားကအငန် အချိုမှုန့်က အပေါ့ ဆိုပြီး တလွဲမှတ်ယူထားကြပါတယ်။ ဒီတော့ ဆားထည့်လွန်လို့ ငန်သွားရင် အချိုမှုန့်များများ ထပ်ထည့် ပါတယ်။ အမှန်က ဆားက Sodium chloride ၊ အချိုမှုန့်က Monosodium glutamate ဖြစ်လို့ နှစ်ခုလုံး ဆိုဒီယမ် (Sodium) ဆားဓာတ်ဖြစ်ကာ နှစ်ခု ပြိုင်စားသုံးရင် သွေးတွင်းဆိုဒီယမ် မြင့်တက်မှု အရမ်းများလာစေကာ သွေးတိုးရောဂါကို ဖြစ်စေပါတယ်။ ဒါကြောင့် သွေးတိုးရောဂါ ကာကွယ်လိုသူများနဲ့ ရှိသူများဟာ အချိုမှုန့်ကို အထူးရှောင်ကြဉ်သင့်ပါတယ်။

အချိုမှုန့် စွဲလမ်းနေခြင်းကို ဘယ်လို လျှော့ချ အမြစ်ဖြတ်ကြမလဲ

(၁) လျှော့ချသုံးခြင်းဖြင့် စတင်ပါ။ အချိုမှုန့်ဟာ အသားတွေရဲ့ အရသာကိုသာ မြှင့်တင်ပေးတာ ဖြစ်လို့ အသီးအနှံတွေမှာ လုံးဝမသုံးပါနဲ့။

(၂) ယေဘုယျလမ်းညွှန် (General Guideline) အရ ပြောရရင် အစားအသောက် တစ်ကီလို (၂.၂ပေါင်) ကို အချိုမှုန့် လက်ဖက်ရည်ဇွန်းနဲ့ တစ်ဇွန်းထက် ပိုမသုံးပါနဲ့။ ဒါဆိုရင်တော့ အန္တရာယ် နည်းတယ်လို့ သိရပါတယ်။

(၃) ရယ်ဒီမိတ် အစားအသောက်တွေ အားလုံးနီးပါးမှာ အချိုမှုန့် ပါပြီးသားဆိုတာ သတိထားပါ။ ဘယ်တော့မှ အချိုမှုန့် ထပ်မထည့်ပါနဲ့။

(၄) ရယ်ဒီမိတ် စားစရာတွေ ၀ယ်ရင် လေဘယ်လ် ပေါ်မှာ ပါတဲ့ အချိုမှုန့်ပါဝင်မှု ပမာဏကို ရှာဖွေပါ။ အဆင့်အတန်းရှိတဲ့ အစားအသောက်တံဆိပ်တွေ အားလုံးရဲ့ ပါဝင်ဖက်ပစ္စည်းစာရင်း (Ingredient List) ရဲ့ အောက်ဆုံးမှာ အချိုမှုန့် တကယ်သုံးထားရင် သုံးထားကြောင်း ပမာဏ အတိအကျ ပါပါတယ်။

(၅) ရိုးရာ ဟင်းခတ်အမွှေးအကြိုင်တွေ (ဥပမာ ပုစွန်ခြောက်၊ ငါးပိ စတာတွေ) ကို ပြန်လည်အစားထိုး သုံးသင့်ပါပြီ။ ကျွန်တော်တို့ရဲ့ ရှေးအစဉ်အဆက် ဘိုးဘွားများဟာ ထွားကျိုင်းသန်မာ ရောဂါကင်းခဲ့တာ အချိုမှုန့် မစားခဲ့ကြတာလည်း ပါပါတယ်။

credit>>>Mg Mandalay စာကြည့်ခန်း

အရက်နာကျခြင်းမှ ကာကွယ်ခြင်းများ

အရက်နာ ကျခြင်းကို ကာကွယ်ခြင်းက ကုသခြင်းထက် ပိုလို့ ထိရောက်ပါတယ်။ ဒါကြောင့် သင်မသောက်ခင်မှာ ကြိုတင် ပြင်ဆင်ထားခြင်းဟာ သင့်အတွက် ကောင်းမွန်တဲ့ နည်းလမ်း တစ်ခုဖြစ်ပါလိမ့်မယ်။

၁။ အရက်နာကျတာကို အကောင်းဆုံး ကာကွယ်တဲ့နည်း ကတော့ ယမကာကို သောက်သုံးခြင်း မှ ရှောင်ကျဉ် တာပါပဲ။

၂။ နှစ်သစ်ကူးမှာပဲဖြစ်ဖြစ် အခြေအနေမှာပဲ ဖြစ်ဖြစ် မသောက်ဘဲ မနေနိုင်သူတွေကတော့ ယမကာ တစ်ခွက်နဲ့ တစ်ခွက်ကြားမှာ ရေတခွက်စီသောက်ပေးခြင်းဖြင့် ယမကာကြောင့်ဖြစ်တဲ့ သင့်ကိုယ်မှ ရေဓါတ်ဆုံးရှုံးမှုကို ကာကွယ် သင့်သလောက် ကာကွယ်နိုင်မှာဖြစ်ပါတယ်။

၃။ ယမကာ မသောက်ခင်နဲ့ သောက်ပြီးချိန်မှာ ဗိုက်တာမင်ပါတဲ့အစားအသောက် ဆေးများ စားပေးခြင်း (အထူး သဖြင့် ဗိုက်တာမင် B12 ပါတဲ့ အားဆေးကိုသောက်ပေးခြင်း) အားဖြင့် သင့်ခန္ဓာမှ ဗိုက်တာမင် ဆုံးရှုံးမှုကို ကာကွယ် ပေးပါလိမ့်မယ်။

၎။ သင်သောက်နိုင်သော ပမဏကို ချင့်ချိန်ပါ။ ရေချိန်ကိုက်ချိန် မရောက်ခင်မှာ ယမကာ သုံးဆောင်တာကို ရပ်ထား သင့်ပါတယ်။ မူးပြီးမှောက် သွားတာဟာ သင့်ကို ဘယ်လို ပျော်ရွှင်မှုကိုမှ ပေးနိုင်တာ မဟုတ်တဲ့အပြင် နောက်နေ့မှာ လည်း အရက်နာကျတာကို ခံရမှာမို့ သင့်သောက်နိုင်တဲ့ ပမာဏကို သင်သိထားနိုင်မယ် ဆိုရင်အကောင်းဆုံးဖြစ်ပါ လိမ့်မယ်။

ဒါကြောင့်မို့ သင့်ရဲ့ ယမကာသောက်သုံးမှုပမာဏ ကို တစ်နာရီမှာ 1 drink သာ သောက်သုံးခြင်းဖြင့် သင့်ခန္ဓာကိုယ်က ယင်းတို့ကို အချိန်မှီ ချေဖျက်နိုင်မှာဖြစ်ပါပြီး အရက်နာကျမှုကို ကာကွယ် နိုင်မှာဖြစ်ပါတယ်။

1 drink ဟု ဆိုရာတွင် အကြမ်းဖျင်းအားဖြင့် အောက်ပါ အတိုင်းအဆများကို ဆိုလိုပါတယ်။
1 drink = အရက်အပြင်းစား 44.36 ml (လက်ဘက်ရည်ကြမ်းတခွက်)
1 drink= ဝိုင် 147.8676 ml (ဘက်ဘက်ရည်အချိုပုဂံတလုံး)
1 drink= alcohol ပမာဏ ၆ % မှ ၉ % ထိပါဝင်သည့် ဘီယာ 207.015 ml (ပုံမှန်ဖန်ခွက် မပြည့်တပြည့် )
1 drink= အိမ်တွင် လုပ်သောဝိုင် 295.735 ml
1 drink= ဘီယာ 354.882 ml စသည်ဖြင့် အကြမ်းဖျင်း တွက်ချက်နိုင်ပါတယ်။

အဲဒီအပြင်ကို တစ်နေ့မှာ သင်ဘယ်လောက်သောက်မယ် ဆိုတာ ကို အမှတ်အသားတစ်ခု လုပ်ထားခြင်းဖြင့် သင့်ရဲ့ သောက်သုံးမှု ကို ထိန်းနိုင်မှာဖြစ်ပါတယ်။

၅။ သင်အိပ်ပျော်စဉ်မှာ သင့်ခန္ဓာကိုယ်ရဲ့ ဇီဝဖြစ်စဉ်များ နှေးကွေးသွားတာကြောင့် ယမကာသောက်ပြီးတဲ့ အချိန်မှာ ချက်ခြင်းမအိပ်သေးဘဲ နေခြင်းအားဖြင့် သင်အိပ်ပျော်ချိန်မှာ သွေးထဲမှာအရက်ပမာဏ သိပ်များမနေနိုင်တော့ပါဘူး။ ဒါကြောင့် သင်အိပ်ရာမဝင်ခင် ၁ နာရီအလိုမှာ အရက်သောက်ခြင်းကို ရပ်ဆိုင်းခြင်း၊ မူးပြီး အိပ်ပျော်ခြင်းမရှိအောင် နေခြင်းတို့ ပြုလုပ်သင့်ပါတယ်။ ယျေဘူယျအားဖြင့်တော့ သင်မူးပြီး အိပ်ပျော်သွားမယ်ဆိုရင် နောက်နေ့မနက်မှာ အရက်နာကျတဲ့ဒါဏ်ကို ပိုမိုခံစားရမှာ ဖြစ်ပါတယ်။

၆။ အိပ်ရာမဝင်မှာ paracetamol တစ်လုံးကို ရေတစ်ခွက်နှင့် သောက်အိပ်ပေးပါ။ အကိုက်အခဲပျောက်ဆေးကို ရေ များများနဲ့သောက်ခြင်းဖြင့် သင့်ရဲ့ ရေဓါတ်ဆုံးရှုံးမှုကို ကာကွယ်နိုင်မှာ ဖြစ်တဲ့အပြင် နောက်နေ့မှာ အရက်နာကျခြင်း ကြောင့် ခေါင်းကိုက်တာကို ကာကွယ်ပေးမှာဖြစ်ပါတယ်။

၇။ ယမကာမသောက်ခင်နဲ့ သောက်ပြီးတဲ့ အခါမှာ အစားအစာ တခုခုစား ခြင်းအားဖြင့် သင့်အားအကျိုးဆက် တစ်ချို့ ကို ရစေမှာဖြစ်ပါတယ်။ ပထမတစ်ခုကတော့ ယင်းအစားအစာများက alcohol ရဲ့ပြင်းအားကို လျော့ကျစေပြီး သွေး ထဲသို့ အရက်ရောက်နိုင်တဲ့ ပမာဏကို နည်းစေပါတယ်။ ဒုတိယအချက်အနေနဲ့ ကတော့ အရက်ကြောင့်ဆုံးရှုံးသွား တဲ့ ဗိုက်တာမင်ကို ထိုအစာများမှ အစားထိုးပေးပါတယ်။ တတိယအချက်အနေနဲ့ကတော့စားထားတဲ့အစားအစာတွေ က သင့်ရဲ့ ဇီဝဖြစ်စဉ်ကို မြန်စေတာကြောင့် alcohol ကို ပမာဏကိုလည်း ကျစေပါတယ်။ ဒါပေမယ့် အစာများကို အလွန်အကျွံစားခြင်းဟာလည်း သင့်ကို ပိုလို့အနေရခက်တဲ့ အခြေအနေများ ဖြစ်စေတာကြောင့် အတန်အသင့်သာ စားသုံးသင့်ပြန်ပါတယ်။

၈။ အိပ်ရေးဝဝအိပ်ပေးပါ။

၉။ နောက်နေ့မနက်အိပ်ရာထတဲ့အချိန်မှာတော့ caffeine နဲ့ သကြားဓါတ် များများပါတဲ့ အစားအစာတွေဟာ သင့်ရဲ့ သွေးပေါင်ချိန်ကို တက်စေတာမို့ ထိုအစားအစာတွေကို ရှောင်သင့်ပါတယ်။ အဲဒီအစားအစာတွေကိုစားမိတယ်ဆိုရင် တော့ သင့်ရဲ့ အရက်နာကျခြင်း ရဲ့ လက္ခဏာတစ်ခုဖြစ်တဲ့ အနည်းငယ် ခေါင်းကိုက်ခြင်း ကနေ အပြင်းအထန် ခေါင်းကိုက်ခြင်းကို ပြောင်းလဲသွားနိုင်ပါတယ်။

၁၀။ ထို့အပြင် အရက်နာကျတာကို ကာကွယ်ပေးနိုင်တဲ့ ဆေးတချို့ ရှိပေမယ့် သိပ္ပံပညာရှင်များရဲ့ ငြင်းခုန်မှုက ခုထိရှိနေသေးတာမို့ အကျိုးသက်ရောက်မှုကို အတိအကျ မပြောနိုင် သေးပေမယ့် အမှန်တကယ်သာ အကျိုးပြုနိုင် မယ်ဆို သင့်အတွက် သတင်းကောင်းဖြစ်ပါလိမ့်မယ်။

အရက်နာကျခြင်းဟာ များသောအားဖြင့် အရက်ရဲ့ ဆိုးကျိုးတခုသာဖြစ်ပြီး သင့်အနေနဲ့ တစ်ခါတစ်ရံမှသာခံစားရ မယ်ဆိုရင် အရေးမကြီးလှ ပေမယ့် မကြာခဏ ခံစားရမယ်ဆိုရင်တော့ သင့်အတွက် ပြသနာတစ်ခု ဖြစ်လာပါလိမ့် မယ်။ အချို့သော လူများဟာ ယမကာမှာပါတဲ့ ပစ္စည်းတစ်ချို့နဲ့ ဓါတ်မတည့်တဲ့ ရောဂါရှိတာမို့ တကယ်လို့ သင်ဟာ လည်းအဲလို ပြသာနာမျိုး ရှိခဲ့မယ်ဆိုရင် မသောက်တာဟာ သင့်အတွက် အသင့်တော်ဆုံးဖြစ်ပါလိမ့်မယ်။
 

