မိန်းကလေးများအတွက် အရေးကြီးသည်

ခုတလောမှာ မုဒိန်းမှု၊ လုယက်မှုတွေနဲ့ ပတ်သက်ပြီး သတင်းတွေ တော်တော်များများ ကြားမိကြမှာပါ။ အထုးသဖြင့် အန္ဒိယနိုင်ငံက အဖြစ်အပျက်မျိုးတွေ လိုမျိုးပေါ့...။ ကျွန်တော်တို့နိုင်ငံမှာလည်း သူများနိုင်ငံတွေမှာလောက် မဆိုးပေမယ့် အနည်းနဲ့ အများတော့ ရှိကြပါတယ်။ ဒီတော့ ပြည်တွင်းမှာပဲ ဖြစ်ဖြစ်၊ ပြည်ပမှာပဲဖြစ်ဖြစ် ကျွန်တော်တို့ရဲ့ မိကောင်းဖခင် မိန်းမပျိုလေးများ၊ အမျိုးသမီးများအနေနဲ့ ကိုယ့်အန္တရာယ်ကို ကိုယ်ကာကွယ် ရှောင်ရှားလို့ ရစေရန်အတွက် ဖြစ်ပါတယ်။ မူရင်းပို့စ်ကတော့ FB က Illumination Lack က အင်္ဂလိပ်လိုကနေ ဘာသာပြန်ပြီး ရှယ်ထားတာပါ။

 “မုဒိန်းကောင်ရဲ့သားကောင်မဖြစ်စေဖို့” 

(ကျေးဇူးပြုပြီး ဒီစာကို ဆုံးအောင် အချိန်ပေးဖတ်စေချင်ပါတယ်။ ဘ၀ တစ်ခုကို ကယ်တင်နိူင်ဖို့ ရည်ရွယ်ထားတာပါ။)

လူတော်တော်များများဟာ စာဖတ်ပျင်းကြပါတယ်။ မြန်မာလိုရေးထားတာတောင်မှ စာပိုဒ်ရှည်ရင် အများစုက မဖတ်ချင်ကြပါဘူး။ ဒီစာထဲက အကြောင်းအရာတွေက ကျွန်တော် ကိုယ်တိုင်ရေးတာ မဟုတ်ပါဘူး။ မူရင်းက English လိုရေးထားတာပါ။ အဲ့ဒီမှာလည်း အရှည်ကြီးေ ရေးထားပါတယ်။ ကျွန်တော် ကိုယ်တိုင်တောင် စစ ကြည့်မိတုန်းက ဖတ်ရမှာ ပျင်းပါတယ်။ ဒါပေမယ့် facebook ပေါ်က တစ်ချို့မုဒိမ်းကျင့်ခံရတဲ့ သတင်းတွေ ဖတ်ပြီးတဲ့နောက်မှာ စိတ်မကောင်းဖြစ်နေတဲ့ အချိန်နဲ့ ဒီစာကို ပြန်တွေ့တဲ့အချိန်နဲ့ တိုက်ဆိုင်သွားလို့ စိတ်ရှည်ရှည်ထားပြီး ဖတ်ဖြစ်ခဲ့တာပါ။ တကယ်အသုံးဝင်တဲ့ နည်းလမ်းတွေ အများကြီး ပါပါတယ်။ တစ်ချို့ဟာတွေကတော့ ကျွန်တော့်အနေနဲ့ မလွယ်ကူဘူး ထင်ရပေမယ့် မူရင်းစာရေးသူ ဆီက ကျွန်တော်ခွင့်မတောင်း ဘဲ ဘာသာပြန်တာဖြစ်တဲ့အတွက် သူ့အာဘော်အတိုင်း တက်စွမ်းသမျှ ပြန်ဆိုထားခြင်းဖြစ်ပါတယ်။ ကျွန်တော် စေတနာရှေ့ထားပြီး ကိုယ်ချင်းစာစိတ် တစ်ခုတည်းနဲ့ ဘာသာပြန် ထားတာပါ။ ကျွန်တော် အင်္ဂလိပ်စာ မကျွမ်းကျင်ပါဘူး။ ဒါကြောင့် အလွဲအမှားတွေ အများကြီး ပါနိူင်ပါတယ်။ ခွင့်လွှတ်သည်းခံပြီး ဆုံးအောင် ဖတ်ဖို့တော့ တိုက်တွန်းပါရစေ။
 

