အထုတ်သေးထဲ ပစ္စည်းများများ ထည့်နည်း

ဒါလေးကတော့ အင်တာနက်ပေါ်ကတွေ့လို့ ဒေါင်းထားတာလေးပါ... မဆိုးဘူးနော်... ကြည့်ကြည့်ပါဦး။

Galaxy Alpha

Samsung ဟာ သူရဲ့ ဖုန်းမော်ဒယ်အသစ်တစ်မျိုးကို မထုတ်လုပ်နိုင်ခင် ကြိုတင်ပြီး သတင်းများ ပေါက်ကြားမှု ဖြစ်ပေါ်လေ့ရှိပြီး ယခုအခါမှာလဲ နာမည်သစ်တစ်မျိုးပေးထားသော Galaxy Alpha အမည်ပေးထားသည့် မိုဘိုင်းဖုန်း၏ ဓာတ်ပုံများနှင့် ဖုန်းအတွင်း ပါဝင်မည့် အချက်အလက်များ ပေါက်ကြားခဲ့ပါတယ်။ 

The Inquirer ရဲ့ သတင်းတစ်ပုဒ်မှာတော့ အဆိုပါ စမတ်ဖုန်းအသစ်ကို ကြိုတင်အော်ဒါပင် လက်ခံနေပြီဖြစ်တယ် ဆိုတဲ့ သတင်းပဲဖြစ်ပါတယ်။ 

တကယ်လို့ သင်ဟာ အင်္ဂလန်မှာနေတယ်ဆိုရင် အဲဒီဖုန်းကို ကြိုတင်အော်ဒါအနေနဲ့ ဒေါ်လာ 923 (ပေါင် 549) ဖြင့် မှာယူနိုင်မယ်လို့ ဆိုပါတယ်။ အင်္ဂလန်မှာရှိတဲ့ စမတ်ဖုန်း လက်ရှိအရောင်းဆိုင်တစ်ခုဖြစ်တဲ့ Mobile Fun ၀က်ဘ်ဆိုက်မှာ ရေးထားတဲ့ သတင်းအရတော့ အဲဒီဖုန်းဟာ 32 GB မှတ်သားနိုင်စွမ်းပါရှိမယ်လို့ ဆိုပါတယ်။ 

ဖြန့်ချီမယ့်နေရက်ကိုတော့ အတိအကျဖော်ပြထားခြင်းမရှိသေးဘဲ အဆိုပါ ဖုန်းအတွင်းမှာ ထည့်သွင်း အသုံးပြုမည့် အချက်အလက်များအဖြစ် Samsung ရဲ့ Octa-core Exynos 5 processor ကို အသုံးပြုမည်ဖြစ်ပြီး Fingerprint Scanner ကိုလည်း ထည့်သွင်းထားတယ်လို့ဆိုပါတယ်။ မျက်နှာပြင်အကျယ် 4.7 လက်မရှိမှာဖြစ်ပြီး 1280 x 720 pixels အချိုးရှိမယ်လို့ဆိုပါတယ်။ 

ကင်မရာကတော့ 12 MP ကင်မရာပါဝင်မှာဖြစ်ပြီး ကင်မရာလုပ်ဆောင်ချက်များစွာထည့်သွင်းထားတယ်လို့ ဆိုပါတယ်။ 

အဆိုပါ MobileFun ရဲ့ ၀က်ဘ်ဆိုက်မှာတော့ မိုဘိုင်းဖုန်းရဲ့ ဓာတ်ပုံကို တင်ထားခြင်း မရှိပါဘူး။ 

Yangon Media Group

EBOLA သို့မဟုတ် ခေတ်သစ်သေမင်းတမန်

Ebola virus သည် သဘာဝ တိရိစ္ဆာန်များ မှတဆင့် လူ ကို ကူးဆက်တတ်သော ဗိုင်းရပ်စ် ပိုး ဖြစ်ပြီး ကူးစက်ခံရပါက အသက်ဆုံးရှုံး နိုင် ခြေ မှာ ရာနှုန်းပြည့် ဖြစ်ပါသည်။ ကူးစက်ခံရပါက ရက်ပိုင်းအတွင်း သေဆုံးနှုန်းပါသည်။

Ebola virus အကြောင်းသိရှိရန် နှင့် ထိုရောဂါ ပိုး ကို ကာကွယ်ရန် အကျဉ်းချုပ် ဖော်ပြ လိုက်သည်။

World Health Organization နှင့် အမေရိကန်ေ၇ာဂါ ထိန်းချုပ် ကာကွယ်ရေး ဌာန(CDC) တို့ ချ မှတ် ထားသော လမ်းညွှန် ချက် များ နှင့် Ebola virus လက္ခာဏာ များ အား ဖော်ပြလိုက်ပါသည်။

★ ★ လမ်းညွှန်ချက်များ★ ★ 

Ebola virus အတွက် ကာကွယ်ရန် ဆေးမရှိပါ။

ရောဂါကူးစက်ခံထားရသူ၏ ခန္ဓာကိုယ် မှ ထွက်သော အရည်များနှင့် တိုက်ရိုက်ထိတွေ့မှု ရှိခြင်းကြောင့် (သို့မဟုတ်) ရောဂါကူးစက်ခံထားရသူ အတွက် အသုံးပြုထားသည့် ဆေးထိုးအပ်များ ကဲ့သို့သော ပစ္စည်းများနှင့်ထိတွေ့မိခြင်း။

Ebola virus ရောဂါကူးစက်ခံထားရပြီး ရောဂါ လက္ခဏာ မပြမီ အခြားသူ တစ်ဦး ထံ ရောဂါ ကူးစက် ခြင်း မရှိပါ။

Ebola virus သည် ခန္ဓာကိုယ် မှ ထွက်သော အရည်များ ဖြစ်သည့် ချွဲ သလိပ် နှပ် နှာရည် သုက် တံတွေး သွားရည်၊ ချွေး၊ အန်ဖတ်၊ မစင်၊ သွေး တို့ မှတဆင့် ကူးစက် နိုင် ပါ သည်။

Ebola virus ကူးစက်ခံထားရသူ အများစုမှာ Ebola virus ကူးစက်ခံထားရသည့် ရောဂါ လက္ခဏာ ပြနေသော လူနာများ ကို ပြုစုပေးသူ သို့မဟုတ် အတူနေထိုင် သူ များ ဖြစ်သည်။

ရောဂါလက္ခဏာ ပြန်ကောင်းလာသော လူထံမှလည်း သု က်ရည် မှ တဆင့် ပြန်ကောင်းပြီး ရက်သတ္တပါတ် ခုနှစ်ပါတ် အထိ အခြားလူ တစ်ဦး ဆီသို့ ကူးစက်နိုင်သေးသည်။

Ebola virus ပိုး ကူးစက်ခံရပြီး ထိုရောဂါ ဖြင့် သေဆုံး သူ များ၏ အသုဘ အတွက် ပြင်ဆင်ပေးစဉ် သို့မဟုတ် မြှပ်နှံစဉ်တွင် ရောဂါ ပိုး ကူးစက် နိုင်ပါသည်။

Ebola virus ပိုး ကူးစက်ခံထားရ သော တိရိစ္ဆာန်တို့ ၏ သွေး နှင့် ခန္ဓာကိုယ် အစိတ်အပိုင်းများသို့ ၎င်းတို့၏ ခန္ဓာကိုယ် မှ ထွက်သောအရည် များ နှင့် အနီးကပ် ထိတွေ့မိသော လူများကို ကူးစက် နိုင်ပါသည်။

အသီးစား လင်းနို့ များမှာ Ebola virus လက်ခံကောင်များ ဖြစ်ပါ သည်။

★ ★ကာကွယ်ရန်★ ★

• Ebola virus ရောဂါပိုး ကူးစက်ခံထား သူ၏ ကိုယ်ခန္ဓာ မှ ထွက် သော အရည်များ ကို တိုက်ရိုက် မထိတွေ့ရ။
• Ebola virus ရောဂါကူးစက်ခံထားရသူ အတွက် အသုံးပြုထားသော ဆေးထိုးအပ်များ ပစ္စည်းများ မထိစေရ။
• Ebola Virus ရောဂါ ကူးစက်ခံရပြီး သေဆုံး သူ ၏ အ လောင်း ကို မထိစေရ။
• အသားစိမ်း စားခြင်း ကို ရှောင် ကျဉ်ရမည်။
• ၀က်(သို့)မျောက် များ Ebola virus ကူးစက်နေသည်ဟု သံသယ ရှိပါက ယင်းနေရာ ကို ချက်ခြင်း အလုံပိတ်ပြီး ကူးစက်ခံထားရ သော တိရိစ္ဆာန် ကို သတ်ပစ်ရမည်။
• အသေကောင်ကို မြေ မြှပ်ရန် သို့မဟုတ် မီးသဂြိုလ် ရန် သေချာစွာ လုပ်ဆောင်ရမည်။

★ ★ ရောဂါလက္ခာဏာများ ★★ 

✔ အဖျားတက်ခြင်း

✔ ခေါင်းကိုက်ခြင်း

✔ အဆစ်အမြစ် ကြွက်သား များ ကိုက်ခဲ နာကျင်ခြင်း

✔ အားနည်း ခြင်း

✔ ၀မ်းလျှောခြင်း

✔ အော့အန် ခြင်း

✔ ဗိုက်နာခြင်း

✔ အစာစားချင်စိတ်မရှိခြင်း

✔ တခါတရံ သွေးထွက်ခြင်း

✔ ခန္ဓာကိုယ်အတွင်းရှိ ကလီစာ များ ပျက်စီး ခြင်း

Credit - Original Writer

နောက်ဆက်တွဲ သတင်းများ

၂၀၁၄ ခုနှစ်၏အီဗိုလာ ဗိုင်းရပ်မြစ်ဖြားခံရာ Guinea နိုင်ငံမှတဆင့် ရောဂါဝေဒနာ ခံစားရသူများ ခရီးသွား သောကြောင့် ထိုနိုင်ငံ၏ အိမ်နီးခြင်းနိုင်ငံများဖြစ်သော Liberia နှင့် Sierra Leone တို့အား အလျှင်အမြန် ကူးဆက်လျှက် ရှိသည် ။
အဆိုပါ ၃ နိုင်ငံတွင် ၂၀၁၄ မတ်လ မှ စတင်ကာယနေ့အထိ လူဦးရေ ၁၂၀၀ ကျော်အား ကူးစက်နေပြီး - ၇၀၀ နီးပါးသေဆုံးခဲ့ပြီဖြစ်သည် ။၎င်းသည် နှစ် ၄၀ အတွင်း အဆိုးဝါးဆုံးသော ဗိုင်းရပ်ကူးစက် သေဆုံးမှုဖြစ်ကြောင်း WHO မှထုတ်ပြန်ခဲ့ရသည် ။
ရောဂါဆိုးဝါးသော ဒေသများသို့ ဆေးကုသပေးရန် ရောက်ရှိနေသော အထူးကု ဒေါက်တာတစ်ဦးအပါအဝင် နိုင်ငံခြားသား လုပ်အားပေး ၂ ဦးရေဂါကူးစက်ခံရသည်ဆိုသောအခါ ကမ္ဘာနိုင်ငံများကြား အီဗိုလာ သည် အထူး သတိထားကိုင်တွယ်ရမည့် ကြောက်စရာအကောင်းဆုံး ကူးစက်ဗိုင်းရပ်ဖြစ်လာခဲ့သည် ။
အဆိုပါ ၃ နိုင်ငံသို့ စိုက်ပျိုးရေး ၊ ကျမ်မာရေ ၊ ပညာရေ တို့အတွက် လုပ်အားပေး ရောက်ရှိနေသော အမေရိကန် နိုင်ငံသား ၃၀၀ ကျော်ကို ယခု အခါ အမေရိကန် က ပြန်လည်ခေါ်ယူနေပြီဖြစ်သည် ။
ယခု အမေရိက နိုင်ငံ ၊ လန်ဒန် ၊ ဥရောပနိုင်ငံများ ၊ တရုတ် ၊ ဖိလစ်ပိုင် တို့တွင် ရောဂါလက္ခာများစတင်တွေ့ရှိကြောင်း ယနေ့သတင်းစာများတွင်ကြော်ငြာအပြီး နိုင်ငံတကာလေကြောင်းလိုင်းများသည် အဆိုပါ အီဗိုလာရောဂါအား စောင့်ကြည့်ဖြေရှင်းရန် အထူး ဆွေးနွေးပွဲများဖြင့် စတင်နေရပြီဖြစ်သည် ။

