Ph.D ဘွဲ့က ကျောင်းအုပ်လုပ်ဖို့လား

မောက္ခပညာရေးဆိုက်က ဆောင်းပါးတစ်ပုဒ်ဖြစ်ပါသည်။

ဒီအကြောင်းကို အစကတည်းက ပြောချင်နေတာ။ ဘူးပေါက်တာမလိုချင်ဘူး၊ ရေပါတာပဲ လိုချင်တယ် ဆိုတဲ့ စနစ်အောက်မှာဆိုတော့ရေငုံနှုတ်ပိတ် ခပ်မဆိတ် တိတ်တိတ်နဲ့ပဲ အချိန်တွေကုန်ခဲ့ရတာ။ အဲဒီ အကျိုးဆက်ကြောင့်ပဲ မြန်မာ့ပညာရေးဇောက်ထိုးမိုးမျှော်နဲ့ အောက်ဆုံးအဆင့်မကဘဲ အနုတ်သံသရာ လည်နေခဲ့ရတယ်။ ဇီးဖြူသီးကို စကောထဲ ထည့်မွှေသလို ပညာရေးစနစ်တစ်ခုလုံးကို လှန်လုိုလှန်၊ မှောက်လိုမှောက်၊ ထင်ရင်ထင်သလို၊ မထင်ရင်မထင်သလို ပြင်လိုက်၊ ဖျက်လိုက်နဲ့ အပြောင်းအလဲ တွေက ဖဲကစားသလိုမျိုး။

Ph.D ဘွဲ့ရထားတဲ့ အသက် ၃ဝ ဝန်းကျင် လူမမယ်လေးတွေကို အထက်တန်းကျောင်းအုပ် တိုက်ရိုက် ခန့်ထားလိုက်တယ်ဆိုတော့ အားလုံးအံ့အား သင့်ခဲ့ရတယ်။ Ph.D ဘွဲ့နဲ့ကျောင်းအုပ်ရာထူးဆိုတာက ဘယ်လိုမှ စပ်ဟပ်လို့မရပါဘူး။ ပြဒါးတစ်လမ်း သံတစ်လမ်း၊ အမြင်မတော်ဆင်တော်နဲ့ ခလောက်၊ သီလရှင်ကို ပန်းပန်ပေးသလို၊ ဘုန်းကြီးကို ခေါင်းဖီးသလို နီးစပ်မှုလုံးဝမရှိပါဘူး။ စီစဉ်တတ်တဲ့ ပညာ ရှင်တွေကိုလည်း အံ့သြမိပါရဲ့။ ဒီလိုအလွဲလွဲ အချော်ချော်နဲ့ ပညာရေးစနစ်ကြီးကို မောင်းနှင်လာခဲ့တာ ဆယ်စုနှစ်ပေါင်းများစွာ တိတိကျကျပြောရရင် မ.ဆ.လ ခေတ်တည်းက စလာခဲ့တာ။

စောစောကပြောခဲ့တဲ့ "အားလုံး" အံ့အားသင့်ခဲ့ရတယ်ဆိုတာ ပညာရေးဝန်ထမ်းဆရာ/မ တွေနဲ့အငြိမ်း စား ဆရာ/မတွေကို ရည်ညွှန်းတာပါ။ ဒီကိစ္စ ရာနှုန်းပြည့်လွဲသွားပြီဆိုတာကို အတွေ့အကြုံရင့်ကျက် တဲ့ဆရာ/မတွေသာ သိနိုင်ပါလိမ့်မယ်။ Ph.D ဘွဲ့ရသူကို အထက်တန်းကျောင်းအုပ် တိုက်ရိုက်ခန့် လိုက်တယ်ဆိုတာ အနာတခြား ဆေးတခြား ဖြစ်နေတယ်။ ပညာရေးဌာနရဲ့ အမြင့်ဆုံးပုဂ္ဂိုလ်ဟာ ပါ မောက္ခ (သို့) ပါချုပ်ဘဝက ကူးပြောင်းသွား တယ်ဆိုရင် သူ့မှာ အခြေခံပညာက အထက်တန်းကျောင်း အုပ်တစ်ယောက်ရဲ့ လုပ်ငန်းအတွေ့အကြုံအားနည်းနိုင်ပါတယ်။ ပါချုပ်တစ်ယောက်က တက္ကသိုလ် တစ်ခုကို ကိုင်တွယ်အုပ်ချုပ်ရတာနဲ့ အထက်တန်းကျောင်းအုပ်တစ်ယောက်က တာဝန်ယူဆောင်ရွက် ရတဲ့အပိုင်းမှာ အများကြီးကွာပါတယ်။ တက္ကသိုလ်မှာ ပါချုပ်ကို ကူညီပံ့ပိုးနေတဲ့ မော်ကွန်းထိန်းနဲ့ ကျောင်းသားရေးရာဌာနရှိတယ်။ ဒီဌာနက စာမေးပွဲအပါအဝင် ကိစ္စအဝဝကို ဆောင်ရွက်ပေးနေတယ်။ မော်ကွန်းထိန်းက သီးခြားတာဝန်ယူဆောင်ရွက်တာတွေလည်း ရှိပါတယ်။