မူရင်း >> https://www.facebook.com/photo.php?fbid=3781363495243&set=a.1266602347786.40365.1311602057&type=1&ref=nf

အကြမ်းဖက်သမား အများစုဟာ သူတို့ အကြမ်းဖက် တိုက်ခိုက်မှုအတွက် နည်းလမ်းအချို့ကို အသုံးပြုကြပါတယ်။ လူတော်တော် များများက ဒီလို အရေးအန္တရာယ်နဲ့ ကြုံရတဲ့အခါမှာ ဘယ်လိုရင်ဆိုင်ပြီး ကိုယ့်ကိုယ်ကိုယ် ကာကွယ်ရမယ် ဆိုတာကို ရုတ်တရက် မဆုံးဖြတ်တတ်ကြပါဘူး။ ကျွန်တော်တို့ အကုန်လုံး ဒီစာကို ဖတ်သင့်ပါတယ်။ အထူးသဖြင် မိန်းကလေး တွေ ပိုလို့သာ ဖတ်ထားသင့်ပါတယ်။

ဒီစာထဲမှာ အခုလို အန္တရာယ် အချိန်မှာ ဘယ်လိုကျော်ဖြတ်ရမလဲ ဆိုတဲ့ အချက်အလက်ကောင်းတွေ ရေးပေးထားတာပါ။ “မုဒိမ်းကောင်ရဲ့သားကောင်မဖြစ်စေဖို့” မုဒိမ်းမှု ကာကွယ်ရေး အဖွဲ့ဟာ ထောင်ထဲမှာ ရောက်နေတဲ့ မုဒိမ်းသမားတွေကို အင်တာဗျူး လုပ်ခဲ့ပါတယ်။ သူတို့ဆီက အကြမ်းဖက်မှု ဖြစ်စေနိူင်တဲ့ အချက်အလက် တွေကိုလေ့လာပြီး ပြန်လည် ဝေမျှလိုက်ရခြင်းဖြစ်ပါတယ်…

(၁) မုဒိမ်းကောင် တစ်ယောက်ဟာ မုဒိမ်းကျင့်ခါနီး အရင်ဦးဆုံး သတိထားကြည့်တာ ဆံပင်ပုံစံပါ။ နောက်ဆံပင်ကို အရင်းပိုင်း စုစည်းပြီး ဆံပင် အရှည်ချထားတဲ့ပုံစံ၊ ဆံထုံး ထုံးထားတဲ့စံပင်ပုံစံ၊ ကျစ်ဆံမြှီးပုံစံ နဲ့ တခြား သူတို့ အလွယ်တကူ ဆံပင်ဆောင့်ဆွဲလို့ ကောင်းတဲ့ ပုံစံတွေကို ရွေးချယ် တတ်ကြပါတယ်။ ဆံပင် အတိုနဲ့ မိန်းကလေး ထက် ဆံပင်အရှည်နဲ့ မိန်းကလေးကို သူတို့ရဲ့ သားကောင်အဖြစ် ပိုရွေးချယ်တတ်ကြပါတယ်။

(၂) ဒုတိယတစ်ချက်ကတော့ အ၀တ်အစားပါ။ မုဒိမ်းကောင်တွေဟာ အ၀တ်အစား အလွယ်တကူ ချွတ်ပစ်လို့ရမယ့် မိန်းကလေးမျိုးကို ရွေးချယ်ကြပါတယ်။ ရည်ရွယ်ချက်ရှိတဲ့ မုဒိမ်းကောင် အများစုဟာ အ၀တ်အစားတွေကို ဖြတ်ပစ်ဖို့ ကတ်ကြေး ယူဆောင် လာတတ်ကြပါတယ်။