ရောဂါကူးစက်တဲ့ နိုင်ငံမှာ ဘာတွေဖြစ်နေပြီလဲ

Guinea, Liberia, Sierra Leone စသည့် အီဗိုလာ အဆိုးဆုံးကူးစက်ရာ ၃ နိုင်ငံတွင် ကျောင်းအားလုံး ပိတ်ပစ်ရပြီဖြစ်သည် ။
အဆိုပါနိုင်ငံ ၃ ခု၏ ဒေသ အချို့တွင် ရောဂါထိန်းချုပ်နိုင်မှု မရှိတော့ပဲ ဆိုးဝါးစွာကူးစက်ပြီနေပြီဖြစ်ကြောင်း သိရသည် ။ ရောဂါကူးစက်မှုသည် ထိန်းချုပ်ကိုင်တွယ်နိုင်သည့်အဆင့်တွင်မရှိတော့ပါ ။ အခြေအနေ အလွန်ဆိုးဝါးနေပြီဖြစ်ကြောင်း ယေနေ့ နိုင်ငံတကာသတင်းဌာနများကကြော်ငြာသည် ။
အခြေအနေ ကောင်းမလာပဲ ပိုမိုးဆိုးဝါးကာ ကူးစက်သူ ၂.၅ ဆနှုန်းဖြင့် တိုးပွာလာကြောင်း ကြောက်မက်ဖွယ်သိရှိခဲ့ကြရသည် ။
Sierra Leone နိုင်ငံရှိ အီဗိုလာရောဂါ အတွက် အထူးကုသနေရသော ထိပ်တန်း ဆရာဝန် တစ်ဦးသည်ယခု အီဗိုလာရောဂါကူးစက်ခံရကာ သေဆုံးခဲ့ပြီးဖြစ်သည် ။
အမေရိကန် နိုင်ငံသား ကနေဒါမှ အဆိုပါ ၃ နိုင်ငံသို့ ရောဂါကုပေရန် လုပ်အားပေး သွားရောက်သော ဆရာဝန်တစ်ဦးသည်လည်း ယခုအခါ ရောဂါကူးစက်ခံနေရပြီဖြစ်ကြောင်းတွေ့ရှိသောအခါ အီဗိုလာသည် ကမ္ဘာကိုခြိမ်းခြောက်နေသော ဗိုင်းရပ် အဖြစ် သတ်မှတ်ရတော့သည် ။
အဆိုပါ နိုင်ငံ ၃ နိုင်ငံ၏ ရောဂါကူးစက်ပျံ့ပွားမှု ထိန်းချုပ်ရေးသည် ယနေ့ ကမ္ဘာအရေးဖြစ်လာခဲ့သည် ။
Liberia နိုင်ငံတွင်မူ ကျောင်းအားလုံး အကန့်အသတ်မရှိ ပိတ်ထားပြီး အစိုးရဝန်ထမ်းအားလုံး ခွင့် ရက် ၃၀ ပေးကာ လုပ်ငန်းအားလုံး ရပ်ဆိုင်းထားရပြီဖြစ်သည် ။
Togo အခြေစိုက် pan-African လေကြောင်းလိုင်းဖြစ်သော ASKY, လေကြောင်းလိုင်းသည် အဆိုပါ ၃ နိုင်ငံမှ အခြား နိုင်ငံ ၂၀ သို့ ပြေးဆွဲပျံသန်းနေသောလေကြောင်းဖြစ်ပြီး ယခု ASKY၏ လေကြောင်းအားလုံး ရပ်ဆိုင်းထားရပြီဖြစ်သည် ။
အသက် ၄၀ ရှိ Liberia နိုင်ငံသားတစ်ဦး Nigeria သို့သွားရောက် လည်ပတ်အပြီး သေဆုံးခဲ့ကာ အဆိုပါသေဆုံးမှုသည် အီဗိုလာဗိုင်းရပ်ကြောင့် ဖြစ်ကြောင်း အတည်ပြုအပြီး Nigeria နိုင်ငံတွင် ယခု စောင့်ကြည့်ကွပ်ကဲမှုများပြုလုပ်နေရပြီဖြစ်သည် ။
လေကြောင်းလိုင်းများသည် နိုင်ငံတကာသို့ရောဂါကူးစက်စေသော ရေသောက်မြစ်ဖြစ်လာသောအခါ IATA သည် လေကြောင်းလိုင်များအား ထိရောက်စွာ ထိန်းချုပ်သွားရန် ယခု စတင်ဆောင်ရွက်ပြီဖြစ်သည် ။
ယနေ့မှစတင်ပြီး နေ့စဉ်ရောဂါ ပျံနှုံမှုကို စောင့်ကြည့်ကာ ဖြစ်ပွားသည့် နေရာများသို့ ပျံသန်သောလေကြောင်းများကို တားမြစ်သွားမည်ဖြစ်ကြောင်း နိုင်ငံတကာလေကြောင်းထိန်းချုပ်ရေး အေဂျင်စီသည် ယနေ့ကြော်ငြာချက်ထုတ်ပြန်ခဲ့ရပြီဖြစ်သည် ။

======================================================

လိုက်ဘေးရီးယားတွင် အီဘိုလာကြောင့် ဆရာဝန် ၆၀ ကျော်သေဆုံး၊ ကျန်မာရေးဌာနများပိတ်

အနောက်အာဖရိကနိုင်ငံတွေက ကျန်းမာရေးစောင့်ရှောက်မှုစနစ်တွေကြောင့် အစိုးရတွေ ဟာ အီဘိုလာဗိုင်းရပ်စ် ထိန်းမရအောင် ကူးစက်နေတာကို ရပ်တန့်ဖို့ အလူးအလဲ ကြိုးစားနေပါတယ်။
လိုက်ဘေးရီး ယားနိုင်ငံ ဆေး ဘက်ဝန်ထမ်းတွေဟာ အလုပ်ကို လာဖို့ ကြောက် လန့်နေကြတဲ့အတွက် ကျန်းမာရေးဆေး ကုဌာနအများအပြားကို ပြီးခဲ့တဲ့ သြဂုတ် ၄ ရက်နေ့က ပိတ်လိုက်ပါတယ်။

လိုက်ဘေးရီး ယားနိုင်ငံတွင်း ရောဂါကူးစက်မှုကို ထိန်းချုပ်ဖို့ ကြိုးစားရင်း အီဘိုလာ ကူးစက်လို့ ဆရာဝန်အယောက် ၆၀ ကျော် သေဆုံးခဲ့ပါတယ်။

အီဘိုလာဗိုင်းရပ်စ် ကူးစက်မှု ကပ်ဘေးဟာ ကျန်းမာရေးစနစ် အားနည်းမှုကြောင့် ထိန်းချုပ်နိုင်တာထက် ပိုပျံ့နေတယ်လို့ ကမ္ဘာ့ကျန်းမာရေးအဖွဲ့ကြီးက အရင်အပတ်က သတိပေးခဲ့တယ်။

ဆီရီယာလီယွန်နဲ့ လိုက်ဘေးရီးယားနိုင်ငံမှာ အီဘိုလာရောဂါ ကူးစက်ခံထားရတဲ့ ရပ်ကွက်တွေကို သီးသန့်ထားဖို့ သြဂုတ် ၄ ရက်နေ့က ရာနဲ့ချီတဲ့ စစ်သားတွေကို တာဝန်ချ ထားရပါတယ်။

အဆိုးရွားဆုံး ကူးစက်မှုကြောင့် သေဆုံးသူ ၈၈၇ ယောက်ရှိပြီး နိုင်ဂျီးရီးယားနိုင်ငံမှာတော့ ကူးစက်မှုအသစ် ၃ ခု ထပ်ဖြစ်တယ်လို့ အစီရင်ခံထားပါတယ်။

လိုက်ဘေးရီးယားနဲ့ဆီရီယာလီယွန် ၂ နိုင်ငံလုံးက အီဘိုလာရောဂါကု ထိပ်တန်းဆရာဝန်တွေလည်း လူနာအများအပြားကို ကုသအပြီး ဒီရောဂါနဲ့ပဲ အသက်ဆုံးရှုံးခဲ့ပါတယ်။

နှစ်နိုင်ငံလုံးက ကျန်းမာရေးစောင့်ရှောက်မှု ပေးနေတဲ့ ၀န်ထမ်းတွေကတော့ လူနာတွေကို ကိုင်တွယ်ကုသဖို့၊ သူတို့ကိုယ်သူတို့ ကာကွယ်ဖို့၊ အစိုးရတွေဆီက လုံလောက်တဲ့ အထောက်အပံ့ မရဘူးလို့ ပြောပါတယ်။

အရာရှိတွေကတော့ အီဘိုလာပျံ့နှံ့မှုကို ထိန်းချုပ်ဖို့ကိုသာမက ဒေသခံတွေရဲ့ မယုံကြည်မှုတွေကိုပါ ကိုင်တွယ်ဖြေရှင်းနေရတာပါ။

အစိုးရက ဂျွန်ဆင်ဗေလီရပ်ကွက်မှာ အီဘိုလာကူးစက်ခံတွေကို မြေမြှုပ်ဖို့ နေရာစီစဉ်ပေးရေး ကြိုးစားခဲ့လို့ အနားက ဒေသခံတွေ ဆန္ဒပြခဲ့ပါတယ်။ တပ်တွေကလည်း အရေးပေါ် အခြေအနေ ကိုင်တွယ်မှုကို ကူညီဖို့ အားဖြည့်နေရပါတယ်။

အီဘိုလာဗိုင်းရပ်စ်ဟာ ကူးစက်ခံရသူရဲ့ ကိုယ်က ထွက်တဲ့ အရည်တွေကို တိုက်ရိုက်ထိတွေ့မှုကနေတဆင့် ကူးစက်နိုင်ပြီး ရှူသွင်းတဲ့လေ ဒါမှမဟုတ် ရိုးရိုးထိတွေ့မှုကနေ တဆင့် မကူးစက်နိုင်ပါဘူး။

ကူးစက်ခံရသူ သေဆုံးနှုန်း ၉၀ ရာခိုင်နှုန်း ရှိတဲ့ အီဘိုလာဟာ လောလောဆယ်မှာတော့ ကူးစက်ခံရသူ သေဆုံးနှုန်း ၆၀ ရာခိုင်နှုန်းဝန်းကျင်မှာ ရှိနေပါတယ်။

ရောဂါလက္ခဏာတွေက အော့အန်ပြီး ၀မ်းလျော့တာနဲ့ ကိုယ်တွင်းကိုယ်ပြင်သွေးထွက်တာ တွေ ဖြစ်လေ့ရှိတာ ဖြစ်ပါတယ်။

ကူးစက်ခံရပြီးနောက် ကျန်းမာရေးစောင့်ရှောက်မှု သေသေချာချာ မခံရရင် ၂ ရက်ကနေ ၂၁ ရက်အတွင်း သေဆုံးနိုင်ပြီး ကုသဆေးနဲ့ ကာကွယ်ဆေးပါ မရှိသေးပါဘူး။

ဆူးလေစေတီတော် သမိုင်း

တည်နေရာ - မြို့တော်ခန်းမအနီး၊ ဆူးလေဘုရားလမ်းနှင့် မဟာဗန္ဓုလ လမ်းဆုံ(မြို့တော်ခန်းမအနီး)တွင် တည်ရှိသည်။

ဉာဏ်တော် ၁၅၁-ပေ ကျော်ကြားမှု- ကပ်ကျော်ဘုရား

သမိုင်းကြောင်း

သီဟဒီပမင်းကြီးသည် ရဟန္တာအရှင်သူမြတ်တို့၏ သာသနာပြု ရည်မှန်းချက်အတိုင်း သာသနာတော် ထွန်းကားပြန့်ပွားရေးအတွက် အမတ်သူရဲကောင်းများအား လမ်းညွှန်ချက်ပေး၍ သာသနာခရီးကို စီစဉ်ပေးခဲ့သည်။ အမတ်သူရဲကောင်းတို့သည်လည်း ဘုရင်ညွှန်ကြားချက်အတိုင်း ဗုဒ္ဓမြတ်စွာ၏ ဓာတ်တော်၊ ဆံတော်များအား ပင့်ဆောင်၍ ရွှေတိဂုံ စေတီတော် ကြီးတည်ရာ သိင်္ဂုတ္တရ ကုန်းတော်ပတ်လည်တွင် စေတီတော်များ တည်ထားကိုးကွယ်ရန် ကြိုးစားစွမ်းဆောင်မှုများ ပြုခဲ့ကြသည်။ သမိုင်း အထောက်အထားများအရ ဆူးလေစေတီ တော်အား အသုတ်အမတ် ကြီး တည်ထားသည်ဟုသိရ၏။ သူရဲကောင်း အသုတ်အမတ်ကြီး တည်ထားသဖြင့် သမိုင်းအချို့တွင် “ကျိုက်အသုတ်” ဘုရားဟုတွေ့ရ၏။ ကျိုက် - ဘုရား၊ အသုတ် - အမတ်ကြီးဟု အဓိပ္ပါယ်ရ၏။ အသုတ်အမတ်ကြီး ဘုရား ဟုဖွင့်ဆိုရမည်ဖြစ်၏။ သို့နှယ်ပင် အချို့ပညာရှင်တို့က အသုတ်ဟူသည်မှာ ဆံတော်ဟု ဖွင့်ဆိုကြသဖြင့် “ဆံတော်ဘုရား” ဟု ခေါ်ဆိုနိုင်၏။

သို့နှယ်ပင် အချို့သမိုင်းပညာရှင်တို့က ဥက္ကလာပမင်းကြီး ရွှေတိဂုံဆံတော်ရှင်တည်ထားရာ သိင်္ဂုတ္တရ ကုန်းတော် အားရှာဖွေစဉ် စုဝေးတိုင်ပင်ရာဌာနဖြစ်သဖြင့် “စုဝေးစေတီ”ဘွဲ့မည် တွင်သည်ဟုလည်း ဆိုကြ၏။ ဤကဲ့သို့ပင် အချို့က ဘဒ္ဒကမ္ဘာ၌ ပွင့်တော်မူမည့် ဘုရားရှင်တို့အား မီလိုက်သည့် လေးဆူနတ်ကြီးတို့၏ စုဝေးနေရာ၌တည်ထားသောကြောင့် “လေးဆူစေတီ” ဟုခေါ်တွင် ကြသလို ကာလရွေ့လျားခဲ့ပြီး ပဋိလောမပြန်၍ “ဆူးလေစေတီ” ဟုခေါ်တွင်သည်ဆိုကြ၏။ မည်သို့ဖြစ်စေ ဆူးလေစေတီသည် ရွှေတိဂုံ စေတီတော် ကြီး၏ တောင်ဘက်အရှေ့သို့ စဉ်းငယ်ယွန်း သည့်တာ (၉၀၀) ခန့်အကွာ တောင်ကုန်းအမြင့် တွင်တည်သည်ကမူအမှန်ပင်။