မွန်းသက်ပန်
credit>>>Mg Mandalay

လက်ဖက်ရည်အသောက်များသူ အရိုးရောဂါဖြစ်နိုင်

အသက် ၄၇ နှစ်အရွယ်ရှိ အမေရိကန်ပြည်ထောင်စု၊ မစ်ချီဂန်မြို့မှ အမျိုးသမီးတစ်ယောက် သည် ထူးခြားသည့် အရိုးရောဂါဝေဒနာကို ခံစားနေရကြောင်း၊ သူမသည် လွန်ခဲ့သည့် ၁၇ နှစ်ခန့်ကစပြီး တစ်နေ့လျှင် လက်ဖက်ရည် အိတ် ၁၀၀ ခန့် သောက်သုံး ခဲ့ကြောင်း ဒက်ထရွိုက် ဆေးရုံကြီးမှ ပြောကြား ခဲ့သည်။

ထိုအမျိုးသမီးသည် ဆေးရုံသို့လာပြီး သူမတွင် ကျောရိုး၊ လက်မောင်း၊ ပေါင်နှင့် ခြေထောက်များ လွန်ခဲ့သည့် ၅ နှစ်ခန့် ကတည်းက အလွန်အမင်း နာကျင်ကိုက်ခဲသည့် ဝေဒနာကို ခံစားခဲ့ရကြောင်း ပြောကြားခဲ့သည်။

ဆရာဝန်များက သူမအား ဓာတ်မှန်ရိုက်ကြည့်ရာတွင် အရိုးများတွင် ကျီးပေါင်းများ တက်နေသည်ကို ထူးဆန်းစွာ တွေ့ရှိခဲ့ရသည်။

ဆေးရုံမှအရိုးပညာရှင် ဒေါက်တာ ဆူဒတ်ခါနှင့် ဟင်နရီဖို့ဒ်ဆေးရုံမှ ပညာရှင်များက ယခုလိုဖြစ်ရခြင်းမှာ လက်ဖက်ရည်ကို လိုသည်ထက်ပိုပြီး သောက်သုံးခြင်းကြောင့် ဖြစ်ရသည်ဟု မှတ်ချက်ချကြသည်။ လက်ဖက်ရည်တွင် ဖလိုရိုက်ဒြပ်ပေါင်းများပါဝင်ပြီး လွန်ကဲစွာ သောက်သုံးမိသောကြောင့်ဟု မှတ်ချက်ချကြ သည်။

လူနာ၏သွေးထဲတွင် ဖလိုရိုက်ပါဝင်မှုနှုန်းသည် သာမန်လူများထက် လေးဆခန့် မြင့်မားနေသောကြောင့် ယခုလို ဝေဒနာ ခံစားရခြင်းဖြစ်သည်ဟု သုတေသီများကဆိုသည်။

Maukkha

ရည်းစား၏ငယ်ပါကိုဖြတ် ရေအိမ်ထဲပစ်ချခဲ့သူ

ရည်းစားဖြစ်သူနှင့် စကားများကြပြီးနောက် သင်ခန်းစာပေးလိုသောကြောင့် အိပ်ပျော်နေချိန်တွင် ငယ်ပါကိုဖြတ်ကာ ရေအိမ်ထဲချပစ်ခဲ့သော မှုခင်းတစ်ခု အမေရိကန်ပြည်ထောင်စုတွင်ဖြစ်ပွားခဲ့သည်။

အသက် ၄၁ နှစ်အရွယ်ရှိ ဂျူလီယာ မူနော့ဇ်ဆိုသူသည် ၄င်း၏ရည်းစားဖြစ်သူ အသက် ၄၆ နှစ်အရွယ်ရှိ ရေမွန် အေးရိစ်ဆိုသူနှင့် စိတ်ဆိုးကာ စကားများ ရန်ဖြစ်ခဲ့ကြကြောင်း အိမ်နီးချင်း ဘရီနာ လီမာက ရဲတပ်ဖွဲ့ဝင်များသို့ ပြောပြခဲ့သည်။

ဂျူလီယာတို့နေထိုင်သည့်အိမ်ထဲတွင် အော်သံများကြားရသောကြောင့် လုံခြုံရေးအဖွဲ့ဝင်များနှင့် အိမ်နီးချင်းများ သွားကြည့်ရာတွင် အေးရိစ်နှင့် ဂျူလီယာတို့၏ သွေးလွှမ်းသော အဖြစ်အပျက်ကို ကြုံတွေ့ခဲ့ကြရသည်။ ဂျူလီယာသည် လက်ထဲတွင် မီးဖိုချောင်သုံး ဓားတစ်လက်ကိုကိုင်ထားပြီး ရဲများက ဖြောင့်ဖျကာ ထိန်းသိမ်းသွား ရသည်။

အေးရိစ်ကိုမူ ဆေးရုံသို့ပို့လိုက်ရပြီး အရေးပေါ်ခန်းတွင် အတွင်းလူနာအဖြစ် စောင့်ရှောက်ထားရသည်။ မည်သည့်အကြောင်းကြောင့် ဤမျှစိတ်နာပြီး လုပ်ဆောင်ခဲ့ရကြောင်းကို ယခုအထိ သတင်းမရရှိသေးပေ။ ဂျူလီယာကို စိတ်ကျန်းမာရေးအတွက် ရက်ပေါင်းများစွာ ကုသရန်လိုအပ်ကြောင်း၊ ယခုကျူးလွန်ခဲ့သည့် ကိစ္စ နှင့်ပတ်သက်ပြီး ဂျူလီယာသည် နှစ်ပေါင်းများစွာ ထောင်ဒဏ်ကျခံရဖွယ်ရှိကြောင်း ရဲတပ်ဖွဲ့မှ သတင်းမီဒီယာသို့ ပြောကြားခဲ့သည်။

 

Maukkha

မြေကမ္ဘာနေ့ အခမ်းအနား (Earth Hour) ကျင်းပပုံမြင်ကွင်းများ

မတ်လ ၂၃ ရက် ည ၈း၃၀ မှ ၉း၃၀ က မြေကမ္ဘာနေ့ အခမ်းအနားကို ကမ္ဘာတစ်ဝှမ်းတွင် ၁ နာရီကြာ လျှပ်စစ် မီးမှိတ်ခြင်းဖြင့် ကျင်းပခဲ့ကြသည်။ ၎င်းအခမ်းအနားကို နိုင်ငံပေါင်းများစွာမှ လူသန်းပေါင်းများစွာက လျှပ်စစ်မီးမှိတ်သည်ဆိုခြင်းထက် ကမ္ဘာမြေကြီး၏ ရာသီဥတုပြောင်းလဲမှုအတွက် အပြုသဘောဆောင် ပါဝင်ဆင်နွှဲကြခြင်းဖြစ်သည်ဟု သိရသည်။ 

Popular Myanmar News

တောင်ကိုရီးယားမှာ စကတ်အတို မ၀တ်ရ

 

တောင်ကိုရီးယားနိုင်ငံတွင် မတ်လ(၂၂)ရက်နေ့မှ စတင်ကာ စကတ်အတို အပြတ်များအား ၀တ်ဆင်ခွင့်မပြုတော့သော ဥပဒေကို ပြဋ္ဌာန်းလိုက်ကြောင်း သိရသည်။ ယခုအခါ၌ ကိုရီးယားနိုင်ငံ၏ နာမည်ကျော်အနုပညာရှင်များ သည် သရုပ်ပျက်လောက်သော စကတ်အတိုများကို ၀တ်ဆင်လာသဖြင့် အမြင်မတင့်တယ်မှုများကို ကြုံတွေ့နေရသဖြင့် ၎င်းဥပဒေအား ပြဋ္ဌာန်းလိုက်ခြင်း ဖြစ်ကြောင်း သိရသည်။ ထိုဥပဒေအား ဖောက်ဖျက်ပါက အမေရိကန်ဒေါ်လာ(၄၅)ဒေါ်လာ ဒဏ်ငွေပေးဆောင်ရန် ပြဋ္ဌာန်း ထားကြောင်း သိရသည်။

မြန်မာပြည်လည်း နောက်ဆို ဒါမျိုးတွေ လုပ်မှ အဆင်ပြေတော့မယ်ထင်ပါတယ်... :)

Skynet TV

IQ နှင့် EQ

ကျွန်တော်တို့နိုင်ငံမှာ IQ မြင့်တဲ့သူတွေ တော်တော် များများ ရှိပါတယ်။ ဒါပေမယ့် အများစုကတော့ ဘ၀မှာ မအောင်မြင်ဘဲ ရိုးရိုးသာမာန်ဘ၀နဲ့ပဲ ပြီးဆုံးသွားကြတယ်။ ဒါဟာ IQ မြင့်တိုင်းလည်း ခရီးမပေါက်တာ တွေ့ ရတယ်၊ ဘ၀မှာ အောင်မြင်ဖို့ EQ ဆိုတာလည်း အရေးကြီးပါတယ်။ EQ ဆိုတာ ဘာလဲ နဲ့  ဘယ်လိုမြင့်အောင်လုပ်မလဲ ဆိုတာ အောက်က ဆောင်းပါးလေးက ရှင်းပြပါလိမ့်မယ် ။

EQ လား IQ လား (ကောင်းထက်)

လူတစ်ယောက်၏ အောင်မြင်မှုရရန်အတွက် လိုအပ်ချက်မှာ ဦးနှောက်ဉာဏ်ရည် အဆင့်(IQ) မဟုတ်။ နှလုံးရည် အဆင့်အတန်း(EQ)ဖြစ်ကြောင်း အမေရိကန်နိုင်ငံ ဟားဗတ်တက္ကသိုလ်မှ စိတ်ပညာရှင် နီးယဲလ်ဂိုးလ်မန်းက ဖော်ထုတ်ပြောကြားခဲ့သည်။ သူသည် ဆယ်နှစ်အတွင်း အလုပ်သမား တစ်ထောင်ခန့် ကို သုတေသနပြု လေ့လာတွေ့ရှိမှု အရ (IQ)ကြောင့်အောင်မြင်သူ ၂၅%၊ (EQ)ကြောင့် အောင်မြင်သူ ၇၅% ရှိကြောင်း တွေ့ရှိခဲ့သည်။

ဦးနှောက်ဉာဏ်ရည်အဆင့်ကောင်းသော ဘွဲ့ရ ပညာတတ် အုပ်ချုပ်ရေးမှူး တစ်ယောက်သည် နှလုံးရည် အဆင့်အတန်း ညံ့ဖျင်းသဖြင့် လုပ်ငန်းခွင်မှာ အောင်မြင်မှုမရ၊ အလုပ်မှ ထွက်ခဲ့ ရလေပြီ။ ထိုအလုပ်ကို ဦးနှောက်ဉာဏ်ရည် အဆင့်နိမ့်ပြီး ဘွဲ့မရသော်လည်း နှလုံးရည် အဆင့်အတန်းမြင့်သည့် အုပ်ချုပ်ရေးမှူး က အုပ်ချုပ် လုပ်ကိုင်သည့်အခါ လုပ်ငန်းအောင်မြင်ရုံ မက ထိုအုပ်ချုပ်ရေးမှူးသည် လုပ်ငန်းတွင် ရှယ်ယာဝင် တစ်ယောက်ပင် ဖြစ်ခဲ့ရကြောင်း နီးယဲလ်ဂိုးလ်မန်းသုတေသနပြုရာ၌ တွေ့ရှိခ့ရဲ သည်။

(EQ)နှလုံးရည်ပြကိန်း (Emotional Quotient)သည် အကျင့်စာရိတ္တနှင် စိတ်နေသဘော သဘာဝ၏ အရည်အသွေး ပင်ဖြစ်သည်။ နှလုံးရည်အဆင့်အတန်း (EQ)မြင့်သူသည် -
(၁) ကိုယ့်ကိုကိုယ် အကဲဖြတ်သိနိုင်ခြင်း (Self Evaluation)
(၂) ရုတ်တရက်ပေါ်ပေါက်လာသော စိတ်လှုံ့ဆော်မှုကို ထိန်းချုပ်နိုင်ခြင်း (Impulse Control)
(၃) ကိုယ့်သိက္ခာကိုယ်စောင့်ခြင်း (Self Oiscupline)
(၄) တစ်ဖက်သားအပေါ် စာနာထောက်ထားငဲ့ညှာနိုင်စွမ်းရှိခြင်း (Compassion)
(၅) တစ်ဖက်သား၏ကောင်းသောလုပ်ရပ်ကို ထုတ်ဖော်ချီးကျူးနိုင်စွမ်းရှိခြင်း (Praise)
(၆) မှန်ကန်ကောင်းမွန်စွာ တွေးခေါ်စဉ်းစားနိုင်ခြင်း (Positive Thinking)

စသည့် အချက်အလက်များနှင့် ပြည့်စုံသူဖြစ်သည်။ ထိုသူသည် (EQ)ကို မိဘနှစ်ပါးထံမှ အမွေဆက်ခံ ရရှိနိုင်သည်။ နှလုံးရည် အဆင့်မြင့်သော မိဘများမှ ပေါက်ဖွားလာသူသည် အလိုအလျောက် နှလုံးရည်မြင့်သူ ဖြစ်လာပြီး နှလုံးရည်အဆင့်နိမ့်သောမိဘမှ ပေါက်ဖွားလာသူမှာ နှလုံးရည် အဆင့်နိမ့်သူသာ ဖြစ်နေတတ်သည်။
သည်နေရာတွင် မိကောင်းဖခင်သားသမီး ဆိုသည့်စကားရပ်၏ လေးနက်မှုကို သိမြင်နိုင်လိမ့်မည် ထင်ပါသည်။ မိဘကောင်းလျှင် သားသမီးကောင်းမည်၊ မိဘဆိုးလျှင် သားသမီးလည်း ဆိုးမည်ဆိုသည့် အဓိပ္ပါယ် သဘောပင်ဖြစ်သည်။