(၃) မုဒိမ်းကောင်တွေဟာ ဖုန်းအသုံးပြုနေတဲ့ မိန်းကလေးမျိုး၊ ပိုက်ဆံအိတ်ထဲက တစ်ခုခု ရှာဖွေနေတဲ့ မိန်းကလေးမျိုး ဒါမှမဟုတ် လမ်းလျှောက်ရင်း တစ်ခုခု အာရုံစူးစိုက်မှု လုပ်နေတဲ့ မိန်းကလေးမျိုးကို ရှာဖွေကြပါတယ်။ အဲ့လိုမျိုး တစ်ခုခု အာရုံစူးစိုက်နေတဲ့ မိန်းကလေးဟာ ရုတ်တရက်မို့ သူကိုယ့်သူ ကာကွယ်ဖို့ မလွယ်ပါဘူး၊ ရုတ်တရက်မို့လို့ မွှန်ထူပြီး တုန့်ပြန်မှုနည်းတဲ့အတွက် မုဒိမ်းကောင်တွေ အတွက် လွယ်ကူပါတယ်။

(၄) မုဒိမ်းကောင်တွေ အမျိုးသမီးတွေကို မုဒိမ်းကျင့်ဖို့ အများဆုံးခေါ်သွားတဲ့ နံပါတ်တစ်နေရာကတော့ ကုန်တိုက်တွေ ရဲ့ ကားပါကင်ပါပဲ။ (မှတ်ချက် ။ ။ ဒါကတော့ သူတို့နိူင်ငံတွေ အတွက်ပြောတာပါ။ ကျွန်တော်တို့နဲ့တော့ သိပ်မကိုက်သေးသလိုပါပဲ။)

(၅) နံပါတ် ၂ နေရာကတော့ ရုံးခန်းတွေရဲ့ကားပါကင်နေရာ၊ ဓာတ်ဆီဆိုင်လိုနေရာမျိုးတွေပါ။

(၆) နံပါတ် ၃ နေရာကတော့ အများပြည်သူသုံး နားနေခန်းတွေပါ။

(၇) နောက်တစ်ခုကတော့ မုဒိမ်းကောင်တွေဟာ ဒုတိယနေရာ (သူတို့အတွက် မဖမ်းမိစေရန် လုံခြုံ စိတ်ချရတဲ့နေရာ) ကို မိန်းကလေးတွေကို အလျင်အမြန် ဆွဲခေါ်သွားကြပါတယ်။

(၈) တကယ်လို့သာ သင်ဟာ နည်းလမ်းပေါင်းစုံ/ ရုန်းကန်မှု မျိုးစုံနဲ့ မုဒိမ်းကောင်ကို တက်နိူင်သမျှ တိုက်ခိုက်နေခဲ့မယ် ဆိုရင် သူတို့အတွက် စိတ်ဓာတ်ကျ/ စိတ်ကုန် အားလျော့မှုကို ဖြစ်စေနိူင်ပါတယ်။ သင်ရုန်းကန် တိုက်ခိုက်နေတဲ့ အချိန်က တစ်မိနစ် ဒါမှမဟုတ် ၂ မိနစ်လောက်ပဲ ကြာနေပါစေ သင်ဟာ သူတို့ထင်သလောက် လွယ်ကူမှု မရှိဘူး ဆိုတာကို သူတို့ သဘောပေါက်လာနိူင်ပါတယ်။ ဒါကတော့ မုဒိမ်းးကောင်ကို စိတ်ဓာတ်ကျသွားစေဖို့ အချိန်ကို တတ်နိူင်သမျှ ဆွဲဆန့်ခြင်းနဲ့ ကာကွယ်နည်းတစ်မျိုးပါပဲ။  

(၉) မုဒိမ်းကောင်တွေဟာ ထီး(သို့) အလားတူပစ္စည်း တစ်ခုခုလက်မှာ ကိုင်ထားတဲ့ မိန်းကလေးတွေကို မရွေးချယ် တတ်ကြပါဘူး။ အဲ့ဒီလို ပစ္စည်းတွေဟာ သူတို့ကို အဝေးကနေတောင်မှ တိုက်ခိုက်နိူင်လို့ပါပဲ။

(၁၀) သော့ချောင်းတွေဟာ လက်နက်တစ်ခုအနေနဲ့ သူတို့ကို ဟန့်တားအောင် လုပ်ဖို့ ဆိုရင် အလွန်နီးကပ်မှ ဖြစ်နိူင်တယ် ဆိုတဲ့အတွက် လွယ်ကူမှာ မဟုတ်ပါဘူး။ ဒါပေမယ့် Something is better than nothing ဆိုသလိုပေါ့။ ဘာမှမလုပ်တာထက် စာရင် တစ်ခုခု လုပ်လိုက်တာက ပိုကောင်းတဲ့ သဘောပါပဲ။ အဲ့လို ပြန်လည်တိုက်ခိုက်ခြင်း ဟာ အပေါ်မှာပြောခဲ့သလိုပဲ သူတို့ ထင်သလောက် လွယ်ကူမှုမရှိတဲ့ အတွက် စိတ်ဓာတ်ကျမှုကို အနည်းနဲ့အများဖြစ်စေနိူင်ပါတယ်။