ဆူးလေစေတီတော်၏ ပရိဝှုဏ် အကျယ်အ၀န်းမှာ (၂.၁၈၁)ဧကရှိပြီး အရှေ့နှင့် အနောက်အလျားပေ (၃၂၂)ပေ တောင်မြောက် အလျားပေ (၂၉၁)ပေ၊ ရင်ပြင်မှငှက်မြတ်နား စိန်ဖူးတော်အထိ ဉာဏ်တော်ပေ (၁၅၁)ပေအမြင့်ရှိသည်။ ဆူးလေစေတီတော်သည် ပန်းတင်ခုံဖိနပ်တော်မှစ၍ ငှက်ပျောဖူး အထိ ရှစ်မြှောင်ကိုယ်ထည်ရှိသည်။ အရပ်ရှစ်မျက်နှာ ပူဇော်ခံရာအဖြစ်ရည်မှန်းဟန်တူသည်ဟု ဖွင့်ဆိုကြ၏။ ပန်းတင်ခုံ၊ ဖိနပ်ခုံ၊ ရှစ်ထောင့်မှာ မဂ်္ဂင် တရား ရှစ်ပါးအားရည်မှန်းခြင်းဖြစ်၏။ ကြာဝန်းသုံးရစ်ပါရှိရာ ရတနာသုံးပါးကို ညွှန်းသည်ဟု ဖွင့်ဆိုနိုင်၏။ ခေါင်းလောင်း သပိတ်မှောက်မှာ အရိယာတို့၏ ကျင့်စဉ်ဖြူစင်သည့် ဘ၀ကိုရည်မှန်းခြင်းဖြစ်၏။ ဖောင်းရစ်ကိုးရစ် ပါရှိနေခြင်းသည် လောကုတ္တရာကိုးပါးအား ရည်မှန်းခြင်းဖြစ်၏။ ကြာမှောက်ကြာလှန်၊ ငှက်ပျောဖူးတော်၊ ငှက်မြတ်နားတော် တို့မှ ဗုဒ္ဓဓမ္မစက်တော်သန့်စင်မွန်မြတ်ခြင်းဟု လောကုတ္တရာ တရားအလုံးစုံအား လောကီအမြင်နှင့် စပ်ဟပ် ပေါင်းစပ်ပြီး ရှေးခေတ်ဗိသုကာပညာရှင်များ တင်စားခဲ့သည်ဟု ဆိုရမည်ဖြစ်၏။

သိဖွယ်မှတ်ဖွယ်များ

ဆူးလေစေတီတော်သည် အလောင်းမင်းတရားကြီး ရာမညတိုင်းအား သိမ်းပိုက်စဉ် ဒဂုံမြို့သို့ ၀င်ရောက်နားတော် မူသည့်အခါ ဒဂုံမြို့သည် ယာတောမြေအဖြစ်ရောက်နေပြီဆိုရမည်။ အလောင်းမင်းတရားကြီးသည် ၁၇၅၅-ခုနှစ်၌ ရွှေတိဂုံစေတီတော်အား ဖူးမြင်ပြီး ရန်အပေါင်း ကုန်သော နိမိတ်အဖြစ် ဒဂုံမြို့အား ““ရန်ကုန်မြို့””ဟု ဘွဲ့မည်တပ်ပြီး မြို့သစ် တည်ခဲ့၏။ အလောင်းမင်းတရားတည်သည့် ရန်ကုန်မြို့သည် အကျယ် အ၀န်းအားဖြင့် (၁၁၁၉)တာခန့် ကျယ်ဝန်း၏။ ရန်ကုန်မြို့အား သစ်တပ်မြို့အဖြစ် ကျုံး၊ မြောင်၊ တံခါး၊ ပြအိုး စသော မြို့အင်္ဂါနှင့် တည်ခဲ့သည်။ နယ်နိမိတ်အကျယ်အ၀န်းမှာ မြောက် ဘက်တွင် ဆူးလေဘုရား တောင်ဘက်တွင် ရန်ကုန်မြစ်၊ အရှေ့ဘက်၌ ကုန်သည်လမ်းဝန်းကျင်၊ (ဂျူဒါအီစကယ်လမ်း) အနောက်ဘက်တွင် လမ်း(၃၀)သို့မဟုတ် စစ်ကဲမောင်ထော်လေးလမ်း ၀န်းကျင်ဖြစ်၏။

ထိုစဉ်က ဆူးလေစေတီတော်သည် သစ်တပ်မြို့ရိုး အပြင်တွင် ရှိပြီးရေပတ်လည်ဝိုင်းရံလျှက် ရှိသည်။ ကုန်းမြင့်ပေါ်မှ စေတီတစ်ဆူအဖြစ်ရှိနေ၏။ အလောင်းဘုရားမြို့တည်စက လူဦးရေ တစ်သောင်းခန့်သာရှိသော်လည်း ပင်လယ်ဆိပ်ကမ်းမြို့ဖြစ် ခဲ့သည်အလျှောက် လူဦးရေတိုးတက်လာသည့် အလျှောက် ကူးသန်းရောင်းဝယ်ရေး လုပ်ငန်းများကြီးထွားလာပြီး အချက်အခြာဒေသဖြစ်လာခဲ့၏။ မြန်မာသက္ကရာဇ် (၁၂၀၃)ခုနှစ်၊ ရွှေဘိုမင်း(ခ) ဟံသာဝတီမင်း(ခ) ကုန်းဘောင်မင်း၊ အမရပူရမြို့တော်မှ ဒဂုံ(ရန်ကုန်)သို့ ကြည်းကြောင်းရေကြောင်းနှင့် မဟာဗျူဟာ နည်းဗျူဟာ အပြည့်နှင့် ကြွချီခဲ့၏။ ထိုစဉ်က ရွှေဘို(ခေါ်) သာယာဝတီမင်းနှင့် အလောင်းဘုရားတည်ထားခဲ့သည့် ရန်ကုန်မြို့အား တိုးချဲ့လျှက် အောင်မြေရန်နှင်းမြို့သစ် အဖြစ် ကမ္ဗည်းတင်ခဲ့သည်။ ထိုအခါ ဆူးလေစေတီသည် မြို့သစ်နယ်နိမိတ်အတွင်းသို့ ရောက်ခဲ့၏ ဆူးလေစေတီ၏ ၀န်းကျင်တွင် ရွံ့ဗွက်၊ ရေအိုင် နှင့်တောချုံများ ထူထပ်စွာပေါက်ရောက်နေ၏။ ဒီရေအတက်အကျ ဖြစ်ပေါ်၍ စေတီတော်ဝန်းကျင်ကို ဒီရေလွှမ်းမိုးမှု ရှိခဲ့သည်။ စေတီအနီးဝန်းကျင်ရှိ ဗွက်တောများ အလယ်၌ပင် ဗုဒ္ဓဘာသာ ဘုန်းကြီးကျောင်းများတည်ရှိခဲ့သည်ဟုဆို၏။ သစ်ပင်များ အုပ်အုပ်ဆိုင်းဆိုင်းရှိသဖြင့် ရေပြင်ကျယ်နှင့် ကြည်နူးဖွယ် အေးချမ်းနေသည်ဟုဆို၏။

ဆူးလေစေတီ၏ အနောက်ဘက်စောင်းတန်းသည် ယခုတည်ရှိသည့် ဆက်သွယ်ရေးရုံးအထိရှိသည်ဟု ဆို၏။ မြန်မာ သက္ကရာဇ် (၁၂၁၄)ခုနှစ် အင်္ဂလိပ်မြန်မာ ပထမစစ်ပွဲပြီးချိန်အထိ ဗန္ဓုလပန်းခြံ၏ တောင်ဘက်ကျွန်းနေရာများသည် ရေလယ်ကျွန်း ဖြစ်နေသည်။ ဆူးလေဘုရားသို့ကူးရန် ကျောက်တံတား တစ်ခုတည်ဆောက်ထားသည်ဟု အဆိုရှိ၏။ ရေလယ်ကျောင်းများ ယခင်က ဆူးလေလမ်းကိုလျှောတန်းလမ်းဟု ခေါ်ခဲ့ပြီးနောင်တွင် ဆူးလေဘုရားလမ်းဟု တွင်ခဲ့၏။ ကျောက်တံတားလမ်း ဟု ခေါ်လည်းရှိ၏။ ထိုစဉ်က ဆူးလေစေတီတော်၏ အနောက်တောင်ဘက် မနီးမဝေးတွင် ကျိုက်မဲ သံကရော(ခေါ်) ကျိုက်မြတ်သံချို စေတီနှင့် ရဟန္တာသိမ်တော်ကြီးလည်းရှိသဖြင့် ဘုရားဖူးများ စည်ကား နေသည်ဟုဆို၏။

အင်္ဂလိပ်မြန်မာဒုတိယစစ်ပွဲအပြီး၌ အင်္ဂလိပ်တို့သည် ရန်ကုန်မြို့အား အစိုးရရုံးစိုက်ရာဟု သတ်မှတ်ခဲ့၏။ ထို့အတူ ကော်မရှင်နာမင်းကြီး ဆာအာသာဖယ်ရာကာမြို့သစ်တည်ရန် အမိန့်နှင့် အတူတောင်ကုန်းဖြိုခြင်း၊ အနိမ့်ပိုင်းမြေဖို့ခြင်း၊ လမ်းဖောက်ခြင်းများပြုခဲ့သလို စေတီပုထိုးများ၊ ဘုန်းတော်ကြီး ကျောင်းများအား ဖြိုဖျက်ခဲ့သည်။ မြို့ကွက်နှင့် မလွတ်ဟု အကြောင်း ပြကာ ဆူးလေ၀န်းကျင်ရှိ ဘုန်းတော်ကြီးကျောင်း(၅၀)အား သရက်ဥယျာဉ်တည်ရှိရာသို့ ဖယ်ရှားပြောင်းရွှေ့ခဲ့၏။ အင်္ဂလိပ်နယ်ချဲ့တို့သည် ကျိုက်မြတ်သံချို စေတီအား ဖြိုဖျက်ခဲ့ပြီးနောက် တဆင့်လှမ်းတက်ခါ ဆူးလေစေတီကြီးအား ဖြိုဖျက်ရန် ကြိုးပန်းကြ၏။ အာဏာပိုင်တို့အား ဆူးလေစေတီသည် လမ်းဆုံလမ်းခွတွင်ရှိသည့် စေတီဖြစ်သဖြင့် ဖြိုဖျက်သင့်သည်ဟု တင်ပြကြ၏။

သို့သော် အင်္ဂလန်တွင်ရှိသည့် ၀ိတိုရိယ ဘုရင်မကြီးက `ဆူးလေစေတီသည် ထူပါစေတီဖြစ်သဖြင့် မတူးဖြို၊ မဖျက်ဆီးရ ဆူးလေစေတီအားကွေ့ပတ်သွားရမည်´ဟု အမိန့်ပြန်ကြားခဲ့၏။ ယင်းသို့ ပြန်ကြားသော်လည်း အင်္ဂလိပ်နယ်ချဲ့တို့သည် လုပ်ပိုင်ခွင့် အာဏာကို အသုံးပြု၍ ဆူးလေစေတီတော် ၀တ်္တကမြေဖြစ်သည့် ကုန်းတော်အောက်ခြေများအား တူးဖြိုဖဲ့ချကြ၏။ မြေညှိပြီး ၀တ္တကမြေကို မြို့သစ်အတွင်းထည့်ခဲ့၏။ ထို့ကြောင့် ဆူးလေစေတီသည် မှန်ကူကွက်သဏ္ဍာန် ကုန်းတော်ငယ်ဖြစ်နေခြင်းဖြစ်၏။ ဆူးလေစေတီတော်၏ ခြေတော်ရင်း ပတ်လည်တွင်ရှိသည့် ဂန္ဓကုဋိတိုက် တန်ဆောင်းနှင့် စောင်းတန်းစသည့် သာသနိက အဆောက်အအုံများ ပျက်စီးခဲ့ရ၏။ နယ်ချဲ့အာဏာပိုင်များ၏ ဈေးပြိုင်စနစ်ဖြင့် ရောင်းချမှု ကြောင့် ဗန္ဓုလပန်းခြံ(ယခင်ဖိုက်စကွဲယားပန်းခြံ) ဗလီကြီး၊ မြို့တော်ခန်းမ စသည့်အဆောက်အဦးများ ပေါ်ပေါက်ခဲ့ရ ခြင်းဖြစ်သည်။

ဆူးလေဘိုးဘိုးကြီး သမိုင်း

ဤဘဒ္ဒကမ္ဘာတွင် ပွင့်ခဲ့သည့် မြတ်စွာဘုရားရှင် လေးဆူအားမှီလိုက်သည့် သက်တော်ရှည် ““လေးဆူနတ်ကြီး”” ဟု သမိုင်းစဉ်များတွင် တွေ့ရသည်။ လေးဆူနတ်ကြီးသည် ရွှေတိဂုံစေတီတော်အား တည်ထားကိုးကွယ်ရန် နေရာဖြစ်သည့် သိင်္ဂုတ္တရကုန်းမြေအား ညွှန်ပြပေးခဲ့သည့် ဘိုးဘိုးကြီးများအနက် တစ်ပါးဖြစ်၏။ ယခင်က လေးဆူနတ်ကြီး ဟုလူသိများခဲ့ပြီး ထိုနေရာတစ်ဝိုက်တွင် နေထိုင်သူများ၏ ကိုးကွယ်ဆည်းကပ်မှုကို ခံခဲ့ရသည်။ ယုံကြည်မှုလွန်ကဲသည့် မြန်မာလူမျိုးများသည် ယုံကြည်မှုနှင့်အတူ အားကိုးအားထား ပြုခဲ့သည်လည်း ရှိသည်။ လုပ်ငန်းဆောင်တာ လုပ်ကိုင်ရာတွင်ဖြစ်စေ၊ အခက်အခဲ ကြုံခဲ့သည့်အခါတွင်ဖြစ်စေ၊ လေးဆူနတ်ကြီးအား ပသပူဇော် အဓိဋ္ဌာန် ပြုခြင်းများ ပြုလုပ်ခဲ့ကြသည်နှင့်အညီ အောင်မြင်မှုများစွာ ရခဲ့သည့် သာဓကများရှိခဲ့သည် ဟု ဆို၏။