နှလုံးရည်အဆင့်ကို မိဘထံမှရသဖြင့် ဆိုးသောမိဘမှ ပေါက်ဖွားလာသောသူ သည် သားစဉ်မြေးဆက် ဆိုးပြီး အောင်မြင်မှုမရ၊ ဘ၀ခရီးလမ်းတစ်လျှောက်လုံး နလံမထူနိုင်ဖြစ်နေလျှင် သဘာဝကြီးကို တရားပါ့မလား ဟု မေးစရာပေါ်လာနိုင်ပါသည်။

ထိုမေးခွန်းအတွက် အဖြေရှိပါသည်။ အဖြေက နှလုံးရည် အဆင့်အတန်းမြင့်မားလာစေရန် ပြုပြင်ယူ၍ ရသည် ဆိုခြင်းပင်ဖြစ်၏။

နှလုံးရည်အဆင့်ကို မိဘထံမှရသလို ဦးနှောက်ဉာဏ်ရည်အဆင့်မှာလည်း မိဘများထံမှ ထက်ဝက်ရကြောင်း တင်ပြလိုပါသေးသည်။ စိတ်ပညာရှင် ပါမောက္ခကြီး၏ သုတေသနပြုချက်အရ ဦးနှောက်ဉာဏ်ရည်အဆင့် ၅၀% မှာ မိဘများထံမှ ရရှိသည်။ ထိုသို့ရရှိခြင်းသည် အတိုးအလျော့မရှိ။ ပြောင်းလဲခြင်း မရှိပေ။ ကျန်သော ၅၀%ကို ပတ်ဝန်းကျင်နှင့် မိမိအား ထိန်းကျောင်းပြုပြင်ပေးသူ (ဆရာ၊ ဆရာမ)များထံမှ ရသည်။

ဦးနှောက်ဉာဏ်ရည် အဆင့်နိမ်သောပတ်ဝန်းကျင်တွင် နေထိုင်ကြီးပြင်းခဲ့သူ၊ ဉာဏ်ရည်အဆင့်နိမ့်သော ထိန်းကျောင်းပြုပြင်ပေးသူ တို့လက်တွင် ကြီးပြင်းခဲ့သူသည် ကျန် ၅၀%မှာ အဆင့်နိမ့်တတ်သည်။ ကျွန်တော့်ဆိုလိုရင်းမှာ ပထမ ၅၀% (မိဘများထံမှရ)သည် ပြောင်းလဲမှု မရှိနိုင်သော်လည်း ကျန် ဒုတိယ ၅၀%သည် ပတ်ဝန်းကျင်နှင့် ပြုပြင်ထိန်းကျောင်းပေးသူ များအပေါ် လိုက်ပြီး ဉာဏ်ရည် အနိမ့်အမြင့် ပြောင်းလဲမှု ရှိတတ်ကြောင်းပင်ဖြစ်သည်။

ဦးနှောက်ဉာဏ်ရည်အဆင့် နှလုံးရည်အဆင့်တို့တွင် နှလုံးရည်အဆင့်က အဓိကကျကြောင်း ကျွန်တော် တင်ပြခဲ့ပြီး ဖြစ်သည်။ ကျွန်တော် ပြောဆိုခြင်းအပေါ် ဉာဏ်ရည်အဆင့်ရှိရန် မလိုဟု မယူဆ စေလိုပါ။ လူတစ်ယောက်သည် ဉာဏ်ရည် အဆင့်ကောင်းပြီး၊ နှလုံးရည်အဆင့်အတန်းပါ ကောင်းလျှင် ထိပ်ဆုံးရောက်ဖို့ သေချာပါသည်။ ဉာဏ်ရည်အဆင့်နိမ့်ပြီး နှလုံးရည်အဆင့်ကောင်းလျှင်လည်း ထိပ်ဆုံးသို့ ရောက်နိုင်ပါသည်။ ဦးနှောက်ဉာဏ်ရည်အဆင့်သာကောင်းပြီး နှလုံးရည်မကောင်းလျှင် အဆင့်အတန်း တစ်ခုကို ရရှိနိုင်သော်လည်း ထိပ်ဆုံးသို့ မရောက်နိုင်၊ ရွှေလက်ပိုင်ရှင်မဖြစ်နိုင်ပါ။

နှလုံးရည်ကောင်းသော ရွှေလက်ပိုင်ရှင်ဖြစ်ရန် မိဘနှစ်ပါးက မပေးခဲ့လျှင် မိမိဘာသာ မိမိ တည်ဆောက် ယူရပါမည်။ ထိုသို့တည်ဆောက်ရန် လိုအပ်သည့်အချက်များကို တင်ပြပါမည်။

နှလုံးရည်အဆင့်ပြောင်းလဲရန်အတွက် …………….
(၁) အခြေအနေကို မှန်မှန်ကန်ကန်အကဲဖြတ်ပါ။
(၂) မှန်ကန်စွာသိခြင်းဖြင့် ဘ၀င်မြင့်ခြင်း၊ သိမ်ငယ်ခြင်းတို့ကို ရှောင်ရှားရမည်။ မိမိစိတ်ကို အစွန်း တစ်ဘက်သို့ မရောက် ပါစေနှင့်။
(၃) စိတ်ခံစားချက်ကို ထိန်းချုပ်ပါ။ ၀မ်းနည်းလွယ်၊ ဒေါသဖြစ်လွယ် မရှိပါစေနှင့်။
(၄) ပြဿနာတစ်ရပ်ကို ဖြေရှင်းရာတွင် ငြိမ်းချမ်းစိတ်မွေးပါ။ စိတ်ကိုတည်ငြိမ်အောင်ထားပါ။
(၅) ကိုယ်ချင်းစာတရားရှိပါ။ အများ၏ ချစ်ခင်မှုရရှိစေရန် အပေးအယူမျှတစွာ နေတတ်အောင် ကြိုးစား လေ့ကျင့်ပါ။
(၆) စည်းကမ်းသတ်မှတ်ပါ။ အလုပ်အကိုင် အကြံအစည်တစ်ခုကို ချက်ချင်းထလုပ်ပါ။ အချိန်ရွေှ့ဆိုင်းခြင်း မပြုဘဲ သတ်မှတ်ချိန်တွင် ပြီးစီးအောင်လုပ်ပါ။
(၇) အပြုစိတ်ထားပါ။ အကောင်းဘက်က တွေးခေါ်စဉ်းစား အကောင်းမြင်စိတ်ထားပါ။
(၈) တစ်ဖက်သားကို အဓိပ္ပါယ်ရှိစွာ ချီးကျူးပါ။
(၉) သိက္ခာရှိခြင်း၏ အဓိပ္ပါယ်ကိုသိပါ။ သိက္ခာရှိစွာနေထိုင်တတ်အောင် ကြိုးစားပါ။

ဖော်ပြပါအချက်များအနက် သင့်တွင် ဘာတွေရှိပြီး ဘာတွေချို့ယွင်းနေသည်ကို ဝေဖန် အကဲဖြတ်ပါ။ ချွတ်ယွင်းချက်များ ပြည့်စုံ လာအောင်ကြိုးစားပါ။ သင်သည် နှလုံးရည်အဆင့်ရှိသူ တစ်ယောက် ဘ၀သို့ ရောက်လာပါလိမ့်မည်။ သင်သည် ရွှေလက်ပိုင်ရှင် ဘ၀သို့ ရောက်လာနိုင်သလို သင်၏ သားစဉ်မြေးဆက် တို့လည်း ရွှေလက်ပိုင်ရှင်ဘ၀သို့ ရောက်အောင် အမွေပေးနိုင်ပါလိမ့်မည်။

မိဘထံမှ အမွေရသော နှလုံးရည်အဆင့်ကို မြင့်မားကြံ့ခိုင် လာစေရန် ကြိုးစား အားထုတ်ပြီး ပြုပြင် ပြောင်းလဲ၍ ရသလို မိမိ၏ အပြုအမူ အနေအထိုင်ကြောင့် အမွေရထားသော နှလုံးရည်အဆင့် ပျက်စီးသွားနိုင်သည် ကိုလည်း သတိပြုစေချင်သည်။

လူတစ်ယောက်ကို ကောင်းအောင်ပြုပြင်နိုင်သူသည် ထိုသူကိုယ်တိုင်ဖြစ်သလို ဆိုးအောင် တွန်းပို့နိုင်သူမှာလည်းထိုသူပင်ဖြစ်သည်။

သင်သည် ဦးနှောက်ဉာဏ်ရည် အဆင့်နိမ့်သော်လည်း နှလုံးရည် အဆင့်မြင့်သူဖြစ်ခဲ့လျှင် သင့်ထံမှ အမွေမရနိုင်သော ဉာဏ်ရည်အဆင့်သို့ သားသမီးများ ရရှိနိုင်စေရန် ကောင်းသော ပတ်ဝန်းကျင်၌ နေပါစေ။ ကောင်းသော ပြုပြင်ထိန်းသိမ်းသူနှင့် တွေ့ပါစေ။

လူတစ်ယောက်အတွက် ဉာဏ်ရည်အဆင့်ရှိပြီး နှလုံးရည်အဆင့်ပါရှိလျှင် အကောင်းဆုံးဟု ကျွန်တော် ဆိုချင်ပါသည်...။

credit to ခွန်အားရှိသောစာ

ယေးလ်နှင့် ဟားဗတ်တက္ကသိုလ်ကျောင်းများ ကမ္ဘာ့ထိပ်တန်းအဆင့်တွင်ရှိနေ

အမေရိကန် ဥပဒေကျောင်းများ ထဲတွင် ယေးလ်တက္ကသိုလ် ကလည်းကောင်း၊ ဆေးပညာ တက္ကသိုလ်များ ထဲတွင် ဟားဗတ်တက္ကသိုလ် တို့က လည်းကောင်း  ကမ္ဘာ့ထိပ်တန်း နံပါတ်ဝမ်း အဆင့်တွင်ရှိနေကြောင်း အမေရိကန် News & World Report မှ ထုတ်ဖော်ပြောကြားခဲ့သည်။

စီးပွားရေးကျောင်းများထဲတွင် ဟားဗတ်နှင့် စတန်းဖို့ဒ်တက္ကသိုလ်တို့သည်  ထိပ်တန်းတက္ကသိုလ်များ အဖြစ် သတ်မှတ်ခြင်း ခံရသည်။  နည်းပညာတွင် မက်ဆာချူးဆက် နည်းပညာတက္ကသိုလ်၊ အင်ဂျင်နီယာ ပညာရပ် တွင် ဘာကလေ၊ စတန်းဖို့ဒ်နှင့် ကာလီဖိုးနီးယား တက္ကသိုလ်တို့ ရရှိကြသည်။

Peabody ကောလိပ်နှင့် Vanderbilt တက္ကသိုလ်တို့ကို ပညာရေးတွင် ထိပ်တန်းအဖြစ်သတ်မှတ်ခံရသည်။

News & World Report မဂ္ဂဇင်းတွင် ထိုကျောင်းထွက်များသည် ကျောင်းပြီးပါက ဒေါ်လာ သိန်းချီပြီး ရနိုင်စွမ်းရှိ ကြောင်း၊ သို့သော် အများစုမှာ ကျောင်းတက်ရင်း ကြွေးပိကာ ဘဝပျက်သွားသူများလည်း ရှိကြောင်း ဖော်ပြထား သည်။ ကျောင်းသားများအနေဖြင့် ရွေးချယ်မှု အရေးကြီးကြောင်း၊ ဘဝအတွက် အာမခံချက်ရှိသည့် ဘာသာရပ် များကိုရွေးချယ်ခြင်းသည် အလုပ်အကိုင် အခွင့်အလမ်းများ အတွက်ပါ အဆင်ပြေနိုင်ကြောင်း ရေးသားထား သည်။

မည်သည့်ကျောင်းသို့ တက်သည်ဖြစ်စေ စည်းကမ်းလိုက်နာနိုင်ရန် အရေးကြီးကြောင်း၊ ကျောင်းတစ်ခုခု တက် တော့မည် ဆိုလျှင် ပညာရှင်များနှင့် တိုင်ပင် သင့်ကြောင်း၊ ဖြစ်ချင်တာ ထက် ဖြစ်သင့်တာ ကို ရွေးချယ်ရန်လည်း အရေးကြီးကြောင်း၊ မိမိနှင့် မလိုက်ဖက်သည့် ဘာသာရပ် များကို ရွေးချယ်ခြင်းကြောင့် ကြွေးတင်ပြီး ဒုက္ခရောက် ကာ ပန်းတိုင် မရောက်နိုင်ကြောင်း၊ ဝါသနာလည်းပါ၊ ဘဝအတွက် အာမခံချက်ရှိမည့် ဘာသာရပ်များကို ရွေးချယ်ရန် လိုအပ်ကြောင်း အကြံပြုရေးသားထားသည်။

Maukkha

ကမ္ဘာ့ကြောက်စရာ အကောင်းဆုံး ရိုလာကိုစတာ

တစ်နာရီ ၉၃ မိုင်နှုန်းအထိ အမြန်ပြေးပါတယ်။ ပေ ၃၁၀ အထိ အပေါ် တက်ပြီး ပေ ၃၀၀ ပြန်ကျပါတယ်။ အရှည်ပေ ၆၅၉၅ ပေရှိပြီး တစ်ခါစီးရင် ကြာချိန်က ၂ မိနစ်နဲ့ စက္ကန့် ၂၀ပါ။