မှတ်ထားသင့်သော အချက်အလက်များ

(၁) လမ်း၊ဓာတ်ဆီဆိုင်၊ဓာတ်လှေခါးနဲ့ အဆောက်အအုံတွေရဲ့လှေခါး အကွေ့နေရာ မျိုးတွေမှာ တစ်စုံ တစ်ယောက်က သင့်အနောက်ကနေ လိုက်လာနေတယ် ဆိုပါစို့။ အဲ့ဒီလူရဲ့မျက်နှာကို သေချာကြည့်ပါ ထို့နောက် သူ့ကို မေးခွန်း တစ်ခု တစ်လေလောက်မေးပါ (စကားစမြည်သဘောမျိုးပေါ့)၊ ဥပမာ - ဘယ်အချိန်ရှိပြီလဲ? ၊ အပြင်မှာ အရမ်းအေးတယ်နော်၊ ဒီနှစ်ဆောင်းရာသီက တော်တော်ဆိုးတာပဲ စသဖြင့်ပေါ့ဗျာ။ အဲ့လိုပြောခြင်းအားဖြင့် ပထမအချက်က သင်အဲ့ဒီလူရဲ့မျက်နှာကို သေချာမြင်ဖူးသွားပြီ၊ ဒုတိယအချက်အနေနဲ့ အဲ့ဒီလူကို အကဲခတ်နိူင်မယ်။ ဒါကြောင့် မုဒိမ်းကောင်ဟာ ပစ်မှတ်ပြောင်းသွားနိူင်ပါတယ်။

(၂) တကယ်လို့ တစ်စုံတစ်ယောက်က သင့်ဆီကို ဦးတည်လျှောက်လာပြီး သင့်လက်တွေကို ချူပ်ကိုင် ထားလိုက်မယ် ဆိုရင်တော့ အကျယ်ကြီးအော်ပစ်ပါ၊ “ရပ်စမ်း.. ဝေးဝေးသွားစမ်း” စသဖြင့် အမိန့်ဆန်ဆန်ပြောဆိုပါ။ မုဒိမ်းကောင် အများစုပြောကြတာကတော့ အရမ်းအော်ဟစ်တဲ့ မိန်းကလေးတွေ၊ ပြန်လည်တိုက်ခိုက်ဖို့ ကြောက်ရွံမနေတဲ့ မိန်းကလေးတွေဆိုရင် ဆက်မကြိုးစားချင်တော့ပါဘူး။ ထားခဲ့လိုက်ပါတယ်။ သူတို့ထက်ပိုလွယ်တဲ့ တစ်ခြား မိန်းကလေး တစ်ယောက်ကိုပဲ ထပ်ရှာပါတယ်။

(၃)     တကယ်လို့ သင့်မှာ ငရုတ်ကောင်းရည်ဖျန်းဘူး ( spray တစ်ခုခုပေါ့ ) ပါခဲ့မယ်ဆိုရင် အဲ့ဒါကို လက်မှာ ကိုင်ထားပြီး “ငါ့မှာ ဒီ spray ဘူးရှိတယ်..” လိုအော်ပြီး မုဒိမ်းကောင်ကို သတိပေးပါ။ မဆိုင်းမတွ ဖျန်းပက်ပစ်ပါ။ (မူရင်းစာရေးသူကတော့ ဒီ Pepper Spray လို့ခေါ်တဲ့  Spray ဘူး ကိုပြည့်အ၀ အားပေးထောက်ခံထားပါတယ်။ )