အထက်တန်းကျောင်းအုပ်တစ်ယောက်အနေနဲ့ ကျောင်းသားကိစ္စ၊ ဆရာ/မများကိစ္စ၊ သင်ကြားရေး၊ အုပ်ချုပ်ရေး၊ ကျောင်းစည်းကမ်း၊ ဆရာ/မများစည်းကမ်း၊ ငွေရေးကြေးရေးကိစ္စအားလုံးကို တစ်ဦး တည်း တာဝန်အပြည့်အဝယူထားရတယ်။ ရုံးမှာရှိတဲ့ စာရေးတစ်ယောက်စ၊ နှစ်ယောက်စ ကလည်း ဘောင်ကျဉ်းကျဉ်းလေးထဲက စာရင်းဇယားလောက်ပဲ လုပ်ပေးနိုင်တာ။

ဒါကြောင့် အထက်တန်းကျောင်းအုပ်တစ်ယောက်ဖြစ်ဖို့အတွက် အရည်အချင်းပြည့်ဝပြီး အတွေ့အကြုံ ရင့်ကျက်ဖို့လိုပါတယ်။ သင်ကြားရေးအတွေ့အကြုံ၊ အုပ်ချုပ်ရေး အတွေ့အကြုံ ရင့်ကျက်ရပါမယ်။ အုပ်ချုပ်ရေးဆိုတဲ့နေရာမှာ ကျောင်းသားရော ဆရာ/မများအတွက်ပါ အကျုံးဝင်တယ်။ အထက်တန်း ကျောင်းတွေမှာ အထက်တန်းကျောင်းသားတွေသာမက အလယ်တန်းအဆင့်ကျောင်းသားငယ်လေး များလည်းပါဝင်တယ်။ အချို့ကျောင်းတွေဆိုရင် မူလတန်းအရွယ်နုနုနယ်နယ်ကလေးငယ်များလည်း ရှိနေပါတယ်။ ဒီလိုအရွယ်ကလေးငယ်တွေကို ကိုင်တွယ်တဲ့နေရာမှာ သိမ်မွေ့နူးညံ့ဖို့လိုတယ်။ အတွေ့ အကြုံနဲ့ နည်းပရိယာယ် ကြွယ်ဝဖို့လိုတယ်။ တက္ကသိုလ်ကျောင်းသားတွေကို ကိုင်တွယ်ပုံနဲ့တခြားစီပါ။ အထက်တန်းကျောင်းတွေမှာ ဖြစ်လေ့ဖြစ်ထရှိတဲ့ ကျောင်းသားအချင်းချင်း ပြဿနာတွေက သိမ်မွေ့ လှပါတယ်။ တစ်ခါတစ်ရံမိဘတွေ ပါဝင်လာကြတဲ့အခါမှာ ပိုပြီးလေးနက်ရှုပ်ထွေးလာတတ်တယ်။