အမေရိကန်ပြည်ထောင်စု အိုဟီးအိုးပြည်နယ် Sandusky မြို့မှာ ရှိတဲ့ Cedar Point  အမည်ရ အပန်းဖြေကစားကွင်းမှာ တည်ရှိပြီး Millennium Force လို့ အမည်ရပါတယ်။ ကမ္ဘာ့အကောင်းဆုံး စတီးရိုလာကိုစတာ အဖြစ် ဆုများ ၇ ကြိမ်တိုင်တိုင် ရရှိထားပြီး ၂၀၀၀ ခုနှစ် မေလ ၁၁ ရက်နေ့က စတင် ဖွင့်လှစ် ပါတယ်။

စုစုပေါင်း ကုန်ကျစရိတ်က အမေရိကန်ဒေါ်လာ ၂၅ သန်းတောင်ရှိပါတယ်။ ကမ္ဘာ့ လူစီးအများဆုံး ရိုလာကိုစတာ စာရင်းထဲမှာ ပါဝင်ပါတယ်။ ၈၀ ဒီဂရီ အထိတောင် စောင်းပြီး သွားလာတဲ့ ယင်း ရိုလာကိုစတာဟာ ကမ္ဘာ့ ကြောက်မက်ဖွယ် အကောင်းဆုံး ရိုလာကိုစတာ အဖြစ်လည်း လူသိ များကြောင်း သိရပါတယ်။

TechSpaceJournal

ဒိုလေးပေါက်စ

ခရစ်စတီယာနိုရော်နယ်ဒို ကစားပုံနဲ့ ဆင်တဲ့ ကောင်လေးပါ... အနာဂတ်မှာ တောက်ပလာနိုင်ပါတယ်...။

Samsung Galaxy S4

Samsung Galaxy S4 ကို တရားဝင်ထုတ်ဖော်ပြသပြီးသွားပါပြီ။ ဧပြီလ၂၆ ရက်နေ့ဆိုရင် စတင် ရောင်းချတော့မှာ ဖြစ်ပါတယ်။

ပုံစံ အရွယ်အစား

ယခင် Samsung Galaxy S3 ထက်ကြီးပါတယ်။ ၅ လက်မ မျက်နှာပြင် ဆိုတော့ တော်တော်လေးကြီးပါတယ်။ Samsung Galaxy Note 2 တောင် ၅.၅၅ လက်မပဲ ရှိတာ ဘာမှ သိပ်မကွာတော့ပါဘူး။ S pen သာပါရင် Note လို့တောင်ဆိုရမလို ဖြစ်ပါတယ်။ တိတိကျကျကတော့ 5.38 x 2.71 x 0.31 လက်မ ပတ်လည် ဖြစ်ပါတယ်။ အလေးချိန်က ၄.၆ အောင်စ ရှိပါတယ်။ ပလက်စတစ် ဘော်ဒီကိုပဲ ပြန်သုံးထားပါတယ်။ ရည်ရွယ်ချက်က အပူသက်သာပြီး ဘက်ထရီနဲ့ memory card အဖြုတ်အတပ်လွယ်ကူအောင်လို့ဆိုပါတယ်။

မျက်နှာပြင်

၅ လက်မ Full HD Super AMOLED ကို သုံးပါတယ်။ resolution အားဖြင့် 1,920x1,080 pixels, 441ppi ရှိပါတယ်။

ကင်မရာ

13 megapixel တောင်ရှိပါတယ်။ Samsung တို့ထုံးစံအတိုင်း ကင်မရာအတွက် Feature ဟောင်းများအပြင် အသစ်များလည်း ပါဝင်လာပါမယ်။ ရှေ့ ကင်မရာက 2 megapixel အထိတောင် ရှိသွားပါတယ်။

Processor

1.9GHz quad-core Snapdragon Fusion Pro သို့မဟုတ် 1.6GHz octa-core Exynos 5 Octa ပါဝင်ပါတယ်။ အရင် S3 က 1.5 GHz ပဲရှိခဲ့တာ ဖြစ်ပါတယ်။

Memory and Storage

16GB, 32GB, 64GB သုံးမျိုး ရှိပြီး 64GB အထိ ထပ်းတိုးနိုင်ပါတယ်။ RAM ကတော့ 2GB ပါပဲ။

ဘက်ထရီ

၂၆၀၀ mAh ရှိပြီး S3 ထက် ၅၀၀ တောင်တိုးလာပါတယ်။ Power usage ပိုသက်သာပြီး အရင် Samsung Galaxy စီးရီးအားလုံးထက် ပိုအသုံးခံမယ့် ဘက်ထရီဖြစ်တယ်လို့ ဆိုပါတယ်။

Connectivity

NFC, 4G, Wi Fi , Bluetooth တို့ပါဝင်ပါတယ်။ မြန်မာပြည်မှာဆိုရင် GSM သုံးလို့အဆင်ပြေပါမယ်။ Samsung ကနေ CDMA အတွက်ထုတ်တဲ့ ဖုန်းက နည်းပါတယ်။ Galaxy Amazing တို့လို ခပ်ရှားရှားဖုန်းမှာသာ CDMA ရခဲ့ပြီး ယခု Samsung Galaxy S4 ကတော့ GSM ပဲရနိုင်အုံးမှာ ဖြစ်ပါတယ်။

ထူးခြားဆန်းသစ်မှုများ

Eye control tech လို့ခေါ်ရမလားပါပဲ။ ဗီဒီယိုကြည့်နေရင်း မျက်စိက မျက်နှာပြင်မဟုတ်တဲ့ အခြားတစ်နေရာကို ရောက်သွားရင် အလိုအလျောက် ခဏရပ် Pause ပေးတယ်လို့ ဆိုပါတယ်။ စာဖတ်တဲ့အခါ လက်နဲ့ Scroll လုပ်စရာ မလိုပဲ မျက်လုံးကနေ အောက်ကိုဆွဲကြည့်သွားရင် အလိုအလျောက် Scroll လုပ်တယ်လို့ ဆိုပါတယ်။ ကင်မရာကို တော်တော်လေး နည်းပညာ အဆင့်မြင့်ထားပါတယ်။

S translation App တို့လိုဟာ ပါဝင်လာမယ်လို့ ဆိုပါတယ်။ Google Translate လိုပါပဲ။ ဝင်သမျှ၊ ဖတ်သမျှ စာကို ကိုယ်စိတ်ကြိုက်ဘာသာသို့ ပြောင်းလဲပေးနိုင်မှာ ဖြစ်ပါတယ်။ မြန်မာစာတော့ ရမှာ မဟုတ်ပါဘူး။ Google Translate မှာတောင် မပါသေးတာ Samsung မှာ ပါဖို့ကျ လိုပါသေးတယ်။

ကင်မရာမှာဆိုရင်လည်း dubbed Dual Shot and Dual Recording တို့အပြင် picture-in-picture modes တို့လည်းပါဝင်ပါတယ်။ Samsung Store နဲ့တိုက်ရိုက်ချိတ်ပြီး S4 အတွက် သီးသန့်လုပ်ထားပေးတဲ့ App and Feature တွေကိုလည်း ထပ်မံ ပေါင်းထည့်နိုင်ပါသေးတယ်။ Hand free access တို့လည်းပါဝင်ပြီး ကားမောင်းနေရင်း ဖုန်း ဖြေတာတို့၊ ပြောတာတို့ အသုံးပြုလို့ရပါမယ်။ အရင် Samsung Galaxy တွေမှာ ပါခဲ့သလိုပဲ လေမှာ ဝေ့ရမ်းလိုက်ရုံနဲ့ Answer Buttom ကိုနှိပ်ပြီးသား ဖြစ်နေတာ တို့လည်းပါဝင်ဦးမှာပါ။

ဈေးနှုန်း

ဈေးနှုန်းကတော့ တရားဝင် မကြေညာ ထားသေးပါဘူး။ သေချာတာကတော့ iPhone 5 ထက် ဈေးသက်သာနေဦးမှာပါ လို့ ခန့်မှန်းထားကြပါတယ်။ Samsung Galaxy S3 က မြန်မာပြည်မှာ ၄ သိန်းကျော်နဲ့ ရနေပါပြီ။ ယခု Samsung Galaxy S4 ရဲ့ တန်ဖိုးက S3 ထွက်တုန်းကလို ၄၅၀ ဝန်းကျင်မဟုတ်တောင် ၆၀၀ USD ဝန်းကျင်ထက် မပိုနိုင်ဘူးလို့ ခန့်မှန်း ထားကြပါတယ်။ Google Nexus ဖုန်းကလည်း ထွက်ဦးမယ်ဆိုတော့ ပြိုင်ဘက်တွေကြားမှာ S4 ကိုဈေးတင်မှာ မဟုတ်ပါဘူး။

ဧပြီလ ၂၆ ရက်နေ့ထွက်မယ့် S4 နဲ့ ပက်သက်လို့ ဓာတ်ပုံနဲ့ သတင်း အသေးစိတ် သိချင်ရင်အောက်ပါလခ့်မှာ ဝင်ရောက် ကြည့်ရှု နိုင်ပါတယ်။

http://www.samsung.com/global/microsite/galaxys4/

TechSpaceJournal

Maroon 5 - Payphone (မြန်မာဗားရှင်း)

မူရင်းဗားရှင်း

မြန်မာဗားရှင်း

ကမ္ဘာ့ပထမဆုံး ရေအောက် နိုက်ကလပ်

 အမေရိကန်နိုင်ငံ နယူးယောက်မြို့က ရေကူးကန် တစ်နေရာမှာ စတူဒီယို တစ်ခု ဖန်တီးပြီး လုပ်ခဲ့တာ ဖြစ်ပါတယ်။

၂၀၁၂ ခုနှစ်ဇွန်လတုန်းက ဖြစ်ပါတယ်။ တစ်ကမ္ဘာလုံးက ပြည်သူများ အနေနဲ့ ရေအောက် သဘာဝကို ပိုမို စိတ်ဝင်စားလာအောင် ရည်ရွယ်ချက်နဲ့ လုပ်လိုက်တဲ့ marketing video သာဖြစ်ပြီး စိတ်ဝင်စားသူ အများအပြား ရှိခဲပါတယ်။

အထဲမှာ တကယ့် နိုက်ကလပ်ထဲကလို ခံစားစေရမယ်လို့ ဆိုပါတယ်။ အားလုံး ခေါင်းကို စွတ်ထားပေမယ့် တစ်ယောက်အသံ တစ်ယောက် ကြားရပါတယ်။ ကန်ပတ်ပတ် လည်မှာ sound box တွေတပ်ပြီး တစ်ယောက်ချင်းဆီမှာလည်း Hearing Device ပါရှိပါတယ်။ ဒါကြောင့် အထဲမှာ ဘယ်သူတွေ ဘာပဲ ပြောပြော ကုန်းပေါ်မှာ နေရသလို ကြားရပါမယ်။ ဖုန်းတွေရော၊ ကင်မရာတွေရော အားလုံး အသုံးပြုလို့ ရပါမယ်။ ကပြဖျော်ဖြေတဲ့သူနဲ့၊ အရက်ဘားနဲ့၊ စားပွဲခုန်တွေနဲ့ အပြင်အဆင် ထူးထူးခြားခြား မြင်တွေ့ရတဲ့ ကမ္ဘာ့ပထမဆုံး ရေအောက် နိုက်ကလပ် ဖန်တီးထားမှုကို အောက်မှာ ကြည့်ရှု နိုင်ပါတယ်။

TechSpaceJournal

ကမ္ဘာ့အသက်အကြီးဆုံးအဘိုး ကျန်းမာရေးစောင့်ရှောက်မှု အငြင်းပယ်ခံရ

ကမ္ဘာ့အသက်အကြီးဆုံးဟု ယူဆရသည့် အသက် ၁၂၈ နှစ်အရွယ်အဘိုး ဂျူးလိယပ်စ် ဝမ်ယွန်ဒူ ဂါတုံဂါသည် ယခုအခါ အသက် ၈၉ နှစ်အရွယ်ရှိ ဇနီးဖြစ်သူ ဘာ့သ် ဝမ်ဂျီရူနှင့်အတူ ကင်ညာနိုင်ငံ တွင် နေထိုင်လျက်ရှိသည်။ ဂါတုံဂါ၏ မှတ်ပုံတင်ကတ်အရ သူ့အသက်မှာ ၁၂၈ ရှိပြီဟုဆိုနိုင်သည်။

ယခု အဘိုး ဂါတုံဂါသည် အသက်ကြောင့် ကျန်းမာရေးစောင့်ရှောက်မှု ခံယူခွင့်ကို အငြင်းခံနေရကြောင်း သိရသည်။ ကင်ညာအမျိုးသားဆေးရုံကြီး၏ အာမခံဌာန ကွန်ပျူတာစနစ်က ဂါတုံဂါ၏ကတ်ကို လက်မခံသဖြင့် ကျန်းမာရေးအတွက် ဆေးရုံသို့ပြရန် အခက်အခဲဖြစ်နေရသည်။ ထိုကွန်ပျူတာစနစ်တွင် ၁၈၉၀ ပြည့်နှစ်မှ နောက်ပိုင်းမွေးဖွားလာသူများ အတွက်သာ ထည့်ထားသဖြင့် ၁၈၈၄ ခုနှစ်မွေးသော အဘိုးကို ကွန်ပျူတာက လက်ခံရန် ငြင်းပယ်ခဲ့ခြင်းဖြစ်သည်။