(၄) တကယ်လို့ တစ်စုံတစ်ယောက်က သင့်ကိုဆွဲခေါ်သွားနေပြီ၊ ခွန်အားချင်းမမျှလို့ သင်သူ့ကို ပြန်လည်ရိုက်နှက် တိုက်ခိုက်လို့ မရနိူင်ပေမယ့် ကိုယ်တက်နိူင်တာနဲ့ ထိရောက်အောင် လုပ်နိူင်ပါသေးတယ်။ အဲ့ဒါကတော့ ဆွဲဆိတ်ခြင်းပါပဲ။ ဆွဲဆိတ်တယ်ဆိုတာက အင်အားလည်း အများကြီး မလိုပါဘူး။ ခံရသူအဖို့လည်း တော်တော်ဆိုးပါတယ်။ ခါးပိုင်းနေရာ ၊ လက်မောင်းကနေ တစ်တောင်ဆစ်ချိုး မရောက်ခင်နေရာ ၊ ပေါင်အတွင်းပိုင်း နေရာတို့ကို ပြင်းပြန်ထန်ထန်ကို ဆွဲဆိတ်ပစ်ပါ။

သွေးထွက်အောင် အထိ အားကုန်သုံးပြီး ဆွဲဆိတ်ပစ်ပါ။ ဘယ်လောက်ပဲ သန်မာတယ်ပြောပြော၊ ခွန်အားကြီးတယ်ပြောပြော၊ အဲ့လိုနေရာမျိုးတွေကို ဆွဲဆိတ်တဲ့ ဒဏ်ကိုတော့ မခံနိူင်ကြပါဘူး။ သင်မယုံရင် သင့်ကိုယ်သင်သာ အရင်ဆုံး ဆွဲဆိတ်ကြည့်လိုက်ပါ။

(၅) ဆွဲဆိတ်ခြင်း၊ ပေါင်ခြံလိုနေရာမျိုးကို ရိုက်နှက်ခြင်းတွေဟာ ဒီလိုအဖြစ်အပျက်မျိုးကို မမျှော်လင့်ထားတဲ့ လူတစ်ယောက်အတွက် မလွယ်ကူလှပေမယ့် အဲ့ဒါတွေဟာ တကယ်ပဲ သူ့ကို နာကျင်စေမှာပါ။ သင်ကတော့ သူ့ကို နာကျင်စေတာဟာ သူ့ကိုဒေါသပိုထွက်စေတယ်လို့ ထင်နေမှာပါ။ ဒါပေမယ့် လေ့လာစမ်းစစ်မှု အရတော့ မုဒိမ်းကောင်တွေဟာ သူတို့ကို ဒုက္ခရောက်အောင်၊ အချိန်ကြန့်ကြာအောင် မလုပ်တဲ့ မိန်းကလေးမျိုးကိုပဲ အလွယ်တကူ အလိုရှိတာပါ။ သူတို့ကို ဒုက္ခတွေ အများကြီးရောက်အောင် ရိုက်နှက်ပြီး နောက်ဆုံးအချိန်ထိ ရုန်းကန်နေတဲ့ မိန်းကလေးမျိုး ဆိုရင်တော့ စွန့်ခွာသွားတတ်ကြပါတယ်။

(၆) မုဒိမ်းကောင်ရဲ့လက်ဟာ သင့်အပေါ်သို့ ကျရောက်လာပြီ ဆိုရင်တော့ သူ့လက်ချောင်း ၂ ချောင်းကို ဆောင့်ဆွဲပါ၊ လိမ်ချိုးပစ်ပါ၊ ဟိုဘက်ဒီဘက် ဆွဲဖြဲပစ်ပါ၊ တက်နိူင်သမျှ အားအကုန်သုံးပြီးတော့ ချိုးပါ။ အဲ့ဒီနည်းကလည်း အားသိပ်မပါဘဲနဲ့ စမ်းကြည့်တာတောင် နာလွန်းလို့ ဒူးထောက်ပီး အော်လိုက် ရပါသေးတယ်။

(၇) ပတ်ဝန်းကျင်ကို အမြဲတမ်း သတိမူပြီးနေပါ။ တစ်ခုခု ပုံမှန်မဟုတ်တဲ့/ အမူအယာထူးခြားတဲ့ လူတွေ့မိရင် ပေါ့ပေါ့လေး မနေပါနဲ့၊ သတိကြီးကြီး ထားနေပါ။ အဲ့ဒီအခြေအနေမှာ သင့်ကိုယ်သင် ကလေးကလား အကြောက်လွန် နေတယ်လို့မထင်ပါနဲ့၊ ဒုက္ခအကြီးအကျယ် ရောက်သွားနိုင်ပါတယ်။  ဖြစ်နိူင်ရင်တော့ တစ်စုံတစ်ယောက်ကို သင်နဲ့အတူ အဖော်ခေါ်သွားပါ။
 