နောက်ထပ်အရေးကြီးတာကစာမေးပွဲကိစ္စ၊ ဒါကအရမ်းအရေးကြီးတယ်။ ကျောင်းသားတစ်ယောက်ရဲ့ ဘဝကို ပြောင်းလဲသွားနိုင်သလို ကျောင်းအုပ်ဆရာကြီးတစ်ယောက် အလုပ်ပြုတ်သွားနိုင်တယ်။ ဒီကိစ္စ အတွက် အရေးယူခံရတဲ့ ကျောင်းအုပ်တွေ အများကြီးရှိပါတယ်။ အဲဒီလို Ph.D ဘွဲ့ရသူတွေကို ကျောင်းအုပ်ဆရာ/မကြီးတွေအဖြစ် တိုက်ရိုက်ခန့်စဉ်က စကြားလိုက်ရပါသေးတယ်။ ရန်ကုန်က ကျောင်းတစ်ကျောင်းကို Ph.D ဘွဲ့ရကျောင်းအုပ်ဆရာကြီးတစ်ယောက် ရောက်လာတယ်။ ဒါနဲ့စာမေး ပွဲရာသီကျတော့ အဲဒီ Ph.D ကျောင်းအုပ်ကြီးက ၁ဝ တန်းစာမေးပွဲကို မကိုင်တွယ်တတ်ဘူး။ ၁ဝ တန်း စာမေးပွဲတာဝန်ယူစစ်ဆေးရတာ တော်ရုံတန်ရုံအတွေ့အကြုံနဲ့မရဘူး။ မေးခွန်းထုတ်ယူရတာ၊ အဖြေ လွှာစစ်ဆေးလက်ခံတာ၊ အဖြေလွှာတွေကို တိတိကျကျချိတ်ပိတ်ပြီးပေးရတာတွေ တာဝန်ကြီးတယ်။ သေးသေးမွှားမွှားလေးကအစ အမှားမခံဘူး။ အဲဒီတော့ တခြားဝါရင့်တဲ့ ဆရာကြီးတစ်ယောက်လာပြီး တာဝန်ယူရတယ်။ တခြားကျောင်းတွေမှာလည်း ဒီအတိုင်းပဲ Ph.D ကျောင်းအုပ်ကြီးတွေဟာဘယ်က စကိုင်ရမှန်းမသိလို့ အဲဒီကျောင်းက ဝါရင့်အထက်တန်းပြလက်ထောက်ဆရာတွေ ဦးဆောင်လုပ်ရတာ။ ကျောင်းအုပ်ကြီးကတော့ လက်မှတ်ထိုးရုံပေါ့။

ဒါနဲ့ပတ်သက်ပြီး မှတ်မိပါသေးတယ်။ တစ်နေ့ ….။ စာရေးနေတုန်း ဖုန်းဝင်လာတယ်။ ဆရာကျွန်တော် ကို မှတ်မိသေးလားတဲ့။ သူ့နာမည်ပြောရင်း သူ ကျွန်တော့်တပည့်ဖြစ်ခဲ့တဲ့ နောက်ကြောင်းတွေပြန် ပြောပြတယ်။ ဖုန်းနံပါတ်ရလို့ ဆက်တဲ့အကြောင်း ရှင်းပြတယ်။ ကျွန်တော်လည်း သတိပြန်ရပြီး သူ့ကို မှတ်မိသွားတယ်။ သူကလည်း …. ဆရာ ကျွန်တော့်ကို မှတ်မိနေသေးတာ အရမ်းဝမ်းသာတယ်တဲ့။ ခု Ph.D ဘွဲ့တောင်ရထားပြီတဲ့။ ကျွန်တော်လည်း သူ့အတွက် ဝမ်းသာဂုဏ်ယူကြောင်း ပြောလိုက်သည်။ အခု ဘာတွေလုပ်နေလဲမေးတော့ …. သူ့အဖြေက "ကျွန်တော်အထက်တန်းကျောင်းအုပ် ဖြစ်နေပြီ" တဲ့။ ကျွန်တော်ဖြင့် အံ့သြမဆုံးဖြစ်ရတယ်။ ပညာရေးနယ်ပယ်အကြောင်းကို ထဲထဲဝင်ဝင်သိထားတာ ကိုး။

ဒါနဲ့ …. အဆင်ပြေရဲ့လားမေးတော့ …… သူသိပ်မအဆင်မပြေဘူး။ ကျောင်းကောင်းရသွားတဲ့ သူငယ် ချင်းတွေက ကားတောင်စီးနေပြီတဲ့။ ကျွန်တော်မေးတာက တာဝန်ပိုင်း၊ သူဖြေလိုက်တာကိုတော့ ရှင်း ပြစရာမလိုတော့ပါဘူး။