ထို့ကြောင့် လူအများသည် ဤလေးဆူနတ်ကြီးအား ထိုနေရာတွင် နတ်နန်းပြုလုပ်၍ ပူဇော်ခဲ့သည့် အစဉ်အလာ ရှိခဲ့သည်။ ရှေးသူဟောင်းတို့ စကားလည်းရှိ၏။ အချို့၏စကားအရ လေးဆူနတ်ကြီးသည် ရန်ကုန်မြို့လယ် အား ပိုင်သူဟု ဆို၏။ အဓိဋ္ဌာန်နှင့် လုပ်ငန်းလုပ်၍ အောင်မြင်လျှင် တတ်နိုင်လျှင် တတ်နိုင်သလောက် ၀တ်လဲတော် ပုဆိုး၊ အင်္ကျီပုဝါမှ အစ ငွေအသပြာတတ်နိုင်သ၍ ပူဇော်ကြသည်။ လေးဆူနတ်ကြီးသည် နတ်သက်ရှည်သူဖြစ်ပြီး ကောင်းမှု ကောင်းကျိုးပြုသူဟုလည်း ဆို၏။ လူအများသည် လေးဆူနတ်ကြီးသည် လူအများ၏ အပူဇော်ခံ ဘ၀သို့ ရောက်ခဲ့ပြီး လေးဆူနတ်ကြီး နေထိုင်သည့်နယ်တွင် စေတီဘုရား တည်ထား ကိုးကွယ်သည့်အခါ ထိုစေတီဘုရား၌ လေးဆူနတ်ကြီးအား သီးခြား နန်းပြုလုပ်၍ ပူဇော်ကြ၏။

“လေးဆူနတ်ကြီး” အား ဆူးလေစေတီတော် အတွင်း၌ သီးခြားနန်းတည် ကိုးကွယ်၍ ကာလရှည်ကြာ ကိုးကွယ်မှုကြာလာသည့်အခါ လူအများ၏စိတ်ထဲ၌ လေးဆူနတ်ကြီးအား ဆူးလေ စေတီတော်အား အစွဲပြု၍ ““ဆူးလေဘိုးဘိုး ကြီး”” ဟု ခေါ်တွင်လာခဲ့ကြသည်။ စင်စစ် လေးဆူနတ်ကြီးသည် လေးဆူနတ်ဟုခေါ်ခဲ့သော်လည်း သာမန်နတ်မျိုး နတ်နွယ် မဟုတ်၊ ဘဒ္ဒကမ္ဘာတွင် ပွင့်တော်မူသည့် ဘုရားရှင်များအား မှီလိုက်သော နတ်ဖြစ်သည်။

ရှေးသူဟောင်း အချို့က သူတော်စင်နတ်ဟုခေါ်၏။ မကောင်းသူပယ်၊ ကောင်းသူကယ်၏။ သာသနာအတွက် ဘ၀နာတရားကိုးစားသူဟုဆို၏။ ကောင်းမှုကောင်းကျိုးပြုသူများ၊ ဘာသာ သာသနာအကျိုးပြုသူများအား ဆောင်မမည်ဟု ဆို၏။ ဆူးလေဘိုးဘိုးကြီး ၏ နန်းထိမ်းတစ်ဦးက ဆူးလေဘိုးဘိုးကြီးအား ““သက်တော်ရှည် သူတော်စင် နတ်မင်းကြီးတစ်ပါးပဲ၊ ဆူးလေ ဘိုးဘိုးကြီးဟာ ရန်ကုန်မြို့လယ်ကို ပိုင်စိုးထိမ်းသမ်းထားသူ လည်းဖြစ်တယ်။ မြို့လည်တစ်ဝိုက်မှာ လုပ်ငန်းလုပ်သူတွေ၊ အားကိုးအားထားပြု တိုင်တည်အလုပ်လုပ်ရင်း အများကြီး အောင်မြင် ထမြောက်နိုင်တယ်”” ဟုဆို၏။ ထို့အတူ နန်းထိမ်းဟောင်း ကြီးက ဆူးလေဘိုးဘိုးကြီးဟာ ဘာသာသာသနာအတွက် စောင့်ထိန်းသူဖြစ်လို့ ဘာသာသာသနာ အကျိုးပြုသူတွေကို ပိုပြီး စောင်မကြည့်ရှုတယ်။ ဆူးလေဘိုးဘိုးကြီးကို တိုင်တည်အလုပ် လုပ်သူဟာ ကံငါးပါးလုံခြုံရမယ် ဟုဆို၏။

မေတ္တာဖြင့် မျှဝေသူ

ဆလုံလူမျိုးတို့အကြောင်း

ဆလုံလူမျိုးသည် မြိတ်ကျွန်းစု၏ အဖိုးမဖြတ်နိုင်သော ပြယုဒ်တစ်ခုဖြစ်သည်။ သူတို့၏ ဓလေ့စရိုက်၊ ရိုးသား ဖြောင့်မတ်မှုကို တုနှိုင်းရန်အရာ မရှိပါ။ ထို့ကြောင့် ၎င်းလူမျိုးတို့မှာ လူသိများထင်ရှားနေခြင်းဖြစ်သည်။ ဆလုံလူမျိုးတို့သည် နေရာအတိအကျမရှိ၊ ပင်လယ်ပြင်တစ်ခွင် ၀မ်းစာအတွက် လှည့်လည်ကျက်စားကြသည်။ ရေကူး၊ ရေငုပ်ရာတွင် ကျွမ်းကျင်သည်။ ထို့ကြောင့် Sea Gypsy or Men of the Sea အဖြစ် အမည်တွင်ခြင်းဖြစ်သည်။ သမိုင်းကြောင်းအရ ရှေးယခင်က မလေးကျွန်းဆွယ်တွင် နေထိုင်ကြပြီး စီးနှင်းတိုက်ခိုက်လုယက်မှုများကြောင့် မြိတ်ကျွန်းစုဘက်သို့ ရွေှ့ပြောင်းလာကြခြင်းဖြစ်သည်။ ယနေ့အခါ ဆလုံလူမျိုးများကို ကော့သောင်းမြို့အနီး ကျွန်းများတွင် မြင်တွေ့နိုင်သည်။

ဆလုံလူမျိုးများသည် စိုက်ပျိုးရေး၊ မွေးမြူရေးတို့ဖြင့် အသက်မမွေး ရေလုပ်ငန်း၊ ပုလဲငုပ်ခြင်းလုပ်ငန်းတို့ဖြင့် အသက်မွေးကြသည်။ ပင်လယ်ကမ်းခြေတစ်လျှောက် လှေလှော်ခတ်ရင်း တစ်ကျွန်းမှတစ်ကျွန်းကူးကာ နေထိုင်လေ့ရှိသည်။ လှေလေးများကို ပေါ့ပါးသော သစ်လုံးများဖြင့် ထွင်းယူကြသည်။ ၎င်းလှေများမှာ ပင်လယ်ခရီးအတွက် အဆင်ပြေ အသုံးဝင်လှသည်။ အသုံးအဆောင်များ၊ အစာရေစာများ၊ ခွေး၊ ကြောင်၊ ကြက်များကိုလည်း တစ်ပါးတည်း လှေနှင့်အတူ တင်ယူလာလေ့ရှိကြသည်။ ဆောင်း၊နွေရာသီများတွင် ငါးဖမ်းခြင်း၊ ရေထွက်ပစ္စည်း ရောင်းဝယ်ခြင်းတို့ဖြင့် အသက်မွေးကြပြီး မိုးရာသီရာသီဥတုဆိုးဝါးသည့်အခါနီးစပ်ရာကျွန်းပေါ်တွင် ၀ါးခြေတိုင်ရှည်တဲများဖြင့်လည်းကောင်း၊ ဂူများရှာ၍လည်းကောင်းနေထိုင်လေ့ရှိသည်။ Sea Gypsy ဟူသောအမည်နှင့် လိုက်လျောညီထွေစွာပင် သဘာဝပင်လယ်ဘေးအန္တရာယ်ကိုလည်း ရှောင်တိမ်းတတ်ကြသည်။

ရာသီဥတုဆိုးဝါးစဉ်တောင်မှ မိမိနေထိုင်ရာ ကျွန်းဆီ အမြန်ဆုံးပြန်ရောက်အောင်သွားနိုင်ကြသည်။ ဆလုံလူမျိုးတို့၏ ရေငုပ်ပညာကျွမ်းကျင်မှုမှာ အံ့မခန်းဖြစ်သည်။ ပင်လယ် ကြမ်းပြင်အထိရေငုပ်နိုင်ပြီး ရေအောက်တွင် အောက်ဆီဂျင်အကူအညီမပါပဲ အချိန်အတော်ကြာ အနည်းဆုံး တစ်နာရီခန့် နေနိုင်သည်။

(ပင်လယ်ကြမ်းပြင် ၁၆ လံ ထက် ပိုပြီး မည်သည့် ရေငုတ်သမား မှ မငုတ်နိုင်ကြပါ ရေဖိအား ဒါဏ်ကို မခံနိုင်သောကြောင့်ဖြစ်သည်။ ရေအရမ်းနက်လျှင် နှာခေါင်း၊ နား၊ မျက်စိ စသည့်နေရာများမှ သွေးများ ယိုထွက်လာသည်ကို မည်သူမျှမခံနိုင်ပါ။ တစ်နာရီကြာအောင် ရေငုတ်သော စလုံလူမျိုးလည် မရှိပါ အလွန့်အလွန် မိနစ် (၂ဝ) မျှသာ အောက်စီဂျင်မပါဘဲ ငုတ်နိုင်ကြသည်။)

တစ်ရက်တည်း ထိုကဲ့သို့ ရေငုပ်ခြင်းမျိုး အကြိမ်အရေအတွက် များများလုပ်နိုင်သည်။ ပင်လယ်ခရု၊ ကမာ (မုတ်) ကောင်များ၊ ငါးကြီးအံဖတ်၊ ပင်လယ်ရေမှော်ပင်၊ ပုလဲ၊ ငှက်သိုက်၊ ပျားရည်၊ ပရဆေးပင်များကို ရှာဖွေစုဆောင်းပြီး ရောင်းချလေ့ရှိသည်။ ဆလုံလူမျိုးများသည် အခြားလူမျိုးများနှင့် ရောရောနှောနှော နေထိုင်လေ့မရှိချေ။ ၎င်းတို့၏လူနေထိုင်မှုစနစ်မှာ မြို့ပြနေထိုင်မှုစနစ်နှင့် ကွာခြား လွန်းလှသည်။ သို့သော်လည်း သူတို့၏ လူနေမှုစနစ်ကို ယုံကြည်စွာ တန်ဖိုးထား ထိန်းသိမ်းကြသည်။ ဘာသာတရားနှင့် ပတ်သက်၍လည်း ၎င်းတို့၏ကိုယ်ပိုင်ယုံကြည်မှုကို လက်ကိုင်ထားကြသည်။ နတ်ကောင်းနှင့် နတ်ဆိုးဟူ၍ နတ်ဘုရားကိုးကွယ်မှု နှစ်ခုရှိသည်။ နတ်ဆရာသည် ၎င်းတို့၏ အခရာဖြစ်သည်။ ပျော်ပွဲရွှင်ပွဲများကို သာမက ဖျားနာသည့်အခါ၊ တစ်ဦးတစ်ယောက်သေဆုံးသည့်အခါတွင် နတ်ဆရာ၏ ပြောဆိုမှုအတိုင်း စပါး၊ ပြောင်း၊ အရက်၊ ပျားရည်၊ ကွမ်း၊ ဘဲသွေးစိမ်း၊ ကြက်၊ လင်းပိုင်၊ ပင်လယ်လိပ်တို့ကို ယဇ်ပူဇော်လေ့ရှိသည်။ ပျော်ပွဲရွှင်ပွဲများတွင် တေးသီချင်းများသီဆိုတီးမှုတ်ပြီး မီးပုံဖိုကာ ၀ိုင်းဖွဲ့ကခုန်ကြသည်။သူတို့၏ဗုံတစ်မျိုးမှာ ပုတ်သင်ညိုသားရေဖြင့် ပြုလုပ်ထားသည်။ ဆလုံလူမျိုးတို့၏ ဂီတပင်ကိုယ်စွမ်းရည်မှာ ထက်မြက် ဆန်းကြယ်လှသည်။

“ပျူ၊ မွန်၊ မြန်မာ၊ သက်”ဟူသော မြန်မာတိုင်းရင်းသားအစ လူမျိုးကြီး(၄)စုမှာ ဆလုံတိုင်းရင်းတို့မှာ “သက်”လူမျိုးတို့မှတစ်ဆင့် ဆင်းသက် လာခဲ့သည်ဟု မှတ်သားခဲ့ဖူး ပါသည်။ ဆလုံ တိုင်းရင်းသားတို့ကို “မော်ကင်း”ဟုလည်း ခေါ်ကြပါသည်။ ပင်လယ်ထဲမှာ ပေါ့ပေါ့ပါးပါး သစ်၊ ၀ါး၊ ရင်ကမ်းသားတို့နှင့် ဖွဲ့စည်း တည်ဆောက် ထားသည့် ရိုးရာလှေကို အိမ်လိုသဘောထားပြီး မိသားစုကြီး တစ်ခုလုံး နေကြ၊ ထိုင်ကြ၊ ချက်ပြုတ်စားသောက်ကြရုံ သာမက သူတို့ဘ၀၏ အဖော်မွန်ဟု ခေါ်သော ခွေးများကိုလည်း တစ်ပါတည်း သယ်ဆောင်သွားကြပါသည်။ ဟိန်းဇဲ၊ ဘုတ်ကျွန်း၊ မောင်းမကန်၊ ရှင်မွန်၊ မလိ၊ ပြင်ကြီး၊ မီးစိမ်း၊ ကတန်၊ ဒုံးကျွန်း၊ ၀ါးကျွန်း၊ ပင်လယ်အော်၊ လန်ပိတစ်ဝိုက် မှာလည်း ပင်လယ်ထဲ ရာသီဥတုဆိုးချိန်မှာ ယာယီ ခြေတံရှည် တဲအိမ်လေးများ တည်ဆောက်ပြီး နေထိုင်ကြပါသည်။

