သြစတြီးယားနိုင်ငံသားရဲ့ အမြင့်ဆုံးခုန်ချမှု ကမ္ဘာ့စံချိန်သစ်

သြစတြီးယားနိုင်ငံသား Skydiver တစ်ဦးဖြစ်သူ ဖီလစ် ဘမ်ဂါနာ (Felix Baumgartner) သည် စံချိန်သစ်တင်နိုင်ရန်အတွက် ကမ္ဘာမြေပြင်အထက် ၃၉ ကီလိုမီတာကျော် (၂၄မိုင်ကျော်) အမြင့်မှ ခုန်ချပြသမှုကို အောက်တိုဘာလ ၁၄ ရက်နေ့တွင် အောင်မြင်စွာ ပြုလုပ်ပြနိုင်ခဲ့သည်။ သူသည် မြေပြင်မှ အမြင့်ပေ ၁၂၈၀၉၇ ပေမှ အလွတ်ခုန်ဆင်းခဲ့ခြင်းဖြစ်သည်။ သူ၏ စွန့်စားမှုသည် အမြင့်ဆုံး အလွတ်ခုန်ချမှု၊ အမြင့်ဆုံးအမြန်နှုန်း၊ အသံ၏အမြန်နှုန်းကို ချိုးဖျက်နိုင်မှု စသည့် စံချိန်များ တင်နိုင်ခဲ့သည်။ သို့သော် ကျလာသည့်အရှိန်မှာ မျှော်လင့်သည်ထက်ပိုမိုမြန်ဆန်ခြင်း၊ သတ်မှတ်ထားသည့် မြေပြင်အထက် ပေ ၅၀၀၀ မရောက်ခင် လေထီးစောဖွင့်ခဲ့ခြင်း တို့ကြောင့် အချိန်အကြာဆုံးစံချိန်တစ်ခုကိုမူ လက်လွှတ်ခဲ့ရသည်။ ဖီလစ်ဘမ်ဂါနာသည် ခုန်ချရာတွင် တစ်နာရီ ၇၀၆ မိုင်နှုန်းထိ ရောက်ခဲ့သဖြင့် အသံအမြန်နှုန်းထက် ကျော်လွန်ခဲ့သည်။ အလွတ်ခုန်ချိန် ၉ မိနစ် ၃ စက္ကန့်ကြာပြီး လေထီးဖြင့်ဆင်းချိန်မှာ ၄ မိနစ် ၄၄ စက္ကန့်ကြာခဲ့သည်။

စတင်ထွက်ခွာရာတွင် အမေရိကန်၊ နယူးမက္ကဆီကို ပြည်နယ်ရှိ ကန္တာရအတွင်းမှ အထူးမိုးပျံပူဖောင်းဖြင့် တက်ခဲ့ခြင်းဖြစ်ပြီး မြေပြင်မှ ကူညီပေးသော သူ၏ အဖွဲ့ဝင်များတွင် လက်ရှိအလွတ်ခုန်စံချိန်ရှင် အမေရိကန် အငြိမ်းစားလေတပ်ဗိုလ်ချုပ်ကြီး ဂျိုးကစ်တင်ဂါ ပါဝင်ခဲ့သည်။ ၎င်းမှာ ၁၉၆၀ ပြည့်နှစ်က အမြင့်ပေ ၁၀၂၈၀၀ မှ ခုန်ချပြီး စံချိန်တင်ထားခဲ့ခြင်းဖြစ်သည်။ ယခု ဖီလစ်ကို ရေဒီယိုမှတဆင့် ကြီးကြပ် လမ်းညွှန်နိုင်ပေးခဲ့သည်။ 