အထက်တန်းကျောင်းအုပ်ဆရာကြီး တစ်ယောက်ဖြစ်ဖို့ ငှက်ပျောသီးအခွံနွှာစားသလို လွယ်လွယ်ကူ ကူနဲ့ ဖြစ်စေသတည်းလုပ်လို့ မရပါဘူး။ ပထမဆုံးအနေနဲ့ အထက်တန်းပြဆရာ အတွေ့အကြုံရှိဖို့လို ပါတယ်။ သာမာန်အားဖြင့်ဆိုရင် လုပ်သက် ၇ နှစ်ခန့်ရှိရပါမယ်။ အဲဒီအချိန်တွေမှာသင်ကြားရေး၊ ကျောင်းသားနဲ့ ထိတွေ့ဆက်ဆံရေး၊ ကျောင်းစည်းကမ်း၊ စာမေးပွဲ၊ ကျောင်းသားမိဘနဲ့ ဆက်ဆံရေး ဆိုတဲ့ အတွေ့အကြုံတွေကို ဘဝနဲ့ရင်းပြီး ယူရတယ်။ ဒါတွေကို စာဖတ်ပြီး သင်ယူလို့မရဘူး။ အဲဒီ နောက်မှ အလယ်တန်းကျောင်းအုပ်အဖြစ် ခန့်ထားခြင်းခံရအောင်ကြိုးစားရတယ်။ ဒါတောင်လူတိုင်းရ တာမဟုတ်ဘူး။ အခါအခွင့်သင့်ပြီး ကံစပ်မှရတာ။ အလယ်တန်းကျောင်းအုပ်ဖြစ်ပြီး မြို့စွန်၊ ဒါမှမဟုတ် နယ်ဝေးမှာ အနစ်နာခံပြီး တာဝန်ထမ်းဆောင်ကြရတယ်။ လက်ထောက်မြို့နယ်ပညာရေးမှူးဆိုရင် လည်း အလယ်တန်းကျောင်းအုပ်ဖြစ်အောင် ကြိုးစားသေးတယ်။ အလယ်တန်းကျောင်းအုပ်ဘဝနဲ့ နှစ် အတော်ကြာအောင်အုပ်ချုပ်ရေးနဲ့ စီမံခန့်ခွဲမှုမျိုးစုံကို တာဝန်ယူရတယ်။

အဲဒီလိုအတွေ့အကြုံ၊ အရည်အချင်းတွေရှိလာပြီဆိုတော့မှ အထက်တန်းကျောင်းအုပ်ရာထူးအတွက် ကြိုးစားရတယ်။ ဌာနက သတ်မှတ်ထားတဲ့ စည်းမျဉ်းစည်းကမ်းအတိုင်းလုပ်သက် (အမှတ်) ပြည့်မီဖို့ လိုတယ်။ ဒါလဲလွယ်တဲ့ ကိစ္စမဟုတ်ဘူး။ ကံကောင်းမှ အထက်တန်းကျောင်းအုပ်ဖြစ်တာ။ အဲဒီအချိန် မှာ အသက်အရွယ်ကလည်း ၅ဝ ဝန်းကျင်ဖြစ်နေပြီ။ တချို့ဆိုရင် အသက် ၆ဝ ပြည့်ခါနီးမှ အထက် တန်းကျောင်းအုပ်ဖြစ်တယ်။ ဒီအရွယ်၊ ဒီလုပ်သက်၊ ဒီအတွေ့အကြုံတွေရှိမှ အထက်တန်းကျောင်းတစ် ကျောင်းကို နိုင်နိုင်နင်းနင်းကိုင်တွယ်အုပ်ချုပ်နိုင်စွမ်းရှိမှာပေါ့။ ဒီနေ့ Ph.D ဘွဲ့ရကျောင်းအုပ်ဆရာကြီး တွေမှာ အဲဒီအရည်အချင်းတွေရှိရဲ့လား။ စီစဉ်ညွှန်ကြားတဲ့ တာဝန်ရှိပုဂ္ဂိုလ်တွေ ဖြေကြည့်ပါ။