ရေမှာ ကျွမ်းကျင်သဖြင့် ပုလဲ၊ မျှော့(ပင်မယ်မျှော့)၊ ရေခူ၊ ငါး၊ ပုဇွန် ၊ ကမာတွေငုပ်ပြီး ကင်းမွန်၊ ရှပ်၊ ငါးကြီး အန်ဖတ်တွေကို ရှာဖွေရင်းနှင့်လည်း အသက်မွေးတတ်ကြ ပါသည်။ သူတို့ ရိုးရာဓလေ့များ ထဲတွင် ဗုံတီးခြင်း၊ ဘင်(ဘင်ခရာ)တီးခြင်း။ သူတို့ဘာသာ စကားနှင့် သီချင်းဆိုပြီး ကခုန်ခြင်း၊ ရိုးရာနတ် ကိုးကွယ်ခြင်း တို့လည်း ပါဝင်ပါသည်။ ဆလုံ တိုင်းရင်းသားတို့၏ မွေးဖွားခြင်းအစ

(၁၉၆၄)ခုနှစ်က မှတ်သား တွေ့ရှိချက်များအရ ဆလုံတိုင်းရင်းသား တို့သည် စတင်မွေးဖွားသည့် ကလေးငယ်များကို ချက်ကြိုး ဖြတ်ပြီးသည်နှင့် ရေထဲသို့ နှစ်စက္ကန့်ခန့် ရေထဲမြှပ်လိုက်၊ နှစ်လိုက်။ ပေါ်လိုက် သုံးကြိမ်ခန့် ပြုလုပ်ပါသည်။ သူတို့ အယူအဆမှာ မွေးစကလေးငယ် ရေကို ကျွမ်းကျင်စေရန်၊ မကြောက်စေရန် ဖြစ်သည်ဟု ဆို၏။ ထိုသို့ လွဲမှားသောအယူအဆကြောင့် တစ်ချို့ ကလေးငယ်များမှာ မွေးစကပင် သေဆုံးသွားကြပါသည်။ ဤကား ယခင်ကအဖြစ်အပျက်။ ယခုအချိန်တွင်မူ ဆလုံတိုင်းရင်းသားတို့ ခေတ်မီလာသည်ဟု ဆိုရပါမည်။ မွေးစကလေးငယ်ကို ရေထဲတွင် မနှစ်ကြတော့။ ကိုယ်ဝန်ဆောင်ကို မွေးဖွားပေးသည့် လက်သည်မှာ သူတို့ဆလုံအမျိးသမီး အချင်းချင်းပင် ဖြစ်ပါသည်။ သို့သော်လည်း ယခုအခါ ခက်ခဲသည့် မွေးဖွားမှုများကို သူနာပြုဆရာမနှင့် မွေးလေ့ မွေးထ ရှိလာကြပါပြီ။

ကျန်းမာရေး

ဆလုံ တိုင်းရင်သားတို့သည် အစစ အရာရာတွင် နတ်ဆရာကိုသာ အားကိုးကြသည်။ တစ်စုံတစ်ယောက် နေမကောင်းလျှင် သူတို့၏ အယူအဆမှာ နတ်ဖမ်းစားသည်ဟု အများအားဖြင့် ယူဆကြသည်။ နတ်ဆရာနှင့် တိုင်ပင်၍ ပူဇော်ပသ၊ ကိုးကွယ်တင်မြှောက်ခြင်းများ ပြုလုပ်လေ့ ရှိကြပါသည်။ သို့သော်လည်း ယခုချိန်ခါတွင် အချို့ တိုင်းရင်းသားဆလုံတို့မှာ ခေတ်မီလာသည်ဟု ဆိုရပါမည်။ နေထိုင်မကောင်း ဖြစ်သော သူများကို ဆရာဝန်နှင့် ဆေးခန်းသို့ ပြသ ကုသလာကြပါသည်။ တစ်ဖက်ကလည်း သူတို့အစွဲဖြစ်နေသည့် နတ်ဆရာနှင့် ပူဇော်ပသခြင်း ကိုလည်း လုပ်မြဲလုပ်ကြ ပါသည်။ ဆလုံအများစုတွင် ဖြစ်ပွားတတ်သည့် ရောဂါမှာ ငှက်ဖျား စွဲခြင်းနှင့် အာဟာရ ချို့တဲ့ခြင်းများပင် ဖြစ်ပါသည်။

ဝတ်စားဆင်ယင်ခြင်း

ဆလုံ တိုင်းရင်းသားတို့သည် မွေးကင်းစ ကလေးအရွယ်မှ ငါးနှစ် ခြောက်နှစ်အရွယ်အထိ ယခင်က အ၀တ်အစား ၀တ်လေ့ဝတ်ထ မရှိသော်လည်း ယခုအခါ အ၀တ်အစား ဆင်ယင်လာကြ ပါသည်။ အမျိုးသမီးများမှာ သူတို့ဓလေ့အရ အပေါ်ပိုင်း၊ အောက်ပိုင်း လုံလုံခြုံခြုံ ၀တ်ဆင်သည် ဆိုသော်လည်း ၊ အချို့မှာ အိမ်ထောင်ကျသည်နှင့် အပေါ်ပိုင်း ဗလာကျင်း နေတတ်ကြပါသည်။ သို့သော်လည်း ယခုအခါတွင်မူ အိုမင်းသောအဘွားအရွယ်များမှလွဲ၍ အမျိုးသမီးအများစုမှာ အပေါ်ပိုင်း၊ အောက်ပိုင်း လုံလုံခြုံခြုံ ၀တ်ဆင်လာကြ ပေပြီ။ ဆလုံအမျိုးသားတို့မှာ များသောအားဖြင့် ယခင်ကအောက်ပိုင်းတွင် လုံချည်(သို့မဟုတ်) ဘောင်းဘီတိုနှင့်နေပြီး အပေါ်ပိုင်းဗလာကျင်း နေတတ်သည့် သဘာဝရှိပါသည်။ သူတို့ဓလေ့အရ တော်ရုံတန်ရုံလည်း ဖျားနာခြင်း မရှိကြပါ။ ခံနိုင်ရည်ရှိသော လူမျိုးပင် ဖြစ်ပါသည်။ သို့သော်လည်း ယခုအခါ သူတို့လည်း အပေါ်ပိုင်းအင်္ကျီများ၊ များသောအားဖြင့် ၀တ်ဆင်လာကြပေပြီ။ ဆလုံတိုင်းရင်းသားတို့သည် ပင်လယ်နှင့်အနီးအနားတွင် နေ၍လားမသိ၊ သူတို့၏အသားအရောင်မှာ ညိုရောင်သန်းပါသည်။ ယခုအခါ ဆလုံတိုင်းရင်းသားတို့မှာ ခေတ်မီလာသည့်အလျောက် ယိုးဒယားနိုင်ငံမှရောက်လာသော အ၀တ်အစား၊ ပါတိတ်။ တီရှပ်တို့ဖြင့် သစ်သစ်လွင်လွင် တောက်တောက် ပပဖြစ်လာလေပြီ။ ယခင်က ဖြစ်သလိုနေခဲ့သော်လည်း ယခုအခါ သားသားနားနား ၀တ်ဆင်လာကြပေပြီ။

အစားအသောက်

ဆလုံတို့သည် ပင်လယ်ထဲတွင် အတည်တကျ မနေဘဲ ရေကြည်ရာ မြက်နုရာသို့ သွားလာ လုပ်ကိုင် နေထိုင်ကြသည့် အလျောက် ပင်လယ်ပျော်များ ဖြစ်သည့်အားလျော်စွာ သူတို့စားသောက်ကြသည်မှာ များသောအားဖြင့် ပင်လယ်အစားအစာများ ဖြစ်ပါသည်။ ပင်လယ်ကျွန်းစု၊ ကျောက်ဆောင် များတွင် တွယ်ကပ်လျက် ရှိသော ဂုံး(ခရုတစ်မျိုး အထဲတွင်ရှိသည်)ဟု ခေါ်သည့် တငို ကိုခွာ၍ အထဲမှ ခရုသဖွယ် အရာကို ချက်ပြုတ် စားသောက်ကြ ပါသည်။ ပင်လယ် ကျောက်ဆောင် ဂူထဲတွင်ရှိသော လင်းနို့၊ လင်းဆွဲများကို တုတ်ရှည်ဖြင့် ရိုက်ချကာ ခုတ်ထစ် ဖြတ်တောက် ၍လည်း ချက်ပြုတ် သုံးဆောင်ကြ ပါသည်။ သူတို့သည် စားသုံးဆီသုံးစွဲမှု နည်းသူများဖြစ်သည့် အလျှောက် တစ်လလုံးတွင် မိသားစု(၆) ယောက်အတွက် ဆီ(၂၀)ကျပ်သားခန့်သာ ကုန်ပါသည်။ ထို့ကြောင့် ဆလုံအများစုတွင် သွေးတိုးရောဂါ မရှိကြပါ။ ဆလုံ တိုင်းရင်းသားတို့သည် ပျားအုံဖွတ်ရာ တွင်လည်း အလွန် ကျွမ်းကျင်သူများပင် ဖြစ်သည်။ သစ်ပင် အမြင့်ပေါ်တွင် စွဲကပ်နေသောပျားအုံကို အုန်းလက် မီးတုတ်ဖြင့် ရိုက်ချကာ ပျားအုံမှ ပျားရည်ကို ခံယူကြပါသည်။ ပျားသလက်နှင့် ပျားပေါက်စတို့ကိုလည်း ချက်ချင်းပင် လတ်လတ် ဆတ်ဆတ် စားသုံးကြ ပါသည်။ ဆလုံတို့၏ သဘာဝမှာ စားသောက်ရာတွင်လည်း သူတို့ ရိုးရာလှေပေါ်တွင် မိသားစု အားလုံး သိုက်သိုက်ဝန်းဝန်း ပျော်ပျော် ရွှင်ရွှင် ချက်ပြုတ် စားသောက်ကြ ပါသည်။ ဆလုံ တိုင်းရင်းသားတို့ စားသုံးသည့် အရွက်များ ဖြစ်သော ဆလုံမုန်လာ၊ ဆလုံမုန်ညင်း၊ ဆလုံကန်စွန်းတို့မှာ အရွက်အသားထူသည်မှ လွဲ၍ မြေပြန့်က မုန်လာ ၊ မုန်ညင်း၊ ကန်စွန်းတို့နှင့် အတော် ဆင်တူပါသည်။ ထိုအရွက်တို့မှာလည်း ဆလုံဒေသ တောတောင်ထဲတွင် အလေ့ကျ ပေါက်နေကြခြင်းပင်။ ကျွန်တော် တွေ့ဖူးသည့် ဆလုံကွမ်း( ကွမ်းယာ အတွက် လိုအပ်သော ကွမ်း) မှာလည်း အရွက်အသား ပိုထူကာ အလေ့ကျ ပေါက်နေခြင်းပင် ဖြစ်ပါသည်။ ဆလုံတစ်ချို့လည်း ကွမ်းစားတတ်ကြသည်ကို ကျွန်တော် တွေ့ဖူးပါသည်။

အလုပ်အကိုင်

ဆလုံ တိုင်းရင်းသားတို့သည် အလုပ်လုပ်ကိုင်ရာတွင် အားလုံးစုပေါင်း ၀ိုင်းဝန်း၍ လုပ်ဆောင်လေ့ ရှိကြသည်။ တောထဲတွင်ရှိသော သစ်ပင်ကြီးများကို သူတို့၏ စုပေါင်းစွမ်းအားဖြင့် ခုတ်လှဲပါသည်။ လှေထွင်း ပါသည်။ ထိုကြီးမားသော သစ်ထွင်းလှေကို ပင်လယ်ကမ်းခြေဆီသို့ သယ်ဆောင် ထုတ်ယူသည်မှာလည်း အလွန်စနစ်ကျကာ အားကျဖွယ်ရာ ကောင်းပါသည်။ ပင်လယ်ကမ်းစပ် နေရာများတွင် ပေါက်ရောက်လေ့ရှိသော ရင်ကမ်းပင်မှ ရင်ကမ်း အလက်များကို တစ်စုနှင့်တစ်စု စီစီညီညီ ထပ်ကာ ပြုလုပ်ထားသော ရင်ကမ်းလှေမှာ အလွန်ပင်လက်ရာမြောက်လှပါသည်။ ထိုရင် ကမ်းလှေတွင် သံချက်ဆို၍ တစ်ချက်မျှမပါ၊ ကြိမ်ဖြင့်သာ ရစ်ပတ်ခြင်း ၊ ကွပ်ခြင်း ပြုလုပ်ထားသည်မှာ ခ်ိုင်ခန့်လှပါသည်။ စိစပ်လှပါသည်။ ရေတစ်စက်မျှ လှေဝန်းထဲသို့ မ၀င်ပါ။ သူတို့၏ ကျွမ်းကျင်မှုကြောင့် လှိုင်းလေလာလည်း ကြောက်လန့်မှု မရှိကြပါ။ သို့သော်လည်း လှိုင်းလေများ အလွန်ပြင်းထန်စွာ တိုက်ခတ် လာသောအခါ သူတို့သည် ကမ်းခြေများ၊ လေကွယ်ရာကျွန်းစုများတွင် စုပေါင်း၍ နေထိုင်လေ့ရှိကြ ပါသည်။