ထိုသို့ ကွန်ပျူတာမှ လက်မခံသောကြောင့် ကင်ညာအမျိုးသားဆေးရုံ ကလည်း လက်မခံဝံ့ကြောင်း၊ မိသားစု များက အဘယ်ကြောင့် ဤသို့ဖြစ်ရသည် ကို နားမလည်ကြောင်း၊ အာဏာပိုင်များသို့ သွားရောက် တိုင်ကြားကာ ကန့်ကွက်ထားကြောင်း၊ လူငုတ်တုတ် ရှိနေပါလျက် ကျန်းမာရေး အာမခံထားသူအား စောင့်ရှောက်မှု မပေးနိုင် ဆိုခြင်းမှာ လက်ခံနိုင်ဖွယ်ရာ မရှိကြောင်း ပြောကြားကြသည်။

ကင်ညာဆေးရုံ အာမခံဌာနကလည်း အသက်ကိုကန့်သတ်ခြင်းမှာ လက်ခံနိုင်ဖွယ် မရှိသဖြင့် ကုမ္ပဏီကို ကန့်ကွက် ထားကြောင်း သိရသည်။ ဆေးကုသခွင့်အာမခံကို ထိုကုမ္ပဏီက ဝန်ဆောင်မှု စတင်ပေးနေသည်မှာ တစ်နှစ်ခန့်သာ ရှိသေးပြီး အသက်အရွယ်နှင့် ပတ်သက်၍ အတွေ့အကြုံ မရှိသေးသောကြောင့် ဤသို့ ကွန်ပျူတာ တွင် မှားယွင်းစွာ ခုနှစ်ကို သွင်းထားခြင်းဖြစ်မည် ဟု ဆေးရုံတာဝန်ရှိသူများက ဆိုသည်။

Maukkha.org

Candy Crush အတွက် ဒေါ်လာ 4000

သားကြီးဖြစ်တဲ့ Lucas ဟာ မိုဘိုင်းနဲ့ ဂိမ်းဆော့တဲ့အခါမှာ ငွေကုန်ကျတတ်တာကို ဖခင်ဖြစ်သူ Mr. Sean Choeng ဟာ မသိတာတော့ မဟုတ်ပါဘူး။ တခါတခါမှာ ဒေါ်လာ ၁၀၀ လောက်ထိကို သူ့ရဲ့ iTunes အကောင့်ကနေ ခရက်ဒစ်ကဒ်နဲ့ ပေးရလေ့ရှိတယ်။

ဒီလမှာတော့ သူ့ဘ၀မှာ အကြီးအကျယ် တုန်လှုပ်နောင်တ ရစေလောက်အောင် သားဖြစ်သူက လုပ်ထည့်လိုက်တယ်။ ဘဏ်ကဒ်ထဲကနေ ဒေါ်လာ လေးထောင့် သုံးရာ $ 4,300 ဖြတ်ယူလိုက်လို့ပါပဲ။

ဒီကနေ့ ကမ္ဘာကျော်နေတဲ့ မိုင်းဘိုင်း app တစ်ခုဖြစ်တဲ့ Candy Crush Saga ဂိမ်း အတွက် အကွက်သစ်တွေရွှေ့နိုင်ဖို့ရယ်။ ပါဝါတွေ တိုးလာစေဖို့ရယ်အတွက် ဒီလောက်အထိကို ငွေတွေ ပေးခဲ့ရတာဖြစ်တယ်လို့တော့ ကလေးငယ်က မလိမ်မိုး မလိမ်မာ ၀န်ခံပြောဆိုခဲ့တယ်။

Forbes.com မဂ္ဂဇင်းရဲ့ စစ်တမ်းအရ တရက်ကို ဖေ့ဘုတ်သုံးသူ ၉ ဒသမ ၇ သန်းလောက် အထိ ဒီဂိမ်းကို ကစားကြပါတယ်တဲ့။ ထိပ်တန်း Apple App တစ်ခု ပါပဲ။

အခုလောလောဆယ်မှာတော့ Mr Choeng ဟာ သူ့သားရဲ့ Mobile App ဂိမ်းအတွက် ဒေါ်လာ လေးထောင်ကျော် (မြန်မာငွေ ၁၀ သိန်းကျော်) အတွက် ရတက်မအေး ဖြစ်နေပေမယ့်လို့ အချိုကသော မိဘများက လူမိုက်တွေနဲ့ပေါင်း၊ လမ်းသလားနေမယ့်အစား အခုလို အိမ်ထဲမှာ ကစားနေတာက ခပ်ကောင်းကောင်းလို့ ပြောနေကြပြန်ပါတယ်။

ပညာရေးအကြံပေးများနဲ့ စိတ်ပညာရှင်များကတော့ အခုလို သတိပေး အကြံပြု ထားပါတယ်။ နာရီပေါင်းများစွာ ဂိမ်းကစားနေတဲ့ ကလေးတွေဟာ တကယ့်ပြင်ပ လက်တွေ့ကမ္ဘာအပေါ်မှာ အရှိအတိုင်း အာရုံ ခံစားနိုင်မှု ပျောက်ကွယ်နိုင်ကြောင်းပါ။

မောက္ခပညာရေးဆိုက်

Android ဟူသည်

Android ကို Google က ပိုင်ဆိုင်ပါတယ် google ဆိုတာကတော့ အင်တာနက်သုံးသူတိုင်း မသိသူမရှိလောက်ပါဘူး။ Google က 17.8.2005 ခုနှစ်မှာ Android Inc ကိုဝယ်ယူခဲ့ပါတယ်။ သူထုတ်ချင်တာ က မိုဘိုင်း device တွေပေါ်မှာသုံးဖို့ OS တစ်ခု ထုတ်ချင်တာဖြစ်တဲ့ အတွက် Android ကို စအကောင်အထည်ဖော်ခဲ့ကတည်းက Android Inc ကိုဝယ်ခဲ့တာပါ။

ဒါပေမယ့် အချိန်အတန်ကြာ ငြိမ်နေခဲ့ပါတယ် သူစီးပွားရေးဈေးကွက်ကို ဘယ်လိုဝင်ရမလဲ စဉ်းစားနေတာနေမှာပေါ့ ဒါပေမယ့် 2007 ခုနှစ် ဇန်န၀ါရီလ ၉ ရက်နေ့မှာပဲ iOS နဲ့ မောင်းနှင်တဲ့ iPhone ကို စတင်မိတ်ဆက်ပေးခဲ့ပြီး အောင်မြင်မှုများစွာ ရရှိခဲ့ပါတယ် အဲဒီအချိန်က စပြီး Google ကလည်း Android ကိုအကောင်အထည်ဖော်ဖို့ အတွက် 2007 ခုနှစ်မှာ Open Handset Alliance (OHA) ဆိုတဲ့ အဖွဲ့ကို ထူထောင်လိုက်ပြီး ၂၀၀၈ မှာ Android ကိုစတင်ပွဲထုတ်ခဲ့ပါတယ်။

ကမ္ဘာ့ညို့ အားအပြင်းဆုံး အမျိုးသမီး ဟက်ကာ

အသက်က ၂၄ နှစ်ပါ။ ခုတောင် ထောင်နန်းစံနေပြီ ထင်ပါတယ်။ ထောင် ဒဏ် နှစ် ၄၀ တောင် အချခံရတယ်လို့ သိရပါတယ်။

ရုရှားဖွား အမေရိကန်ရောက် ဟက်ကာ ဖြစ်ပါတယ်။ ၁၉၈၉ ခုနှစ်ဖွားဖြစ်ပြီး ယနေ့မှာဆိုရင် အသက် ၂၄ နှစ်ပဲ ရှိပါအုံးမယ်။ သူက အွန်လိုင်းကနေ တရားမဝင် ငွေလွဲပေးတဲ့ Money Mule အလုပ်လုပ်ခဲ့တာပါ။ ကိုယ်တိုင်ကလည်း အမေရိကန်နိုင်ငံက ဘဏ်တွေကို ဖောက်ခဲ့ပါတယ်။

Password အမှားတွေရိုက်၊ Zeus (Trojan horse) တွေသွင်းပြီး ငွေတွေ ယူလို့ ကြိုးစားတာ အမေရိဒေါ်လာ ၃ သန်းတန်ဖိုးရှိပါတယ်။ သို့ပေမယ့် သူတကယ် အလကားရသွားတာက အမေရိကန်ဒေါ်လာ ၃သောင်းခွဲ ပါ။ ဘဝ တစ်လျှောက်ကလည်း Money Mule အလုပ်မှာ Percentage နဲ့ ရပါတယ်။

မိသားစု ဆင်းရဲပြီး မိခင်တစ်ဦးတည်းရှိပါတယ်။ နယူးယောက်တက္ကသိုလ် တက်ပြီး Programming ကိုတော့ အပြင်မှာ သင်တာ ဖြစ်ပါတယ်။ ငွေ အလကားရတဲ့ နည်းလမ်းဆိုတော့ လုပ်ရင်းနဲ့ တစ်နေ့တော့ မိပါလေရော၊ မိတဲ့ အချိန်မှာ Money Mule လုပ်ငန်းနဲ့ တရားမဝင်ငွေ အလွဲအပို့လုပ်ထား တာ အတော်လေးများနေပါပြီ။ ဒါကြောင့် အမှုကြီးသွားခြင်း ဖြစ်ပါတယ်။

ထောင်ဒဏ်လည်းများ ဒဏ်ငွေလည်း များပါတယ်။ http://vk.com/svechinskaya_k ဒါကတော့ သူ့ရဲ့ Social account စာမျက်နှာလေးပါ။ သူမဟာ ယနေ့တိုင် ကမ္ဘာ့စွဲဆောင်မှုအရှိဆုံး (The World Sexiest Model) အဖြစ် အသိအမှတ်ပြု ခံထားရကြောင်း သိရပါတယ်။

TechSpaceJournal

ကျောက်ကပ်ရောဂါဘယ်လိုကာကွယ်ကြမလဲ

ကျောက်ကပ်တွင် ဖြစ်တတ်သော ပြဿနာများ ထိုကဲ့သို့ ခန္ဓာကိုယ်၏ အညစ်အကြေးစွန့်ခြင်း ၊ ထိန်းညှိခြင်း စသော လုပ်ငန်း တာဝန်များကို တရံမလပ် ထမ်းဆောင် နေရသော ကျောက်ကပ်သည် တစ်ခါတစ်လေ တွင် နေမကောင်းခြင်း စသော ကိစ္စရပ်များနှင့် လုပ်ငန်း တာဝန်များ လစ်ဟင်းတတ်သည်။ ရဲဘော်ကြီးကျောက်ကပ် နေမကောင်းရခြင်း အကြောင်းရင်း များထဲမှ အဓိက ဖြစ်တတ်သော အကြောင်းရင်းမှာ - ဆီးကျောက်တည်ခြင်း ဖြစ်သည်။

ဆီးကျောက်တည်ခြင်း နှင့် ပတ်သက်သော အသေးစိတ်ကို မူ မရှင်းလင်းတောပါ့။ အချို့သော တုံးတိုက်တိုက် ကျားကိုက်ကိုက် လူများသည် မိမိကိုယ်ကို မိမိ ကျောက်တစ်လုံး သူဌေးဖြစ်မှန်း မသိ ဖြစ်နေတတ်ကြသည်။ အဘယ်ကြောင့် ဆိုသော် ဘသားချော ကျောက်တုံးသည် သူရှိကြောင်း အချက်မပေးဘဲ တိတ်ဆိတ်စွာ နေထိုင်လေ့ ရှိသည်။

ဓါတ်မှန် ရိုက်မှသာ မတော်တဆ မောင်ကျောက်တုံး ကို တွေ့ကြရသူများလဲ မနည်းမနော ရှိသည်။ မောင်ကျောက်တုံးသည် ကျောက်ကပ်မှ ဆီးထွက်ရာ ထွက်ပေါက်အထိ လမ်းကြောင်း တစ်လျှောက် မည်သည့် နေရာတွင်မဆို နေထိုင်လေ့ ရှိသည်။ (နေရာမရွေးပါ)။ အဓိက ၄င်း နေထိုင်သော နေရာများမှာ ကျောက်ကပ် ၊ ဆီးပို့ပြွန် တစ်လျှောက် နှင့် ဆီးအိမ် ထဲတွင်ဖြစ်သည်။

အကယ်၍ ကျောက်တစ်လုံး သူဌေးဖြစ်နေပါက ကျောက်သူဌေး လက္ခဏာ များဖြစ်သော အလွန်အမင်း ခါးနာခြင်း၊ ရုတ်တရက် ဗိုက်အောင့်ခြင်း ၊ ဆီးသွားရ ခက်ခြင်း ၊ ဆီး မကုန်ခြင်း ၊ ဆီးသွားစဉ် ရပ်သွား၍ နောက်ပုံစံ တစ်မျိုးပြောင်း၍ ဆီးသွားရခြင်း စသည့် လက္ခဏာများ ပြနိုင်သည်။ အလွန်အမင်း နာကျင် ခံစားရနိုင်သည်။ သို့သော် စိတ်မပူပါနှင့်။ ခွဲစိတ်၍ မောင်ကျောက်တုံး ထုတ်လိုက်ခြင်း အားဖြင့် ကျောက်သူဌေး၏ လက္ခဏာများ ယူပစ်သလို ပျောက်ကင်း သွားနိုင်ပါသည်။

အကယ်၍ မောင်ကျောက်တုံး ရောက်နေလျှင် ၄င်း က မည်သည့် ပြဿနာများကို မီးထွန်း ရှာတတ်ပါ သနည်း။