နောက်ဆုံးအနေနဲ့ ဒါလေးတွေကိုလည်း မှတ်သားထားစေချင်ပါတယ်…

သင်သိထားသင့်တဲ့ အချက်အလက်တွေပါ။ သင်ဖတ်ပြီးသွားရင်လည်း သင်ဂရုစိုက်ရတဲ့ လူတွေဆီကို ဆက်လက် မျှဝေပေးလိုက်ပါ။ ကျွန်တော်တို့နေထိုင်တဲ့ ဒီကမ္ဘာကြီးမှာ သတိဆိုတာ ပိုတယ်လို့မရှိပါဘူး -

(၁) တိုက်ကွန်ဒို သိုင်းပညာမှာတော့ တံတောင်ဆစ်ဟာ လူ့ခန္ဒာကိုယ်ရဲ့ အသန်မာဆုံး အပိုင်းလို့ ဆိုပါတယ်။ ဒါကြောင့် တံတောင်ဆစ်နဲ့ တွတ်လို့ရမယ့်အခြေအနေမျိုးဆိုရင် လက်လွတ်မခံပါနဲ့။

(၂)     နယူးအော်လန်မြို့ရဲ့ ခရီးသွား လမ်းညွှန်ထဲမှာ ဖတ်ရတာတော့ - တကယ်လို့သာ ခါးပိုက်နှိုက်တွေ လုယက်တဲ့လူတွေ၊ ဓားပြ တွေက သင့်ပိုက်ဆံအိတ်ကိုတောင်းမယ်ဆိုရင် သင့်လက်နဲ့ ပိုက်ဆံအိတ်ကို ကမ်းမပေးပါနဲ့။ သင်နဲ့ဝေးတဲ့နေရာကို လွှင့်ပစ်ပြီးပေးပါ။ ဒီဒုစရိုက်သမားဟာ လူထက် ပိုက်ဆံကို ပိုလိုချင်တယ်ဆိုရင်တော့ သူ ပိုက်ဆံအိတ်ကို သွားကောက်မှာပါ။ အဲ့ဒီအချိန်မှာ တွေဝေမနေဘဲ သူနဲ့ဆန့်ကျင်ဘက် ကိုသာ ပြေးပါ။

(၃) သင်ဟာ ကာနောက်ဖုံးထဲကို ထည့်ခံထားရတယ် ဆိုရင်တော့ ကားနောက်မီး ရှိတဲ့နေရာကို ကန်ကြောက်ပစ်ပါ၊ အဲ့ဒီ အပေါက်ကနေ လက်ကို ထုတ်ပြီးတော့ တတ်နိူင်သမျှ ဝေ့ရမ်းပါ။ ကားမောင်းတဲ့ လူကတော့ မမြင်နိူင်ပေမယ့် တစ်ခြားလူတွေက မြင်နိူင်ပါတယ်။ ဒါကလည်း သင့်ဘ၀ကို တစ်ဖက်တစ်လမ်းက ကယ်တင်နိူင်မှာပါ။

(၄) အမျိုးသမီး အများစုဟာ အလုပ်မှအပြန်၊ စားသောက်ဆိုင်မှ အပြန် နှင့် ဈေးဝယ်ခြင်းတို့မှအပြန်တွင် ကားပေါ်တက်ကာ ချက်ချင်း မောင်းမထွက်ဘဲ ထိုင်နေတတ်ကြပါတယ်။ မှတ်စုတွေ မှတ်နေတာမျိုး၊ စာတစ်ခုခု ကို ခဏ ဖတ်နေတာမျိုး စသဖြင့် လုပ်တတ်ကြပါတယ်။ အဲ့ဒီလိုမျိုးတွေ မလုပ်ပါနဲ့ ၊ တဏှာရူးကောင်တွေ လူယုတ်မာတွေက သင့်ကို စောင့်ကြည့်နေပါတယ်။ အဲ့ဒီလို အခြေအနေဟာ သူတို့အတွက် အကောင်းဆုံး အခွင့်အလမ်း ဖြစ်နေလို့ပါ။ သင့်နောက်ကခုံမှာ ၀င်ထိုင်ပြီး သင့်ခေါင်းကို သေနတ်နဲ့ ထောက်ကာ “ဘယ်နေရာကို မောင်းပါ” လို့ ပြောခံရနိူင်ပါတယ်။ ဒါကြောင့် ကားပေါ်မှာ တက်ထိုင်ပြီးပြီးချင်း ချက်ချင်း ဆိုသလို မောင်းထွက်သွားပါ။ ဆိုင်းငံ့မနေပါနဲ့။