ဆလုံ တိုင်းရင်းသားတို့၏ အလုပ်အကိုင်ကို ဖော်ပြရလျှင် ငါးဖမ်းခြင်း၊ ပုလဲငုပ်ခြင်း၊ ပင်လယ်မျှော့ ငုပ်ခြင်း၊ ကနုကမာ ရှာဖွေခြင်း၊ ပျားဖွတ်ခြင်း၊ ငှက်သိုက်ရှာခြင်း၊ ရေနှင့်ပါတ်သက်သော လုပ်ငန်း အ၀၀ကို ကျွမ်းကျင်စွာ လုပ်ကိုင်နိုင်သော တိုင်းရင်းသားများပင် ဖြစ်ပါသည်။ ကျောက်ကြို ကျောက်ကြားထဲသို့ နှစ်ခွစူး၊ မှိန်းတံရှည်နှင့် ငါးထိုးနေသော ကလေးငယ်များကိုလည်း ကျွန်တော်မြင်ဖူး ပါသည်။ ယခုအခါ ခေတ်မီလာသော ဆလုံတို့မှာ ရေငုပ်မျက်မှန် အကောင်းစားနှင့် အောက်စီဂျင် အသက်ရှူဘူးတို့ဖြင့် ရေငုပ်ကာ ပုလဲရှာနေကြပြီ၊ ပင်လယ်မျှော့ ရှာနေကြပြီ ဖြစ်ပါသည်။

ကျွန်တော် တွေ့ခဲ့သော ဆလုံ တိုင်းရင်းသားတို့မှာ ယောက်ျားလေးရော၊ မိန်းကလေးပါ အသက်(၁၀) နှစ်ခန့်တွင် ရေနှင့် ပါတ်သက်၍ အစစ အရာရာ အလွန်ကျွမ်းကျင်နေကြလေပြီ။ ထိုစဉ်က ကျွန်တော့် မျက်စိရှေ့တွင်ပင် (၁၀)နှစ်သားခန့် ရှိသော ဆလုံ ယောက်ျားလေးမှာ ခက်ရင်း စူးခွ မှိန်းတံရှည်ကို ကိုင်ဆောင်လျက် (၁၅)ပေခန့် နက်သော ပင်လယ်ရေထဲသို့ လှေပေါ်မှ ပလုံကနဲ ခုံဆင်း လိုက်သည်မှာ (၁၀) မိနစ်ခန့်ပင် မကြာလိုက်ပါ။ သူပြန်တက်လာသော အခါ လက်ထဲတွင် (၂)ပေခန့်ရှိသော ငါးမန်းဖြူတစ်ကောင် ပါလာသည်ကို တွေ့ရသဖြင့် ကျွန်တော်မှာ လွန်စွာပင် အံ့သြသွားပါသည်။ မနက်ပိုင်းကလည်း ထိုနည်းတူစွာ ငါးလိပ်ကျောက် (လိပ်ပုံသဏ္ဍန်ငါးပြားကြီး) တစ်ကောင်းကို ရခဲ့ကြောင်း၊ ထိုသူငယ်က လက်ဟန်ခြေဟန်ဖြင့် ကျွန်တော့်ကို ပြောပြပါ သေးသည်။ ဆလုံတို့သည် လူကြီး လူငယ်မရွေး အအားမနေဘဲ အမြဲတစေ အလုပ်လုပ်နေသော လူမျိုးပင် ဖြစ်ပါသည်။ လွတ်လပ်မှုကို မြတ်နိုးကာ တစ်ခုမဟုတ် တစ်ခု အလုပ် လုပ်နေသော တိုင်းရင်းသားများပင်။ များသောအားဖြင့် သူတို့သည် လက်ထဲတွင် ခက်ရင်း စူးခွ မှိန်းတံရှည်ကို ကိုင်ဆောင်ကာ ကမ်းခြေ၊ ကျောက်ဆောင်၊ ကျောက်ကြို ကျောက်ကြားအောက်ရှိ ငါးမျိုးစုံတို့ကို ထိူးယူ ဖမ်းဆီးကြ ပါသည်။ ဟိုစဉ်က ဆလုံ တိုင်းရင်းသားတို့ ငါးဖမ်းသည် ဆိုသည်မှာ ငါးဖမ်း ပိုက်များဖြင့် ဖမ်းလေ့ ဖမ်းထ နည်းပါး ပါသည်။ သို့သော် ယခုအခါတွင်မူ ငါးဖမ်းပိုက် အမျိုးမျိုးဖြင့် အတော်များများ ဖမ်းဆီးလာကြ ပါသည်။ သူတို့ဘ၀မှာ ယခင်က ဖမ်းယူရရှိ ငါးများနှင့် ရေငုပ်၍ ရရှိသော ပုလဲ၊ ပင်လယ်မျှော့ တို့ကို ရောင်းချရာတွင် ဈေးနှိမ်ခြင်း ခံရသော်လည်း ယခုအခါ ထိုက်ထိုက်တန်တန် ဈေးမှန်၊ အလေးမှန် ရရှိခဲ့ပါပြီ။ ဖဲရိုက်ကာ ကက်ဆက်နားထောင် နေကြသော ဆလုံများ၊ ရွှေဆွဲကြိုး တ၀င်းဝင်းနှင့် ဆလုံများ၊ ခြင်းလုံးခတ်ကာ အပန်းဖြေ နေကြသော ဆလုံ ကလေးငယ်များ၊ ဘာပဲပြောပြော ဆလုံ တိုင်းရင်းသားတို့ လူနေမှုဘ၀ တိုးတက် ဖွံ့ဖြိုးလာခဲ့သည်မှာ အမှန်ပင် ဖြစ်ပါသည်။

ထိမ်းမြားလက်ထပ်ခြင်း

ဆလုံ တိုင်းရင်းသား တို့သည် ကလေး မီးဖွားလျှင် မွေးဖွားလာလျှင် မွေးဖွားစကလေး အတွက် နတ်ဆရာနှင့် နတ်ကိုးကွယ် ကြသည်။ သေဆုံးသွား လျှင်လည်း သေဆုံးသူ ကောင်းရာ မွန်ရာ ရောက်အောင် နတ်ဆရာနှင့် ပူဇော်ပသလေ့ ရှိသည်။ ထိုနည်းတူစွာ သတိုးသားနှင့် သတိုးသမီး ထိမ်းမြား လက်ထပ်ပွဲတွင်လည်း နတ်ဆရာနှင့် ရိုးရာနတ်ကို ပူဇော်ပသမှု ပြုမှသာလျှင် လင်မယား အရာမြောက် သည်ဟု ဆလုံတို့က ယူဆပါသည်။ ဆလုံတိုင်းရင်းသား တို့သည် ငယ်ရွယ်စဉ်ကပင် အိမ်ထောင်ပြုသူများ ဖြစ်သည့် အားလျော်စွာ အသက်(၁၇)၊ (၁၈)နှစ်ခန့်တွင် အိမ်ထောင်ပြုလေ့ ရှိပါသည်။ အမျိုးသား တစ်ယောက်သည် အမျိုးသမီးတစ်ယောက်ကို သဘောကျ နှစ်သက်သောအခါ အမျိုးသမီး မိဘများထံသွား၍ တောင်းရမ်းရပါသည်။ ထိုသို့ တောင်းရမ်းစဉ် အမျိုးသားနှင့်အတူ မိဘ(၂)ပါး ပါရသည်။ ဆလုံတို့၏ အကြီးအကဲ ပါရသည်။ အမျိုးသမီးဘက်က လက်ခံသောအခါ မင်္ဂလာပွဲရက်ကို နေ့သတ်မှတ်၍ နတ်ဆရာနှင့် တိုင်ပင်ကာ စားသောက် ဖွယ်ရာများကို စီမံပြင်ဆင်ကြ ပါသည်။

သူတို့၏ အစားအသောက်များကား အထူးအဆန်းမဟုတ်ပါ။ ငါးကင်များ၊ ဆီနည်းနည်းဖြင့် ကြော်ထားသော လင်းနို့ကြော်၊ လင်းဆွဲကြော်၊ အူ အသည်းများ ထုတ်ထားသော ကြက်ကောင်လုံးပြုတ်၊ ကြက်ကောင်လုံးကင်၊ တစ်ခါတစ်ရံရတတ်သော သင်းခွေချပ်ကြော်၊ မျောက်သားကြော်နှင့် ပျားရည်၊ အရက်တို့ပင် ဖြစ်ပါသည်။ မျောက်ချေးခါးကိုလည်း ဆလုံတို့ စားလေ့ စားထ ရှိပါသည်။ မင်္ဂလာ အခမ်းအနား ကျင်းပသည့် နေ့ရက်တွင် တစ်စုတစ်ဝေးတည်း နေကြသည့် ဆလုံတို့မှာ မည်သည့်ကိုယ်ရေး ကိုယ်တာ အလုပ်ကိုမျှ မလုပ်ဘဲ မင်္ဂလာပွဲအတွက်သာ အားလုံး ၀ိုင်းဝန်း လုပ်ဆောင် ချက်ပြုတ်ကြ ပါသည်။ နံနက်(၉)နာရီခန့်တွင် ဆလုံနတ်ဆရာ ရောက်လာ ပါသည်။ သူ့လက်ထဲတွင် ပလွေကဲ့သို့သော တူရိယာလေးတစ်ခု ပါလာပါသည်။ ဆလုံမင်္ဂလာပွဲကို များသော အားဖြင့် ပင်လယ်ကမ်းစပ် သဲသောင်ပြင်တွင် ကျင်းပလေ့ ရှိပါသည်။ ဆလုံ နတ်ဆရာတစ်ယောက် မင်္ဂလာပွဲသို့ ရောက်ရှိလာချိန်တွင် နတ်ပူဇော်ပွဲအတွက် အစားအသောက်များ ပြင်ဆင်ပြီး အဆင်သင့် ဖြစ်နေပါပြီ။ နတ်ဆရာသည် ရှေးဦးစွာ သူတို့၏ ဆလုံရိုးရာနတ်ကို လက်နှစ်ဖက် ခေါင်းပေါ်မြှောက်ကာ အပေါ်အောက် လှုပ်ရှားလျက် ပလွေမှုတ်ကာ ပင့်ဖိတ်ပါသည်။ ပြီးနောက် လက်ထပ်မည့် အမျိုးသား၊ အမျိုးသမီး လက်လေးဖက်ကို ပူးယှက်စေကာ သူတို့ လက်ပေါ်သို့ နတ်ဆရာ၏ လက်ဝါးနှစ်ဖက်ကို အုပ်မိုးလိုက် ပါသည်။ ထို့နောက် သူတို့ ရိုးရာဖြင့် ဤမင်္ဂလာ မောင်မယ်ကို ရာသက်ပန် စောင့်ရှောက်စေလိုကြောင်း သူတို့၏ ကျန်းမာရေးအတွက် သူတို့ အလုပ်အကိုင် အတွက် အကူအညီများ ပေးစေလိုကြောင်း တိုင်တည်ပြောဆို ပါသည်။ သတိုးသားနှင့် သတိုးသမီးကိုလည်း ရာသက်ပန်ရိုးရာ ရိုးမြေကျ ပေါင်းဖေါ်မည့်အကြောင်း ရိုးရာနတ်ထံ လက်လေးဖက်မြှောက်ကာ တိုင်တည်စေ ပါသည်။

ဆလုံ တိုင်းရင်းသားတို့သည် တစ်လင်တစ်မယား စနစ်ကိုသာ ကျင့်သုံးသောသူများ ဖြစ်ပါသည်။ သူတို့ လောကတွင် အိမ်ထောင်ရေး ဖောက်ပြန်မှုကို လုံးဝလက်မခံချေ။ အိမ်ထောင်ရေး ဖောက်ပြန်သူများကို သူတို့အစုအဝေးမှ ရာသက်ပန်နှင်ထုတ်ကာ သူတို့နှင့် လုံးဝ အဆက်အသွယ် မလုပ်တော့ပါ။ သူတို့သည် အစုအဝေးနှင့် နေတတ်သည့်အားလျော်စွာ ထိုကဲ့သို့ အပြစ်ဒဏ်မျိုးကို အလွန်ပင် ကြောက်ရွံ့ကြ ပါသည်။ သူတို့သည် အိမ်ထောင်ကျသော အခါ သူတို့အတွက် (မင်္ဂလာမောင်မယ်အတွက်) ရိုးရာလှေတစ်စီး၊ ငါးဖမ်းပိုက်တစ်စုံနှင့် ငါးဖမ်းကိရိယာအချို့ကို လက်ဖွဲ့ လိုက်ပါသည်။ ဇနီးမောင်နှံ နှစ်ယောက် ဒိုးတူပေါင်ဖက် လုပ်ကိုင် စားသောက်ကြတော့ဟု ဆိုလိုသည့် သဘောပင်။ သို့သော် ဇနီးမောင်နှံနှစ်ယောက်မှာ အဝေးသို့သွားစရာမလို၊ သည်အစုအဝေးမှာပင် နေထိုင်စေပါသည်။