ရေမြောင်းတစ်ခု ရေစီးရေလာ မကောင်းလျှင် အမှိုက်များ စုပုံပြီး ပိုးမွှားများ ပိုမိုပေါက်ဖွား တတ်သကဲ့သို့ ရေမြောင်းနှင့် တူသော ဆီး လမ်းကြောင်းတွင်လဲ ဧည့်သည် မောင်ကျောက်တုံး ရှိနေပါက ရောဂါပိုးများ ပိုမို ပေါက်ဖွားတတ်သည်။ ဆီးလမ်းကြောင်း သည် နဂိုကပင် ရောဂါပိုးများ ကြိုက်နှစ်သက်သော အပန်းဖြေစခန်း တစ်ခုဖြစ်သည်။ အကယ်၍ မောင်ကျောက်တုံး ရှိသည်ဖြစ်စေ မရှိသည် ဖြစ်စေ ၊ ခရီးသွား ရောဂါပိုးများ ဝင်ရောက် အပန်းဖြေပါက ချမ်းတုန် ဖျားခြင်း ၊ ဆီးပူခြင်း ၊ ဆီးကျဉ်ခြင်း ၊ ဆီးအောင့်ခြင်း ၊ ဆီးသွား အားမရခြင်း စသည်တို့ ဖြစ်နိုင်သည်။ မောင်ကျောက်တုံး ရှိပါက ခရီးသွား ပိုးမွှားများသည် ပိုမိုလည်ပတ်လေ့ ရှိကြသည်။ ထို အခါမျိုးတွင် ၄င်း ပိုးမွှားများကို ထိရောက်စွာ ခုခံတွန်းလှန် တိုက်ခိုက် ချေမှုန်းပစ်ရန်လိုအပ်သည်။

မောင်ကျောက်တုံး ကို အပြင်သို့ ထွက်အောင် ကုသရာတွင်မူ မောင်ကျောက်တုံး၏ အရွယ်အစား ပေါ်တွင် များစွာ မူတည်သည်။ အကယ်၍ ငယ်သေးလျှင် အလိုလို ကျသွားနိုင်သည်။ ရေများများ သောက်ခြင်း ၊ ဆီးသွားချင်မှန်း သိသည်နှင့် ချက်ချင်း သွားလိုက်ခြင်း တို့ဖြင့် ပျောက်ကင်း သွားနိုင်သည်။ ကြီးလျှင် တတ်ကျွမ်းသူများနှင့် ပြသ၍ ကုသမှု ခံယူသင့်သည်။

ကာကွယ်ခြင်းသည် ကုသခြင်းထက် ကောင်း၏ ဟူသော ဆိုရိုး စကားအတိုင်း မောင်ကျောက်တုံး အလည်လာမှုကို ကာကွယ်ချင်ပါက ~

၁။ ရေကိုကျိုချက်သောက်ခြင်း

၂။ အကယ်၍ မကျိုချက်နိုင်ပါက ကျောက်ချဉ် စသည်ဖြင့် အနည်ကျစေပြီးမှ သောက်သုံးခြင်း။

၃။ တတ်နိုင်လျှင် အမှန်အကန် ပေါင်းခံထားသော ရေသန့်ကိုသာ သောက်သုံးခြင်း။

၎။ တစ်နေ့လျှင် အနည်းဆုံး ရေ ၆ လီတာ သောက်သုံးပေးခြင်း။

၅။ ဆီးသွားချင်သည့် ဆန္ဒ ဖြစ်ပေါ်လာပါက မည်သည့် အကြောင်းကြောင့်မျှ အောင့် မထားဘဲ ဆီးသွားခြင်း ကိုသာ ဦးစားပေး ပြုလုပ်ခြင်း။

၆။ နံနက စောစော အိပ်ယာမှ နိုးသည်နှင့် ရေသောက်ခြင်း။

စသည့် အကျင့်ကောင်း အကျင့်မွန်များကို ကျင့်သုံးခြင်းဖြင့် ဧည့်သည် ကိုကျောက်တုံး လာခြင်းကို တားဆီးနိုင်သည်။

မောင်ကျောက်ကပ် သည် ရောဂါဖြစ်စတွင် သူ၏ လုပ်ငန်းများကို မလုပ်တော့သဖြင့် ဆီးများလာခြင်း ၊ ညဘက် ဆီး ခဏခဏ သွားလိုခြင်း စသည်တို့ ဖြစ်လာနိုင်သည်။ နံနက်စောစော အိပ်ယာမှ ထစတွင် မျက်လုံး တစ်ဝိုက် ဖောယောင်ရာမှ တစ်ကိုယ်လုံး ဖောယောင်ခြင်း တို့ ဖြစ်နိုင်သည်။ ၄င်း အခြေအနေတွင် အချိန်မီ ဆရာဝန် များထံ ပြသ၍ လိုအပ်သည့် ကုသမှု ကို ခံယူသင့်သည်။ ထိုအခြေအနေတွင် မှ ကျောက်ကပ်ကို ဂရုမစိုက်လျှင် ဆီး လုံးဝ မသွားနိုင်သည် အထိ ဖြစ်သွားနိုင်သည်။

ထို့ကြောင့် မိမိ၏ သက်တမ်းတစ်လျှောက် တွင် မိမိအား အစဉ်အမြဲ ကူညီနေသော ကျောက်ကပ် ကို စောင့်ရှောက်ရန် အတွက် ~
၁။ ရေများများသောက်ပါ။
၂။ ဆီးသွားခြင်းကို ဦးစားပေးပါ။
၃။ ရေခဲချောင်း ၊ ဆူးပုတ် ၊ ဒညင်းသီး ၊ ချဉ်ဖတ် ၊ ဆိုးဆေးပါသော အစားအစာများ ကို ရှောင်ပါ။
၎။ မလိုအပ်ပဲ အကိုက်အခဲ ပျောက်ဆေးများ ကို အလွန်အကျွံ သောက်သုံးခြင်း မပြုရပါ။
၅။ ရေကို ကျိုချက်သောက်ပါ။
၆။ မိမိကိုယ်ကို ဂရုစိုက်ပါ။
၇။ ရဲဘော်ကြီး နေမကောင်းကြောင်း လက္ခဏာ များဖြစ်သော ဆီးများလာခြင်း ၊ ညဘက် ဆီး ခဏခဏသွားခြင်း ၊ ဆီး ကျန်ခြင်း ၊ ဆီးပူ ဆီးအောင့် ခြင်း ၊ ဆီး သွားရခက်ခြင်း စသည်တို့ ဖြစ်လာပါက တတ်ကျွမ်းသူများနှင့် စောလျှင်စွာ ကုသမှုခံ ယူရင်း မိမိကိုယ်ကို စောင့်ရှောက်ပါ။

သဘာဝရဲ့အားအင်

အမေရိကန်၏ ရွေ့လျားနေသော စစ်တပ် သို့မဟုတ် USS Ronald Reagan

ရွေ့လျားနေသော စစ်တပ်ကြီးဖြစ်ပါသည်။ တိုက်ယာဉ် အစင်း ၉၀၊ စစ်သည်ပေါင်း ၅၀၀၀၊ တင့်ကား၊ လောင်ချာ၊ တာပီဒို ပြောမကုန်အောင် စစ်လက်နက် စုံစုံလင်လင် ပါရှိတော့ သူ့ကိုမှ ရွေ့လျားနေတဲ့ စစ်တပ်လို့ မခေါ်ရင် အခြား နာမည်မရှိတော့ပါဘူး။

ဆောက်လုပ်ခြင်း

၁၉၉၈ ခုနှစ် ဖေဖော်ဝါရီလက စဆောက်တာ ၂၀၀၃ ခုနှစ် ဇူလိုင်လ ၁၂ ရက်နေ့က ရေချနိုင်ခဲ့ပါတယ်။ ဆောက်ဖို့အတွက် ဒီဇိုင်းဆွဲတာတို့၊ ဖန်တီးတာတို့ အားလုံးကို တစ်ဦးတစ်ယောက်တည်းက မဟုတ်ပဲ အားလုံး အိုင်ဒီယာပေါင်းစပ်ခဲ့ခြင်း ဖြစ်ပါတယ်။ သင်္ဘောနာမည်ကို အမေရိကန် သမ္မတဟောင်း Ronald Reagan ကိုဂုဏ်ပြုတဲ့အနေနဲ့ USS Ronald Reagan (CVN-76) လို့ အမည်ပေးထားခြင်း ဖြစ်ပါတယ်။ အဲ့တုန်းက သမ္မတဟောင်း Ronald ရှိနေသေးပြီး သက်ရှိထင်ရှားရှိတဲ့ သမ္မတကို ဂုဏ်ပြုပေးတဲ့ ပထမဆုံး သင်္ဘော ဖြစ်ခဲ့ပါတယ်။

ကုန်ကျစရိတ်

အမေရိကန်ဒေါ်လာ ၄.၅ ဘီလျံ ကုန်ကျပါတယ်။ အားလုံးကို အမေရိကန် အိမ်ဖြူတော်နဲ့ အစိုးရတို့က ထောက်ပံ့ခဲ့ခြင်း ဖြစ်ပါတယ်။ ပင်လယ်ခရီးတစ်ခုသွားဖို့အတွက် အမေရိကန်ဒေါ်လာ သန်းနဲ့ချီကုန်ကျပါတယ်။

အော်ပရေးရှင်း

အော်ပရေးရှင်း ကောင်းကောင်းမသွားရသေးပါဘူး။ ကောင်းကောင်းဆိုတာ တိုက်ပွဲမဝင်ရသေးတာကို ဆိုလိုတာပါ။ လက်ရှိအချိန်အထိ ငြိမ်းချမ်းရေး ခရီးသွားရတာတွေချည်း များနေပါတယ်။ ၂၀၀၈ ခုနှစ်က ဖိလစ်ပိုင်မှာ မုန်တိုင်းဒဏ်ခံဒုက္ခသည်ကို သွားရောက်ကယ်ဆယ်ထောက်ပံ့ပြီး၊ ၂၀၁၀ ခုနှစ်နောင်းပိုင်းကျတော့ တောင်ကိုရီးယားကျွန်းဆွယ်မှာ စခန်းချပြီး ၂၀၁၁ ခုနှစ်တော့ ဂျပန် ဆူနာမီနဲ့ သဘာဝဘေးအန္တရာယ်ဒဏ်ခံ ဒေသတွေကို သွားရောက်ကူညီပါတယ်။ နီးစပ်ရာနိုင်ငံများသို့လည်း ငြိမ်းချမ်းရေး ခရီးစဉ်သွားရောက်လည်ပတ် တာမျိုးတို့ ပြုလုပ်ပါတယ်။ အခြားနိုင်ငံများသို့ ထောက်ပံ့ရေးအတွက် လည်း သွားရောက်ပြီး စစ်ဘက်အသုံးပြုမှုကတော့ မရှိသလောက်ပါပဲ။ စစ်ရေးလေ့ကျင့်မှု အနည်းစုမှာတော့ ထည့်သွင်း အသုံးပြုပါတယ်။ သို့ပေမယ့် ကုန်ကျစရိတ်များတဲ့အတွက် အကြီးစား စစ်ရေးလေ့ကျင့်မှုတွေမှာသာ ပါဝင်တာ ဖြစ်ပါတယ်။

သင်္ဘောအချက်အလက်

နျူကလိယ စွမ်းအင်သုံး သင်္ဘောဖြစ်တဲ့အတွက် ဘယ်တော့မှ မသေနိုင်သော သင်္ဘောလို့တောင် ပြောစမတ်ပြုပါတယ်။ သို့ပေမယ့် အနည်းဆုံး Life Span ၂၅ နှစ်သက်မှတ်ထားပါတယ်။ နျူကလိယ ဓာတ်ပေါင်းဖို ၂လုံး၊ ဓာတ်ငွေ့တာဘိုင် ၄ လုံး၊ ပန်ကာ ၄ လုံး တပ်ဆင်ပြီး ထုတ်လုပ်နိုင်တဲ့ အား စုစုပေါင်းက ၁၉၄ မက်ဂါဝပ် ရှိပါတယ်။ လုံးခြုံရေး အဆင့်မြင့်စက်ပစ္စည်းတွေဖြစ်တဲ့ ရေပေါ်၊ ရေအောက်၊ လေပေါ် ထောက်လှမ်းနိုင်သော ရေဒါအများကြီးတပ်ဆင်ထားပါတယ်။ ယင်းရေဒါများ ကလည်း အင်မတန် ကုန်ကျစရိတ် များပါတယ်။ လေယာဉ် တင် သင်္ဘောတစ်စီး (Super Carrier) တစ်ခုအနေနဲ့ တစ်နေရာရာမှာ အတိုက်ခိုက်ခံရ ရင် အားလုံးပျက်ဆီးမှာမို့ လုံခြုံရေးကိုတော့ အဆင့်အမြင့်ဆုံး ပစ္စည်းများနဲ့ အသုံးပြု တပ်ဆင်ပါတယ်။ သူတစ်ခါ ခရီးထွက်ရင် တစ်စီးတည်း မထွက်ပါဘူး။ ပတ်ပတ်လည်မှာ စစ်သင်္ဘောများ လိုက်ပါပြီး လေပေါ်မှာ လည်း တိုက်လေယာဉ်နဲ့ ကင်းလေယာဉ်များ လှည့်ပေးရပါတယ်။ အောက် မှာလည်း ရေငုပ်သင်္ဘော အနည်းဆုံး တစ်စီး လိုက်ရပါတယ်။ ဒါကြောင့်မို့ ကုန်ကျစရိတ်များခြင်း ဖြစ်ပါတယ်။ အမြန်ဆုံးသွားနှုန်းက တစ်နာရီ မိုင် ၄၀ ထက်မပိုလို့ ဖြစ်ပါတယ်။ အရှည်ပေ ၁ ထောင်ကျော်ရှိတဲ့ သင်္ဘောတစ်စီး ရွေ့ ဖို့ဆိုတာ တော်တော်လည်း ခရီးနှင်ရပါတယ်။