(၅) ဒါကတော့ ကားပါကင် တွေ ဓာတ်ဆီဆိုင်တွေမှာ သင့်ကားထဲကို ပြန်ဝင်တော့မယ် ဆိုရင် သတိထားရမယ့် အချက်တွေဖြစ်ပါတယ်...

• ကားထဲမ၀င်ခင် ကားထဲမှာ တစ်ယောက်ယောက်ပုန်းနေနိူင်တယ်ဆိုတဲ့စိတ်ဖြင့်   ကားဘေး ပတ်ပတ်လည်နဲ့ ခရီးသည် ထိုင်နေရာတွေ ၊ ကြမ်းပြင်တွေကို သတိနှင့် ချောင်းကြည့်ပါ။ (တက္ကဆီ ငှားစီးမယ် ဆိုလည်း ထိုနည်း၎င်း သတိထားကြည့်ပါ။ )
• တကယ်လို့ သင့်ရဲ့ ကားဘေးနားမှာ van / town ace စတဲ့ကားမျိုးတွေ ရှိနေမယ်.. သင်္ကာမကင်းဖြစ်ရတယ် ဆိုရင်တော့ အဲ့ဒီကားရဲ့ တစ်ခြားဖက် အပေါက်မှ တဆင့်သာ သင့်ကားထဲသို့ ၀င်ပါ။ ( သင့်ကားရဲ့ ယာဉ်မောင်းဘက်ခြမ်းမှာ ရပ်ထားမယ်ဆိုရင် ခရီးသည်ထိုင်တဲ့ဘက်မှ ၀င်ပါ။) ဒုစရိုက်ကောင်တွေဟာ အမျိုးသမီးတွေ ကားထဲဝင်ခါနီးအချိန်တွေမှာ သူတို့ကားထဲကို ဆွဲခေါ်ပြီး တံခါးပိတ်တတ်ကြပါတယ်။ သတိထားနိူင်ဖို့ပါ။
• သင့်ရဲ့ကား အနီးတစ်ဝိုက်ကို ရှာကြည့်ပါ။ အနီးဆုံးနေရာမှာ သူစိမ်းတစ်ယောက်က အကြောင်းမဲ့ ထိုင်နေတယ်ဆိုရင်တော့ ကားထဲ မ၀င်ပါနဲ့ဦး။ သင်လာခဲ့တဲ့ အလုပ်ဖြစ်စေ၊ ဈေးဝယ်စင်တာ တစ်ခုခုဖြစ်စေ ပြန်ဝင်သွားပါ။ ရဲတစ်ယောက်ယောက်၊ ဒါမှမဟုတ် အစောင့်တစ်ယောက်ယောက် ကို ခေါ်ပြီးမှ ပြန်လာပါ။ ဒါတွေဟာ အပိုအလုပ်တွေ မဟုတ်ပါဘူး။ စိတ်မကောင်းစရာ အဖြစ်အပျက် ဖြစ်သွားတာထက်စာ ရင် အများကြီး ပိုကောင်းပါတယ်။ သူများအပေါ် သံသယလွန်ကဲမှု / အယုံအကြည်နည်းမှု ဟာ မိမိကိုယ်တိုင် ဒုက္ခရောက်ရတာထက် စာရင် အများကြီး အကျိုးရှိပါတယ်။ 

(၆) ရိုးရိုးလှေခါးတွေအစား ဓာတ်လှေခါးကို အမြဲ အသုံးပြုပါ။ လှေခါးအကွေ့ တွေဟာ တစ်ယောက်ထဲ သွားဖို့ အတွက် မသင့်တော် ပါဘူး။ ဒုစရိုက်မှုတွေ အတွက် အကောင်းဆုံးနေရာတစ်ခုပါပဲ။