ဆလုံရိုးရာ နတ်ပွဲများတွင် နတ်ဆရာသည် နတ်ကိုတိုင်တည် ပူဇော်ပြီးနောက် နတ်ပူးလာပြီး နတ်ဝင် လာသည်ဟု ဆိုကာ တုန်တက်လာပါသည်။ ပြီးနောက် အရက်သောက်ပါသည်။ ငါးကင်၊ ကြက်ကောင်လုံးကင်၊ အစားအသောက်များ စားပါသည်။ ပြီးနောက် နတ်ဆရာ တုန်တုန်ယင်ယင်ဖြင့် ကပါသည်။ ပရိသတ်ကလည်း လိုက်ကပါသည်။ နတ်ဆရာ နတ်ဝင်သည်မှာ နာရီဝက်ခန့်သာ ကြာပါသည်။ နတ်ဆရာထံမှ နတ်ထွက်သွားသောအခါ တုန်တုန်ယင်ယင် အမူအရာများ ပျောက်ကွယ်သွား ပါသည်။ ဆလုံတို့၏ မင်္ဂလာပွဲ ကပွဲကား တစ်နာရီင်္ခန့် ကြာမြင့်ပါသည်။

တစ္ဆေကြီးပွဲ

တစ္ဆေကြီးပွဲ ဆိုသည်မှာ အခြားမဟုတ်ပါ။ သေဆုံးသူများကို ကျွေးမွေးသည့်ပွဲပင် ဖြစ်ပါသည်။ ဆလုံ တိုင်းရင်းသားတို့၏ အယူအဆမှာ သေဆုံးသွားသူတို့သည် ကောင်းရာ မွန်ရာရောက်သူ ရှိသကဲ့သို့ တစ်ချို့မှာ တစ္ဆေ၊ သရဲဖြစ်နေသည်ဟု ယုံကြည်ကြသည်။ ထိုတစ္ဆေ၊ သရဲများ၊ စားရမဲ့၊ သောက်ရမဲ့ ဖြစ်နေသည်ကို မလိုလားသဖြင့် တစ်နှစ်တစ်ခါ သူတို့ရှိရာ သင်္ချိုင်းသို့သွား၍ သူတို့ကိုပင့်ဖိတ်ကာ ကျွေးမွေးခြင်းပင် ဖြစ်သည်။ ဆလုံတို့သည် သေဆုံးသူများကို ကျွန်းတစ်ကျွန်းတွင် မြှပ်နှံ သင်္ဂြိုဟ်လေ့ ရှိပါသည်။ ထိုသင်္ချိုင်းတွင် တစ်နှစ်တစ်ခါ( နှစ်စဉ် ဇန်န၀ါရီလ ) ကျင်းပသော တစ္ဆေပွဲကြီးတွင် ထုံးစံအတိုင်း မပါမဖြစ်သည်မှာ ရိုးရာ နတ်ဆရာနှင့် နတ်ပွဲပင်ဖြစ်ပါသည်။ နတ်ဆရာက ရိုးရာနတ်ကို ပင့်ဖိတ်ပြီးလျှင် အစားအသောက်များနှင့် ပူဇော်ပသလေသည်။ သေဆုံးသူများ ကိုလည်း ပင့်ဖိတ် ကျွေးမွေးလေသည်။ ပြီးနောက် နတ်ဆရာက တုန်တုန် ယင်ယင်နှင့် ကွေးနေအောင် ကပါတော့သည်။ ပရိသတ်များ ကလည်း ဗုံတီးပြီး ကကြပါသည်။ သူတို့အကမှာ အာဖရိက လူရိုင်းအကများနှင့် အတော်ပင် ဆင်တူပါသည်။ အရက်သောက်ထားပြီး သွေးကြွ နေတာလည်း ပါပါလိမ့်မည်။ ကျွန်း ကမ်းခြေ၊ ပင်လယ်သောင်စပ်မှပင် ကနေကြသူ အများသား။ မည်သို့ပင်ဆိုစေ ဆလုံ တိုင်းရင်းသားတို့၏ ဤဓလေ့မှာလည်း ချစ်စရာပင် မဟုတ်ပါလော။

Express Times

သားမြတ် ၏ အံ့ဘွယ်

သမိုင်းကာလတလျှောက်တွင် ကဗျာဆရာများသည်၎င်း၊ ပန်းချီ ပန်းပု အနုပညာရှင်များသည်၎င်း၊ အမျိုးသမီး၏ အလှကို ခြယ်မှုန်းရာတွင် သားမြတ်ကို ဖွဲ့နွဲ့အလှဆင်ကြ၏။ သို့သော် ကဗျာ့ဝိဓူ ပါရဂူအဆူဆူနှင့် ပန်းချီ ပန်းပု အနုပညာ အကျော်အမော်များသည် ပုံသဏ္ဍာန်ကိုသာ ခြယ်သဖော်ပြနိုင်ခဲ့ကြ၏။

သားမြတ်၏ အံ့ဖွယ်များကိုကား မဖော်ပြနိုင်ကြပေ။ ယင်းပညာရှင်များ မဆိုထားဘိ ဆေးပညာ သုတေသီများပင် မိခင်သားမြတ်၏ အံ့ဖွယ်များကိ်ု ယနေ့ထက်တိုင် ရှာဖွေစူးစမ်းဆဲရှိပေသည်။ လူသားတဦးတယောက်၏ ခန္ဓာကိုယ် ကြံ့ခိုင်ကြီးထွားမှုသည်၎င်း၊ အသားအရေ စိုပြေညက်ညောမှုသည်၎င်း၊ အသက်ရှည်လျားမှုသည်၎င်း မိခင်၏ နို့ရည်ပေါ်၌ တည်နေသည်ဟူသော အဆိုကို မည်သူမှ ငြင်းချက် မထုတ်နိုင်ပေ။

လူသားတယောက်သည် လူ့လောကသို့ ရောက်သည်နှင့် တပြိုင်နက် မိခင်၏နို့ရည်ကို မှီခိုခဲ့ရ၏။ တစက်တစက် ယိုစိမ့်စီးဆင်းလာသော မိခင်၏နို့ရည်သည် အသက်ရာကျော် ရှည်သော လူသားအတွက် “အသက်ဆက် အာဟာရ”ဟု ဆိုလာလျှင် မည်သူငြင်းနိုင်ပါအံ့နည်း။ ကလေးငယ်များပါးစပ်မှ ပထမဦးစွာ ထွက်လာသော (Mam ma) မန်မ (မြန်မာဘာသာ ဖြင့် ဆိုရလျှင် မေမေ)-ဟူသော စကားလုံးသည် လက်တင်ဘာသာမှလာသော စကားလုံးဖြစ်၍ “သားမြတ်”-ဟု အဓိပ္ပါယ်ရလေသည်။

စက်ကိရိယာဆန်ဆန် ရှုပ်ထွေးပွေလီလျက်ရှိသော ရင်သား (ဝါ) သားမြတ် တည်ဆောက်ပုံကို ပီပီပြင်ပြင် နားလည်နိုင်ရန် မလွယ်ကူလှပေ။ မွေးကင်းစ ကလေး၏ ရင်သားပင်လျှင် အလုပ်လုပ်လျက်ရှိပေသည်။ ကလေးမွေးလာလျှင် မွေးကင်းစ ကလေး၏ ကိုယ်တွင်း၌ နို့ရည်ဓာတ် အနည်းငယ် ပါလာသည်။ ယင်းနို့ရည်ဓာတ်များသည် မိခင် ဟိုမုန်း (Hormones) မှ လက်ခံရရှိလာသော နို့ရည်ဓာတ်များ ဖြစ်လေသည်။ မိန်းကလေးတယောက်၏ ရင်သားသည် မွေးသည့်အချိန်နှင့် အရွယ်ရောက်သည့်အချိန်စပ်ကြားကာလ တလျှောက်တွင် အပြောင်းအလဲ တစုံတရာမရှိဘဲ နဂိုအနေအထားအတိုင်းပင်ရှိသည်။ အရွယ်ရောက်လာသောအခါ အကြို မိခင်လောင်းအသွင်ကို ဆောင်သောအားဖြင့် ရင်သားအနေအထားသည် အပြောင်းအလဲ ဖြစ်လာလေသည်။ 

သားမြတ်တခုတွင် နို့ရည်ပို့ပေးသော လမ်းသွယ်(နို့ကြော) ၁၅-ခုမှ ၂၀-အထိ ရှိလေသည်။ ဤလမ်းသွယ်များသည် သားမြတ်ထိပ်ဖူး (သားမြတ်ခေါင်း)၌ ဆုံမိကြလေသည်။ လမ်းသွယ်တခုစီသည် မိမိလမ်းကို မိမိချဲ့ခြင်းအားဖြင့် နို့ရည်သိုလှောင်သော ပိုက်ပြွန်များသဖွယ် ဖြစ်ပေါ်လာသည်။ ပုံသဏ္ဍာန်အားဖြင့် သားမြတ်အနေအထားသည် အမြစ်ဖြတ်၍ ထောင်ထားသော သစ်ပင်နှင့်တူလေသည်။ သစ်ပင်၏ အကိုင်းအခက်များသည် သစ်ရွက်သို့ ပို့ဆောင်သော အစာ သွားရာလမ်းကြောင့်ဖြစ်သကဲ့သို့ ၂၀-မျှရှိသော နို့ရည်စီးကြောင်း လမ်းသွယ်မျးသည် သားမြတ်အတွင်းသားနှင့် သားမြတ်ထိပ်ဖူးစပ်ကြား နို့ရည်ပေါင်းကူး လုပ်ပေးသော လမ်းသွယ်များဖြစ်လေသည်။

အမျိုးသမီးတယောက်သည် အရွယ်မရောက်သေးသမျှကာလပတ်လုံး ၄င်း၏နို့ရည်သွားလမ်းသည် မဖွံ့ဖြိုးသေးပေ။ သားအိမ်သည် မိမိ၏တာဝန်ကို ထမ်းဆောင်သောအခါ (Oestrogen) နှင့် (Progesterone) ဟူ၍ ပေါ်ပေါက်လာလေသည်။ (Oestrogen) သည် နို့ရည်ပြွန်လမ်းကြောင်း ကြီးထွားလာရန် လမ်းထွင်ခြင်းတာဝန်ကို ထမ်းဆောင်ပေသည်။ Progesterone သည် နို့ရည်ကို ထုတ်လုပ်ပေးသော အခန်းငယ်များ (ကန်ငယ်များ) သဘာဝအတိုင်း ရှိသင့်ရှိထိုက်သည့် အခြေအနေဖြစ်လာအောင် ဖန်တီးပေးခြင်းတာဝန်ကို ထမ်းဆောင်ပေသည်။ (Oestrogen နှင့် Progesterone တို့ကို ဟိုမုံးအမျိုးအစားထဲတွင်လည်း ထည့်သွင်းသတ်မှတ်ထားကြသည်)။

သားမြတ် ထင်ထင်ရှားရှား ပေါ်လာသည်အထိ ရင်တွင်း ပြောင်းလဲမှု အဆင့်ဆင့်မှာ နှစ်ကာလ များစွာ ကြာလေသည်။ ရှေးဦးစွာ သားမြတ်၏ ဖိပ်ဖူးသည် သေးငယ်ပေသည်။ သို့သော် နောင်သောအခါတွင် အသားမျှင်များ ဖြစ်ပေါ်လာပြီးလျှင် အတန်ငယ်မာကျောသော အသားဆိုင်ထိပ်ဖူး ဖြစ်ပေါ်လာလေသည်။ ဤထိပ်ဖူးသည် ကလေးငယ်ပါးစပ်နှင့် အလောတော်ဖြစ်ရုံအထိ တဖြည်းဖြည်း ကြီးထွားလာလေသည်။ ၄င်းထိပ်ဖူး ပတ်ဝန်းကျင်တွင် (ကလေးနို့စို့သောအခါ အဆင်သင့်ရှိစေရန်) နို့ရည်များ စုဝေးလျှက် ရှိလေသည်။ ၄င်းနေရာကို (Pigmented Zone) ဟု၎င်း၊ (Areola) ဟု၎င်း ခေါ်သည်။ အဆိုပါစက်ဝန်းနေရာကို အဆီဓာတ်ပြည့်ဝစွာ ပါသော သွေးအိမ်များ ဝိုင်းရံလျက်ရှိသည်။ ဤသို့ ဝိုင်းရံလျက်ရှိခြင်းမှာ ကလေးငယ် နို့စို့လျက် ရှိသောအခါ နို့မခန်းခြောက်ရန်နှင့် သားမြတ်ထိပ်ဖူး အသားမျှင် ကွဲအက်ကြမ်းတမ်းခြင်းကို ကာကွယ်ရန် ဖြစ်လေသည်။

သားမြတ်အနေအထား ပြောင်းလဲမှုနှင့် ကိုယ်ဝန်ဆောင်မှုသည် ဆက်နွှယ်လျက်ရှိ၏။ ကိုယ်ဝန် ၂-လမျှ ဖြစ်လာသောအခါ သားမြတ် ကြီးထွားစ ပြုလာ၏။ ထိုအခါ နို့သီးခေါင်း စက်ဝန်းသည် ညှိုးစ ပြုလာ၏။ ဤသည်ကား ကိုယ်ဝန်ရှိခြင်း၏ လက္ခဏာဖြစ်၏။

ကလေးမွေးပြီး ၂-ရက်မှ ၄-ရက် ကြာပြီးနောက် မိခင်၏ သားမြတ်မှ ဝါကျင့်ကျင့်နှင့် စေးလျက်ရှိသော ခွန်အားကို မဖြစ်စေနိုင်သော အရည်တမျိုး ထွက်လာလေသည်။ ၄င်းကို နို့ရည်ဦး (Colostrum) ဟုခေါ်လေသည်။ ၄င်းနို့ရည်ဦး၏ အာနိသင်များမှာ အတန်ငယ် ဝမ်းလျှောစေခြင်း၊ ချွဲသလိပ်ကို သန့်စင်စေခြင်း၊ ကလေးငယ်၏ အစာချေ လမ်းကြောင်း တလျှောက်တွင် မလိုအပ်သော အရာများကို ဆေးကြောသုတ်သင်ခြင်းများ ဖြစ်လေသည်။