Super Carrier Ronald နှင့် အနာဂတ် ကမ္ဘာ

အမေရိကန် မှာ ရှိနေတာ Ronald တစ်စီးတည်းမဟုတ်ပါဘူး။ သူ့လိုပဲ အင်အားကြီး လေယာဉ်တင် စစ်သင်္ဘောကြီးတွေ အမြောက်အများ ရှိပါတယ်။ ယင်း မြောက်များလှတဲ့ စစ် ရေငုပ် သင်္ဘော၊ လေယာဉ် တင်သင်္ဘော၊ နျူကလိယစွမ်းအင်သုံး စစ်သင်္ဘောများကြောင့် အမေရိကန်ဟာ ယနေ့မှာ စူပါပါဝါ ပိုင်ရှင်လို့ ထင်ရှားကျော်ကြားနေခြင်း ဖြစ်ပါတယ်။ တရုတ်နိုင်ငံမှာတောင် စစ်သင်္ဘော၊ လေယာဉ်တင်သင်္ဘော၊ ရေငုပ်သင်္ဘောများ ကြိုးစားတည်ဆောက်နေပေမယ့် အမေရိကန်မှာ ရှိတဲ့အရေအတွက်ကို မှီနိုင်ဖို့ အချိန်ကာလတစ်ခု လိုအပ်နေပါသေးတယ်။ အနာဂတ်မှာလည်း ယင်ကဲ့သို့ အလားတူ အဆင့်မြင့် နျူကလိယ စစ်သင်္ဘောများတည်ဆောက် ဖို့ ပင်တဂွန်ကို စစ်အသုံးစရိတ်များ ဆက်လက်ချပေးထားတဲ့ အတွက် နောက်နှစ်ပေါင်းများစွာတိုင် ကမ္ဘာ့အကြီးဆုံး စူပါပါဝါကို အမေရိကန်က ပိုင်ဆိုင်နေအုံးမှာ ဖြစ်တယ်လို့ ခန့်မှန်းထားကြကြောင်း သိရပါတယ်။

International News for Myanmar

LGနှင့် Googleတို့ ပူးပေါင်း ထုတ်လုပ်ထားသော Nexus 4

LG အီလက်ထရောနစ် ကုမ္ပဏီနှင့် Google တို့ ပူးပေါင်း ထုတ်လုပ်လိုက်သည့် နောက်ဆုံးပေါ် စမတ်ဖုန်း အမျိုးအစားသစ် ဖြစ်သည့် LG Nexus 4 ကို ၂၀၁၃ ခုနှစ် မတ်လ ၉ ရက်နေ့မှ စတင်ပြီး LG အမှတ်တံဆိပ် product များကို မြန်မာနိုင်ငံအတွက် တစ်ဦးတည်း ရောင်းချခွင့် ရရှိထားသော TMW Enterprise Limited မှ မြန်မာနိုင်ငံအတွက် တရားဝင် တင်သွင်ဖြန့်ဖြူး ရောင်းချသွားမည် ဖြစ်ကြောင်း သိရှိရပြီး ၎င်း LG Nexus 4 ဖုန်းများအတွက် အာမခံသက်တမ်း တစ်နှစ်အပြင် ပါဝင်သော Accessories များအတွက်လည်း ၆ လ အာမခံသက်တမ်း ပါရှိကြောင်း သိရသည်။

အဆိုပါ LG Nexus 4 Smart Phone တွင် Android Version 4.2 Jelly Bean Plus OS နှင့် Qualcomm Snapdragon S4 Processor ကို အသုံးပြုထားပြီး Display Size 4.7 Inches ဖြစ်ကာ Corning Gorilla Glass 2 ဖန်သားမျက်နှာပြင်ကို အသုံးပြု ထားသောကြောင့် ဖုန်းမျက်နှာပြင် အစင်းအခြစ်ရာများ ဖြစ်ခြင်းမှ ကာကွယ်နိုင်မည်လည်း ဖြစ်သည်။ ကင်မရာမှာ rear 8 Mp နှင့် 1.3 Front ဖြစ်ကာ RAM 2GB ဖြစ်သည်။

“Nexus 4 ကို နိုင်ငံတကာမှာ Shortage ဖြစ်နေတဲ့ ကြားကနေပြီး မြန်မာနိုင်ငံမှာ Officially Launch လုပ်တဲ့ တစ်ခုတည်းသော Android Verison 4.2 (Jelly Beam Plus) အသုံးပြုထားတဲ့ Smart Phone အဖြစ် ဒီနိုင်ငံမှာရှိတဲ့ Smart phone User များနဲ့ LG Customer များလက်ထဲသို့ ပို့ဆောင်ပေးချင်လို့ တင်သွင်းခဲ့တာ ဖြစ်ပါတယ်” ဟု TMW Enterprise Limited ၏ အမှုဆောင် ဒါရိုက်တာ မခိုင်သစ်လွင်မှ ပြောသည်။

“Google နဲ့ LG တို့ ဒီဇိုင်း ရေးဆွဲထားတဲ့ Google ရဲ့ စတုတ္ထမြောက် Nexus အမှတ်တံဆိပ် Android Smart Phone ဖြစ်တဲ့ Nexus 4 မှာ LG ရဲ့ အမြင့်မားဆုံး ကိုယ်ပိုင်နည်းပညာတွေ၊ Hardware တွေ၊ Google ရဲ့ အကောင်းဆုံး Application တွေအပြင် အမြန်ဆုံး Android Version စတာတွေကို တစ်စုတစ်စည်းတည်း ပေါင်းစပ်ဖန်တီးထားတဲ့ အတွက် အပြည့်ဝဆုံး စွမ်းဆောင်မှုနဲ့ နည်းပညာများကို သုံးစွဲသူရဲ့ လက်ဖဝါးပေါ်မှာ တစ်ပြိုင်တည်း ထိတွေ့ခံစားနိုင်မှာ ဖြစ်ပါတယ်” ဟု ၎င်းက ပြောသွားခဲ့သည်။

LG Nexus 4 Smart Phone ကို TMW Enterprise Limited မှ အာမခံ ၁ နှစ်ဖြင့် ရောင်းချပေးမည်ဖြစ်ပြီး ဖေဖော်ဝါရီလ ၂၃ ရက်နေ့မှ မတ်လ ၈ ရက်နေ့အထိ ၄၃၉၀၀၀ ကျပ်ဖြင့် LG ၏ Offical Facebook Page ဖြစ်သော www.facebook.com/LGmobilemyanmar တွင် Pre-Order ပြုလုပ်နိုင်ပြီး မတ်လ ၉ ရက်နေ့မှ စတင်ကာ မြန်မာတစ်နိုင်ငံလုံးရှိ LG Showroom များ၊ Wai Yan Electronics Showroom များအပြင် ဖုန်းဆိုင်များတွင်လည်း TMW Enterprise Limited မှ ဖြန့်ဖြူးသော ပစ္စည်း အစစ်အမှန်များကို မေးမြန်းဝယ်ယူ ရရှိနိုင်မည် ဖြစ်ကြောင်း သိရသည်။

MyanmarMobileApp

ကျောင်းသားဗဟိုပြု မြန်မာမှုနှင့်ဝေး

ယခုအခါ ကျောင်းသားဗဟိုပြု (ကလေးဗဟိုပြု) သင်ကြား သင်ယူမှုအကြောင်း အလေးတယူဖြင့် အော်နေကြ သည်။ ယနေ့မြန်မာ့ပညာရေး တွင် ကျောင်းအဆောက်အအုံ ရုပ်ပိုင်းဆိုင်ရာ အနေအထား၊ စာသင်ခန်းဖွဲ့စည်းမှု၊ ကျောင်းသားဆရာ အချိုးများ၊ ကျောင်းသားကို ဗဟိုပြုနိုင်ရန်အတွက် ဆရာများ၏ စိတ်ပိုင်းဆိုင်ရာ အနေ အထား၊ သိမြင်တတ်ကျွမ်း နားလည်ခံယူထားမှု၊ လက်တွေ့ အကောင်အထည်ဖော်ပေးနိုင်သည့် စိတ်ထား၊ လုပ်ဆောင်နိုင်သည့် စွမ်းအားတို့ကို ပြန်လည် သုံးသပ်ပြီးမှသာလျှင် မြန်မာနိုင်ငံတွင် ကျောင်းသားကို ဗဟိုပြု ကာ သင်ကြားမှု သင်ယူမှု ပြုနိုင်သည်၊ မပြုနိုင်သေးကို ဆုံးဖြတ်သင့်ပါသည်။ လက်ရှိ ပညာရေးလောကတွင် တာဝန်ယူနေသူများ အနေဖြင့်လည်း လူကြီးအလိုကျ ဖြစ်နိုင်ပါသည်ဟု အစီရင်ခံနေမည့်အစား ပကတိအရှိ တရားနှင့် ထင်ဟပ်သည့် လက်တွေ့ဘဝကို ပီပြင်စွာတင်ပြပြီး အကောင်းဆုံး ကုစားသင့်သည်ဟု မြင်ပါသည်။

တက်ညီလက်ညီ ရှိပြီလား

ကျောင်းသားဗဟိုပြု သင်ကြားမှုတွင် ကျောင်းသားသည်

-       ဆရာအပေါ် မမှီခိုရပါ
-       ဆရာ သင်ကြားမည်ကို စောင့်စားနေစရာ မလိုပါ
-       ဆရာ့ထံမှ သဘောတူညီမှုကို ရယူစရာမလိုပါ
-       အမှတ်ခြစ်ပေး စစ်ဆေးမည်ကို မျှော်လင့်နေစရာ မလိုပါ
-       ဆရာ့ထံမှ အကြံပေးချက် မလိုပါ
-       ချီးကျူးမြှောက်ပင့်စကား ကြားရန်မလိုပါ

စာသင်ခန်းအတွင်း သီးခြားစီထိုင်၊ ကိုယ့်အတွေးနှင့်ကိုယ် မှိုင်နေ၍လည်းမရပါ။ တစ်ဦးနှင့်တစ်ဦး အပြန်အလှန် ပေါင်းကူး ဆက်သွယ် ယှက်နွှယ်နေသည့်သဘောတွေ သက်ဝင်နေရပါလိမ့်မည်။ တစ်ဦးနှင့်တစ်ဦး မျှဝေစိတ်၊ ခွဲဝေခံစားစိတ်၊ တစ်ဦးထံမှတစ်ဦး သင်ယူလေ့လာလိုစိတ်၊ ကူညီယိုင်းပင်းလိုစိတ်များ ရှိနေရမည်။ အချင်းချင်း မဖြေရှင်းနိုင်သည့်အခါမှသာ ဆရာ့ထံ လှမ်းပြီး အကူအညီတောင်းမည်။ ဆရာသည် အဖြေကို အပြည့်အဝပြော ရန်မဟုတ်။ သဲလွန်စများ ချန်ထားခဲ့ပြီး အချင်းချင်း ပြန်လည် ညှိနှိုင်း ဖြေရှင်းခိုင်းရမည်။ ပထမဦးဆုံး ရင်ဆိုင်ရ မည့် ထိုပြဿနာနှင့်ပင် ကျွန်တော်တို့ မြန်မာ့လူ့ဘောင်ပညာရေးနှင့် အလှမ်းဝေးနေပြီဖြစ်သည်။

အတန်းအရွယ်အစား သတ်မှတ်ချက်အတိုင်း ထားနိုင်သလား

ကျောင်းသားဗဟိုပြု သင်ယူမှုစနစ်အတွက် စံပြုထားသော အတန်းတစ်တန်းအတွင်းရှိ ကျောင်းသား အရေ အတွက်မှာ သတ်မှတ်ချက်အရ ၁၂ ယောက်ဖြစ်ပါသည်။ ၁၂ ယောက်ထားရခြင်းမှာ ၆ ယောက် ၂ အုပ်စု၊ ၃ ယောက် ၄ အုပ်စု၊ ၄ ယောက် ၃ အုပ်စု သို့မဟုတ် ၂ ယောက် ၆ အုပ်စုစီထားပြီး စီစဉ်နိုင်ရန်ဖြစ်သည်။ ထို့ပြင် ၁၂ ယောက်သည် စာသင်ခန်းတစ်ခုအတွင်း ပြောရ ဆိုရ အော်ရသည်မှ ကြားနိုင်စွမ်း၊ နားစိုက်နိုင်စွမ်း၊ ခံယူနိုင်စွမ်း အကောင်းဆုံး ဟု သတ်မှတ်ထားသောကြောင့် ဖြစ်သည်။ ကျွန်တော်တို့ မြန်မာ့ကျောင်းများတွင် စာသင်ခန်းတစ်ခန်း ကျောင်း သား ၁၂ ယောက်နှုန်းဖြင့် သင်ယူနိုင်စွမ်း ရှိနေပြီလော။

မြန်မာ့စာသင်ခန်းများ၏ လက်ရှိအခြေအနေတွင် စာသင်သား ပျမ်းမျှ ၅၀ နှုန်းလောက်ဖြင့် သင်ကြားနေရသည်။ ကျောင်းများတွင် အခန်းဖွဲ့သင်ကြားနိုင်ခြင်းမရှိ။ ကျောင်းသားအရွယ်အစား များလျှင် ဆရာ၏ စွမ်းဆောင်နိုင် အား၊ ကလေးများ၏ ကြိုးပမ်းအားထုတ်နိုင်စွမ်းနှင့် သင်ယူနိုင်မှုအချိန်တို့ကို ပိုပေးရပေလိမ့်မည်။ ဆရာသည် အုပ်စုလိုက် ခွဲထားသော ကျောင်းသားများကို စောင့်ကြည့်နေရမည်ဖြစ်သဖြင့် ကျောင်းသားများလေ မထိ ရောက်လေ ဖြစ်နိုင်သည်။ အုပ်စုများလျှင်ဆရာ၏  စစ်ဆေးသုံးသပ်နိုင်စွမ်း၊ အကဲဖြတ်နိုင်စွမ်း ပိုင်းဖြတ်နိုင်စွမ်း တို့ မထိရောက်နိုင်ပေ။