(၇) တကယ်လို့ အဲ့ဒီလူယုတ်မာဆီမှာ သေနတ်ပါလာတယ် ဆိုရင်လည်း သင်ဟာ သူ့ ထိန်းချူပ်မှု အောက်မှာ ရှိမနေ ပါဘူး။ ပြေးသာပြေးပါ။ လှုပ်ရှားနေတဲ့ပစ်မှတ်ကို ထိအောင် ပစ်ဖို့လည်းမလွယ်ပါဘူး။ အကြိမ် ၁၀၀ မှာ ၄ ကြိမ်သာ ထိနိူင်ပါတယ်။ ထိတယ်ဆိုရင်တောင်မှာ အရေးကြီး အစိတ်အပိုင်းတွေမဖြစ်နေပါဘူး။ ဒါကြောင့် ပြေးဖို့ တိုက်တွန်းချင်ပါတယ်။ ( မှတ်ချက်။ ။ မူရင်းစာရေးသူကတော့ အလျော့မပေးဖို့ကို ဆိုလိုချင်တာ ဖြစ်နိူင်ပါတယ်။ ဒါပေမယ့် ကျွန်တော့် အနေနဲ့တော့ တစ်ချို့အရာတွေမှာ အခြေအနေနဲ့ အချိန်အခါကို သုံးသပ်ပြီးမှ ကိုယ့် ဆုံးဖြတ်ချက်ကို ကိုယ်မှန်အောင်ချနိူင်ဖို့ အကြံပေးချင်ပါတယ်။ )

(၈) အမျိုးသမီးတွေဟာ စာနာစိတ်၊ ကိုယ်ခြင်းစာ ကရုဏာစိတ် ၊ လိုက်လျောတဲ့ စိတ်တွေရှိပါတယ်။ ဒါပေမယ့် ဒါဟာ သင့်အတွက်မကောင်းပါဘူး။ Ted Bundy ဆိုတဲ့ လူသတ်သမားတစ်ယောက်ဟာ မိန်းကလေးတွေရဲ့ အဲ့ဒီစိတ်တွေကို အမြဲအသုံးချခဲ့ပါတယ်။ သူက ဒုတ်ကောက်တစ်ချောင်း ဒါမှမဟုတ် ခြေထောက် တစ်ဖက်ဆာပြီးတော့ လမ်းလျှောက်ပါတယ်။ ပြီးတဲ့နောက် သူဟာ သူ့ရဲ့ ပစ်မှတ်သားကောင် ဖြစ်တဲ့ မိန်းကလေး ကို သူ့ကားထဲကို ပို့ပေးဖို့ အကူအညီတောင်းပါတယ်။ ကားထဲရောက်သွားရင်တော့ သင့်ကို သူအတင်း ခေါ်ဆောင်သွားမှာ ဖြစ်ပါတယ်။ ဒါကြောင့် ခြေနှစ်ချောင်း မကယ်ကောင်း ဆိုတဲ့ စကားပုံအတိုင်း မလိုအပ်ရင် မသနားပါနဲ့လို့အကြံပေးပါရစေ။
 

ဒီစာကို ကျွန်တော်က အမျိုးသမီးတွေ ဖတ်ဖို့အတွက်ပဲ ရေးထားတယ် ဆိုပေမယ့် ဖတ်မိတဲ့ ညီ၊အကိုတွေမှာလည်း အမေ၊အမ၊နှမ၊သမီး နဲ့ ချစ်သူ၊ သူငယ်ချင်းတွေ ရှိမှာပါ၊ သူတို့တွေ အတွက်လည်း စေတနာရှေ့ထားပြီး ဖြန့်ဝေပေးစေချင်ပါတယ်။ ကျွန်တော်တို့ လောကကြီးမှာ ဒီလိုဒုစရိုက် တဏှာရူးကောင်တွေ အများကြီးပါပဲ။ တစ်ဖက်တစ်လမ်းက အခုလို ကူညီ အသိပေးခြင်းဟာ တစ်စုံတစ်ခု ဖြစ်ပြီးသွားတော့မှ စိတ်မကောင်းဘူး ပြောတာထက် စာရင် ပိုကောင်းပါတယ်။

တစ်စုံတစ်ခု ရင်ထဲရောက်သွားတယ်ဆိုရင်ပဲ ကျေနပ်ပါတယ်။