အထက်တန်းကျောင်းတွေမှာ Ph.D ကျောင်းအုပ်တွေ အဆင်မပြေဖြစ်နေတာ ခဏခဏကြားနေရ တယ်။ အရွယ်က ငယ်၊ အတွေ့အကြုံကမရှိ၊ လက်ထောက်ဆရာ/မကြီးတွေက မိဘအရွယ်လောက်ရှိ နေ။ ကဲ ….. စဉ်းစားသာကြည့်။ ဘယ်လိုအုပ်ချုပ်မလဲ။ ဟိုဆရာ/မကြီးတွေက အစစပိုသိ၊ ပိုတတ်နေ လေတော့ လုပ်ငန်းမှာ အဆင်မပြေမှုတွေ ကြုံရပြန်တယ်။ ကျောင်းအုပ်ကြီးက ရင်ခွင်ပိုက်ဘုရင်လိုဖြစ် နေပြီ။ ကျောင်းသားထိန်းသိမ်းတဲ့နေရာမှာလည်းမပါးနပ်ဘူး။ ကျောင်းသားတွေကို တန်းစီပြီး ပါးရိုက် တယ်ဆိုတာတွေတောင် ကြားနေရတယ်။

အမှန်က Ph.D ဘွဲ့ဟာ အုပ်ချုပ်စီမံခန့်ခွဲမှုနဲ့ လုံးဝမဆိုင်ပါဘူး။ ဘာသာရပ်ဆိုင်ရာ ကျွမ်းကျင်မှုနဲ့သာ သက်ဆိုင်ပါတယ်။ ဒါကြောင့်သင်ကြားရေးတာဝန်ကိုသာ ပေးရပါမယ်။ ခုဟာကနေရာအထားအသို လွဲနေတာ။ ဒါကလည်း Ph.D ဘွဲ့ရသူတွေရဲ့ အမှားလုံးဝမဟုတ်ဘူး။ စီမံခန့်ခွဲသူ၊ ညွှန်ကြားသူတွေရဲ့ ညံ့ဖျင်းမှုတစ်ခုပါ။ သူတို့ကိုတက္ကသိုလ်မှာ ထိုက်တန်တဲ့ သင်ကြားရေးတာဝန်သာပေးလိုက်မယ်ဆိုရင် ပညာရေးအတွက် အထောက်အကူဖြစ်မှာ သေချာပါတယ်။ ဥပမာအားဖြင့် နည်းပြရာထူး ပေးမယ့်အ စား လက်ထောက်ကထိက ရာထူးတိုက်ရိုက်ပေးလို့ရတယ်။ လိုအပ်မယ်ဆိုရင် ကထိကရာထူးအထိ တစ်ခါတည်းပေးနိုင်ပါတယ်။ မဆီမဆိုင်ကျောင်းအုပ်ရာထူးကိုတောင် တိုက်ရိုက်ပေးနိုင်သေးတာ။ တကယ်သက်ဆိုင်တဲ့ ရာထူးဘာလို့မပေးနိုင်ရမှာလဲ။ ဒါမှလည်း သူတို့ရဲ့ အရည်အသွေးတွေကို ထိုက် ထိုက်တန်တန် ပြသလို့ရမှာပါ။

တစ်ချိန်တုန်းက M.A နဲ့ M.Sc ဘွဲ့ရသူတွေကို S.A.T ရာထူးတိုက်ရိုက်ပေးတာ ရှိခဲ့ဖူးတယ်။ သိပ် ကောင်းတဲ့ အစီအစဉ်ပါ။ သူတို့တတ်ထားတဲ့ပညာတွေဟာ အထက်တန်းကျောင်းသားတွေရဲ့ ဘဝကို ထိထိရောက်ရောက်ပြောင်းလဲပေးနိုင်ပါတယ်။ သူတို့အတွက်လည်း လမ်းကြောင်းတစ်ခုဖွင့်ပေးသင့် တယ်။ လိုအပ်မယ်ဆိုရင် သင်တန်းပေးပေါ့။ ပညာရေးဘွဲ့တစ်ခုစီစဉ်ပေးလို့ရပါတယ်။ ပျက်အစဉ် ပြင် ခဏဆိုတဲ့ စကားရှိပါတယ်။ အချိန်နောက်မကျသေးပါဘူး။ လမ်းလွဲပေါ်ရောက်နေတဲ့ Ph.D ဘွဲ့ရ ပညာရှင်အထက်တန်းကျောင်းအုပ်တွေကို သက်ဆိုင်ရာတက္ကသိုလ်တွေမှာ ရှိသင့်တဲ့ရာထူးနှင့် သင် ကြားရေးတာဝန်များ ပြောင်းလဲပေးအပ်သင့်ပါကြောင်း ……။

Ref: မောက္ခ ပညာရေးမဂ္ဂဇင်း