ခံယူနိုင်စွမ်း မတူညီမှုကို သိပါသလား

စာသင်ခန်းတစ်ခုအတွင်း ကျောင်းသားတိုင်းသည် တစ်ဦးနှင့်တစ်ဦး ဉာဏ်ရည်မတူကြပေ။ ဘာသာရပ်တစ်ခု တည်းကို သင်ကြားမှုချင်းအတူတူ အားလုံး တစ်ပြိုင်နက်တည်း သိမြင်တတ်သွားလိမ့်မည်ဟု ယူဆ၍မဖြစ်ပေ။ ဉာဏ်ရည်အလိုက် ခံယူမှုကွာခြားနိုင်ပါသည်။ ပင်ကိုယ်ဉာဏ်၊ စိတ်ဓာတ်ခွန်အား၊ ကာယစွမ်းအားအလိုက် သင်ယူနိုင်စွမ်း တူညီနိုင်မည်မဟုတ်ပေ။

လက်ရှိမြန်မာ့ပညာရေးစနစ်တွင် တော်သူကို တစ်တန်းထား၊ ညံ့သူကို တစ်တန်းထား ခွဲခြားဆက်ဆံမှုများ ရှိနေသေးသည်။ တော်သူနှင့် ညံ့သူ ရောထားလျှင်လည်း တော်သူက ညံ့သူကို လက်တွဲကူနိုင်သည့် အနေ အထားတစ်ခုကို ဖန်တီးပေးနိုင်စွမ်းရှိရမည်။ တော်သူနှင့် ညံ့သူခွဲထားလိုက်ခြင်းကို စိတ်ဓာတ်များကို ရိုက်ချိုး လိုက်သလိုဖြစ်သွားစေသည်။

တော်သူနှင့် ညံ့သူကို တွဲပေးထားပြီး အကူအညီပေးနိုင်စေရန် စီစဉ်ပေးရမည်။ တစ်ဦးချင်း စွမ်းဆောင်မှုကို အသိအမှတ်မပြု၊ အဖွဲ့လိုက် စွမ်းဆောင်နိုင်မှု၏ ရလဒ်ကို အသိအမှတ် ပြုပေးရမည်။ သို့မှသာ မြန်မာ့လူ့ဘောင် ရှိ လူငယ်များတွင် အားနည်းနေသေးသော အသင်းအဖွဲ့စိတ်ဓာတ် (teamwork) လည်း ပြန်လည် အားကောင်း လာပေလိမ့်မည်။

ပြဿနာတစ်ခုကို အမြန်ဆုံး ဖြေရှင်းပြနိုင်သူကို ဂုဏ်ပြုမည့်အစား၊ အားကိုးအားထား အပြုထိုက်ဆုံး၊ အမှန်ဆုံး အုပ်စုကို အသိအမှတ်ပြုခြင်းက ပိုပြီး ထိရောက်စေနိုင်ပါသည်။

တိတ်တိတ်နေ မဆူနဲ့ဟု ပြောနေသေးသလား

ကျောင်းသားဗဟိုပြု စာသင်ခန်းပုံစံသည် စားပွဲတွေ ကုလားထိုင်တွေကို ရွှေ့ချင်သလို ရွှေ့ထားမည်။ မကြာခဏ အခန်းတွင်းစာသင်ကြားမှုပုံစံ ပြောင်းလဲနိုင်သည်။ အစု အဖွဲ့အလိုက် ထိုင်ချင်သလို ထိုင်ကြမည်။ ပြောချင်တာတွေပြောလိမ့်မည်။ ဆွေးနွေးချင်တာတွေ ဆွေးနွေးလိမ့်မည်။ တစ်နေရာမှ တစ်နေရာ ခုန်ပေါက် ပြေးလွှား ပြာယာခတ်ကောင်း ခတ်နေနိုင်သည်။ ထိုစာသင်ခန်းမျိုးတွေ လက်ပိုက်၊ ပါးစပ်မလှုပ်နဲ့၊ ခေါင်းတွေ ငုံ့ထား၊ ဆူတယ် အိပ်နေဆိုသည့် ဆရာများနှင့် ကိုက်ညီမှုရှိနိုင်မည်မဟုတ်ပေ။

ဆရာကိုယ်တိုင် ကလေးတွေကြားတွင် လှုပ်ရှားပြေးလွှားနေရမည်။ ဟိုအုပ်စုဆီသွား၊ ဒီအုပ်စုဆီပြန်လာ၊ အော်တန်အော်၊ တားတန်တား ဆူညံမှုအား ကြည်နူးပျော်မွေ့သူဖြစ်ရန်လိုသည်။ စာသင်ခန်းသည် တရားမှတ် သည့်အခန်းနှင့် မတူရပေ။ စာသင်ခန်းသည် လှုပ်ရှားတက်ကြွ အားမာန်ပြည့်ဝနေရပေလိမ့်မည်။

အချိန်ပြောင်းခေါင်းလောင်း လိုသေးသလား

အတန်းတွင်း သင်ယူလေ့လာမှုပြုနေကြသည့် အုပ်စုများသည် အခြေအနေကွာခြားမှုများကြောင့် သင်ခန်းစာ တစ်ခုအပေါ် တုံ့ပြန်ပြီးစီးချိန် မတူနိုင်ပေ။ လုပ်ဆောင်မှုတစ်ခုကို အမြန်ဆုံး အကောင်အထည်ဖော်ပြနိုင်သူ အုပ်စုများ ရှိနိုင်သလို၊ နောက်ကျစွာဖြင့် မပြီးသေးသည့် အဖွဲ့များလည်း ရှိနိုင်သည်။ မပြီးသည့် အဖွဲ့ကို တော်ပြီဟုပြောမည်လော။ အားလုံးကို တစ်တန်းတည်း အသိအမှတ်ပြုရန်အတွက် အချိန်စောင့်ပေးရပေလိမ့် မည်။ ထို့ကြောင့် ကျောင်းသားဗဟိုပြု သင်ယူမှုတွင် အချိန်အကန့်အသတ်မလိုပေ။

လုပ်ဆောင်မှုတစ်ခုကို စောစီးစွာပြီးသည့်သူများကို အခန်းအပြင် ထွက်ခိုင်းပြီး ခွဲခြားလိုက်မည့်အစား မပြီးသေး သည့် အဖွဲ့များ၏ လုပ်ဆောင်ချင်များကို လိုက်လံ အကဲဖြတ် သုံးသပ်ခိုင်းခြင်း၊ မပြီးရခြင်း၏ အကြောင်းတရား ကို ပြန်လည်သုံးသပ်ပြနိုင်စေရန် ရှုမြင်ခွင့်ပေးခြင်း၊ သို့မဟုတ် အကြံတောင်းလျှင် အကြံပေးခွင့်ပြုခြင်းတို့သည် ပြဿနာတစ်ရပ်ကို ပူးပေါင်းဆောင်ရွက်စေတတ်ခြင်း၏ လမ်းစများပင်ဖြစ်ပါသည်။

မြန်မာ့စာသင်ခန်းစနစ်တွင် တစ်ချိန် ၄၅ မိနစ်နှုန်းသတ်မှတ်ပါသည်။ အချိန်ပြောင်း ခေါင်းလောင်းမထိုးမီ ထွက်သွားတတ်သည့် ဆရာများနှင့် အချိန်ပြောင်း ခေါင်းလောင်းထိုးသည့်တိုင် စာဆက်သင်နေသော ဆရာ များ၊ အချိန်ပြည့်လျှင် အဖြေလွှာသိမ်းတတ်သည့် စနစ်များဖြင့် ကျောင်းသားတို့၏ ဉာဏ်ကို ပိုင်းဖြတ်နိုင်မည် မဟုတ်ပါ။

ဆရာဆိုသည်မှာ အစစအရာရာ သိသူလား

ဆရာဆိုသည်မှာ သင်ကြားသူဆိုသည့် အစွဲကို ဖျောက်ရပေလိမ့်မည်။ ကျောင်းသားကို တတ်အောင် သင်သူ မဟုတ်၊ သင်ယူနိုင်ရန် လမ်းပြသူ၊ အထောက်အကူပေးသူအဖြစ် ခံယူနိုင်ရန် လိုသည်။ ကျောင်းသားဗဟိုပြု သင်ယူမှုတွင် ဆရာသည် ကျောင်းသား တစ်ယောက် လေ့လာသင်ယူမှု ကျွမ်းကျင်တတ်မြောက်မှု အမြန်ဆုံး ဖြစ်စေရန် ကူညီပေးနိုင်ရမည်။ အထူးသဖြင့် သတင်း အချက်အလက်များ၊ အသိပညာ ဗဟုသုတများ၊ အကြံဉာဏ်များ အကောင်းဆုံး၊ အမြန်ဆုံး၊ အလွယ်ဆုံး ရရှိနိုင်မည့်နေရာသို့ ညွှန်ပြပေးနိုင်သူ ဖြစ်ရန်လိုသည်။ ဆရာနှင့် ကျောင်းသားဆိုသည်မှာ သီးခြားမဟုတ်၊ အစုအဖွဲ့ အုပ်စုတစ်ခုအတွင်း တစ်သားတည်းဖြစ်နေစေရန် လိုသည်။

မြန်မာ့ပညာရေးစနစ်က ဆရာဆိုသည်မှာ အားလုံးတတ်ကျွမ်းသူဖြစ်နေသည်။ စာသင်ခန်းထဲ ဝင်လိုက်သည်နှင့် ဘုရင်တစ်ဆူလိုဖြစ်နေပြီး၊ လေးစား၊ ကြောက်ရွံ့၊ ရိုသေနေရသည်။ ခိုင်းတာလုပ်၊ ပြန်မပြောနဲ့ဆိုသည့် မြန်မာ့ ပညာရေးလူ့ဘောင်တွင် အတန်းတွင်း ဆရာမှားလည်း မဝေဖန်ရဲ၊ မိမိသိထားသည်ကိုလည်း မဆွေးနွေးရဲ၊ ထလည်းမမေးရဲစေရန် အစဉ်အဆက် ဦးချိုးခံထားရသောကြောင့် လွတ်လပ်စွာ ပြောဆိုဝေဖန်ရဲသည့် စိတ်ဓာတ်တွေ ဆိတ်သုဉ်းနေရသည်။ တစ်ခေတ် တစ်ချိန်က စကားဟောင်းကို ပြန်သုံးရလျှင် ကျောင်းမှ ထွက်လာသူများသည် သခင်စိတ်ဖြင့် ရင်ကော့ မထွက်လာ၊ ကျွန်စိတ်ဖြင့် ခါးကိုင်းထွက်လာစေရန် နံနှိမ် ထားခြင်း ခံနေရသည်။

ခေတ်အမြင် ခေတ်အတွေးတွင် ဆရာသည် အလွတ်ရွတ်ပြရန်လည်းမဟုတ်၊ တပည့်ကို ကြက်တူရွေး စာအံသလို အလွတ်ဆိုခိုင်းရန်လည်းမဟုတ်။ အလွတ်ကျက်ဖြေ အမှတ်ပေးစနစ်လည်း ကျင့်သုံးရန်မလို။ ကျောင်းသူကျောင်းသားများ သိသင့်သိထိုက်၊ လေ့လာသင့် လေ့လာထိုက်သည့်နေရာကို ညွှန်ပြနိုင်သူတွေ ဖြစ်ရန်လိုသည်။

ဆရာတို့စိတ်ဓာတ် ပိုပြီး ပွင့်လင်းမြင်သာစွာရှိရန်နှင့် တပည့်များ သိစေရန် ဖော်ထုတ်ပြချိန်ရောက်ပြီ ထင်သည်။ မသိသည် ကို ဟိတ်ဟန်ကြီးတစ်ခွဲသားဖြင့် ၀င့်ကြွားနေစရာမလိုပေ။ “အေး ဆရာလည်း မသိသေးဘူးကွ၊ တို့ ပူးပေါင်းရှာကြည့်ကြတာပေါ့” ဆိုသည့် ရိုးသားသောစကားများဖြင့် မည်သည့်အချိန်တွင် တပည့်များကို ရင်ဆိုင် ကြမည်နည်း။

ယခုတင်ပြခဲ့သည့် အချက်များသည် ကျောင်းသားဗဟိုပြု သင်ယူမှုထဲမှ အနည်းငယ်မျှသော အခြေခံအချက် လေးများသာ ဖြစ်ပါသည်။ ဆင်ခြင် သုံးသပ်စရာ များစွာ ရှိပါသေးသည်။ ကျောင်းသားကို ဗဟိုပြုချင်သူများ အတွက် ထင်သာမြင်သာရှိသော အချက်များကို ထုတ်ပြခြင်းသာ ဖြစ်ပါသည်။ ခေတ်မီရန်အတွက် ဗဟိုပြုခြင်း ကို မျက်စိမှိတ်အော်၍မရပါ။ အခြေခံအချက်များ သို့မဟုတ် (infrastructure) တို့ ပြည့်စုံမှုရှိ မရှိကို သုံးသပ် ကြည့်ပြီးမှသာ မြန်မာမှုကို မည်သို့ပြုသင့်ကြောင်း ဆုံးဖြတ်သင့်ပါသည်။

မောက္ခပညာရေး