၎င်းအပြင် နို့ရည်ဦးတွင် ရောဂါပိုး ကာကွယ်နိုင်သော သတ္တိထူးများ ပါသောကြောင့် ၄င်းသည် မွေးခါစ ကလေးငယ် ရက်သားအရွယ်တွင် ရောဂါများကို ကာကွယ်နိုင်လေသည်။

မွေးကင်းစ ကလေးသည် ပထမရက်အနည်းငယ်တွင် ကိုယ်အလေးချိန် လျော့တတ်၏။ ထိုအချိန်တွင် အာဟာရလိုအပ်ပေသည်။ ကလေး ရက်သားအချိန်တွင်ပင် မိခင်၏ သွေးအိမ်မှ (Prolactin)ခေါ် ဟိုမုန်းများ ထွက်ပေါ်လာသည်။ ယင်းဟိုမုန်းသည် နို့ရည်ကို စတင်၍ ဖန်တီးပေးသော ဟိုမုန်းဖြစ်လေသည်။ (Prolactin ကို မိခင်၏ စူးရှသော မေတ္တာဟုလည်း ခေါ်သည်။ ၄င်းသည် ဟိုမုန်းတမျိုးလည်း ဖြစ်သည်)။ ၄င်းတွင် ထူးခြားသော ဂုဏ်သတ္တိများ ရှိ၏။ ၄င်းသည် ကာမဆန္ဒနှင့် ဓမ္မတာပေါ်မှုကို နှိပ်ကွပ်နိုင်၏။ မိခင်၌ Prolactin ရှိနေပြီးလျှင် မိခင်သည် ကလေးငယ်အား ဆက်လက် နို့တိုက်နေသမျှကာလပတ်လုံး နောက်ထပ်ပဋိသန္ဓေ လွယ်လွယ်ကူကူ မဖြစ်လာနိုင်ပေ။ ထို့ကြောင့် နို့တိုက်သော မိခင်အများ သားသမီးဝေးကြသည်။

မိခင်၏ သားမြတ်မှ ထွက်လာသော နို့ရည်သည် အလွန်အံ့သြစရာကောင်းပေသည်။ မိခင်၏ နို့ရည်နှင့် တူသော နို့ကို ဓာတုဗေဒပညာရှင်များသည် ယခုထက်တိုင် ဖန်တီးတီထွင်၍ မရနိုင်သေးပေ။ ဖန်တီးရယူသော နို့ရည်အမျိုးပေါင်း များစွာပေါ်ပေါက်နေသည်မှာ ကြာလေပြီ။ သို့သော် ယင်းနို့ရည်များသည် ကလေးငယ်၏ လိုအင်ကို အပြည့်အဝ မပေးနိုင်ပေ။

ပင်လယ်ဖျံမှ ရသော နို့ရည်တွင် ပါသော အဆီဓာတ်သည် လူနို့ရည်တွင် ပါသော အဆီဓာတ်၏ ၁၂-ဆ ရှိသည်။ နွားကလေး တကောင်သည် ရက် ၆၀-အတွင်း အလေးချိန် ၂-ဆ နီးပါး ရှိလာသည်။ လူကလေးငယ် ကြီးထွားနှုန်းနှင့် နှိုင်းယှဉ်လျှင် ကလေးငယ် ရက်ပေါင်း ၁၂၀-အတွင်း ကြီးထွားသည့်နှုန်းနှင့် ညီမျှလေသည်။ 

နွားနို့တွင်ပါသော အသားဓာတ်သည် လူနို့ရည်တွင်ပါသော အသားဓာတ်၏ ၂-ဆ၊ နွားနို့တွင်ပါသော ထုံးဓာတ်သည် လူနို့ရည်တွင် ပါသော ထုံးဓာတ်၏ ၄-ဆ၊ နွားနို့တွင် ပါသော မီးစုန်းဓာတ်သည် လူနို့ရည်တွင်ပါသော မီးစုန်းဓာတ်၏ ၅-ဆနှင့် ညီမျှလေသည်။ 

သားမြတ်မှ နို့ရည်ထွက်ပေါ်ခြင်းမှာ သိပ္ပံနယ်ပယ်တွင် ထူးဆန်းအံ့သြဖွယ်ရာ အနေနှင့်ပင် ရှိနေဆဲဖြစ်ပေသည်။ နို့ ၁-အောင်စ ရရှိနိုင်ရန် သားမြတ်အတွင်း၌ သွေးအောင်စ ၄၀၀-လည်ပတ်ရမည်

ဖြစ်သည်။ သွေးထဲ၌ပါဝင်သော ဓာတ်များနှင့် နို့ရည်ထဲ၌ပါသော ဓာတ်များမှာ မတူပေ။ ဥပမာ-သွေးထဲ၌ ပါသော (Sugary Glucose) ခေါ် အချို ဂလူးကို့စ်ဓာတ်သည် နို့ရည်တွင်ပါသော (Lactose) ခေါ် သကြားဓာတ်နှင့် ထပ်တူမဟုတ်ပေ။

သွေး၌ပါသော (Amino acids) ဓာတ်ကို ဖယ်ရှားခြင်းဖြင့် နို့ထဲ၌ (Complex Protains)ဓာတ် ကျန်ရှိလေသည်။ ထိုနည်းတူစွာ သွေးထဲတွင် (Fatty acids) ကို ဖယ်ရှားခြင်းဖြင့် နို့ထဲတွင် (Fats) ဓာတ်များ ကျန်ရှိလေသည်။

ကလေးငယ်တယောက် ကြီးထွားလာရေးအတွက် လိုအင်များကို ဖြေရှင်းနိုင်ရန် ထူးခြားသော စွမ်းရည်များကို သားမြတ်တွင် တွေ့ရှိနိုင်ပေသည်။ မိခင်၏ သားမြတ်မှ ထွက်လာသော နို့ရည်အောင်စ အနည်းငယ်သည် ၇-ပေါင်မျှ လေးသော ကလေးတယောက်အဖို့ တနေ့အတွက် လုံလောက်ပေသည်။ ကလေးငယ် ကြီးထွားလာသည်နှင့်အမျှ မိခင်၏ သားမြတ်သည် ကလေးလိုအင် ပြည့်ဝလေအောင် နို့ရည်ကို ပို၍ထုတ်ပေးလေသည်။

ကလေးတယောက်ကို နို့ဖြတ်လိုလျှင် ဆေးဝါးအကူအညီဖြင့် သားမြတ်ကို ပြုပြင်ပေးရသည်။ ဤသို့ ပြုပြင်ခြင်းသည် နောက်ထပ်နို့ရည်ထွက်ခြင်းကို တားဆီးပိတ်ပင်ရန် ဖြစ်သည်။ နို့ရည်ထွက်ခြင်း တစတစ နည်းရာမှ နောက်ဆုံး၌ နို့ရည်သည် ခန်းခြောက်သွားလေသည်။

သားမြတ်သည် လူသားအားလုံးသာမက လူမှအပဖြစ်သော နို့တိုက်သတ္တဝါမှန်သမျှလည်း မှီခိုအားထားရာ ဖြစ်ပေသည်။ သားမြတ်သည် ကလေးငယ်အတွက် နို့ချိုယိုစိမ့် စီးဆင်းရာဌာန ဖြစ်သည်ဟု မှတ်ယူသည်ထက် ဘဝအသက်ဆက်ရာဌာန (ဝါ) အသက်ကို စတင်တည်ဆောက်ပေးရာဌာနဟု မှတ်ယူလျှင် ပို၍သင့်လျော်ပေမည်။

၁၉၆၁-ခု နိုဝင်ဘာလထုတ် ရီးဒါး(စ်)ဒိုင်ဂျက်(စ်)မှ ''The Brest and its Mysteries'' ကို ပြန်ဆိုသည်။ 

မောင်မောင်သိန်း (စိတ်ပညာ)

ဦးပိန်တံတား

ဦးပိန်တံတားဆိုလျှင် အများစုက ကြားဖူးကြပေမည်။ မြန်မာပြည် အထက်ပိုင်းက ပို၍ သိကြသည်။ သို့သော် တံတား၏ သမိုင်းကြောင်းကို သိရှိသူ နည်းပါးပေမည်။ ဦးပိန်တံတားခေါ် တောင်သမန်တံတားသည် အမရပူရ (တောင်မြို့) ၏ အနောက်ယွန်းယွန်း တဖာလုံခန့်တွင် တည်ရှိ်သည်။ တံတားနှင့် အင်းပတ်လည်တို့တွင် စေတီ၊ တန်ဆောင်း၊ ဘုရားကျောင်းများနှင့် မယ်ဇယ်ပင်တို့ ၀န်းရံထားသည့်အတွက် သာယာကြည်နူးဖွယ်ရာ ကောင်းလှသည်။

သက္ကရာဇ် ၁၂၁၁-ခု (၁၈၄၉) တွင် ကုန်းဘောင်ဆက် န၀မမြောက် ပုဂံမင်း၏ လက်ထက်တွင် တည်ဆောက်ခဲ့သည့်အတွက် ယခုအခါ နှစ်ပေါင်း ၁၅၀-ကျော်ပြီဖြစ်သည်။ ထိုတံတားကို မြို့စားရေးဖြစ်သူ မောင်ပိန်က တည်ဆောက်ခဲ့သည့်အတွက် ဦးပိန်တံတား-ဟူ၍၄င်း၊ တောင်သမန်အင်းကြီးကို ဖြတ်ကျော် တည်ဆောက်ထား၍ တောင်သမန်တံတား-ဟူ၍၄င်း ခေါ်ကြသည်။

ပုဂံမင်း၏ ငယ်ကျွန်များ ဖြစ်ကြသည့် မြို့ဝန်ဘိုင်ဆပ်နှင့် မြို့စာရေး မောင်ပိန်တို့သည် မင်းနှင့်အကျွမ်းဝင်ကြသည့် အတွက် အင်းဝနန်းတော်ဟောင်း၊ အိမ်တော်ဟောင်းတို့မှ စွန့်ပစ်ရမည့် သစ်တို့ကိ်ု ဘုရင်၏ ခွင့်ပြုမိန့်ကို ရယူ၍ အသုံးပြုခဲ့ကြသည်။ ၁၂၁၁-ခုတွင် စတင်ဆောင်လုပ်၍ ၁၂၁၃-ခုတွင် ပြီးစီးသည်။ တည်ဆောက်ချိန် ၂-နှစ်ကျော်ကြာခဲ့သည်။

ရှေးခေတ် မြန်မာအင်ဂျင်နီယာ ပညာရှင်များ၊ မှန်ချိန် စသည်တို့ အသုံးမပြုနိုင်မီ ခြေလှမ်းဖြင့် တိုင်းတာ တည်ဆောက်ခဲ့ကြသည်။ လှိုင်းဒဏ်၊ လေဒဏ်တို့ကို ကြံ့ကြံ့ခံနိုင်စေရန် ရည်ရွယ်၍ ဖြောင့်တန်းစွာ မတည်ဆောက်ဘဲ တောင်ဘက်သို့ ဦးမော့၍ ကွေ့ဝိုက်ပြီး ကျင်တွယ်ချိုးပုံစံ တည်ဆောက်ခဲ့သည်။ တိုင်များ၏ မြေ၀င် (မြေစိုက်) သည် လက်ခုပ်တဖောင်၊ (သို့မဟုတ်) ခုနစ်ပေ အနက်ရှိ၏။ မြေ၀င်တိုင်ခြေတို့တွင် အပေါက် ဖောက်ပြီး ထူးနှစ်ချက်ခတ်ထားသည်။ ၀ရန်တာ နှစ်ဖက်ကာ၍ အခင်းကို သုံးထပ်သုံးလွှာ ခင်းခဲ့သည်။ ပြီးခါစတွင် တိုင်ပေါင်း ၉၈၄-တိုင်တိတိ ရှိလေ၏။

နောင်အခါ တံတားနှစ်ဖက်ထိပ်မှ အုတ်ခံတံတားများကို ဖြုတ်၍ သစ်သားများဖြင့် အစားထိုးလိုက်သည့်အခါ တိုင်ပေါင်း ၁၀၈၆-တိုင် ဖြစ်လာ၏။ တံတား၏ ဘေးခပ်လှမ်းလှမ်းတို့တွင် မိုးနေလုံ ဇရပ်လေးဆောင် ဆောက်လုပ်ထားသည်။ တံတားအရှည်မှာ ၃၃၉-တာနှင့် ၂-တောင် (၃၉၆၇-ပေ) ရှိ၍ တမိုင်၏ လေးချိုး သုံးချိုး ရှိသည်။ အခန်းပေါင်း ၄၈၂-ခန်း ရှိ၏။

စစ်ကြီးပြီးစက တောင်သမန်အင်းရေ ကြီးပြီး တံတားကို ရေမြုပ်ကာ လှိုင်းဒဏ်၊ လေဒဏ်ခံရ၍ တိုင်အချို့ ပြုတ်ထွက် ပျက်စီးသွားသည်။ ထိုအခါ အမရပူရ (ဖဆပလ) အမတ် ဦးဘသီ-က ဦးဆောင်ကာ ပြုပြင်နိုင်ခဲ့သည်။ ၁၃၃၅-ခုတွင် အလားတူ တဖန် ရေကြီးပြန်၍ အခန်းပေါင်း ၈၀-ကျော် ပျက်စီးခဲ့ပြန်သည်။ မဟာဂန္ဓာရုံ ဆရာတော်၏ သြ၀ါဒဖြင့် မြို့နယ်ဥက္ကဋ္ဌနှင့် စေတနာရှင်၊ အလှူရှင်များက ပြန်လည်တည်ဆောက်ခဲ့သောကြောင့် ယခုထိတိုင် ချမ်းသာစွာ သွားလာနိုင်လျက်ရှိပေသည်။

(စလင်း-မောင်မွှေးကြိုင်)