သူသည် ဟီလီယမ်ဓာတ်ငွေ့ သန်း ၃၀ ထည့်ထားသည့် မိုးပျံပူဖောင်းဖြင့် ဆွဲသော ၁.၃ တန်ခန့်လေးသည့် အခန်းငယ်ဖြင့် လိုက်ပါခဲ့ခြင်းဖြစ်သည်။ အောက်သို့ ပြန်လည် ခုန်ချရာတွင် အမြန်နှုန်းနှင့် ဖိအားများကြောင့် သိစိတ်ပျောက်ကာ သတိမေ့သွားနိုင်ခြေရှိသော်လည်း ထိုအခက်အခဲမှ ကျော်လွှားနိုင်ခဲ့သည်။ အနှုတ် ၉၀ ဒီဂရီခန့်ရှိ အပူချိန်ကိုလည်း အထူးပြုလုပ်ထားသည့် အာကာသယာဉ်မှူးဝတ်စုံဖြင့် အောင်မြင်စွာဖြတ်သန်းနိုင်ခဲ့သည်။ 

ဖီလစ်ဘမ်ဂါနာသည် ပြီးခဲ့သော အောက်တိုဘာ ၉ ရက်နေ့ကတည်းက စံချိန်တင်ရန်ကြိုးပမ်းခဲ့သော်လည်း ရာသီဥတုကြောင့် ပျက်ခဲ့ခြင်း ဖြစ်သည်။

ဖီလစ်ဘမ်ဂါနာသည် သြစတြီးယားနိုင်ငံ၊ ဆဲလ်ဘတ်မြို့ တွင်  ၁၉၆၉ ခုနှစ်၊ ဧပြီ ၂၀ တွင် မွေးဖွားခဲ့သူဖြစ်သည်။ သူသည် ၁၉၉၉ ခုနှစ်က လေထီးဖြင့် မလေးရှားနိုင်ငံ၊ ကွာလာလမ်ပါမြို့ရှိ ပီထရိုနက်စ် တာဝါပေါ်မှလည်း ခုန်ချခဲ့ဖူးသူဖြစ်သည်။ ၂၀၀၃ ၊ ဇူလိုင် ၃၁ ရက်တွင် အင်္ဂလိပ်ရေလက်ကြားကို အထူးပြုလုပ်ထားသော carbon fiber wing ကိုသုံးကာ ဖြတ်သန်းခဲ့သော ပထမဆုံး လူသားအဖြစ်လည်း မှတ်တမ်းဝင်ခဲ့သည်။ အနိမ့်ဆုံး ခုန်ချမှုစံချိန် အဖြစ်လည်း ၉၅ ပေ အမြင့်ရှိ ဘရာဇီးလ်နိုင်ငံ၊ ရီယိုဒီဂျနေရိုးမြို့ရှိ Cristo Redentor ရုပ်တု လက်ပေါ်မှလည်း  ခုန်ချကာ စံချိန်တင်ခဲ့ပြန်သည်။

၂၀၀၄ ခုနှစ်၊ ဇွန်လ ၂၇ ရက်နေ့တွင် ပြင်သစ်နိုင်ငံ၊ Millau Viaduct တံတားပေါ်မှလည်း ပထမဆုံးခုန်ချသူ ဖြစ်ခဲ့သည်။ ၂၀၀၇၊ ဒီဇင်ဘာ ၁၂ ရက်တွင်မူ ထိုင်ဝမ်ရှိ ကမ္ဘာ့အမြင့်ဆုံး Taipei 101 အဆောက်အဦး ပေါ်မှ ပထမဆုံးခုန်ချသူအဖြစ်လည်း ကမ္ဘာ့စံချိန် တင်နိုင်ခဲ့ဖူးသူ ဖြစ်သည်။

ယခုနောက်ဆုံး သူတင်ခဲ့သော အမြင့်ပေ ၁၂၈၀၀၀ ကျော်ရှိ ကောင်းကင်အာကာသထဲမှ ကမ္ဘာ့အမြင့်ဆုံး ခုန်ချမှု စံချိန်မှာမူ လူသားများအတွက်ရော၊ သူကိုယ်တိုင်အတွက်ပါ အထူးခြားဆုံးနှင့် ဂုဏ်ယူဖွယ်အကောင်းဆုံး ဖြစ်နေတော့မှာ မလွဲပင်ဖြစ်သည်။